Le Viet (已結業)

今次係同男朋友第二次嚟食，我覺得呢間係mk算係唔錯嘅選擇。價錢中等，食物份量都算幾多！雞c撈濛 &越式拼盤-除咗蝦餅硬左少少之外，其他都值得一試牛油雞翼-上一次黎喉嚨痛就冇叫到，但係見到人叫嘅時候真係好吸引。就今次叫黎試吓啦，但係同我想像中係有啲出入，雞翼醃得味道唔夠，有小小失望但係總括嚟講呢間餐廳都係一個唔錯嘅選擇，食物大份，價錢中等，食物新鮮熱辣

酸甜辣越南野*同男朋友食暈全港九*酸酸甜甜辣辣越南野，泰國野係我其中一樣愛好既～特別係夏天，想小小酸辣，流下汗，感覺去到下水腫～琴晚去左旺角就食呢間越南野Le Viet，都成9點半，餐廳都好多人。我地簡單點左三個野食，特別火車頭，越式酸辣海鮮鍋同串燒雞牛豬各2串。特別火車頭大碗，湯底清澈但夠味，濃郁越南湯味。河粉都夠食，配足料既餸，牛肉，牛腩，牛柏葉，牛肉，白蘿蔔，洋蔥，香料～吾單調，牛肉係半生熟咁，用熱湯慢慢整熟，所以好嫩。越式酸辣海鮮鍋呢個鍋有海鮮，蝦，魷魚，蜆，同埋番茄，菠蘿，加埋辣椒配料，酸酸辣辣，岩我口味。d海鮮都吸晒湯底味，更提鮮，一d吸多d汁，有晒層次，醒胃惹味！串燒雞牛豬各2串食越式泰式野，串燒吾小得。牛肉吾鞋口，雞肉嫩，豬肉燒得夠香，點埋秘制沙嗲汁，好食。

夏日炎炎大汗淋漓…無乜胃口，想食返啲酸辣嘢開下胃♨️ 今次嚟到一間位置十分方便既越南餐廳，就喺銀行中心上一層，咁熱汗都唔洗流一滴，正！-☆ 越式咖哩牛腩鍋 HKD$69牛腩鍋係由小鍋上，用火坐熱住，夠哂熱辣辣！鍋裡有牛腩同牛筋，煮得幾軟腍，仲有配菜薯仔同紅蘿蔔，另外餐跟白飯、餐湯及餐飲，食完真係夠哂飽😋 我仲加左8蚊飲特飲 椰汁紅豆冰，椰汁味幾重，不錯的🙂-☆ 越式海鮮炒檬粉 HKD$69哩個係餐廳精選套餐，69蚊連餐湯餐飲，幾抵食！檬粉味道不錯，但略為太碎，散左少少好難夾。海鮮有鮮蝦、魷魚等，魷魚幾爽彈👍 同樣加左8蚊特飲 三色冰，配料都幾多，幾抵飲！-☆ 串燒 雞牛豬 HKD$89/半打豬肉、牛肉及雞肉每樣各兩串，燒得幾香口惹味。我最喜歡牛肉串燒，外面通常牛肉燒得麻麻，但哩度既牛肉燒完，肉質仍然嫩滑有嚼勁🤤 配埋秘製既串燒汁，汁係多花生醬嗰種，好好食💕-☆ 椒絲炒通菜 HKD$62食越南嘢又點少得食炒通菜😏 通菜炒得頗有鑊氣，味道適中，唔會好鹹並帶點微辣，可以再encore多碟！-總括而言，餐廳環境不錯，旺中帶靜，就講位置已經跑贏人成條街，想食越南菜既你可以去解下春~

