LM Cafe (已結業)

和友人在觀塘學完空中瑜珈 筋疲力盡 在附近搵間餐廳歇歇兼補充體力先得。經過一個中心 見到LM cafe的廣告 近近地 咪去睇下。見個menu超級多元化 咪入去啦。已經八成滿座 侍應安排我們坐高枱 其實我都幾鐘意 因為覺得私隱d 女生傾計方便點 哈哈。 食物選擇好多 輕食如沙律 多士又有 意粉 All day breakfast 勁量級鐵扒都有 茶餐廳fans都唔會失望 奄列公仔麵個d應有盡有 真是可以滿足到唔同人的需求 讚！ 我們做完運動 唔敢食太多 叫左一個晚餐 配上沙律 餐湯 主菜係黑松露蘑菇炒天使面。 沙律菜好新鮮 唔係普通西生菜 有三種 再加粟米車厘茄 爽脆 配上香醋汁好清新 幾開胃。 羅宋湯 幾足料喎。欣賞佢唔係蕃茄溝水 而真是真材實料 好香 帶少少辣。正。黑松露蘑菇炒天使面 天使面炒得火喉剛剛好 唔會過腍。諗住將意粉上面的松露醬撈混的時候 發現原來天使面已經用松露醬炒過 難怪咁香濃既味道。Yummy 最後仲叫左一份朱古力窩夫。即叫即做 熱辣辣 好新鮮。賣相都不錯 配上榛子朱古力醬 綠茶雪糕 香蕉。窩夫有蛋香亦有朱古力味 甜度適中。