327
23
24
港鐵觀塘站 A2 出口, 步行約7分鐘 繼續閱讀
電話號碼
26851128
營業時間
今日營業
07:00 - 22:00
星期一至六
07:00 - 22:00
星期日
全日休息
付款方式
現金 八達通
座位數目
100
其他資料
酒精飲品
自帶酒水
外賣服務
加一服務費
Live Music
食評 (400)
等級4 2018-05-06
3159 瀏覽
Happy Friday收工後同朋友黎到位於觀塘駿業街的LM Cafe這裡面積很大很寬敞,跟朋友兩個人來到被安排了旁邊超級寬闊的卡座,闊到應該坐到八個人呢!食物選擇都幾多呢,除左冰室必有既飯類/茶餐之外,還有意粉、扒類、玉子燒餐、窩夫甜品等等,仲有酒類飲品😂同朋友叫左黑椒香蒜牛扒拼吉列蝦、All Day Breakfast套餐、同蜜糖雞翼先黎既係和茗茶,主要茶葉有綠茶、玫瑰花瓣、金盞菊,帶清雅脫俗的綠茶香晚餐會跟餐湯、沙律同飲品,都幾抵食!鐵板牛扒餐份量十足!兩大塊牛扒加4隻吉列蝦,底下仲有大量薯菜,香脆可口,可惜略油膩了一點選配了芝士汁,芝味濃郁!食哂成個餐都幾飽傳統英式早餐份量又係唔惹少,有薯餅、炒蛋、煙肉、茄汁豆、腸仔等等。最欣賞個炒蛋,嫩滑有蛋香蜜糖雞翼本身有6隻,但因為太飽,所以叫佢比4隻我就夠了雞翼都幾肥美,甜甜的,幾入味 繼續閱讀
(以上食評乃用戶個人意見 , 並不代表OpenRice之觀點。)
等級4 2018-04-13
4890 瀏覽
駿業街日昇中心,算係觀塘工業區出名既食店集中地,中午食飯時間經過一定會見到2條人龍,唔知有餐廳真係以為開左城市電腦售票,其實香港打工仔係唔係有咁長Lunch Hour 排隊架2間係正入口既就不需介紹啦,反而要推介一下行入少少既LM Cafe。行入只係一兩個舖位,大大個招牌,中心入口已經見到以一間Cafe黎講,LM Cafe食物選擇同質素比一般既好一班又唔似D工業區餐廳咁,D枱枱櫈櫈有咁逼整咁逼,務求Peak Hour盡賺裝修都別出心裁,D燈好靚《焗咖哩豬扒飯》其實本身想叫豬頸肉,不過賣晒,豬扒都照殺啦咖哩飯表面一大片芝士,焗飯就應該是這樣子,咖哩香味撲鼻,食慾大增豬扒唔算太厚,不過好鬆軟,沾滿杰杰既咖哩汁同芝士,岩晒我口味《芝士焗西蘭花》雖然係一個幾普通既菜色,不過好多Cafe都會出現一個問題,就係汁太稀,汁根本掛唔到係菜身,不如我叫白烚啦不過今次就無出現呢個問題,每棵西蘭花都比芝士包住,30蚊唔洗有咁大碟菜去Cafe飲品都係重要一環,我叫左一杯Green Tea Latte,奶味比綠茶味濃卻唔會完掩蓋晒綠茶既香味,入口順滑行多幾步同樣享受到高質食物,個人就認為總比排長龍好 繼續閱讀
(以上食評乃用戶個人意見 , 並不代表OpenRice之觀點。)
高級的龍門冰室 焦點食評
等級4 2018-03-04
5579 瀏覽
今天放完新年假,第一日開工團拜就在觀塘總公司舉行,互相祝賀和指定動作派利是之後就放工,大家都肚餓,我們就到附近的餐廳食嘢,行入中海日升中心,有間餐廳名字好熟,我在其他地方也食過,就是龍門冰室,味道不錯而且價錢大眾化,細問之下,原來面前這間是高級龍門冰室,又名LM Cafe,餐廳地方雅潔,座位舒適,其中最重要的就是侍應的熱情招待,令客人食得開心!黑椒卡夫芝士雞扒飯:,厚肉的雞扒入味,成塊卡夫芝士放在雞扒上,加上濃濃的黑椒汁,配飯食令人胃口大開,十分美味!吞拿魚芝士玉子燒配炸蝦、撈丁:滑嫩的蛋包住吞拿魚和芝士,加再些燒汁,切開蛋條,很多的芝士吞拿魚流心而出,將之撈丁一起食十分惹味,滑滑的蛋和吞拿魚,爽口的麵條,還有酥脆的炸蝦,蝦肉彈牙,真令人食不停口。瑞士雞翼:晚市特價10蚊有五隻,雞翼嫩滑又入味,底食!流心芝腿西多士:厚厚的西多中間夾有芝士和火腿,切開後有流心的效果,西多面加有糖漿所以味帶甜,中間芝士和火腿就有鹹味,食落甜中帶少許鹹味,好特別,不防試試!Kronenbourg1664 Blang,同事喜歡啤一啤,啤酒也有多款選擇。雪糕紅豆冰:又多又林甜的紅豆,加入了椰奶已經好好飲,現再加一球雲呢拿雪糕,增加了滑度和香甜度,極之美味可口。值得推介。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-03
