Le Viet (已結業)

同太太星期日做完運動，順道出旺角購買運動用品。購物完畢，順便醫醫五臟廟。老婆想食越南菜，見銀行中心商場有一間越南菜館，一於試試。食肆叫Le Viet。餐廳設計走簡約年青路線。二人叫了越式咖喱軟殼蟹配法包、雞牛豬串燒、火車頭河粉及香芒糯米飯。火車頭河粉先上。河粉份量大，生牛肉切得薄，牛肉處於半熟狀態，靠湯的餘溫將牛肉弄熟，食落嫩口。河粉亦有少量牛腩、牛柏葉、及牛丸，湯底算清甜。豬牛羊串燒各有兩串，每樣全經過腌製，味道濃烈，加上特製醬汁，入口冶味。咖喱軟殼蟹煲亦算不錯，軟殼蟹炸得香口，咖喱汁味道帶有濃烈香料味，但不算很辣。軟殼蟹另有炸薯角及附上一條長法包給客人點咖喱汁同食，非常飽肚。芒果糯米飯份量大，芒果清甜，糯米飯入口腍，水準不錯。此餐廳每碟菜的份量算大，同太太捧腹而回。

好耐無post食評了！！呢間店睇OpenRice成日都見到但係未食過，搜尋10點30分仲未關門嘅鋪頭，第一個彈出來就係佢啦！超載椰青海鮮焗飯😍$103hkd 一擺上台又係嘩一聲！(心入面) 份量真係好多啊！食落好香椰子味🥥仲有椰子肉喺度添！配料都好多主要係海鮮為主🦐😁 夜麻麻食都幾有罪惡感🙊唔好講咁多啦！食咗先算啦!越食軟殼蟹🦀咖喱鍋配法包$93hkd 炸軟殼蟹上枱嘅時候係熱嘅！食落仲好脆添！配埋咖哩同法包都幾滋味㗎🤤🤤咖哩不算辣。食食吓發現軟殼蟹有幾塊薯角🥔墊底，開頭諗住係睇得唔食得嗰種配菜，點知過咗10分鐘食呢個薯角🥔發現仲脆同埋熱添！ 呢個反而有驚喜喎😂😂 牛油雞翼 $72hkd 呢個都係熱騰騰上枱！雞中翼都算大隻，蒜蓉同牛油味都好出，蒜蓉分量亦好多！雞翼炸得算脆，配埋蒜蓉簡直冇得頂👍🏻 不過食兩隻已經好鬼漏！聽晚要跑番個4K先抵消番🤦🏼‍♀️

星期日同男朋友行完街去左食呢間越南野，本身都諗住求其食下，點知發現原來呢間野食都ok喎。海南雞飯，主要是雞胸來的，雖然份量不多，但不會「鞋」，而且佢既雞皮唔會膩。精選越式拼盤係餐廳推介，其中我最鐘意係豬頸肉同蝦餅。豬頸肉好入味同香，唔點醬都好味。蝦餅同春卷都炸到好脆，但入面又軟熟，點上泰式辣醬好惹味。鮮蝦紫米卷，味道好清新，個醬汁可以帶出蝦味，好match。最後叫左個芒果糯米飯做甜品，芒果好甜，糯米飯有紅白2款，紅色糯米好特別，幾好味。成餐飯都係300左右，但食到勁飽，下次會再來試其他野。星期日同男朋友行完街去左食呢間越南野，本身都諗住求其食下，點知原來呢間野食都ok喎。

要係旺角區搵越南菜食唔難，呢間係友人介紹，未食過就試下!食物選擇都唔少，價錢都算實惠，難怪門口等食人數都唔少，好彩早到都仲有少少枱!煙三文魚米紙卷 - 一份切開4件，煙三文魚分佈唔係幾平均，頭尾2件無咩三文魚，中間有濱海，外皮煙韌，加少少酸汁食增加味道及濕度!海南鷄 (1/4隻) - 起左骨，食時相當方便，啖啖肉，肉質算幾滑，配埋特色醬汁，有辣有唔辣，除你鍾意! 仲有墊底嘅椰菜，都幾腍甜，食埋唔好嘥!蒸粉卷 - 一客4件，擺盤幾靚，以炸蝦片墊底，粉卷中餡料幾多，食到有木耳及蝦米嘅口感及味道，唯外皮油份多左D，食到個口有D油膩感覺!鷄絲撈檬 - 份量都大碗，加入生菜絲，蘿蔔絲，炸蒜及少量芽菜作配料鷄絲已經調好味，落埋酸汁撈均食，酸酸甜甜，夏日之選!

