Le Viet (已結業)

旺角尋找Lunch 記~今日又黎到旺角搵野食,銀行中心隔離個商場原來開左個Le viet,竟然唔似The One 嗰間咁排隊等位,不過可能lunch 而且新開未有人知啦, 所以又搵到間甘露喇。lunch 餐牌 唔算貴,因為新餐廳 所以膽博膽叫多幾樣野試下佢先。香茅豬扒湯河, 豬扒就得一塊 ,好在唔乾又厚肉而煎得好香。 河粉好滑身又配料都齊備, 都算正宗。Le Viet 招牌飯- 這個感覺好抵食又好味,有豬扒雞翼扎肉, 仲有隻半熟蛋。 睇上去全部肉好似好Dry 咁但其實配返個蛋汁撈飯 就無敵喇。牛油雞翼-蒜蓉味好濃, 雞翼夠大隻 , 炸到脆卜卜。超級惹味。全場最好食嘅海南雞, 真心推介, 無骨, 佢嘅雞肉 又軟又滑 而且好夠味, 就算 無點雞醬 都已經好好食。味道水準都好好, 旺角嘅鬧市中都唔算貴, 唯獨係人手方面要增加一點, 睇見佢地望到不可開交就覺得辛苦。