LM Cafe (已結業)

因約了朋友的關係，來到觀塘工業區一遊。經朋友介紹後，來到這間龍門咖啡室面前。可能還時值午市尾段的關係，食客還頗多，但也只需一兩分鐘就被安排就坐了。看看餐牌，下午茶時段茶餐才三十大洋一個，也頗相宜的；但當然，味道才是最重要的吧！叫了所需食品後，坐一會兒便有食物送上。叉燒湯意粉的叉燒稍韌了一點，而沙爹牛肉的辣味反而刺激了我的味蕾好一陣子。驚喜的反而是奶油多及炒蛋，奶油多烘得剛剛好，脆而不焦黑，炒蛋亦炒得嫩滑。最後便是享受跟餐的即磨咖啡，不用加錢之餘還送上拉花，確是在這個繁華的工業區享受著一點的清泉吧！

黎到觀塘 想試下d特別野食見到咁多人品評話好食就黎左試lunch time 試左常餐沙嗲牛肉面厚多士加滑蛋滑蛋意外地好味 非常幼滑另外叫了咖哩雞翼撈丁個咖哩雞翼值得一讚味道香濃而且價格便宜值得再去

去工廠區尋找美食，找到這間龍門cafe! 佈置格局上很有特色！朋友點了All day breakfast , 我點了一個扒餐，豬扒是煎的，釀得很有味道，沒有了那種雪藏味，咬下去也很鬆軟，一點也不硬，上菜時的溫度也很好，薯條的份量也很多，而且是香脆的，還有竟然有半個蕃茄，真的太抵食了，番茄入面還是熱的，沒想過這小餐廳也能提供這樣的高品質的質素。不得不提他的甜品，窩夫，他的配搭有多款選擇，分別有雪糕可選，有水果可選。它有四大件，保證你一定足夠，我選了有蜜糖，雲呢拿雪糕，士多啤梨的配搭，他還有忌廉給我們自行塗上，窩夫煮得內軟外脆，吃下去有趣卜卜的感覺，很難得，加上各個配件的配搭，甜度很適中，這個甜品有一百分了！埋單只是每人＄100左右，抵食抵讚！

食lunch碗麵份量好細，所以唔夠飽，我地大家都話要叫下午茶,就叫左LM Cafe.因為早左落單，所以唔洗等好耐就上到來了！牛油已經幫你搽好唔驚炸西多上到來時凍左搽時一舊舊溶唔到. 但唔鍾意佢糖都幫你落埋, 因為每人鍾意既甜度都唔同嫁嘛.西多炸得剛好, 唔太燶,麵包仲係軟. 花生醬搽得較薄, 有個味就得了~~大家喜歡這店因為感覺乾淨啲, 希望佢能keep住啊.

觀塘工業區有一個休閒食飯傾計的好地方。地方和空間好大，中間有一排半個人咁高的桌和椅，椅子是不同顏色，還有他們的名字是同LEGO砌成，餐牌在桌子櫃桶，十分方便客人，環境食飯十分舒服。食物的份量和質素不錯，價錢十分合宜。約$50至$100一個人，加甜品也不到$150。香蒜牛油帶子炒扁意粉$72已包括沙律，湯和熱飲，都有好多帶子。綠茶鮮奶要+$10，有拉心心圖和都好有綠茶味，喜歡綠茶的人，藉得一試。芝士焗西蘭花有好多芝士，西蘭花份量都不少，只是$28水牛芝士蕃茄沙律跟餐只需+$22，有8粒水牛芝，還有沙律菜和蕃茄也十分新鮮。流心飯餐$50有+$2有魚柳，重有芝士汁，切開蛋時有芝士流出，喜歡芝士的朋友就不要錯過。它包了一個幫飲，焦糖咖啡只+10，咖啡上有拉心心圖，焦糖味也十分香。不能少的當然是甜品，他們有窩夫甜品，自己配搭不同口味的窩夫，醬料，雪糕和配料只需$48，我選了綠茶窩夫配藍莓醬，比利士朱古力雪糕和紅豆。綠茶夫出面比較少見，綠茶味都好香，比利士朱古力雪糕有朱古力粒超好食。

又黎觀塘搵新野食 沿住駱駝漆個邊行過去 發現依間LM cafe 由港式茶餐去西日式既都有 我去到邊都要飲磨菇湯 依度既湯特別在幾乎成碗都係磨菇粒 飲(食)完都幾飽肚 主食點左芝士汁流心蛋包飯配雞排 蛋皮做得幾滑 吉開佢入面真係流心 淡淡既忌廉芝士汁👍🏼 雞排唔只相中見到既兩塊 蛋皮下面仲收埋左三四塊 好足料！而且夠入味夠嫩滑 甜品點左綠茶窩夫配比利時朱古力雪糕 估唔到份量咁大 窩夫勝在鬆厚 朱古力雪糕入面有朱古力碎 配埋少少邪惡既cream同士多啤梨一齊食 滿足晒個甜胃😝(俾我地分食物既碟好靚 食都食得開心啲) 朋友最鐘意心太軟 睇賣相應該係自家製 一吉開啲朱古力醬湧晒出黎 好濃郁！

