Le Viet (已結業)

之前我去開尖沙咀果間Le Viet,而家旺角都開左一間啦!而且好近地鐵站，即刻去試下越式咖啡鮮雞鍋配法包咖哩雞放入熱鍋中，滾燙燙的，食得好滋味!入面不但有鮮雞，還有薯仔，可以把法包浸入咖哩幾秒再拎翻上黎，吸哂咖哩的精華，好香濃呀扎肉煎粉包越南的小食一向較健康清新，少油炸，而呢個粉包內有黑雪耳，豬肉，有四件，正特別火車頭—推介好欣賞佢個湯底清甜, 每日用20斤牛骨淆八個鐘，加埋生牛肉，牛丸，牛腩，牛栢葉等，味道出色最後加一杯咸檸梳打入面真係有好多咸檸架而且睇睇梳打水.. 0卡路里! 減肥之選呀!下次黎試下個生牛肉湯河先，相信湯底一樣都咁清甜除此之外，仲有好多唔同既海鮮，串燒等，多人黎食的話可以share黎食

要在繁忙的旺角中找一處安坐之地並不易，伴隨大媽退下，吵雜的歌聲逐漸消失，也誘使我重踏這片土地。在旺角，吃飯不是朗豪坊就是女人街，是夜下雨，朗豪坊雖沒有大媽，但有自由行；女人街雖好，卻要多走幾步，逃不過被雨水沖洗。想不到還有銀行中心這處好地方，寧靜而方便。新開的越南菜，門面簡潔乾淨，座位舒適，即使只是二人檯，也有足夠空間叫上一大桌食物。餐牌選擇頗多，當中有不少罕見菜色。咖哩牛腩香濃，牛腩厚身，配上薄餅食幾惹味。香茅木綿魚夠特別，而且配上自家制的醬汁，酸酸甜甜夠開胃。豬頸肉粉金邊粉，如份量更多會更好。最後吃上甜品，為完美的一餐劃上句號。

星期六突然下大雨變了落湯雞，所以來這裏避雨。凍到打冷顫，午市套餐的飯麵都幫不了，一於吃個鍋暖暖胃。越式海鮮酸辣鍋，$168。有火一直熱著熱辣辣的。當初和朋友掙扎著要火車頭還是這個。後來決定要火車頭，誰知店員聽錯我們又沒check單.....只能說是天意。不過有熱辣辣的湯我就很滿足了。我喝了兩小碗湯，又酸又辣好惹味。但到第三碗就開始覺得太酸了，還好身子暖和了。海鮮除了蝦有點梅，其他都很鮮美。因為這鍋打救了我，那點美中不足已不重要。咸魚炒芥蘭，$62。咸魚大粒，芥蘭爽脆很有咸魚香味。椰青，$42。朋友點的。她說很淸甜，喝第一口兩眼就發亮。但我太凍了，只想喝熱的，沒叫飲料。午市套餐其實很抵食，大大碗賣相又靚(看到菠蘿那個飯很多人點)！另外可能因為下雨天，午市差不多滿座，結帳時通知了店員但忙到忘記了，所以要耐心等。

一路都好喜歡越南牛肉粉，食呢間之前一路都未搵到一間正宗既越南河，就算蔡爛介紹果間都冇呢間 Le Viet 咁好食。所以我絕對推薦 Le View 比大家，價錢重要唔貴呀。出面閒閒地都好似食拉麵咁既價錢，Le Viet $68 一碗，絕對冇得彈。一去到銀行中心，上2樓就見到呢間 Le Viet，地方超大，一大班人訂位都應該冇問題。去到唔洗等位，直入2人台同老婆 "chak" 台腳。野食方面其實好多選擇，但小口子2人，所以未有試夠所有食物，不過仲好啦，下次有藉口再黎。最後叫左幾個餸，超好食，為大家介紹下。頭盤叫左個 (鮮蝦米紙卷)，口感一流，鍾意越式野都好難抗拒，一定要叫一個食。正所謂皮薄 "ham" 靚，再配埋個酸汁冇得輸。食完呢個酸味味開下胃口，再食下一個。我既至愛 (越南生牛河)。我覺得呢個粉個精髓係湯底，湯濃冇味精，牛味出晒黎，仲有配菜調味一流，成碗飲晒。仲要熱辣辣呈上，正。最後叫左個 (越式咖哩牛腩配印度薄餅 *可選法包)，呢個配搭一流，用薄餅索d汁黎食，仲叫左個飯撈汁 tim。 個咖哩略嫌唔夠辣，不過我諗要配合大眾都係咁上下，所以下次可以叫佢再辣少少就更好。 仲有牛腩可能多返少

