LM Cafe (已結業)

見未開始比賽，就出去附近搵d野食下就去左呢間LM Cafe。一入門見到都好多人食，以為冇位點知啱啱好有位坐。望左個Menu一陣原本想叫個鐵板食，點知侍應話要等成15分鐘。之後我就轉左叫鮮茄汁雞扒焗飯食下。另外，叫左杯3.6牛奶飲下最後個焗飯我等左成差不多半個鐘了。雖然有少少焗得overcook左但食落又ok。同其他的焗飯比，呢個會冇咁多飯因比其他的淺點，後尾都冇食晒就走了但都飽肚的。

lmcafe 好似西餐名，其實係龍門冰室！以為咁多好評實OK ，點知中大伏😰😰😰叫左2個餐加個湯同小食:1.蜆肉天使麵啲蜆肉多就係好多啦，但係好似擦子膠咁嘅質地，咬極都唔爛😲天使麵就似米粉多啲。0分！2.蜜糖雞翼完全無蜜糖味，唔好食！3.湯同熱飲完全唔熱，頂多只係暖暖地姐。4.黎晒嘢食先至有湯飲，次序錯晒😓5.叫左3個唔同人拎熱水都無左回事，最後記得個個又拎左杯凍水黎😓其他嘢食都普通，係沙律叫做好味同價錢比較平。 無下次！

今日終於考完試拉 今日同男朋友去左遠少少既地方食野去慶祝我地辛苦左甘耐 所以決定去食好野 去左cafe到食野地方雖然吾算話好近 但行左大概6mins就到拉 都算容易揾 對於我地住系港島區既我地黎講~~入到去個環境吾錯 裝飾都幾特別 睇得出店主擺左好多心機系呢方面 而且個到都坐得好舒服 2個人去比左張大枱我地 講下我地叫左d咩野食先1.卡邦尼意粉餐意粉份量好多 可以系平時既1.5倍而且醬汁都好多 味道一流 吾會話太咸同太淡💁 配上一隻大大既蛋黃 簡直就系絕配呀！2.凱撒沙律最欣賞既系 麵包糠好夠脆！因為一向食凱撒都系只系想食個麵包糠 而加醬汁又夠多 真系值得一試呀！3.炸魚薯條冇諗過$48 既炸魚又夠大又夠厚 而且仲有2塊tim 仲有呀 炸魚同薯條吾會黑色既 證明d油系乾淨既 吾會用左好耐塊吾換 即使食緊d吾太健康既食物 都吾會太差對個身體👍👍4.黑牛第一次飲呢一類既飲品 而且出乎意料之外既系入面既雪糕竟然系名牌既雪糕Hagaz-das 仲系我最中意食既味tim!!真系好好飲呀態度一般般 冇咩特別拉 但如果有機會既我都會再去！

觀塘「新食點」，睇落裝修環境都唔錯，店內多人用餐但都唔使等位，樓底好高好空曠，係度食野令人覺得好自在。(韓式炸雞 $58)韓式炸雞幾有新意，一般的餐廳好少有得食，好脆好香口，大家都想來多件。看見都流口水呀，(黑松露薯條 $38)薯條入味，蘸上醬汁後更好吃，令人食到停唔到口。(芝士焗西蘭花 $28)芝士配西蘭花一絕，西蘭花原先没什麼味道，配芝士後胃口大增。(椒鹽雞翼 $38)雞肉嫩滑彈牙，嗅不到雞的雪藏味道，我相信大人小孩也愛吃。熱燙燙鐵板餐(鐵板餐 $68)，吃著份外滋味，豬雞扒加點蔬菜，番茄，意粉另上，成個面咁大的扒，切開充滿肉汁，格外嫩滑，蔬菜及番茄新鮮，意粉都不錯，把我的肚皮解開了。 

