Le Viet (已結業)

再次黎食哩間越泰餐廳，同上次一樣都係人山人海，座無虛席，要等一等先有位入場，不過咁好味排隊等一陣又有乜所謂。今次再黎某程度都係為左哩個椰青海鮮焗飯，爆滿足料果種滿到瀉既視覺效果真係好吸睛，椰汁好甜，配飯黏黏地又帶少少煙韌口感真係好正，人氣排行榜No.1係實至名歸。牛油焗大頭蝦，好香濃牛油味，而且蝦好大隻，啖啖肉，不過價錢就有d貴，值唔值就見人見智。香茅燒木綿魚，外皮燒得好脆，其實可以食埋都得，加左大量鹽，唔會鹹，味道岩岩好。