今日因為要去觀塘工廈一趟,無意發現左依間LM Café ,雖然離地鐵站有啲遠,不過唔算太難揾,此終都係商場地鋪一入去我地都好鐘意個環境,雖然係café 但唔難感受到個陣韓風,特別係背後播住EXO同SJ個啲歌至於MENU,因為個日係平日夜晚所以都有dinner set,而且有焗飯,意粉粉,鐵板同奄列,所以揀左好耐。最後我地三個人每人叫一個set加多個小食!!! 先講餐湯,羅宋,蘑菇同䅇米湯 其實三個都唔錯,尤其係個羅宋湯,飲落有陣好過隱既酸辣味,較值得試 我自己就叫左個白汁魚柳焗飯，除左白汁香魚柳大塊,不得不提佢塊炸魚柳炸得好香脆,真係幾好食 我地有叫左個蕃茄汁奄列意粉,因為怕淨奄列唔夠先加意粉,如果唔係跟多士或者淨奄列都ok 值得一讚係佢個奄列做到流心效果,加埋個蕃茄汁係絕配另外一個朋友就叫左我鐵板雞扒配咖喱汁,我地好鐘意可以汁另上同埋佢用左甜咖喱,另外雞扒唔會煮得太熟,所以都叫做不過不失，只係要等耐啲 最後必定要試依個炸雞,佢層炸雞皮整得超好食,啲肉又嫰滑,加上蜜糖,味道同口感都一流!!!大力推介!!!! 整體黎講好抵食嘅晚餐,選擇又多,下次會再試多次

一個平日的下午，遇上了午餐時間，無論去到那個地方，總會遇上了大排長龍地等位，在觀塘的工業區裡，也不例外呢。來到新建成的工貿大廈的地下，有兩間食店，其中是 LM Cafe 龍門冰室，嘿，早前才去過屯門的龍門冰室，不知道是否同一集團呢！坐在高枱高櫈下看著餐牌，有一系常見的炒蛋意粉厚多士的常餐，蕃茄湯等，也有著焗飯意粉，另又有小食等，不過也有西式食品，如意粉等，這都是午晚市都有得供應。不點粉麵，點來鮮茄汁焗豬扒飯（四十四個大洋）。鮮茄汁酸酸甜甜，豬扒則較為細塊，份量不多，但吃下卻是軟腍，並不太過鬆化。西蘭花（十六個大洋）是追加的蔬菜，沒有半點蠔油和醬油，故只有西蘭花的草腥味，爽脆而略有點硬。吃一碟清淡的菜，也較健康。餐飯離不開熱奶茶，有茶香滑溜，不用落糖，喝茶原有的甘味和茶香。在午市用餐，加上下雨天，也等了良久才有位呢！

午飯時間。觀塘區其實都好多選擇架噃。同事話帶我食平靚正午餐。呢間Cafe環境都不錯 有卡位有高枱 午飯時間都幾多人。 食物款式多蘿蘿 茶記食物有 西餐又有 甜品又有 特色咖啡又有 幾醃尖既朋友應該都會揀到心水食物啦。 我揀左All Day Breakfast. 講真 $68食到All Day Breakfast 都確實少有 依家好多Cafe餐廳冇八九十蚊都唔得。仲包埋餐湯 餐飲 沙律。抵！ All day breakfast賣相都不錯。幾大份。兩塊厚多士 加左牛油焗過 都幾脆。炒蛋都幾滑。香草腸 煙肉煎香過 味道都Ok. 有茄汁豆點下多士一齊食 最開心係有大蘑菇 都幾Juicy $68俾大蘑菇我食 都幾有誠意噃。 我和同事再share左個蜜糖雞翼 雞翼醃得好入味 再加埋蜜糖焗到脆脆地 不過似乎焗內左少少 雞肉輕微有點鞋口 但味道不錯架。我再跟餐追加左一個心太軟 甜品真的做得不錯 外面焗到脆脆地 中間流心朱古力醬又軟熟 夠濃味。Yummy! 我加錢飲左杯咸檸七 成半個咸檸檬 一點都唔吝嗇 配上七喜真是絕配。 同事果然冇介