好好食海南雞 原來Le Viet係尖沙咀the one開咗幾年嫁啦，近期係旺角加開分店。 食物嘅選擇都比較多，我哋叫完1人1個lunch set之後，仲叫咗1隻海南雞share食。 海南雞真心好食嘅，首先最基本鷄肉係滑嘅。平時海南雞多數都係去骨，但佢正在連鷄翼都係冇骨嫁，好似我以啲懶人，真係覺得好開心啊，哈哈。另外佢跟咗2個醬，1個酸辣醬，1個黑醬油，如果有埋姜蓉就perfect啦~同埋一般餐廳嘅海南雞下面係放啲生嘅菜，多數都會無視佢，但以度嘅係熟咗嘅椰菜，變相姐係多咗一個菜食！而且一隻雞嘅份量真係好多，3人的話其實半隻都好足夠，我哋份量多到可以外賣走。佢1隻係2碟上㗎，睇返相都覺得好滿足啊！ lunch set分別有"招牌飯"，"大蝦菠蘿飯"同埋"生牛河"。套餐嘅話係有嘢飲嘅，普通飲品免費，特飲就加8蚊，我哋叫咗2杯熱檸水同埋椰汁紅豆冰。 "招牌飯"非常豐富，有香茅豬扒，鷄翼，扎肉，太陽蛋同埋酸蘿蔔。咁多樣餸真係大滿足啊，尤其係有隻太陽蛋撈飯，好好送飯啊！ "原個大蝦菠蘿炒飯"係我一入餐廳見到人食, 即刻決定咗要食菠蘿炒飯，滿滿嘅肉鬆係上面，炒飯係用新鮮菠蘿炒嘅唔會太甜又唔會太酸

早幾日約左朋友出旺角食晚飯，落大雨所以就走左入銀行中心避雨，好耐無走過入銀行中心嘅我地發覺原來入面變左好多，仲多左呢間食越南野嘅餐廳，所以就即興揀左嚟呢度食飯。餐廳新開張不久似乎未有好多人知，當晚人流不算多，空間開揚座位闊落，難得嘅係旺角竟然有如此寧靜舒適嘅環境食餐飯。我同朋友都特別喜歡食越式嘅小食，所以我地全晚都主要叫小食為主。首先叫了道煙三文魚米紙卷，米紙卷就食得多，配煙三文魚倒是第一次，配撘新穎得來又意外地好味，米紙卷嘅皮又唔會太厚，食落有很fresh嘅感覺。然後上嘅係咸魚炒芥蘭，咸魚嘅份量剛好，咸魚味道濃郁又不會令整碟菜變得太鹹，芥蘭亦用料新鮮幼嫩。我地嘅重點當然就係呢個le viet拼盤，有齊春卷、燒豬頸肉、炸蝦餅同越式粉卷，心大心細樣樣都想試嘅最啱叫呢個！拼盤整體都做得好出色，豬頸肉燒得香口又唔會肥，特別鍾意個越式粉卷，有扎肉、菇等嘅餡料，一咬落去餡料多到一下子就爆晒出嚟，加上粉卷皮做得薄身又滑口，味道十分不錯。最後來嘅就係我地全餐飯嘅最愛咖哩軟殻蟹配法包，咖哩一直用蠟燭坐暖住，咖哩汁做得相當惹味，四大件嘅軟殻蟹亦炸得脆口又不失蟹嘅鮮味，浸落咖哩汁更加係一流！

同朋友望完啲旅遊資訊後，見落雨，於是乘扶手電梯上去行行先，就係咁見到這裡，大大個招牌，主打越式口味，座位闊落舒服，重有窗口位置，不過已經有人，就係咁座下了，望望餐牌有最愛嘅香芧豬扒湯粉$68，同埋點了個Le Viet精選拚盆$115，加埋杯三色冰$28，落單後最快就係杯三色冰，椰香奶滑，三免啫喱條有口感！跟住就係個精選拼盆，有彈牙煙韌嘅蝦餅，香脆嘅春卷，煙韌夠味道嘅豬頸肉，同比較特別嘅札肉蒸粉包，入口口感豐富！跟住就係個香芧豬扒湯粉，細心地將豬扒同湯粉分開上，唔會將豬扒浸淋，而香芧豬扒亦幫忙切至骨邊，完整一塊，切開為了讓客人方便入口，而啲粉配埋湯底入口味道更佳，就算粉浸在湯內亦不會覺得會浸到軟淋淋嘅感覺，最後追加了一份串燒雞牛豬，三串$56，燒得好香好入味，串牛就係最喜歡。入口軟熟嫩滑，配埋啲汁入口一流！下次又知道多個地方選擇！

