LM Cafe (已結業)

觀塘放工時間勁多人，要搵好野食都可能要迫下，今日同男朋友由APM出發，行到去熟食市場果邊，搵到間LM CAFE，睇落環境唔錯，所以就入去食喇。雖然CAFE環境靚，但價錢唔貴之餘仲幾抵食喎，三十幾蚊，分分鐘抵過大X樂果D...原來每個星期四7:30仲有人黎唱歌，只會唱慢歌，所以都好有情調，如果餐廳唔係咁多人就更浪漫。咁岩見到隔離檯成班男士都嗌左鐵板餐，上菜時我都嚇左嚇，勁大碟，意粉另上都係好大碟，只係$50-68，好抵食，不過我同男朋友唔想食咁多肉，打消呢個念頭。我同男朋友都揀左DINNER SET, 相比起其他食品貴少少, 不過都仲係抵食。男朋友揀左傳統英式早餐$68，呢D早餐都係大大份，但呢度既食材真係好多，最令人驚喜的係有煙三文魚，男朋友唔食三文魚所以俾左我食，味道不錯呀! 而沙律都好新鮮，不過D醬汁流左係底，食果陣記住要撈下佢。而我鍾意食海鮮，就揀左香蒜牛油帶子炒意粉$72，帶子都幾多，而且仲幾大粒添，香蒜牛油令到個意粉好香、好惹味。食到最後其實都幾飽，但又心思思加多個小食--韓式炸雞。炸雞外面有蜜糖，加上少少燕麥，食落好特別，外甜內咸，外脆內軟，如果飲啤酒應該唔錯，呢間餐廳都有

同友人兩個夜晚在觀塘搵食，因為差唔多9點我地又想搵個地方傾下計，所以就蒞到呢間LM CAFÉ. 我地叫左兩個鐵板餐，一個雞一個魚，分別配黑椒汁同咖哩汁，都係跟飯。蒞到每個鐵板都有兩塊扒，呢個價錢都算係咁。黑椒汁無咩特別，咖哩汁比較咸同辣。雞扒的大小都有手掌咁大，魚就比較鬆散。飯同鐵板係分開上的，都無自己淋汁呢回事，好同唔好就睇個人啦。最後叫野飲都係包熱飲，凍飲加$3。我叫左杯熱檸茶，檸檬多到有成半個係入面😱拎起檸檬得返半杯茶，澀味完全出嘥蒞！我見普遍都係叫凍飲，可能比較明智😂個環境好好，岩大班人又岩兩三知己蒞食，不過比較嘈，想要浪漫安靜就唔係好岩。不過想要好境又抵食呢度係不錯的選擇。

由於7月1日星期5係紅日加上黎到一星期既尾聲，於是，星期4，我約左好朋友一齊去到LM CAFE 度食飯。點知原來LM Cafe 逄星期4都會有life brand，即刻令到我地既Holiday Mood 倍增呀！我地叫左2個主菜、兩款小食加一個甜品已經飽到食唔落啦！因為食物既份量都賀係幾多架！所以點餐時大家要注意食量喔！1. 香蒜牛油帶子炒意粉 $72帶子份量十足，大大粒之餘仲有5粒以上添！不過，味道比較淡，不喜歡濃味既朋友就最適合不過啦！2. 蜜糖雞翼 $38雞翼燒得很乾身，而且肉質幼滑。不過，味道較淡，如果蜜糖味再濃一點會較好。3. 芝士焗西蘭花 $28$28 一大碟！份量十足，淡淡既芝士味，味道十分不錯！4. 雜扒鐵板餐 $68我選擇左薯菜配黑椒汁。呢個扒餐真係2個人share先食得晒！真係大件夾抵食！而且當中既豬扒、雞扒好入味，再加上一隻荷包蛋，簡直係平價既美食之選呀！5. YOUR WAFFLE $48雖然，已經好飽啦~但係女人係用第2個胃黎食甜品架麻~於是我地叫左WAFFLE，雖然本身我地係叫左配藍莓而最後佢俾左香蕉我地。不過，我地發覺朱古力WAFFLE 現配香蕉真係好好味