今晚同個係觀塘附近做嘢既Fd食dinner，佢話不過係佢公司樓下間cafe食，佢話幾抵食。我由地鐵站行過黎，係有小小遠，不過是但啦就下佢~我又係叫All day breakfast($68)黎食，加多個日式青檸綠茶。$68一個all day，有呢啲嘢食之餘，仲有沙律同湯，又真係幾抵，塊厚多士真係好厚，仲烤得好脆，塗滿牛油。平時我唔食包，我都會照食，煙三文魚咸度適中，無腥味，pass！好厚既大蘑菇，煙肉，炒蛋等等，全部都係估唔到可以有高過$68既水準。坦白講，出面食，要$98先有呢種水準！羅宋湯好多菜，沙律菜幾乾淨，果然好介紹~花茶既器皿勁靚！個綠茶雖然係茶包，不過夠茶味，除左青檸之餘，仲飲到其他花味。個fd要鮮牛肉太陽蛋撈丁($36)美式咖啡。我開頭都有啲唔明，menu係中西都有，原來係龍門冰室既cafe style，因為馬蹄徑既龍門冰室原來係佢兄弟黎。我都有食左小小，份量係多既，鮮牛唔韌，撈丁唔會太乾身，不過個人重口味，豉油汁再咸啲其實都ok。椒鹽雞翼就真係夠哂椒鹽，入哂味！$38有8隻，比起正常市價都係平左。Waffle($48)好好食！好香又夠鬆軟！好似食緊蛋糕咁，黑色一粒粒係藍

和友人在觀塘學完空中瑜珈 筋疲力盡 在附近搵間餐廳歇歇兼補充體力先得。經過一個中心 見到LM cafe的廣告 近近地 咪去睇下。見個menu超級多元化 咪入去啦。已經八成滿座 侍應安排我們坐高枱 其實我都幾鐘意 因為覺得私隱d 女生傾計方便點 哈哈。 食物選擇好多 輕食如沙律 多士又有 意粉 All day breakfast 勁量級鐵扒都有 茶餐廳fans都唔會失望 奄列公仔麵個d應有盡有 真是可以滿足到唔同人的需求 讚！ 我們做完運動 唔敢食太多 叫左一個晚餐 配上沙律 餐湯 主菜係黑松露蘑菇炒天使面。 沙律菜好新鮮 唔係普通西生菜 有三種 再加粟米車厘茄 爽脆 配上香醋汁好清新 幾開胃。 羅宋湯 幾足料喎。欣賞佢唔係蕃茄溝水 而真是真材實料 好香 帶少少辣。正。黑松露蘑菇炒天使面 天使面炒得火喉剛剛好 唔會過腍。諗住將意粉上面的松露醬撈混的時候 發現原來天使面已經用松露醬炒過 難怪咁香濃既味道。Yummy 最後仲叫左一份朱古力窩夫。即叫即做 熱辣辣 好新鮮。賣相都不錯 配上榛子朱古力醬 綠茶雪糕 香蕉。窩夫有蛋香亦有朱古力味 甜度適中。

難得在觀塘放工，順道去工廠區搵食，經過這間LM Cafe，地方都好寬闊，有卡位有普通位同4人坐的高台，環境裝修簡潔而明亮。原來佢中文叫做龍門冰室，感覺是有懷舊茶餐廳crossover Cafe茶座。當天是平日晚上，但也坐了一半客人。我就嗌左個英式早餐,有茄汁豆,豬肉腸,沙律,薯餅，滑蛋，焗大蘑菇，煙肉同厚多士。覺得最好味是滑蛋，厚厚的又香濃，好似食緊厚燒玉子咁，而且好滑溜。煙肉不像平時整到肉干咁，反而好似食緊新鮮的豬肉片咁，仲係嫩嫩的，肥肉偏少，完全是我杯茶呀!!最緊要唔會鹹得過份。而個厚多士塗滿牛油，外脆內軟，夾滑蛋食1流 !豬扒拼薯菜，配蒜蓉汁。大大塊豬扒厚薄適中，肉質嫩滑有肉汁，蒜蓉汁味道剛好點綴了豬扒并且不會蓋過其鮮味。薯菜滿滿的，份量出奇地多，剛剛炸好唔會軟淋淋，外皮仲有點香脆。最有特色是它的花茶，我叫左個地中海之戀嚟試。最開心是套茶具好典雅!好靚!英式茶具裝住個茶包，未飲已經有種置身田原的感覺，再加上花茶飲落甘甜和有薰衣草香氣，成個人都放鬆落嚟，淡而不濃，可以飲好多次。女仔一定會鍾意。 一見到窩夫，朋友眼睛發光話一定要食。於是就叫左個原味窩夫。 一碟4大件的窩夫伴有crea