位於觀塘裏開業的西餐廳，家姐對於西餐廳讚不絕口，很受顧客喜愛，美食俘虜了我們，於是她帶我同家人來到LM Cafe食晚餐，享受廚師精心炮製的美食，那一刻我覺得很幸福和高興。店內空間闊落，特高樓底，人多也不感覺侷促，高餐桌蠻舒服，空間感很好，二口子或一家人到來享受美食都適宜。 進入餐廳後，我們立即看餐牌，餐牌選擇都很好，美食當前無法抵擋，吃得滿足一點。侍應會按客人需要把美味的菜色推介，我們都很鐘意，價錢都很相宜。 牛油帶子意粉 $72套餐包括餐湯，沙津，意粉及飲品，餐湯我選擇了羅宋湯味道香濃，開胃的感覺，沙津材料新鮮豐富，份量挺多，蔬菜入口清爽，牛油帶子意粉口感很好，帶子令人品嘗到鮮味，意粉帶嚼勁，味道很清新，飲品叫了熱柑子蜜，柑子蜜潤喉，喝後喉嚨感到一陣舒適。 鐵板餐 $68鐵板餐選擇了雜扒，分別有豬扒，雞扒，煎蛋，番茄及少量蔬菜，配上意粉，這鐡板來到時非常熱，豬扒及雞扒仲好大大塊，比想像中大件及厚身，肉質嫩滑，入口無渣的豬扒及雞扒，意粉彈牙，配蒜蓉汁更惹味。 黑松露薯條 $38黑松露薯條不會太多油膩，配以二款的醬汁，小妹喜愛二款味道的醬都點少許，口感細膩，口腔中的香味久久不散，非常滋味

今日同家人黎到觀塘行街，見到LM cafe人頭湧湧，於是入去試試😁LM cafe 的環境寬敞和明亮，設有卡位、普通位及高枱位，適合不同的顧客喜好。今日我試左幾種食物：1. 蘑菇湯這個湯蘑菇味道十足，飲落去啖啖蘑菇肉，很有口感！絕對適合蘑菇迷的人。2.香蒜牛油帶子炒意粉當意粉黎到個賣相不錯，吃一啖後，除了有蒜香味外，仲有一股鑊氣味。雖然它有牛油的成份，但食落口一d都吾油，而且帶子份量吾小，完全合符性價比。3.鐵板蒜蓉汁豬扒飯鐵板的食物我喜愛，呢個鐡板極力推薦！店的蒜蓉汁超野味，令人十分開胃。而且豬扒的肉質處理得岩岩好，吾會太難咬。4.椒鹽雞翼這款雞翼香脆可口，惹味十足，加上$38有六隻雞翼，個人認為幾抵。5.凱撒沙律這款沙律醬是LM cafe自製，令整個沙律非常配合。

行到入去感覺好舒服，環境簡潔得黎又不失摩登格調。餐湯配羅宋湯，飲落唔會太酸，不過多少少香辣味就更好！香蒜牛油帶子炒意粉，咸咸地加上蒜嘅香味，意粉熟度適中，唔會好淋！而且帶子有好多，絕對落足料。蜜糖雞翼嘅蜜糖好清香，雞翼肉質嫩滑，唔會焗到燶晒或者乾晒好硬芝士焗西蘭花絕對值得一試，西蘭花唔會淋晒，口感依然存在，再配合一定份量嘅芝士，好正餐飲叫左杯熱阿華田，阿華田唔會溝到淡晒，甜度都岩岩好呢間既價錢好實惠！仲要食物質素咁好，絕對值得一試！

龍門冰室 所有觀塘區既分店我都經已試哂 呢間一定係最好坐既一間 因為始終地方大 唔會迫 下午茶既時間無咩人 只有數台客 所以都食得開心啲 看看餐牌 食物款式同其餘兩間分店都差不多 仍然有常餐 焗飯個啲 不過呢間就款式多好多 又有waffle 又有得食pasta 仲有all day breakfast 揀 而且價錢係一啲都唔貴, 下午茶時段茶餐才三十大洋 , 而且食物質素同其餘兩間分店唔會有太大分別 常餐中沙爹牛肉必定是我的首選, 佢既沙爹味係偏辣的 , 似係自家味道, 好正 好味 價錢抵 地方舒適 如果住係觀塘  相信岩哂觀塘區既Hea 友  呢到的確係唔錯既選擇 睇黎下次要試下佢既waffle  估計應該都唔錯

