Le Viet (已結業)

其實自己都喜歡吃越南菜。這幾天去探同事所以到這間餐廳吃晚飯。方面非常,很近地鐵，需要五分鐘。可惜人比較多裏邊的確有少少嘈。😔唔知走過嚟嘅時候好多人，需要排隊。首先他們征選的越南館很吸引。做到色香味俱全。價錢我覺得唔貴而且有隻蝦餅春捲豬頸肉。應有盡有。春捲非常甘香而且香脆唔太油膩。豬頸肉燒得非常香。有口感。其次最愛嘅就係香茅燒木棉魚。非常有魚肉味大家一定要試。間餐廳裝修而言非常之講究好有越南tastend i like environment v much

與朋友一期一會，被介紹到這間Le Viet食越式晚餐，感覺超棒。首先這間餐廳位置甚好，就在旺角站旁的銀行中心1/F。晚上到來，建議最好先訂檯，因為平日晚上已經可以看見滿座的情況。菜單上的食物種類甚豐富，我和朋友三人共點了四道菜包括牛油雞翼，椰青焗飯，豬雞牛串燒及咖哩大蝦等，另外又點了每人一個椰青做飲品。牛油共有五隻，每隻都很大隻很多肉，而且牛油味甚香，充分融入雞翼之中，非常好食。椰青焗飯則椰香味超重，而且海鮮飯滿載在椰殼上，賣相和味道都非常一流，是必點的菜式。豬雞牛串燒屬於正常的水平。咖哩大蝦就是餐廳的其中一款美味菜式，咖哩味不辣而且很香濃，蝦則脆身入味，非常易入口又很惹味。至於椰青飲品都很值得推介，因為每個椰青都很大個，好有椰香味，而且多汁香甜。這四款菜加每人一個飲品人均消費都只是二百多，食得很飽，是性價比甚高的越南餐廳。

Great value@旺角Le Viet 地址： 旺角彌敦道636號銀行中心1樓101-106,108-109號舖 食完tsim sha Tsui,剛好出旺角行街街，同友人先食飯再購物，我建議去食越南或泰國cuisine ,就順利成章帶佢一齊來點curry 呀 $168 咖哩炒大虎蝦，大蝦件頭大，折完殻都仲有好多肉食到，用蝦肉蘸點咖啡汁更滋味架！加碟蒜蓉炒椰菜仔$66，十字花科類架菜抗氧化，最鐘意食呀！通常一碟菜/salad 都走唔甩架啦小食邪惡，香口惹味，炸到香口又高卡，但忍唔到口呀$72 牛油雞翼！ 卜卜脆仲要淋勁多蒜香牛油呀

🐷🐷🐷▪️超載椰青焗飯 ($103)好濃的椰漿味道，有大蝦，有鋧肉，提子乾，青豆，玉米粒。其實真係幾甜幾漏！對於鍾意食甜野嘅人來講係好吸引🤪 〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️青木瓜大蝦雞絲沙律 ($62)賣相幾吸引~有青紅蘿蔔絲, 青瓜絲，大蝦，雞絲，酸酸甜甜好開胃！〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️雞牛豬串燒 ($89)今次食飯帶咗表弟去食，佢係肉食大王黎🤪 所以佢自己一個人都食咗四串lol 表弟話咁多個菜入面串燒嘅表現就最出色🤔 尤其是牛肉串，好嫩好多汁，食完仲齒頰留香🤪 〰️〰️〰〰️️〰️〰️〰️5/5🐷〰️〰️〰️〰〰️️〰️〰️▪️火車頭酸辣鍋 ($148)入面有牛排葉，幾片牛肉，幾粒牛肉粒，三顆牛丸，好多菠蘿粒，芽菜，不太辣，酸酸甜甜。都係符合返越南菜嘅特色。份量方面三個人當主菜食啱啱好👀〰️〰️〰〰️️〰️〰️〰️4/5🐷〰️〰️〰️〰️〰〰️️〰️▪️法包 ($25)🔸Overall ($427+1)📍Le Viet (旺角)旺角彌敦道636號銀行中心1樓101-106,108-109號舖