見佢開左係熟食市場對面，咁岩今晚無咩野做，放工就行左入去。無諗過佢閒日晩都咁多人！睇完個餐牌就明！鐵板餐都只係$50起！大家樂都唔只啦！我見其他人叫，熱辣辣，滋滋滋咁，自己都有d想食！不過因爲唔算好餓，所以叫左English Breakfast. 價錢好平！只係$68！最令我impressed既係隻菇！d牛油滲左落去增加左隻菇既香味，軟硬度適中，食菇都已經覺得好享受！腸都好特别！咬落去食到肉感，咸咸地用黎中和其他食物既味都唔錯！三文魚同煙肉都係一舊仔，分量岩岩好！朋友叫左個waffle, 揀左下圖既combination，佢既waffle唔係行硬脆路線，而係行軟棉既感覺！今次揀左芝士味waffle，淡淡既芝士粉香味令waffle唔會同其他野唔夾！蜜糖+朱古力雪糕+cream+士多啤梨+waffle係好正既配搭！就咁入黎食waffle都覺得抵！個雪糕仲有d朱古力碎！正！我地坐既係高枱高凳，環境都幾舒服！

兩個女仔觀塘搵食，又平又企理首選一定係LM cafe！午飯時間黎真係好多人，又要等一陣位，夜晚黎就完全無呢個問題，唔使等位即入，環境又無咁嘈吵，可以聽真啲啲歌。強烈推介「流心奄列飯」（咖哩+雞）啲蛋又滑又濃蛋味，淨係蛋都可以清大半碟飯！雞方面，只有三件雞塊.... 一睇到講真真係失望嘅，諗住係雞扒，之前黎都係雞扒，而家連切的機會都無....但一食「噢！」又幾好味喎，腌得好夠味，要多兩件得唔得呀焗意粉（芝士+雞）應該係即叫即焗嘅，要等耐少少，但等係值得嘅，雞塊同樣好味（同樣得三件...） 芝士好香，話唔食咁多點知成碟清哂埋單兩個人一百都唔使，又平又好味又好坐，啱哂我地呢啲慳家的女生～

同個fd去左觀塘shopping 諗住係附近搵間餐廳食野 但又唔想食放題 所以係openrice到睇下 咁岩見到lm cafe d野食都幾岩我食 就去試下啦 去到中海日升中心 個商場仲有好多單位空置左 所以lm cafe好易搵到 一開始我以為又會好似係主題cafe 點知完全唔同地下d磚有種懷舊feel 但其他裝潢同飾物好西式feel 我都幾中意呢種幾舒適既裝修 入到去已經客似雲來 仲有好多留位 好彩我地早到先有位 我地已經好餓所以即刻叫野食 叫左一個雜扒餐 蕃茄芝士意粉 芝士肉醬薯條 牛奶雪糕紅豆冰 同埋窩夫雜扒餐有得配飯 意粉 或者薯條 又有唔同汁揀 比起出面d雜扒鐵板抵食好多而個蕃茄芝士意粉好大碟 個底好深 而個芝士唔會令我地覺得膩 小食方面 我地叫左個芝士肉醬薯條 保溫既程度好高 我地一路食都唔會變凍 不過芝士味道就比較偏重 我呢d較重口味既人就岩曬 杯紅豆冰好足料 除左勁多紅豆之外 d椰奶好多好重 而雪糕係大粒到同個杯口咁大 如果佢再大杯d 我淨係飲野都飽食到一半 突然聽到有人係到試咪 我另轉頭睇 原來係有隊band係到唱歌 我好中意音樂 本身間餐廳已經播住d流行曲令我一路食一