早前喺The One食過呢一間越南菜，唔知道原來佢喺旺角都開左分店。上次食覺得都幾好食，今次朋友就約咗我喺呢度食飯。有一樣野覺得好好既係呢度坐得幾舒服，一啲都唔逼。枱同枱之間有足夠嘅距離，啱晒同一班朋友傾計。至於食物方面一樣唔錯。呢一個係越式牛柳沙律。喺牛柳下面既係青木瓜同埋洋蔥等等唔同蔬菜撈埋既沙律。成個沙律撈埋一齊食好fresh!特別一讚嘅係牛肉好好食，但係洋蔥味就太過重，建議餐廳可以落少啲洋蔥咁就perfect! 之後呢個小食係牛油雞翼，雞翼大隻到好似雞柳咁樣。而且雞翼處理得好好，食落好有牛油香氣，而且雞肉肉質鮮嫩，用嚟送啤酒就一流之後仲叫咗個越式咖喱軟殼蟹配法包，有樣嘢要讚既係軟殼蟹同埋咖喱係分開上，因為好怕其他餐廳將啲軟殼蟹浸落個咖喱度變淋晒唔好食。就好似咁樣，想食幾多就將個軟殼蟹放落去咖喱到就啱啱好啦。另外可以配埋法包一齊整埋d咖喱汁一齊食正！ 最後食越南野又點少得沙嗲串燒呀！三種肉類串燒分別係牛肉雞肉同埋豬肉。串燒燒得岩岩好，而我特別鍾意食雞肉串燒。配埋餐廳嘅秘製沙嗲醬一齊食好野味呀！

去銀行中心買隱形眼鏡，買完落樓見到依間越南野好似幾好座咁，一於喺嗰度食飯啦起特別火車頭同埋豬頸肉湯粉兩樣揀咗好耐，最終決定點豬頸肉，冇揀錯一大碗河粉再配大大碟豬頸肉，分量夠晒多檢查豬頸肉燒得啱啱好唔會肥，去配湯粉一流另外叫咗個招牌飯，果然係招牌有好多料，煎得靚嘅太陽蛋，加兩隻香茅雞翼仲有一大塊豬扒同埋扎肉，因為叫咗佢我放棄左個小食拼盤食越南野仲係想食個咖喱，佢免費跟塊薄餅，咖喱味道唔錯但係牛腩嘅份量少裏邊大部份都係薯仔，食得你飽但係唔夠過癮最後點左個炒椰菜苗，味道唔錯份量都唔錯，兩個人食飽張單都係每人$150左右，晚餐價錢ok 啦

放假去旺角行街街，晚餐時間去當然要去搵野食啦，朋友介紹話一間越南野好食,叫 LeViet，佢既好食環境同氣氛都幾attractive, 叫左杯青檸soda 潤下個胃，因為有2道菜都幾重口味，就係咖哩牛腩煱同咖哩炒大虎蝦，personally 覺得同樣係東南亞菜式，Vietnam dishes 係無泰國菜咁濃味，即係唔會咁大酸大辣同咁重香料，但呢2個菜式都幾惹味，呢兩個菜可以送三碗飯，另外仲食左個越南生牛肉湯河 ，湯底幾清甜底食。

自從踏入夏季，天氣越來越熱，連續下了好幾天雨，心情難免受影響。這天一早約了好友，到旺角Le Viet 開餐，希望吃點美味的，令心情轉好。牛油雞翼雞翼外層超級香脆，帶有濃郁牛油及蒜香，內層肉質嫩滑juicy，惹味指數爆燈。扎肉燻蹄米紙卷米紙卷的精髓，相信必定是醋汁，點上香醋後，扎肉燻蹄突然鮮味，極令人越吃越開胃。蔗蝦蝦肉外層酥脆，內層彈牙，蔗條香甜，推介。牛肉湯河賣相不錯，湯底味道甜甜的，非常鮮味，而牛肉口感嫩滑，配上滑捊捊河粉，以及爽口芽菜，令口感變得非常豐富。越式咖哩牛腩鍋牛腩鍋是配白飯及餐湯，以小爐烘著，保持溫熱狀態，咖哩味道超讚，香噴噴的，辣度剛好，而牛腩的份量不少，肉質雖不算淋滑，但亦不粗鞋，而鍋內更有牛根， 膠原蛋十足，薯仔粉綿，佐飯一流。蒜蓉炒西蘭花平日多肉少菜，就點了西蘭花來吃，味道不錯，鑊氣重，蒜香味濃，西蘭花爽脆不老。隨餐附送飲品，點了熱奶茶及凍啡，奶茶有點像台式，奶味較茶味濃，於我，很對胃口。