如果唔係朋友介紹都唔知道原來旺角銀行中心一樓入面有一間咁好食嘅越南餐廳, 在下午時分打開個menu試下新嘢, 叫咗個海鮮煲同埋咖哩牛腩煲跟飯加多個椰青😊無論係咖哩牛腩定喺個海鮮鍋味道都絕不馬虎。仲有一個好美味嘅湯跟埋😍店舖環境光鮮企理，服務態度優良，位置與位置之間有足夠空間，你能夠在一個舒適丶食物好味嘅環境下盡情享受呢餐飯，在香港實屬難得。所以實在誠意推介畀大家呢一個絕對係一個性價比高質嘅地方。👍

之前已經係尖沙咀分店見到大排長龍可能旺角比較人隱世啦 相反地人流就冇尖沙咀咁多如果想試食到地道風味但又唔想等咁耐嘅朋友可以考慮嚟到旺角嘅分店架！今次真係order多咗好多food 明明得兩個人但係呢就好似有四個胃咁一次過order左好多野食 其中最值得推介嘅就係海南雞啦我 可能雞嘅份量俾我哋想像中多 明明只係帶咗一隻但就分開兩碟上 可以話係分量都幾足夠 而且肉質鮮嫩唔會太過老味道都唔錯架 加上佢個醬汁都幾特別 配上傳統海南雞醬都幾match

今日去咗食越南野🇻🇳Le Viet，餐廳鋪面都幾大，可以容納到好多人👨‍👩‍👧‍👦餐牌都有好多選擇，我就叫左火車頭酸辣鍋，同埋辣椒膏炒大蜆🤗火車頭酸辣鍋🍲，叫得火車頭，即係有好多牛嘅食材啦🐂，入面有炆得好淋嘅牛腩，好索味嘅牛柏葉，幾粒牛丸，仲有幾塊生牛肉比你自己煮，本身以為係番茄湯🍅，但係飲落去酸酸甜甜辣辣嘅，酸味係嚟自檸檬葉🍋，而甜味係嚟自菠蘿🍍，真係估佢唔到😯，第一次飲有菠蘿嘅湯😆，又幾特別，都OK架喎😉另外叫咗個辣椒膏炒大蜆🌶，蜆係大大粒嘅番薯貝，冇沙，個辣椒膏醬真係超正🤤，應該要叫埋薄餅點醬食，呢個推介一定要叫呀👍🏻👍🏻

去到旺角, 當然想去d又潮又有驚喜, 而且坐得舒服既地方食野啦! 銀行中心就去得多喇, 睇完旅行資料, 如果想搵個地方食野, 哩度真心近!入門口見裝潢好新潮, 絕對唔係平時尖尖帽個d傳統格局! 由於我好想食d開胃酸辣野, 但又食厭左酸辣粉, 所以食哩個越式海鮮窩, 味道好有層次, 香茅味剛剛好。食落有d似泰國冬陰公, 有大隻蜆同蝦❤❤❤店員姐姐仲好細心提我, 會幫我煮多陣先食。上台時係超新鮮, 睇住佢煮熟ga~😁再叫左個咖哩牛腩窩跟飯, 牛腩好入味好腍, 我最鍾意食牛筋, 份量好足夠, 仲有專人幫你setup暖住個煲! 🎉每次去食泰式越式野食, 見到menu有椰青, 都會忍唔住叫黎飲, 太清甜消暑喇~menu上有多款特式粉麵飯!午餐真係好正! 包埋野飲都係$69推薦! 下次要食下海南雞!