之前在The one 見到Le Viet 一直都想食，今日約左媽媽去旺角買野，見到銀行中心有間，終於食到了。餐廳入面環境好舒服，D位唔會好迫，安排左我坐落地玻璃隔離，我最鍾意坐呢D位🤣我地2個人唔可以叫太多，其實有好多都想試。叫左個青木瓜雞絲沙律，手撕雞撈檬同香茅燒牛仔骨。因為我唔食豬嘅關係，所以有2樣都叫左雞🤣青木瓜雞絲沙律個portion 都幾大，好多雞絲同蝦😍個汁係另上的，自己加入去，我全部加曬🤣酸酸甜甜的好開胃。加埋D花生粒加埋爽脆嘅青木瓜一齊食，好正呀！手撕雞撈檬又係好大碗，食撈檬我要落好多汁🤣，佢比D汁落完都夠，加青瓜，紅蘿蔔，芽菜，生菜同檬，加埋面D葱油同個汁，好開胃，夏天吃最啱。香芧燒牛仔骨牛仔骨係我既最愛，好好好味呀，D肉好淋，唔會un ，好juicy ，有好香嘅香芧味道，加埋個汁一齊食，正呀！個汁甜甜地有D辣，最鍾意入面D芫茜🙈叫左杯青檸梳打，糖水另上，可以自己加幾多都得。仲叫左一個芒果糯米，但唔記得左影相🤣🤣糯米有椰子同班蘭味道，加埋D椰汁，好香，好味呀！每人百幾蚊都好抵啊，其實仲有好多野想食🤣🤣等下次試多幾樣野先🙈

同朋友在旺角一起上完瑜伽堂便在附近找東西吃午餐，朋友介紹了一間越南新派混合菜在銀行中心樓上一樓於是便去醫肚，這餐廳是新開的裝潢簡約乾淨，坐位寬敞舒適。午餐時段也有套餐均配飲品。海鮮炒檬粉海鮮用料很足，完隻魷魚仔和鮮蝦，食時可將青檸汁加入檬粉中調味，鮮蝦爽口食落有口感啖啖海鮮的感覺，撈檬炒得乾身好香口。香茅豬扒湯粉香茅豬扒炸得肉質juicy 香茅味香濃。湯底是用鮮雞餚製而成，雞湯味道鮮甜河粉食落口好滑身。咸魚炒芥蘭 咸魚大大粒味道好惹味，芥蘭翠綠炒得很爽脆。咸檸梳打，清爽清甜咸檸味突出，夠哂刺激。春卷新鮮炸起，卜卜脆。最後還點了一個甜品，便是我最愛的香芒糯米飯！糯米飯係由兩種不同的糯米飯組成，有黑糯米同白色糯米。椰漿和芒果甜甜地配上糯米好好食。

我成日都搞亂越南菜同泰國菜，因為佢哋嘅款式都好相似😜不過唯一特別唔同嘅就係越南菜一定有生牛肉河粉😅之前喺尖沙咀The One 食過，最近喺旺角銀行中心廣場又開分店，交通仲方便👍地方寬敞特別火車頭湯河，原來餐廳每日用20斤牛骨淆八個鐘頭得出的，啖湯真係好香甜😋😋😋生牛肉色澤鮮紅，入口嫩腍😍有爽口嘅牛柏葉彈牙嘅牛丸美味嘅牛展啖湯真係好好味，好味到俾我飲晒，一滴都冇徙😅辣椒膏炒大虎蝦$168，有咁多大虎蝦，真係好抵👍味道吾會太辣，酸酸甜甜，既惹味，又醒胃😋😋😋蝦肉爽口彈牙，蝦頭有膏，既滋味又和味😍order個印式薄餅，醮埋啲汁，食晒，飽飽😅芒果糯米飯，椰汁香，芒果甜，糯米煙煙韌韌，口感一流👍Sweet ending🤩

收工同同事食晚飯聚會下，見到呢間新開既越南菜，決定試一試。收工時間6點半唔算太多人，唔需要等位。前菜叫左個青木瓜大蝦雞絲沙律，好fresh既感覺，酸酸甜甜好開胃。牛油雞翼炸到好脆，亦唔會話食到成日炸粉，唔錯。呢個咖喱炒大蜆我好欣賞，d蜆好大隻不突止佢個咖喱整得好好味，唔會太辣之餘仲帶到咖喱d甜味出黎，呢個汁撈白飯食簡直一流👍🏻再黎叫多左咖喱，呢個咖喱牛腩我地配左薄餅，要黎點咖喱真係一流，而且仲要左黎點埋岩岩嗰個大蜆既咖喱，兩種味道，兩塊薄餅都唔夠食🤤椒鹽軟殼蟹炸到好有避風塘既感覺。最後叫左個甜品拼盤，芒果糯米飯整到同泰國好似好好味，另外個綠豆拉椰糕都好特別唔係邊到都有得食架。