喺旺角唔知食咩好，經過呢間越南野就決定入去食，因為之前都係尖沙咀試過味道唔錯一坐低，叫咗杯青檸梳打因為真係太熱啦，飲番杯凍冰冰嘅嘢就最好之後就叫咗個咖喱牛腩，食咖喱梗係配法包，果汁好好味，送法包一流，牛腩嘅份量就一個人啱啱好夠食。另外叫咗個大蝦菠蘿炒飯，都經過菠蘿會上，炒飯入邊都有菠蘿，加埋三隻蝦，同肉鬆，份量都好足。另外叫左牛油雞翼，依個真係強烈建議大家選擇，外層脆卜卜，牛油味亦都好香，雞翼亦都十分之大隻，無論係份量同味道上面都非常好。

又嚟到我嘅食飯蒲點旺角，由於我同個老死都係好想去越南玩嘅，亦都計畫之後會一齊去，所以今日餐廳嘅主題就係越南喇，之前成日驚喺銀行中心都見到一間新派嘅越南菜，裝修都幾靚仔同顯眼嘅，所以我哋今日就決定去呢度食喇。就噉睇啲主菜其實都唔算貴嘅，平均100以內都有交易，今次我哋主要都係叫佢哋嘅招牌菜。咖喱牛腩配印度薄餅。佢會配埋一個火爐畀你，保持住個溫度。比較欣賞就係佢隻咖喱汁，辣味唔重，少少甜得嚟非常惹味，加配埋佢嘅印度薄餅嚟食，薄餅吸曬啲咖喱汁精華，非常好食。牛腩肥瘦適中，配合咖喱汁非常唔錯。超載椰青焗飯。我見到唎個椰青焗飯嘅餐牌係好靚仔嘅，當然，睇到實物係有少少距離，同埋都擔心會唔會係一個伏。不過我同朋友食咗第一啖之後都覺得有啲料到喎，之前都以為甜嘅飯我感覺會好奇怪，但係佢呢個焗飯又做得恰到好處，飯甜得嚟有少少硬身，食落嘅感覺有少少似熱嘅椰汁糯米飯，我同朋友都係第一次食呢種口感嘅飯。同時佢嘅海鮮都非常足料，有蝦有蜆有魷魚，最緊要就係呢個飯嘅分量超級大，成咗山咁高，我哋兩個大男人都食唔曬呢個飯，所以呢個飯系抵食。小食拼盤。我見到菜單，呢個小食拼盤係比之前減咗價嘅，份量都幾大。燒豬頸肉香脆乾身，

Tastes: 4 /5Service: 4 /5Environment: 4 /5今日同朋友補完習好肚餓近近地就去咗旺角銀行隔離間越南野醫肚咁個地理位置都真係唔錯架 咁食完野呢就可以即刻好快咁返屋企應付溫習考試啦 所以就搵個就腳嘅地方黎用餐因為今朝乜都無食 肚都係度打鼓 一直好肚餓好肚餓 未坐低已經「鼓鼓聲」 今次一次過order咗好多好多野食 其中最值得推介既係海鮮椰漿飯 海鮮方面有魷魚、蝦帶子等海鮮！呢個飯真係勁飽肚 不過就有少少膩咁 而且用料都幾新鮮