夜晚六七點接完個朋友放工就諗住girls talk一晚 不過觀塘工業區真係唔上網做下research都唔知邊間大廈邊層有荀野食 行到駿業街其實都眼見無乜好野食 經過中海日升中心附近都有餐廳 不過中心就好似得個空殼咁乜都無 不過就見到門前有一個大牌--LM cafe 野食選擇多 有厚多士 通粉等常餐，雖然係叫cafe不過就好似普通茶餐廳，再睇多幾頁發現有芝士類小食 意粉，扒餐，甜品tim 價錢大概50-70，中等價錢多款食物吸引左我地入去 七點入到去都唔算太多人 四四方方又高樓底，空間感足，裝修仲唔錯，環境衛生乾淨，加埋地下pattern枱櫈唔同配搭既色 令我對cafe留下第一美好印象呢！小食方面我叫左韓式炸雞，成日網上聽到韓炸雞 都好想試，今次尼個炸雞有燕麥配搭，甜甜地唔驚食到我滯仲有雞肉厚，唔係得舊粉，所以都算唔錯既前菜，哈哈另外我叫左芝士四式意粉，我好中意食芝士但又怕好滯，但有朋友一齊我就唔怕啦！一黎橙紅色，眼睇份量似小，但食食下先知個底好深 兩個女仔食都夠曬。講番味道真係諗起都流口口，濃烈芝士味但唔會滯 諗起都lam lam利甜品就揀左意大利芝士蛋糕，賣相好似麻麻，因為個人exp

今日約左舊公司同事LUNCH～佢地成班話LM CAFE好好食，為食既我聽到好食，就無所謂無反對LUNCH TIME 經過呢間野好多人排隊我都好想試下有幾好食＠＠我地5個人去4個人都叫左牛乳炒蛋＋蜜汁义燒飯配甜豉油無可否認個蛋係幾好食而甜豉油撈飯 其實係好食但失望既蜜汁义燒係有蜜汁但义燒又凍又硬，有保留咁各人口味唔同，我又唔覺得好似舊同事講到好好好食下次試其他野可能會有驚喜

一入到去已經覺得裝修好靚有好多大木台好適合一大班人黎食飯店員安排我地坐高木台一開始擔心太高會坐得唔舒服點知原來好舒服流心蛋餐 我叫左炸魚柳（+$2）配芝士醬同飯依個餐以流心蛋做主角可以揀飯/意粉 唔同既食物同醬汁 自由度高一切開個蛋 入面既芝士就流出黎啦個蛋勁滑 但又唔會好油 配埋流動緊既芝士好正炸魚 炸得香脆 入面既魚肉都有花心思有經過調味 好食跟餐加$20 可以有沙拉！我叫左凱薩沙拉麵包勁香脆 醬汁好充足 上面既芝士粉同煙肉碎都好正最難忘就係黑松露薯條薯條份量勁多適合一大班人開心share 食個黑松露醬好香好正黑松露同沙拉醬 好夾變得好適合點薯條食令人越食越上隱熱3.6牛奶奶滑香濃 成為今晚既完美句號

今日有個朋友要返澳洲, 我地就去左第一次認識既地方"觀塘"到食飯, 最後就去左LM Cafe。我地叫左兩個Dinner Set，一個係Spaghetti Carbonara 同Mushroom & Black Truffle Pasta。另外，我地都加左沙律同湯不過，嗰湯唔知點解有點辣,所以飲唔晒(感覺有點浪費)。沙律則配以法式沙律醬, 湯同沙律一個人食岩岩好呀!意粉方面，我覺得係不過不失的，但其麵質有點硬。不過可能係佢黎得太好，我將麵放左系枱一段時, 所以有點硬同乾。(Mushroom sauce 既味道同我諗既有啲出入，冇乜松露味)Fish & Chips比我想像中大份好多, 不過野食黎既時間真係好快，所以基本上都唔係即黎即食，所以我建議叫野食唔好一次過落，黎左先好左叫。最後,叫左呢個Waffle配Expresso,Waffle好軟熟用其點咖啡食本應好夾，但個Expersso果酸味較重，所以唔太岩我口味，不過個綠茶雪糕既緣茶味很重就超岩我食呀!