離開apm覓食，黎到幾街之隔揾到一個間較隱蔽的cafe，睇落裝修環境都唔錯，menu都幾吸引，店內多人用餐但都唔使等位，有四人卡位 bar枱同普通位，我同男朋友被安排坐左係兩人位，樓底好高好空曠，係度食野令人覺得好自在放鬆。餐牌頭幾款是早餐/鐵板餐/蛋包飯等等...比較港式的餐跟住有set dinner跟餐湯沙律...仲有甜品~先黎沙律另一個係加錢轉的水牛芝士沙律，同前面個份好大對比，即刻覺得超值！兩個沙律嘅菜都係一樣的，兩個沙律個汁都係落沙律醋所以好醒胃，呢隻水牛芝士較淡味，相對少芝士味，所以配埋個蕃茄同菜食都好夾~我就叫左傳統英式早餐，即係all day breakfast啦，好豐富嘅組合，有炒蛋,香腸,煙三文魚,煙肉,蘑菇,茄汁豆,多士同薯餅---我見到之後覺得自己應該會食唔曬 炒蛋好好食！一來夠滑，二來食到好濃嘅奶味同蛋香。香腸煙三文魚煙肉同茄汁豆，呢幾樣都係基本野，食落都可以，冇咩特別。蘑菇好大粒呀，而且上面有牛奶好香，一切開入面D菇汁即便滲曬出黎，食落好juicy又重蘑菇味。多士同薯餅都係熱熱的，好香脆，不過真係大份夾抵食，俾我凈係食多士同薯餅已經飽左一大半 男朋友叫左

舊公司位於觀塘，聽舊同事說，自從LM Cafe開業後，他們又多了一個價錢合理的餐廳可供選擇。今晚與他們聚舊，一於到這間餐廳試試。晚飯時間，餐廳人頭湧湧。點了一個dinner set，另外再加小食及甜品。餐湯是羅宋湯，湯料十足，不太咸。跟餐的沙律份量細細，沙律菜尚算新鮮。每次見到黑松露菜式，總是不能錯過它的誘惑。我將意粉改為天使麵。濃稠的白汁及黑松露醬鋪在麵上，拌勻後，松露香氣滿溢。而天使麵軟韌又掛汁，味道不錯！跟餐加$10改飲招牌朱古力。朱古力並非一般茶餐廳的「朱古力水」，即加很多水的那種，反而喝得出放了一定的朱古力粉，味道濃郁之餘帶點可可甘苦，不會死甜。雞翼味道香口，表面帶點焦脆，不過底面的椒鹽過多，咬落去有時會吃到一團鹽，變相過咸，要用匙更刮走多餘的鹽，味道就剛剛好！明明我期望是一塊塊薯皮，但上枱時，竟然是薯粒。(部分薯粒連皮，所以勉強都能説是薯皮)。不過，味道卻出奇地好，值得推介。厚厚的咸香芝士拌匀薯皮，加上煙肉，味道調配得剛好。最後，當然要來一客甜品作結。以這個價錢來計，窩夫的份量算大。我揀選的組合是原味窩夫配綠茶雪糕、蜜糖及士多啤梨。熱辣辣的窩夫外脆內軟，烘的時間剛好，不會很

LM cafe 基本上已成為我地觀塘飯友既飯堂，一個月至少有4次都係呢到lunch 吧，今日就帶新來觀塘既朋友仔來試試 LM 既威力.....因為我有先見之明，知道 lunch time 會排死人，提早左15分鐘來，點知都係要排好多個.... anyway啦有得食最緊要！三個人叫左三樣唔同野，當然我係先推“流心奄烈餐“比我朋友試試 LM 晚主打啦！價錢比以前貴左，不過都仲係好食既，朋友選左芝士汁配豬扒，朋友第一次食覺得有驚喜同好好食，佢見到芝士汁係蛋入面流出來個刻好開心！另一朋友叫左蔥油雞扒撈丁！雞扒唔會太油，soysource 另上，要重口味就自己加自己撈，丁又煮得岩岩好唔會太軟又唔會太生太硬！而我自己就食少左野 同食平野所以叫左個常餐，番茄通粉 配炒蛋同叉燒 番茄湯好濃番茄汁同味，一d 都唔淡，炒蛋佢地LM 一向都做得好好，蛋香同滑！叉燒就正常叉燒啦！