放假帶幾隻馬騮去旺角玩，出去途中用openrice嘅訂位方法訂了呢間餐廳，準時去到唔使等即刻入座，店面幾大，簡約桌椅，感覺似美式餐廳多過食越南菜🇻🇳，桌椅唔迫，星期日都有套餐！落單後食物陸續到海南雞飯（$68）我同肥髀都食呢個餐，一份係我最愛嘅雞胸，一份係肥髀最愛嘅雞翼，每份都有1/4隻雞有多，雞胸唔嚡，點甜豉油/泰式醬好味，我嘅白飯好大碗，夠熱鬆軟，試咗肥髀一啖油飯，好香滑，又唔會好乾或太濕！好味！越南咖啡☕️（跟餐加$8）走咗鍊奶，咖啡有陣雲呢嗱香味，飲落甘苦，幾香濃解膩！柚子海鮮沙律（$78）感覺同泰國菜餐廳一樣味道，蝦大隻爽口，柚子肉酸甜唔澀，木瓜絲爽脆，撈埋檸檬酸汁好開胃好味牛油雞翼（$72）肥髀食招牌飯（$69）姨甥食生牛肉湯粉（$59）姨甥食豬扒湯粉（$59）媽咪食，試咗一口豬扒，好鬆脆，醃得好入味椰青（$42）無得跟餐，都幾貴汽水🥤（跟餐加$8）係罐裝，配埋冰杯！凍檸茶（跟餐）外賣盒🥡（$1）食物好味，而且份量幾大，所以最後嘅雞翼食唔晒要拎走，店員有禮，我要求幫手影相，雞飯忘了轉白飯佢哋都好快手幫手攪掂！有大有細去食都好舒服！旺角區值得一試嘅越南菜

本來我們仨想去附近一打卡泰國餐廳re-u，可惜見在openrice的大家說那裡打卡ok，食物不行，作為吃貨的我馬上怕怕了，一位女友人提議Le Viet，見評價ok，立刻轉移陣地。越式咖哩軟殻蟹鍋(配法包) ($93)一上枱，香氣四溢，加熱完更加芳香，可是食落咖啡汁偏濃甜，冇咩咖哩中既薑黃味。入面足料，都係青椒紅椒洋蔥薯仔，主角軟殻蟹的蟹味欠奉，蟹肉較少和單薄，炸粉似時下興的蛋黃包住炸的口感但不是蛋黃味。法包做得幾好，軟硬剛好。精選越式拼盤 ($98)正常到不能再正常😅 只是蝦餅偏咸欠蝦味超載椰青焗飯 ($103)真係保證超載的一大個！眼前一座山，食到最後，椰青窩裡也深不見底😂 整體味道唔錯，有微甜的椰漿伴入海鮮飯中；飯是三色豆飯，伴入的海鮮有無味魷魚，蝦，很多的蜆。椰青肉跟著整個椰青焗飯一同焗熟，軟軟q彈，喜歡既朋友可以循列用鐵勺刮肉出來不要怕羞😂這餐廳口味較濃，烹煮ok，調味食材一般。在大大個霓虹燈牌旁，同朋友仔吹水re-u，都好feel既。不過呢，朋友們就一定想再見，餐廳就不太有想再到訪的慾望，也挑起不了我給好評的慾望🥴

今日收左工之後出左旺角搵啲朋友行下，行到咁上下就去左搵啲野食。係朗豪坊附近有幢銀行中心，果度一樓有呢間Le Viet。個環境都幾舒服，加埋啲燈光同裝修，都幾唔錯。餐廳安排左窗口卡位俾我地👍🏻可以睇住附近嘅馬路，都幾有feel。講返野食，我地叫左椰青，鮮蝦米紙卷，炸蝦餅，牛油雞翼，超載椰青焗飯，串燒同咖哩炒大虎蝦。特別推薦個牛油雞翼，焗飯同炸蝦餅。個雞翼夠晒大隻，炸得好脆，又有牛油味。個焗飯就一如其名，大大份，好夠味好夠料，兩個人嚟都未必食得晒。最後啲串燒新鮮熱辣上枱，配埋啲沙嗲汁真係一絕。有機會可以嚟試下架！

