Le Viet (已結業)

收工同同事食晚飯聚會下，見到呢間新開既越南菜，決定試一試。收工時間6點半唔算太多人，唔需要等位。前菜叫左個青木瓜大蝦雞絲沙律，好fresh既感覺，酸酸甜甜好開胃。牛油雞翼炸到好脆，亦唔會話食到成日炸粉，唔錯。呢個咖喱炒大蜆我好欣賞，d蜆好大隻不突止佢個咖喱整得好好味，唔會太辣之餘仲帶到咖喱d甜味出黎，呢個汁撈白飯食簡直一流👍🏻再黎叫多左咖喱，呢個咖喱牛腩我地配左薄餅，要黎點咖喱真係一流，而且仲要左黎點埋岩岩嗰個大蜆既咖喱，兩種味道，兩塊薄餅都唔夠食🤤椒鹽軟殼蟹炸到好有避風塘既感覺。最後叫左個甜品拼盤，芒果糯米飯整到同泰國好似好好味，另外個綠豆拉椰糕都好特別唔係邊到都有得食架。