Le Viet - 性價比高越南菜 門面藍黃色的英文字發光招牌，配上色彩繽紛的天花，半開放式設計的餐廳，梳化墊椅子配大的木桌子，觀感非常寬敞，光線明亮舒適。雞、牛、豬串燒一客三串串燒，試盡雞、牛、豬，串燒把外皮燒的微焦香脆，雞肉嫩滑、豬肉腍身，牛肉濃味，再點上惹味沙嗲醬。越式咖哩軟殻蟹鍋配法包利用蠟燭暖著的咖哩鍋，熱騰騰的咖哩配上脆口的軟殻蟹，法包微微烘過，浸一浸後咖哩汁滲到包中。大蝦菠蘿炒飯原個菠蘿的炒飯，炒飯配料有新鮮的海蝦、鮮甜菠蘿粒、紅腸粒、火腿粒和雜豆，炒飯炒得不會太乾，菠蘿的果汁慢慢滲入到飯中。香茅豬頸肉湯粉海量多的香烤豬頸肉，啖啖肉，配上泰式甜辣醬，湯粉是用金邊粉，湯底清清的，配上濃味的香茅豬頸肉剛剛好。

香芒糯米飯 $55100分，芒果又香又甜又多汁，椰奶非常濃郁，包裹住每粒糯米。最有特色係雙色糯米飯，紫米特別煙韌，口感一流。牛油雞翼 $72牛油雞翼上舖滿生蒜同炸蒜，夠足料、勁惹味，雞翼炸到卜卜脆，果然係皇牌菜式。串燒(豬、牛、雞) $56每款串燒都做得唔錯，沙嗲醬濃香花生味，豬肉及牛肉處理得好，肉質咬落一絲絲咁一啲都唔韌。去骨海南雞飯 $72海南雞飯個辣汁同黑醬油調味剛好，最鐘意就係食去骨雞，啖啖肉。蒜蓉炒椰菜苗 $66椰菜苗爽口無渣，我好鐘意食佢既爽脆口感，通常都係食東南亞菜既餐廳先會有，所以每次必點！

東南亞野酸酸味味真係好開胃，行開呢頭見到好多人係岀面打蛇餅排隊，心諗應該幾好食啦，唔執輸性格既我地即刻拎飛排隊🤣🤣🤣🤣食物價格普遍都比較貴，但質素都幾好🤤嗌左個拼盤、沙律、豬頸肉、焗飯。。。。。個椰汁個飯個份量唔係話好大，但都有個山丘仔🤪個飯用左好多椰漿焗，所以真係好濟🥴🥴🥴而且個飯最後先黎，已經食曬頭盤小食飲埋湯，所以食左幾啖真係搞唔掂🤢不過成個環境唔錯，雖然嘈左啲，但design幾有style🤣

今天約了弟弟食lunch, 然後一起到九龍城蒸腳，我們約了在旺角食越菜，很久沒有單獨和弟弟食吓飯傾下計了餐廳環境好濶落，午市非常多人，好熱鬧！椰汁綠豆冰$28~天時暑熱飲埋杯凍嘅椰汁綠豆冰真係爽哂而弟弟就十年如一日獨愛喝凍檸茶少甜(跟餐)。今日我地order左咖哩牛腩飯, 香茅燒豬頸肉, 雞牛豬 串燒半打和柚子海鮮沙律。柚子海鮮沙律 $78~ 有青木瓜絲,紅蘿蔔絲, 腰果,魷魚 ,柚子,大蝦和蜆仔, 配料非常豐富 ,加上酸酸甜甜的泰式酸辣汁，非常惹味！串燒雞牛豬 半打$89~ 表面燒得好焦香, 豬，牛，雞肉質好軟滑，秘製醬汁十分入味，正！香茅燒豬頸肉$ 76~ 表面燒得好香好脆口， 豬頸肉肉質腍中帶爽，還有陣陣的香茅香味， 非常美味可口，必吃！咖哩牛腩飯Set$69~另包湯，飯和飲品，$69好超值!除了牛腩和牛筋外，還有青椒和薯仔，份量少！牛腩炆得好鬆化，牛筋亦好腍好彈牙，配上咖哩汁好香好惹味，必吃x2！