係咁熱既天氣底下真係離唔開商場, 行開銀行中心就順便係呢度食埋野行左幾間最後決定食Le VietLe Viet餐牌上既選擇好多, 當中仲介紹左人氣最高既食品同餐廳推介既食品比顧客最後我地叫左個柚子海鮮沙律$86起初以為只係得柚子, 點知原來仲有青木瓜絲同蘿蔔絲海鮮有蝦肉, 魷魚, 蜆肉等等, 酸酸甜甜好開胃媽媽一向好鍾意食薄餅, 冇人話食薄餅一定要咖喱既冇咖喱先食到原汁原味架嘛, 煎得好香, 唔錯大蝦菠蘿飯$96原個菠蘿上, 上面仲有3隻大蝦, 仲剝埋殼添餡料都好多, 用既係新鮮菠蘿, 成個飯充滿菠蘿香椰青 $42清甜解渴, 消暑一流連肉都可以食埋丫餐廳位置方便，又近港鐵站，食完就可以行去搭車返屋企啦

之前去過尖沙咀的分店吃，今天想吃越南菜，便來到旺角的分店。分店地方頗大，坐位寛敞。去骨海南雞飯連餐湯$68雞肉嫩滑帶點香味，油飯味道香濃而帶點嚼勁，加上自家製的酸辣汁，配合得天衣無縫。香茅豬扒湯粉$59豬扒是厚切的，香茅味道濃郁，湯頭鮮甜，河粉軟滑，加點辣椒和青檸，味道更佳。跟餐凍咖啡加$5這個咖啡味道徧淡，如果濃一點更好。青木瓜大蝦雞絲沙律$75蝦肉鮮甜，雞絲份量多，而青木瓜纖維豐富，口感紮實，令人感覺健康。香芒糯米飯$55，芒果🥭香甜，椰漿香濃，黑/白糯米煙煙靭靭，就成為最美味的香芒糯米飯了。焦糖燉蛋$36焦糖焦脆，燉蛋香軟，甜度適中，果然是我最愛的甜品之一。

見呢間野咁多正評諗住包冇死，點知原來咁失望由入座開始已經有問題，去到門口冇人帶位，幾乎要用獅吼功先有人理，個個係到發呆咁好啦幾經辛苦獲賜座，Ｄ音樂嘈到好似去左聽搖滾音樂咁直頭大聲到耳仔都痛埋問佢可唔可以較細聲Ｄ啦，點知極串咁答我：「唔可以」真係極懷疑佢係咪特登較大聲Ｄ等Ｄ客坐唔耐趕人走然後諗住叫野食點知舉極手，揮晒手都冇人理有個阿姐直頭望住我舉手都冇理我，咁鬼有性格，又要我大叫先有人理終於可以叫野食，點知叫乜冇乜，得返Ｄ貴既野真係多謝你喎唔想人叫Ｄ平野不如唔好放係ＭＥＮＵ啦好嘛？終於係無選擇之下叫完野食Ｄ野難食到喊出黎海南雞好似賣剩既送頭送尾咁雞肉肉質散晒,完全冇口感,好似食粉咁豬頸肉仲係粉紅色,我真係唔敢食睇下D油多到用黎炒多碟都仲得一句講晒：垃圾服務！垃圾環境！垃圾食物！請都唔會再食！大家千其唔好去食唔係只會食到一肚火

朋友係外國返黎想食越南野..上網搵左呢間好似坐得幾舒服我地由七點幾坐到人地收鋪都無趕走我地..呢方面幾好..而食物就好壞參半…叫左以下食物咸魚炒芥蘭 - 上菜時只係微溫…可能佢炒定一大盤係到..咖哩軟殼蟹配法包 – 呢個幾好味.. 仲配左d 炸薯..食呢個可以自己再加薄餅小食拼配 - 不過不失串燒拼盤 – 原本係豬牛雞各兩串 因為有朋友唔食牛..佢肯幫我地轉豬&雞各3串呢個燒得幾香口..沙嗲汁都唔錯