今晚約了文哥撑抬腳傾新屋裝修的事，所以要好好報答他!文哥說他觀塘公司樓下有一間LM Cafe 有齊港式餐廳的菜式，但是是Cafe 的格局! 我當然擧腳贊成!晚上七時已人山人海，我們没去錯餐廳啦! 我們兩兄弟都是食肉獸，叫了兩個鐵板雜扒餐!餐湯是羅宋湯，湯料十足，尤其是蕃茄紅籮白西芹牛肉粒齊晒，D湯酸酸甜甜超好味!鐵板雜扒餐香噴噴上，加上熱辣辣的洋葱汁，雜扒有雞扒，豬扒，煙肉，腸仔和薯條，真的憶記我學生年代的回憶!雞扒和豬扒都很大塊也醃得很入味，薯條脆脆的，感覺真不錯! 胃口大開!餐飲我們叫了熱檸樂煲羌，竞然有三大塊羌，加上可樂，真的其樂無比!

意粉好精緻. 醬汁濃郁。黑松露香氣散發出黎， 已經感覺到好正。 食落去真係覺得好香。 雖然份量唔算話係好多,不過最緊要係質,唔係量。。。個意粉除左賣相討好，口感都好豐富，意粉彈牙料都好足，同埋味道好夠，推介！！炸魚同薯條都係即叫即炸既，絕對新鮮，非常之香，炸魚炸得鬆脆而且外表金黃色，外脆內軟，香脆到我食唔停口，一睇就知係油夠靚，而且唔係萬年油。炸粉唔厚，最怕其他地方既炸魚炸粉太厚，好似食炸粉多過食魚。魚肉既肉汁保持得好好，份量適中，炸粉夠薄令人食落亦唔會覺得好油膩。魚肉夠結實而且很滑。依個炸魚都好長，都算大條架啦，炸魚同薯條本身都加左小小salt，點醬食都一樣好味道！waffle份量都幾大, 放得好靚。超香。 又軟又脆口。窩夫配左CREAM，雲呢拿雪糕同士多啤梨。窩夫十分鬆軟，熱熱窩夫配上雪糕係超級好味道！士多啤梨都好新鮮，甜甜味道令呢個晚餐生色唔少。menu配搭有好多款可以選擇，有雪糕揀，有水果揀。四大件，一定夠食吃下去有趣卜卜感覺，很難得，甜度很適中開心~~~~~

流心奄列配多士，奄列輕輕切一刀，半溶滑溜蛋汁已經傾瀉而出，食入口，成個嘴蛋香芳濃，中間夾雜著火腿絲，熱呼呼，非常好味道丫奄列既蛋真係好滑溜，切開之後配襯埋多士食入口真係覺得好滿足！鋪滿左餅乾屑，好好食而且味道唔會太甜好清楚見到有好多層，層同層之間有忌廉同蛋糕，口感好正。木糠餅碎好幼細，同埋夠乾身，每樣材料加埋一齊既味道都好夾丫雞翼食到落足蜜糖去煎，充滿蜜糖味入口甜甜好入味，好香口，雞翼外皮真係焗得好香脆內裡雞肉仲好嫩滑同肉汁豐富，加埋甜甜蜜糖，真係惹味之極，好開胃好開胃

In Kwun Tong, café is definitely the easiest thing to look for, so it’s really hard to stand out from the competition. Luckily, my friends and me has discovered one of the best café (so far) in here – LM café  when we wandering around the area. We actually attracted by the Korea elements they displayed in the storefront, so we decided to give it a try as a relaxing afternoon tea.In the menu, the most eye-catching page has to be the dessert menu! The DIY waffle is really attractive as it really g