Le Viet (已結業)

今日同朋友行街，經過銀行中心見到新開左間越南菜，就同朋友入去試下。裹面環境都幾舒適。同朋友叫左幾樣小食同甜品試下。呢個木瓜絲蟹肉雞絲沙律同面食既沙律都唔一樣，唔係用沙律醬撈，係用沙律旁既汁去撈，好fresh好開胃👍🏻👍🏻值得一試～呢個辣椒膏炒䙺，超級好味，d䙺隻隻都好大隻，好好肉，辣味又岩岩好，好入味，原本想叫多碟，但最後食得太飽冇叫到🤣真係超正～呢個咖哩軟殼蟹係我去親越南菜/泰國菜地方必點既一個菜，不過出面我多數都係食到咖哩牛腩多，咖哩軟殼蟹就比較小，呢個店真係樣樣足料，有好多軟殼蟹，食咖哩又點少得有個薄餅做伴菜，點埋佢個汁食好正😋最後叫左個甜品拼盤同朋友一齊share，個芒果糯米飯配左兩種唔同嘅糯米飯好好，一次過試到兩種唔同既味道☺️呢間店樣樣都好足料，價錢都好合理，鍾意食越南菜嘅朋友真係可以一試😇

難得約到好耐無見嘅朋友食飯，緊係搵間可以坐得舒又方便就腳嘅地方啦～餐廳光猛闊落，仲有窗邊位可以睇到街景。職員有禮貌，又識自動自覺加水，讚。我地叫咗四樣嘢食。柚子海鮮沙律($78)。酸酸辣辣好開胃。有魷魚同蝦，柚子大大舊，唔會好似其他餐廳咁得幾條。串燒(豬牛雞各兩串)($89)。啲香料超入味，我最鍾意豬肉串燒，唔駛點附上嘅沙嗲醬都已經好惹味。蝦餅($68)。夠曬香口，點埋酸甜醬更好味。超載椰青焗飯($103)。個飯有蝦，蜆肉同魷魚，仲充滿新鮮椰肉，飯底甜甜地有椰香。份量超大，有4碗飯，我地兩個女仔最後食唔曬要打包返屋企。總結係，食物質素好，又好坐，緊係會返頭食啦～

約朋友食飯大都離不開油尖旺，正因為是港九新界的集散地，而旺角區人多車多，尤其是女人街一帶水洩不通， 出了名是遊客區，也是很多年輕人的浦點，所以不難想像人多的情況，今天朋友便約我們到旺角銀行中心的LE VIET餐廳，主打越南菜式， 餐廳佈置簡約舒適為主，我們一行四人坐在窗旁的位置，眼見街道上川流不息的人流，與自己舒服坐在餐廳裏有天淵之別的感覺。我們鍾意食一些刺激的食物，所以便叫了一客咖哩炒大蜆，滿滿咖哩汁盛載著大蜆，有青椒、紅椒及蔥段等，大蜆隻隻都有番咁上下size，咖哩不算好辣，可以用惹味來形容，蜆肉新鮮無沙，咖哩汁煮得不錯，食完蜆肉剩下的咖哩汁不要嘥，我們另外叫了一客印度薄餅，拿來混和咖哩汁來吃，果然好好味，這樣配搭也不錯。另外，我們亦叫了半打串燒，分別是雞肉、豬肉和牛肉串燒各兩串，肉烤得很香，咬落去肉爽不會嚡，配上沙嗲醬來吃也不錯。我們分別叫的三色冰和綠豆冰，正好解一解近來天氣不穩定的納悶心情，一邊嚐食物，一派悠然自得。

去旺角行街，發現銀行中心新開左間越南菜餐廳，望一望個名，記得the one 都有間，個間長期都好多人去食，咁相信分店都一定唔差啦！餐廳環境闊落，非常乾淨！牛油雞翼，呢個簡單既菜式surprise 到我，外皮炸到非常香脆，內裡既雞肉唔乾身 嫩滑又juicy !表皮有點蒜粒咁既咬口，正！炸蝦餅，蝦餅外層唔會炸到滴哂油，內裡既蝦肉十分彈牙，點埋少少甜酸醬非常惹味！仲叫左個海鮮炒檬粉，海鮮有蜆肉 蝦 魷魚等，加埋芽菜 非常有咬口，呢個檬粉味道濃郁，加點青檸 感覺好清新，酸酸甜甜 好有食慾！ 呢度既店員服務態度良好，會細心推介，值得一讚 以後黎旺角又多個好地方食飯啦！