旺角尋找Lunch 記~今日又黎到旺角搵野食,銀行中心隔離個商場原來開左個Le viet,竟然唔似The One 嗰間咁排隊等位,不過可能lunch 而且新開未有人知啦, 所以又搵到間甘露喇。lunch 餐牌 唔算貴,因為新餐廳 所以膽博膽叫多幾樣野試下佢先。香茅豬扒湯河, 豬扒就得一塊 ,好在唔乾又厚肉而煎得好香。 河粉好滑身又配料都齊備, 都算正宗。Le Viet 招牌飯- 這個感覺好抵食又好味,有豬扒雞翼扎肉, 仲有隻半熟蛋。 睇上去全部肉好似好Dry 咁但其實配返個蛋汁撈飯 就無敵喇。牛油雞翼-蒜蓉味好濃, 雞翼夠大隻 , 炸到脆卜卜。超級惹味。全場最好食嘅海南雞, 真心推介, 無骨, 佢嘅雞肉 又軟又滑 而且好夠味, 就算 無點雞醬 都已經好好食。味道水準都好好, 旺角嘅鬧市中都唔算貴, 唯獨係人手方面要增加一點, 睇見佢地望到不可開交就覺得辛苦。

係旺角睇完戲都夠鐘食飯, 係街望到銀行中心新開左間越南野, 唔想諗食咩就試下啦, 好彩早食, 唔使等位, 不過餐廳都好大好闊落, 唔會同隔離檯好近, 而且座位都多~鮮蝦米紙卷呢個卷包到大大舊, 一啖食落口好滿足呀~咖哩軟殼蟹鍋配法包平時都好少叫咖哩, 今日突然想試下, 估唔到有驚喜~個咖哩唔會好辣, 岩哂唔食得辣既人~軟殼蟹係另外上, 仲有d炸薯仔係入面, 個法包加埋咖哩汁真係好夾好好味~不過軟殼蟹可以多d就仲好啦~辣椒膏炒大蜆開頭仲怕會唔會好辣, 不過好彩唔係, 而且d蜆真係大大隻, 蜆肉唔會係細細粒~最後叫左碗特別火車頭, 湯底好濃好入味, 份量都有好多, 夠哂飽呀~

香矛豬頸肉米紙卷 $42依個比印象中食開既粗身 塊米紙幾煙韌 配埋酸汁食幾清新火車頭湯粉 $78 不過不失 個湯濃味d會更好咖哩鮮雞鍋配印式薄餅 $105個咖哩辣辣地好惹味 可以送到幾碗飯 本身以為鮮雞會老 點知係接好嫩滑 可惜雞既份量就有d少 得五六件左右 入面既薯仔好淋 吸晒咖哩 非常好食 牛油雞翼 $72依個最後先上 新鮮炸起 聞到牛油好重 個面鋪左一粒粒蒜好脆好香口 入面d肉保持到嫩滑 不過本身都開始飽食依個都有d油膩 食第二隻拆左d皮點咖哩食辣辣地好正椰青 $42夠凍 而且椰肉好厚身 努力刮d肉出黎食 (浸落咖哩度食又係好正)個咖哩真心正🤤

這店其實係尖沙咀都有分店，但成日都要排隊，所以放棄咗，但今日行經旺角，無意間發現竟然有分店，梗係即刻action啦， 可能我當時只係6:30，唔使等位，太好喇因為新開，所以裝修好新, 同尖沙咀既分店風格完全唔同,  店舖好寬敞，空間感大，俾人好舒服嘅感覺因為想滿足我一直想食既欲望, 所以叫咗勁多野食, 同大家分享下先先黎 “柚子海鮮沙律” 作為前菜係唔錯選擇,因為夠清新！“香茅燒牛仔骨” 好香口， 唔似其他餐廳咁油膩，而且一啲都唔韌...正"香茅燒木棉魚” 其實我唔太食魚,但朋友極力推介話係必食架，咁我就試下啦！ 又真係一啲都唔腥，仲好鮮甜，冇介紹錯“大蝦菠蘿炒飯 ” 用料豐富，好香，仲有三隻大蝦，而且飯炒得好乾身“牛油焗大頭蝦” 真係真心推介，蝦勁大隻，一放低就聞到好香嘅牛油味，蝦肉新鮮勁彈牙， 啖啖肉，正呀最後當然要食至愛既甜品啦因為想一次過食多款甜品，所以叫左甜品拼盤，一次過滿足晒…………正