今日去咗觀塘食Lm cafe。呢間野真係平靚正喎！餐廳嘅裝飾好靚，而且餐廳播放的音樂好舒服。叫咗個all day breakfast.個份量超多，而且價錢平過出邊好多間Cafe。好鍾意食佢嘅蘑菇，整得啱啱好，而且入邊仲有好多水份，好香好好食。另外，個蛋都整得好香喎，溝埋麵包一齊食，個感覺超幸福。之後仲叫咗個窩夫。可以揀唔同嘅窩夫，唔同嘅雪糕，同埋唔同嘅窩夫配料。特登揀原味窩夫因為原味先食得出整窩夫嘅功夫。窩夫嘅出邊香脆，入邊好鬆軟，整得唔錯。加埋個綠茶雪糕，在溝埋小小紅豆，估唔到＄48都可以食到咁高質，而且分量超多嘅甜品。好滿足！Btw餐飲熱朱都幾好飲！估唔到觀塘嘅呢間Cafe買嘅嘢食價錢平，啲嘢食份量仲好大！今次真係冇揀錯！

黃昏時段黎左呢間cafe happy hour~無聽錯！係去cafe happy hour皆因呢度價錢相直！1664啤酒買2 送1,真係好抵飲飲酒當然要叫下d小食黎送下酒啦~叫左個蜜糖雞翼，雞翼肉樕夠哂滑又無雪氣味！表層有層簿簿既蜜糖，食起上黎好開胃醒神仲有薯條配黑松露沙津醬！薯條真係即叫即整新鮮熱辣辣脆卜卜！夠哂香口配上黑松露沙津醬真係好夾啤酒配薯條爽呀

星期五晚爆哂場，搭哂枱！我地叫左兩個餐，其中一個係蕃茄意粉，但係冇番茄汁既 ！原來係漏左！我地好好彩，啲野食都係等 10 分鐘就有，但我左右前面都不斷頭望望等野食，我左面兩個隔離兩個食完個沙律就呆左半個鐘！佢問嗰個女侍應 ( 有戴眼鏡的)，叫佢跟跟啲野食，聽完就黑面好唔滿意咁走左去！右邊叫兩個 all day breakfast 又半個鐘！我最欣賞就係裝修同埋本Menu，食物方面就一分錢一分貨啦，你懂的！

觀塘嘅餐廳真係越開越多，種類多不勝數～放工就一於喺附近搵食啦～～環境舒服，卡位夠闊落！餐牌上食物種類都唔少，order咗幾款同朋友share～卡邦尼意粉 $68好creamy，味道唔濃，夠曬足料，食曬成個好滿足！跟餐有沙律&湯+$16沙律菜夠新鮮，蘑菇湯足料，好多蘑菇碎，唔錯！韓式炸雞 $58外面嘅脆漿炸得夠鬆脆，又夠乾身，食落唔會成口油，配埋甜甜嘅花生碎，夠曬味！什扒餐 $68大大份，蒜汁夠香，豬扒同雞扒都煎得剛好，肉汁又夠，唔錯！整體嚟講都幾好，7點鐘全場滿座，食飽離開嘅時間仲要等位～店員有禮，上菜夠快，呢度真係啱曬我哋呢D放工之後想hea下先返去嘅打工仔！

週末經過觀塘同fd小聚。係觀塘周圍搵野食，俾我地發現左呢間cafe。店入面裝修都幾別緻，坐得幾舒服。叫左個流心奄列餐，都幾驚喜， 個蛋好滑，真係有流心，唔錯。 個魚柳亦唔係普通急凍貨，冇鞋口，食得出個種鮮味成個餐勁大份，入面d意粉煮得岩岩好唔會太霖唔會太硬食完超飽啊磨菇湯都唔錯足料，可以見到粒粒碎磨菇。仲要超滑！唔重味精！好好味啊！下次黎觀塘可以一定再幫襯!