5277 瀏覽
觀塘開左唔少食肆, 除左APM、工廈, 什至新建既寫字樓地下層都開左D平價新興茶餐廳, 附近返工既打工仔多一個用膳地方選擇。係觀塘返工既朋友今晚帶左我去一間比較隱閉既新興茶餐廳CAFE食DINNER。MENU上款式選擇令我花多眼亂, 而且價錢出奇地平!!! 什至價錢比起連鎖式快餐更加抵!本打算order兩個小食邊食邊慢慢傾, 點知上檯時, 真係呆左!!! 呢個份量不算是小食吧?! 即叫即焗, 芝士份量不少, 表面焗至金黃, 賣相吸引。【黑松露芝士焗雜菌西蘭花】HK$48西蘭花爽脆有口感, 淡淡芝士味配上較濃味既黑松露, 再灑上少少芝士粉增加芝士香, 配搭很邪惡!  【芝士肉醬薯條】HK$28其他餐廳ORDER一個小食薯條份量通常只有呢度既一半, 即叫即炸, 很脆, 加上少少蕃茄肉醬, 唔洗點茄汁, 味道都剛剛好。【玉子燒】HK$55呢度既玉子燒有幾款唔同既款式/配搭, 而我地就揀左"吞拿魚芝士配炸帶子跟撈丁", 玉子燒以蛋層卷起吞拿魚芝士, 芝士有輕微漏漿, 入口好滑, 少少鹹既吞拿魚亦沒有完全覆蓋蛋香味, 撈丁偏硬, 如果個汁可以再多一點, 味道會更好。好耐都有見過食鐵板餐有呢個價錢, 仲要有呢個份量!! 自選茨汁款式夠多, 再跟意粉/飯/薯菜。【鐵板餐 - 黑松牛扒炸蝦】HK$80個餐跟中/西湯, 是日西餐為羅宋湯, 第一個反應係....唔洗咁大碗啊?! 味道酸酸辣辣, 又幾開胃。我就揀左龍蝦汁, 鐵板熱辣辣上檯,  龍蝦汁另上, 可以因應個人喜好加入汁醬份量, 龍蝦汁味道濃郁, 甜甜的, 大大塊牛扒幾乎整整覆蓋了所有配菜, 肉質帶點咬口感, 側邊位只有一條比較硬既牛根, 配上四隻吉列蝦同埋大量薯條, 非常飽肚。 【雪糕紅豆冰】HK$28奶味幾出, 整體甜度剛剛好。我同朋友兩個飽到捧住個肚走, 一共都係三百蚊有找! 仲要免加一服務費, 味道更是超出預期既好食~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-30
8475 瀏覽
剛剛同閏蜜去完日本旅行,返到嚟香港,隔咗一個禮拜,就忍唔住要再見面啦,大家都係觀塘區工作,所以近近地,今晚就揀咗呢間LM Cafe 食dinner, 呢間餐廳環境坐得幾舒服, 卡位又寬躺,完全冇壓迫感,啱晒我哋有排傾慢慢坐 !食物方面,我哋見價錢咁平,兩個女仔竟然叫咗勁多嘢食,放滿枱面何其壯觀!🤣🤣🤣🤣炸帶子黑松露野菌玉子燒飯套餐,包飲品都係$55個玉子燒都做到滑蛋流心嘅感覺,裡面包括左濃濃嘅黑松露野菌,都唔錯,味道幾匹配,炸帶子仲有四粒咁多。黑松露焗芝士野菌西蘭花$48我哋兩個都係黑松露控,忍唔住當然要叫埋佢呢個黑松露焗芝士野菌西蘭花!呢個極力推介,因為焗得好香脆芝士味同黑松露味都非常香濃,10分鐘我哋將成碟野清左。做得出有芝士拉絲嘅感覺:卡邦尼意粉套餐,包野飲$68欣賞佢意粉上邊有一隻鍋蛋,誠意十足⋯⋯唔錯!兩個閏蜜傾左成兩小時,越傾越多嘢講,又忍唔住叫多個甜品!自選pancake套餐都係$55!一上枱嘅時候,我哋比個份量嚇到呆咗,總共有4塊厚厚嘅pancake!朱古力雪糕仲要有兩球!我哋兩個絕對唔使爭!要讚一下個朱古力雪糕 ,夠晒凍之餘,仲要係特濃朱古力味雪糕嚟,真係估佢唔到,另香蕉嘅份量就係一隻,仲包括左蜜糖漿同埋朱古力醬。呢碟野如果系出邊食應該要過$100了。套餐仲送埋餐湯同埋沙律。總括,茶餐廳價錢,但西餐廳質素,最重要係環境坐得舒適唔趕人走,我哋兩個坐足3小時!哈哈🤣🤣🤣 繼續閱讀
(以上食評乃用戶個人意見 , 並不代表OpenRice之觀點。)