之前係尖沙咀食過幾次「Le Viet 」， 覺得質素唔錯。既然係旺角經過呢間新分店，再次encore 。柚子海鮮沙律，係我經常叫既菜式之一。新鮮柚子配上豐富材料 （大蝦、魷魚仔、腰果⋯），加埋爽脆既青木瓜絲，口感層次豐富，味道清新。蒜蓉炒椰菜苗，炒得翠綠惹味，好香蒜蓉味，唔油膩，好快掃清光！大蝦菠蘿飯，份量足，裝得快要滿瀉。有3 隻大蝦，再加埋新鮮菠蘿粒，夠飽肚。香茅燒牛仔骨，第一次order, 牛仔骨肉汁豐富，肉質鮮嫩，不會乾淨淨的，再配上香茅味道，唔錯！食完咁多野，緊係要飲番杯野。咸檸梳打，採用的正好是我喜歡的無甜梳打水，味道正合我口味！最后食埋desert ，「 焦糖燉蛋 」同 「 越南綠豆粒蛋榚 」，煙煙靱靭，滿足！

今日約左朋友食dinner, 想揾間坐得舒服d 既餐廳。朋友提議去呢間，話啱啱新開，大家又未食過，即管試下。座位都算寬敞，重點係冇限時用餐，可以慢慢品嚐！天氣炎熱，當然先來個椰青解解渴。椰青水清甜解渴，解熱生津，飲椰青通常都會扒埋d 果肉, 如果個椰青太老，d 椰肉就較難起，今次呢個椰青唔錯，新鲜可口，椰肉好易起到！我地 order 左2 個最想食既主菜：「牛油焗大頭蝦 」-大頭蝦有手掌咁大，好香！勁多牛油同蒜蓉一齊焗，好惹味！大頭蝦肉質新鮮，彈牙爽口！重有薯仔做配菜，淋身入味。「 香茅燒木棉魚 」-即係大眼雞，好新鮮，即叫即焗，要 30-45 mins。鋪上鹽燒，所以魚肉帶有鹹香！魚肉非常嫩滑，即使唔釀醬汁，都很夠味道！值得一試！

放假出旺角行街，男朋友鍾意食越南菜，午餐就揀左Le Viet！旺角哩間分店環境幾大，好新凈，侍應服務幾好，一來給我兩杯水！看到餐牌⋯好多野都好想食😍😍午餐我揀左哩度lunch set,香茅豬扒河，配凍檸茶，哩度香茅豬扒肉好香口又瘦，凍檸茶又大杯，而男友就叫咖喱炒虎蝦，好大碟，兩個人都夠食，汁又多蝦又多肉，加白飯一流，我見到都好吸引，忍唔住要偷食左d蝦😆😋😋仲叫左雞牛豬串，哩度串燒燒得好入味，又不會乾身，好好食！甜品唔少得叫左個焦糖燉蛋，嘩⋯小小杯，好好味！

記得上年在the one 食過Le Viet, 味道也不錯，Le Viet 在旺角開分店，趁今天來教協買開學用品，就去食個午餐呢！位於銀行中心的Le Viet位於一樓，座位相當多，也可以訂座。星期六十二點半來到，有午餐供應。價錢由六十多元起，包湯和飲品。很美的海鮮菠蘿飯，三隻蝦已脫殼，新鮮彈牙。內很多新鮮菠蘿，又香又甜！餐湯是冬瓜湯，都幾鮮甜，還有大大片的冬瓜在內，一點都不馬虎。想試多點款色就可點這個小精選拼盤 $115有春卷，蝦餅，豬頸肉和扎肉，蒸粉包。蝦餅炸得金黃香脆，非常彈牙，豬頸肉也很爽口，幾惹味！小女生想喝椰青，點了一個給她。$45，大大個，好新鮮，十分清甜。餐加$8 轉了青檸梳打，可隨意加入糖水。再來一客精選甜品拼盤 $108。內有焦糖燉蛋、香芒糯米飯、越南綠豆拉椰糕，相當豐富啊！焦糖燉蛋很香滑， 焦糖燒得恰到好處，沒有燒燶的苦澀味道 ，不過我覺得稍為甜了一點。 至於芒果糯米飯，芒果夠熟，很甜，雙色糯米夠心思，煮得夠軟糯。而那個越南綠豆拉椰糕，甜度剛好， 黏黏的，十分煙韌，值得試！這個甜品拼盤，好看也好吃，也為這個黃雨的下午， 添上了一點點色彩！！