餐廳名字： Le Viet📍旺角彌敦道636號銀行中心1樓101-106,108-109號舖重點： 出色越南菜*******今日kaygor帶大家去旺角食新式越南野，地方闊落，環境舒服。介紹返野食先燒豬頸肉份量大份，燒到岩岩好唔會太柴，肉質鬆軟生牛肉湯金邊粉清湯湯底配有白蘿蔔，湯頭清甜，蘿蔔爽口無渣，牛肉份量十足蝦餅即叫即炸，蝦餅材料十足，咬落非常彈牙咸魚炒芥蘭芥蘭炒完無渣又香口，足量都夠3個人食咖哩炒大虎蝦大蝦本身折好曬，輕輕用叉㓤就有肉食，蝦肉爽口大隻袖子海鮮沙律有青木瓜做底酸酸地配埋袖子清甜非常開胃芒果糯米飯有齊紫米同糯米椰汁夠多，芒果清甜冰滴咖啡配有煉奶，香滑無比，愛咖啡必點👍🏻👍🏻食物 👍🏻👍🏻👍🏻👍🏻👍🏻環境 👍🏻👍🏻👍🏻👍🏻服務 👍🏻👍🏻👍🏻👍🏻價錢 👍🏻👍🏻👍🏻👍🏻備注👍🏻5粒代表最推介

係旺角買完眼鏡見有間尖沙咀都有既越南餐廳，一直想食，咁岩朋友又想食泰國野就試試燒豬頸肉，燒烤味濃，肉質岩岩熟保持肉質鮮嫩生牛肉湯金邊粉，湯料配有蘿蔔大量蔥花，湯頭味道濃郁，牛肉靠湯頭做到岩岩熟蝦餅夠香脆，饀料紮實，唔算油膩咸魚炒芥蘭，味道好，菜炒完都keep到鮮嫩，份量十足咖哩炒大頭虎蝦，咖哩味道夠香濃，咖哩無辣口口味，送埋包岩岩好，上台夠熱，大頭蝦新鮮，蝦身大隻，肉質有蝦甜味袖子青木瓜沙律,酸酸甜甜，仲有蝦同魷魚，開胃前菜食越南野一定要飲返個椰青😋椰青夠冰凍，消暑又解辣

之前喺尖沙咀經過見到, 一直好想試呢間越南菜, 原來旺角都有分店同朋友兩個人, 叫咗咖喱炒大虎蝦, 蝦餅, 招牌飯同三色冰😋最吸引係咖喱炒大虎蝦, 啲咖喱好香好濃! 加埋大大隻開邊虎蝦🤩超正!!已經成為翻食嘅理由!! 蝦餅亦都係另一個點睛之作, 唔知有啲菜館會落好多粉, 呢個蝦餅雖然份量唔多, 但勝在每件都好厚實, 而且咬落去非常彈牙😋反而個招牌飯相比之下就比較失色, 本來想叫佢個椰青飯, 但見到佢個招牌飯好似好有噱頭好神秘, 點知我哋諗多咗, 原來係炸豬扒雞翼串燒火腿扒蛋飯🙈好在味道都唔差, 下次有機會一定要試吓個椰青飯!

捉緊夏天的尾巴😉, 夏天都要要搵地方去消暑. 朋友突然可以八月請假去旅行😍, 所以今天放工嚟到銀行中心，去旅行社攞資料😚😚😚平時都會在旁邊嘅等𨋢大堂，直接搭𨋢去旅行社。 今日因為天氣太熱了，朋友又未到，我就行咗入去商場入面。 原來扶手電梯上一層係有好多食肆架。😍😍😍😍😍我就最鍾意食泰國越南嘢， 所以一於決定睇完行程之後， 幫襯喺 一樓的越南菜餐廳Le Viet😋😋😋😋😋小食拼盤炸蝦餅、蒸粉包、燒豬頸肉、炸春捲呢個非常抵食，做緊廚師推介， 只係96蚊超抵食😋😋😍😍😍炸春捲非常鬆脆 ，炸蝦餅鮮味彈牙 ， 蒸粉包足料多餡， 豬頸肉香濃惹美。扎肉春捲撈檬非常足料，生菜新鮮爽口。 春捲香脆，黑椒扎肉惹未。😗😗😗火車頭酸辣鍋這個比較特別😎😎牛柏葉、牛腩、雪花牛肉、牛丸，配料有菠蘿芽菜， 味道酸辣辣非常惹味青檸梳打咸檸梳打