迷上了去焗岩盤浴, 出了一身汗立即輕了又排毒,同時間焗完是會很肚餓的, 店員說是因為新陳代謝加快了。SEARCH 了OPENRICE, 見評分很高, 消費更只是100元內,相片也拍的不錯, 行經街市見到新的商業大廈地下就到了。一入到很大, 環境好有CAFE架感覺, 貪心的我倆想多吃幾款,就集中在小食身上, 叫了好幾個SHARE, 真心講真的便宜到一個極點。芝士肉醬焗薯條$25 有芝士已經加分, 因有了芝香及點鹹味,淋多層肉醬在面,味道豐富又惹味 點控制到唔食, 個薯條要快點享用, 因被肉醬蓋住易變腍身,還有芝士要熱及溶身才PERFECT。第二客是瑞士雞翼 有成4隻皮有甜味同豉油香, 煮至骨肉分離,肉又軟滑真是煮了很長時間才有的效果。韓式炸雞有成5大件, 不過醃得鹹左點, 我喜歡在旁的粒粒, 似食CEREAL BAR, 係有燕麥杏仁同蜜糖, 脆脆地又有蜜糖甜味同有點黏身。芝士窩夫,朱古力醬,GREEN TEA雪糕,草莓就成了獨一無二架窩夫,芝士味唔太重, 好濕潤架窩夫, 球GREEN TEA雪糕個綠茶味好出。帶子意炒,帶子肉太碎, 不過意炒又幾爽, 有D橄欖油提下香味,個SET仲有沙律跟

偶爾見到同事在公司外賣雞脾薯條或沙律雖然這類食物是邪惡的食品但傳來那陣肉香味，那種誘人魔力讓人又愛又恨抗拒不了、很想即時埋去分一杯羹大部份餐廳嘅下午茶，甚至於cafe都有雞脾配沙律或薯條，包埋飲品早兩日同朋友去下午茶今次又去在LM cafe ，我地都叫咗雞肶此等邪惡食物我地因為想减輕邪惡感，吾敢食炸肶我選擇油雞肶沙律朋友叫咗個油雞肶薯條，唉，薯條其實亦歸邪惡一份子不過我地唸住食完有排食番清淡食物仲有佢食左佢一半沙律，我亦食咗我幾條薯條三個字形容（快靚正）五分鐘全部到齊雞肶雖然吾算巨型，都算大隻鹵水味好濃，難得係全熟仍然保持嫩滑口感好好，咬落口好有肉汁薯條應該即叫即炸，十分燙口，薯味濃沙律有薯粒，紅蘿葡粒，我至愛碎蛋粒蛋粒味道香配合沙律醬味道啱啱好不過吾夠凍，如果雪凍啲就最好凍飲宜家轉咗用鐵杯上一樣咁大抔所以同區呢度雖然是地舖但是偏靜角位下午茶感覺越來越多人了，有時會等一下會因為好多人都識得比較，日昇中心屬甲級寫字樓此cafe設置在商場內，下午茶連埋凍飲收$29相比在金鐘或中環那些甲級商夏中的Cafe這個價錢的確十分親民我覺得呢個餐吾止係下午茶,而且係我地嘅Late Lunch

週六早上要到觀塘辦點事，午餐於附近進食。是日到訪的餐廳 LM Cafe 開業於一簇新的商廈，主要提供西式及港式食品，定位介乎西餐廳與茶餐廳之間。筆者點了一份是日午餐，附送田園沙律一客。菜蔬鮮爽度不俗，以香醋提味酸香醒神亦較用沙律醬汁健康。與細周生同行，普通飯餐意粉都未必合他心意，還是一個奶油脆豬最合心。這件奶油脆豬，奶油餡料十足平均，豬仔包外層溫熱脆口，內裏鬆軟，十分出色，評分比翠X更佳！鮮牛肉 • 3.6 北海道牛乳炒蛋鮮茄濃湯通粉，鮮牛肉口感雖軟，但無乜味。炒蛋外觀雖比預期熟一點，但質感遠比想像香滑，難道 3.6 北海道牛乳真的這麼神奇？！至於湯底，蕃茄味酸香清新，口味自然，不俗。午餐的卡邦尼亞意粉賣相普通，醬汁略稠身，味道 OK。醬汁中以帶子粒、雜菌及洋蔥作餡，三者中筆者最愛惹味洋蔥。至於意粉本身，建議烹煮時間可稍減一點，再配合稀一點的醬汁，食感會變得更清爽及富彈性。餐飲熱咖啡，奶量相對多，口味平和滑身，幾好味！整體來說，餐廳的食品比預期美味，性價比合理，可作為平日開飯之好地方。