大家都知道旺角食肆又多又逼，想搵間坐得舒服又好食既餐廳真係好難，果日經過銀行中心見到呢間新開既越南餐廳，見佢環境好闊落幾舒適，抱住一試既心態入去試下，但出乎我意料！我黎既時候係夜晚7點幾，未係好多人，食到8點幾已經差唔多full晒呢個青木瓜大蝦雞絲沙律，我要比無限個讚，真係好好好食，木瓜好爽脆，最緊要係個汁整得好好味，大家一定要試呢個呀！牛油雞翼，應該好多人鍾意食，炸得好脆，但入面一d都唔乾，出面有層蒜蓉，好香口！炒蜆，咖喱都係必食，兩個都好ok，味道好濃，配薄餅簡直係一流菠蘿炒飯好新鮮，用成個菠蘿黎整，份量亦都好多呢餐飯超滿足呀

旺角銀行中心集中大大小小的旅行社，今晚和太太到這裡看看旅行章程，順道在這裏晚飯， 在一樓有間越南菜餐廳 Le Viet ，印像中我在尖沙咀吃過，感覺不錯，所以也沒有猶豫便選了這間分店。餐廳面積不算大，不過放的枱椅不算多，所以空間感足夠，坐得舒適。這裏的餐牌 和尖沙咀分店的沒有分別。所以大致上已有心水想食的東西。香茅燒木棉魚木棉魚即是大眼雞，我本身是潮州人，記得細個的時候常常吃，清蒸之後再拿普寧豆醬點來吃，鹹鹹地送粥一流，近呢十幾年被日本人買到貴曬，原條炸成目鯛， 變成高檔食材，果然風水輪流轉，蝦毛都可以係主角。香茅燒木棉魚不知是咩玩法 ，所以特別叫一條來吃， 當於送來的時候， 有淡淡的香茅清香，木棉魚口叼著一條香茅，內裏亦鋪了一些香草，這條魚燒得不錯，燒的方式比蒸的難掌握時間，因為燒得過頭魚肉會變乾身，而這條魚燒得香口且保持了濕潤，而且肉質新鮮，魚皮上灑的粗鹽慢慢滲入了魚肉內，令魚肉不用點其他醬料也很鮮甜，若果想刺激一點，也可點餐廳自製的醬汁，酸中帶微辣惹味十足。大蝦菠蘿飯每次我食越南菜都必要一個菠蘿飯嚟吃，一些餐廳已不再用菠蘿殼來載飯欠缺了特色，而這餐廳卻仍然用原隻菠蘿殼盛飯，親切感

之前已經食過呢間越南菜 佢原來最近係旺角開左新舖 地方都幾闊落 所以同朋友試下〰️去骨海南雞飯〰️$72呢個海南雞飯既油飯好香 而個飯粒粒都有光澤 雞冇骨啖啖都係肉 而且都算滑 〰️牛油雞翼〰️$72呢個牛油雞翼既牛油味好濃郁 除咗又好香嘅牛油味之外 仲有厚厚嘅蒜蓉喺面 ‘吱’埋個青檸汁就更令到冇咁油膩 〰️香茅豬頸肉炒金邊粉〰️$72金邊粉炒得好入味 雖然係有少少油 但係真係幾惹味 ‘吱’左個青檸汁之後又係減左個油膩既感覺 豬頸肉有炭燒既感覺但唔會太乾身 〰️咸檸梳打〰️$28

好耐無行旺角同係度食飯，係銀行中心有水牌，多咗食店。上一層有starbucks，另外仲有呢間越式餐廳。樣樣都想食，樣樣都想叫。好耐無食菜，叫咗通菜（$62），幾可口，小小辣。呢個真係好好食，牛腩煮得好入味，又夠淋，405元都多，撈極都有牛腩，平時可能一兩舊就無，薯仔都ok，佢有個爐坐暖佢。配埋簿餅，點佢嘅咖喱，一流！（佢亦可以揀法包）叫咗牛油雞翼，72元有6隻，隻隻都係大隻，一上枱即食，好熱，上面仲加咗蒜蓉，啖啖肉。最鍾意食撈檬，叫咗豬頸肉，68元。豬頸肉燒得唔錯，唔會太難咬，過熟，用魚露沖落去，正，成碗即刻加哂分，好好味。佢有甜品同飲品，最後要左一杯青檸梳打。分開上，好有誠意又抵飲👍🏻我地8點到都幾乎全場有客人，我地食耐咗，等到尾段無乜人，就影個景俾大家睇。