心血來潮想食越南菜，於是放工就跟老公去旺角銀行中心Le Viet食晚飯。這裡主打新派越菜，款款都足料抵食。雖環境寬敞，但好多時都會全場爆滿。當日無訂位，但好彩唔多人排隊，所以等了10分鐘左右就有位。門口放有吸引的【最人氣排行榜】及【本店推介】，而推介菜式會有推廣價。我們選了小食、菜及推介的海鮮鍋。香茅豬頸肉米紙 (HKD42)煙靭米紙包著厚身富口感的豬頸肉，夾著生菜及大量幼身米粉，沾上混合魚露醬汁，味道更見突出。咸魚炒芥蘭 (HKD62)越式酸辣海鮮鍋 (推廣價HKD148) (原價HKD168)海鮮鍋有魷魚、蝦、蜆、蕃茄、菠蘿等，材料豐富。但送來時材料還是半生熟，所以需用爐火煮3-4分鐘。熟透後，所有材料都被橙紅色的酸辣湯濃濃的包著。每口海鮮都帶點酸辣，而湯的味道有層次：蕃茄的酸、菠蘿的甜、辣椒的辣、海鮮的鮮，實在醒胃又刺激。(左) 青檸梳打 (HKD28)(右) 咸檸梳打 (HKD28)

今日約左個樂高迷食飯，於是就佢去開銀行中心睇完心頭好，跟手去埋樓下的Le Viet一路食飯一路慢慢傾，都係佢講我先知原來呢度都有嘢食㗎！餐廳環境都唔錯，幾大，好多枱，所以唔需要等位就入坐了。Le Viet之前都食過其他分店，我係幾鍾意食越南野，所以覺得好好味。今次嚟到，叫咗一啲以前食過嘅菜式，亦都叫咗一啲新嘗試。無骨海南雞飯：你都幾大碟，絕對夠送飯有凸，真係去骨去得幾乾淨。最驚喜係，居然有雞翼同雞脾肉啊！好開心呀！雞係幾好食嘅因為肉好厚，仲有雞味，你下面仲有好多白烚椰菜添！醬汁都好好味，尤其係泰式雞醬。油飯都幾香。春卷扎肉撈檬：越式菜式我最愛就係撈檬，呢度嘅撈檬都係好好味。春卷夠脆，有三條，好味！扎肉唔算厚，味道ok!蝦餅：蝦餅4件，每件都好厚好大件，炸得好脆，好飽肚的。蒜蓉炒椰菜苗：呢個意想不到的好味，椰菜苗本身已經新鮮，好愛佢的口感實實的，而且最讚係炒得極有火喉，好香，我下次一定要encore!椰青：大大個，新鮮解渴，味道清甜！一打開，椰青水多到差點流出來啦！

旺角鬧市中抵食午餐😍➡️午餐大概$60-$80蚊，非常抵食！.🔸我哋叫咗一個午餐炒飯配串燒🍢 雞肉夠滑；豬肉都夠淋；牛肉亦都唔「鞋」，串燒做得幾出色🤩點埋個沙嗲醬真心好吃！.🔸散叫咗個拼盤：蝦餅幾彈牙😋豬頸肉都燒得好香，春卷新鮮炸起，而且用料充足；雞翼面上嘅蜜汁夠惹味🥰.🔸蝦紙米卷凍冰冰夏天食就最啱，紙米卷大大嚿，脹卜卜，咬落去幾爽口！.🔸最鍾意飲椰青🥥當然要叫返個😋椰青非常之甜，好好飲；而且啲椰青肉都夠嫩滑，不過椰青係室溫，就有點美中不足😶

旺角實在太多餐廳選擇，今次同朋友就想食越南野，所以就選擇左依間餐廳太熱了，要飲杯涷野先夾，梳打酸酸地開胃，另外滴漏咖啡有心思，夠香夠濃，唔錯依個雞翼非常好味香脆嘅皮充滿牛油香，入面嘅肉仲可以保持肉汁同嫩滑，同朋友好快清哂！一見到個份量嚇一跳，好足料嘅一個沙律，面層就係有蝦、魷魚，低層就用青瓜絲墊底，加上柚子汁，感覺十分清新拼盆總共有四款小食，春卷、蝦餅、豬頸肉同扎肉蒸粉包，每款雖然都係越南餐廳基本小食，但一啲都唔求其，每款都有水準，好味依個海南雞飯冇骨嘅，食落好方便一啖落肚😛，而雞老土啲講句都要，好有雞味🤣，飯都有陣陣椰香味，啲雞點埋啲醬油送飯一流最後食埋依個咖哩，有小小辣好惹味，軟殼蟹分開上，仲可以保持住脆身，食落唔油膩，而咖哩再配埋法包，Perfect Match兩個人食咁多嘢係誇張咗嘅，但因為樣樣都咁吸引所以先叫得咁豐富，好滿足呀😝