Le Viet!又到左一星期最難捱既星期三，決定lunch行遠d食好d等時間快d過。12點幾黎到唔洗等位，餐廳都幾闊落光猛。兩個人叫左兩個lunch set，有餐湯 飯 野飲 要左一杯熱檸茶&青檸梳打。之後仲忍唔住叫左regular menu入面賣相好吸引既焗飯 - 超載椰青焗飯，同埋小食炸春捲。越式咖哩牛腩鍋Set $69個鍋有爐熱住，見到d咖哩汁開始熱到彈下彈下，簡直令人食指大動。呢個鍋真心抵食，牛腩炆得幾淋仲送多幾舊牛根，薯仔仲要輕輕炸過黎，外皮脆脆地。咖哩味道好好，撈飯撈咩都得。去骨海南雞飯Set $69海南雞無骨啖啖肉，配埋個雞油飯，正。超載椰青焗飯$103名符其實超載勁大兜，一筆就唔小心整跌左樓頂舊蝦。不過唔緊要仲有好多舊。個飯本身甜甜地，配料有魷魚 蜆肉 蝦粒 三色豆 提子乾，淋上椰汁好香好邪惡。之後撈埋牛腩鍋d咖哩汁簡直係一流。春卷$52春卷好香口，同個汁好夾。另配生菜盤上，鐘意食清d既可以用生菜包住黎食。青檸梳打 Set加$8唔洗多講，見到都覺得爽。整體滿意既一餐，值得返兜。

對越南菜改觀，本身就對這沒太大興趣，但食完覺得不錯，咖哩軟殼蟹味道本來就不錯，但這店的咖哩真的不錯，有香有味，還配了法式長麵包，外趣內軟，學法國人用麵包點咖哩食。我還額外再叫了一份法式長麵包。蒜蓉炒通菜普通，但味道算是中上。另外再來一個扎肉紙米卷味道比較淡，這個不太推介。本來想試的也賣完了，另一個啤酒也賣完，只能飲tiger beer。特別要讚揚一位員工叫「霞」人又風趣又有禮貌。另外想講，越南菜同泰國菜其實好似。

放工到旺角銀行中心同朋友聚一聚､順便食個晚飯｡ 見到越南菜､天口熱､越南菜確係不錯的選擇､飲杯冰冰食個炒飯｡ 而且看落座位舒適，又可望见旺角街境，確實係享受。两個人叫左本店推介、越式咖哩軟殼蟹配法包.炸蝦餅及蒜'炒椰菜苗、仲有三色冰添。這三個菜简值似越南的'煎釀三寶'實属必点系列。結果也沒有令我們失望、d咖哩汁滚下滚下点软毂蟹及法包.很有趣味 椰菜苗炒得恰到好處､蝦餅脆卜卜，最後我地仲叫左猪頸肉炒金邊粉令飽飽肚、滿足的一餐｡希下次再經過是一是他們其他本店推介.

次次去旺角食飯都諗唔到食咩好，早兩日朋友竟然介紹我食間泰國越南餐廳帶我行都未話俾我聽係邊，我就一心諗住係花園街嗰啲痞竇鋪頭點知佢帶我上銀行中心上1樓原來呢度有間都開咗一段時間但係都算新嘅泰越餐廳環境真係好好，起碼新裝修坐得舒服人都幾多下等左兩張枱先有位越式咖喱軟殼蟹配法包 （特價$93）呢個真係又大份又好食，軟殼蟹係分開上，唔會擺晒落個咖喱到變林晒，個法包係啱啱再特登整脆佢，超熱超好食雞牛豬串燒（$89）每樣兩件，笑得夠香同埋夠乾身，想一提個沙嗲汁好好食香茅豬頸肉炒金邊粉睇到張相都覺得佢好夠份量，一碟炒野裏面有成差唔多七件豬頸肉，本身睇落去白雪雪感仲以為佢唔夠味，其實不知幾正蒜蓉炒椰菜苗$66超鍾意食椰菜苗，價錢就非常抵，亦都炒得好入味，唯獨係嫌佢份量好似少咗少少椰汁紅豆冰超贊嘅椰汁紅豆冰椰未夠重紅豆好林，唔係嗰啲加水亂咁溝埋一杯嘢飲嘅