呢間越南菜係旺角開左新分店 今次就黎試下😁店舖面積好大 而且裝修好舒服點左越式火車頭酸辣鍋 原煲連埋爐一齊上 滾起左牛肉熟左就可以食得酸辣鍋份量非常多 而且有好多款材料首先試左鍋入面嘅牛肉片 原先煲來嘅時間 牛肉係生嘅 而滾一滾塊牛就食得自己控制到牛肉生熟度 所以牛肉好嫩滑而且牛肉肥瘦適中 好有牛肉嘅香味有牛栢葉 非常爽口彈牙👍🏻牛腩本身已經炆得好林 而且吸收埋酸辣湯嘅味道 有啲食到停唔到口 另外叫左碟咖哩炒大虎蝦 非常大碟 虎蝦至少有6隻👍🏻 除左蝦仲有好多配料例如洋蔥 青椒 蔥 紅椒 蝦真係好大隻👍🏻 蝦身炸過 而且蝦殼已經起左 食嘅時候好方便 又唔洗整污糟手👍🏻蝦肉非常彈牙鮮甜 好新鮮 另外叫左薄餅點咖哩汁食薄餅好鬆軟☺️ 加埋咖哩汁同配料一齊食 真係一流

今日約了老友食飯，原本shopping後食飯，但因太大雨，朋友建議揾港鐵站附近食肆，避免落雨濕身，我們便揀了此店，因就在港鐵站出口銀行中心。我們點了牙車快、精選拼盤、牛油焗大蝦頭、金不換白酒煮蜆配法包、香茅豬扒湯粉、椰汁紅豆冰。整體食物質素頗佳，環境舒適，尤期是拼盤和香茅豬扒湯粉，大件抵食，味道也不錯牙車快，有雞、 青瓜、椰菜、生菜、紅蘿蔔絲，再配上特製魚露， 酸酸甜甜夠醒胃香茅豬扒湯粉，湯底清甜，河粉爽滑，豬扒大大件肉質淋滑精選拼盤， 有豬頸肉、蝦餅、春卷、蒸粉包，整體味道不錯， 豬頸肉夠爽有肉香蝦餅料足，蝦肉既彈牙又有鮮味牛油焗大蝦頭， 牛油味香濃，蝦大大隻，蝦頭多膏，外皮香脆， 啖啖蝦肉夠彈牙，好滿足金不換白酒煮蜆配法包，蜆肉肥美，淡淡酒香加上微辣 ，令人食指大動，法包外脆內軟

今日我去接朋友收工，都差不多十點鐘，我哋去咗旺角附近行有咩商場餐廳去食飯 ，最後就係銀行中心嗰度見到有間 餐廳仲開緊 ，就諗住上去睇一睇， 餐牌寫嘅嘢食都有唔少，而且坐得都見都幾舒服，因為可能太晏關係，所以 就唔係好多人。最後我哋兩個人入咗去坐，四人位都十分之舒適，之後我就嗌咗幾個嘢食，圍起每人200蚊都不用都幾飽肚，幾抵食。 我哋嗌咗一個拼盤，拼盤嘅份量畀我哋預期之外， 感覺上都好新鮮。春捲好脆而豬頸肉 都幾有口感。 蒸包皮夠滑身，而且材料十足，蝦餅係我最愛吃嘅食物，夠脆之餘蝦肉十分彈牙。菠蘿炒飯蝦有三隻係上面，仲好窩心地拆開殼等客人可以方便食用 。炒飯炒得都幾乾身，幾香口 ，份量比預期之中多 ，入面仲有少少火腿粒和菠蘿粒 。炒菜，鹹魚大大粒， 而且菜都炒得好翠綠，好爽口。海南雞 ，肉質都幾好，幾滑，雞味道保持到唔錯，配上醬汁就咁惹味。