Le Viet (已結業)

之前見過喺The One有呢間餐廳經常要排隊，原來佢旺角都有分店，見到佢有個咖喱軟殼蟹幾吸引，所以就同男朋友嚟食下！呢個咖喱軟殼蟹煲$93，咖喱超香椰汁味，分開上抵讚！唔怕炸物會淋咗！除咗有幾舊軟殼蟹之外，仲有三至四舊薯仔，分量超足！法飽點咖喱汁超正！比一般薄餅飽肚好多！我地叫咗半打串燒，雞牛豬各2串，睇相都見到出佢比較偏重口味！佢另外仲有個類似酸甜醬俾你點，個人覺得就咁食已經好夠味，一入口就有一股炭燒香味，3款之中推介牛肉串燒！另外我哋仲叫咗一個菠蘿炒飯，同樣係好足料！由於無跟餐，但飲品單叫唔算特別貴，椰汁紅豆冰$28杯，整體性價比唔錯！

太太介紹的餐廳，話環境，食物都不錯，於是一於中午去試試，由於網見8:00am營業，所以早上11:00已到，但門口午餐11:30am先開始，所以要等左半小時多。終於可入座，入座安排中午頭段所有窗邊位不開放(有點失望), 只安排中間位，都可以接受，中午有午市套餐，大概為一份主食及一杯飲品。我們叫了一份咖喱牛腩午餐，一份招牌飯午餐，及一份沙律。飲品係三色冰及凍檸茶。先來當然沙律，有大蝦，青瓜絲，青木瓜，雞絲等加上沙律醋，材料新鮮開胃，但可惜有九層塔，令我卻步。主食方面咖喱牛腩，咖喱汁非常惹味由其配菜薯仔超正，反而牛根腩失色，只是普普通通。之後招牌飯反而有驚喜，雞翼皮香脆，豬扒亦炸得不錯。最後三色冰椰汁極香，可惜三色的糕粒極之難食。總括來說，但試無防。

前幾日出左旺角行街，行行下落大雨，本身都唸住話落返地鐵站過朗豪坊順便食飯，行經銀行中心我fd話上網見到入面有間食越南菜好似評價幾高的，既然都已經到門口，就決定入去試新野XD。餐廳係一樓，空間好大容納到好多人，而且裝修都好有東南亞風情，初印象唔錯，menu 上都有好多選擇，為免選擇困難，我地揀曬餐廳推薦菜式，兩個飯一個小食同一個沙律。D食物一上枱，我同個fd簡直係嚇到呆左，你眼望我眼，d份量好驚人呀！尤其個超載椰青焗飯(而家明白佢個名既由來了)，個份量簡直係兩個人食都有多，唔好以為佢得上面個半圓有飯，下面個椰穀一樣係盛載住滿滿既飯XD。不過味道係超水平既，椰香味超重，入面仲有好多配菜同海鮮，單食都唔會覺得寡！強烈推薦大家！另一樣強推既就係牛油雞翼！5隻雞翼加埋既size比面盤仲大XD。雞翼炸得超好食，大大隻又脆又香，牛油味好濃郁，第一次食到呢種牛油雞翼！其實單食以上兩款已經好夠飽，但我地仲有個大蝦菠蘿飯同青木瓜大蝦雞絲沙律，而且都在水準之上，但就食到我地要捧住個肚落樓，性價比真係甲上甲呀！非常適合一大班人黎開心share食！如果好似我地咁兩個人，要小心唔好眼闊肚窄呀。總括黎講，所有食物都

去左旺角銀行中心食午飯，叫左2個午餐及小食。旺角mtr一上就是，非常方便。沙嗲串燒幾大串，雞、牛、豬每樣2串，燒得香口幾好唔靭，個沙嗲調得唔錯，如果辣多少少就好。柚子海鮮沙律份量都幾多，有腰果、紅蘿蔔絲、青木瓜絲、柚子，而海鮮有蝦、蜆肉、魷魚仔，但汁多左，微辣清新。原隻大蝦菠蘿焗飯（午餐set）焗飯材料都好多，係炒飯底，有新鮮菠蘿、紅蘿蔔粒，青豆，火腿等等，表面有肉鬆及大蝦有3隻，仲剝左殻添咖啡牛腩飯（午餐set）咖哩牛腩會用小火爐熱住，我估因爲怕會燶底，所以咖哩汁稀左d。牛腩都幾淋量唔算多，，薯仔係炸過的，還有青樣作配菜添。

收工來旺角吃晚飯Le Viet 地點就非常腳，旺角MTR一出行幾步就到了餐廳地方闊落企理睇下餐牌有咩食先～首先是小食-鮮蝦米紙卷，大隻鮮蝦，米紙卷味道清新，清淡之選，正「柚子海鮮沙律」味道清新，海鮮主要是蝦、魷魚、蜆仔，沙律主要是柚子肉、青瓜絲和蘿蔔絲，中間mix咗d辣椒,唔食辣既朋友記得要揀走辣椒之後是「越式咖哩軟殻蟹配法包」咖哩唔辣，法包外脆內軟，烤得暖暖的，沾上咖哩一起吃，很好味呢除了炸得香脆的軟殻蟹外，炸薯仔亦超好味，妹仔肚既我中意食炸薯仔多過軟殻蟹「海鮮炒檬粉」味道唔會好油膩，海鮮配料都幾多～朋友仲點咗杯青梳打～好大杯～

午餐時同大少買完野，就選擇咗響商場裏面食呢一間越南菜.好明顯一睇個餐牌，就知道呢一間係港式越南菜。但最得意嘅係，餐牌上面有泰式海南雞飯。好明顯，我哋兩個，每人都係叫咗一個海南雞飯餐。個套餐都唔錯有湯，有雞油飯，仲跟多一杯餐飲。個湯係普通冬瓜湯，絕對唔係海南雞飯嘅湯。啲雞中規中矩，唔係太嚡，味道就要靠啲甜豉油同埋辣醬補救。餐飲我叫咗青檸梳打水，嗰支梳打係泰國大象牌梳打水。呢間餐廳真係多元化，有港式嘅越南菜亦都有泰國菜。我哋買單平均每人$80，價錢不算太貴，但係響旺角呢一個地區，亦都有其他唔同嘅選擇。

Tastes:4/5Service:4/5Environment:4 /5今次黎到Le viet order咗香茅豬頸肉炒金邊粉、大蝦菠蘿炒飯、雞牛豬肉串、 咖喱牛腩鍋配法包 先講香茅豬頸肉炒金邊粉 雖然睇落無乜色澤 但食落又幾入味 不過賣相方面真係有啲岀入 但都夠火口嘅 之後就係大蝦菠蘿炒飯 呢個足料十足 有肉鬆有蝦有菠蘿有肉粒 呢個配合都幾match架 至於雞牛豬肉串 就嗌咗三串try try 食落都幾有炭燒味 bbq味濃郁 都算幾入味啦 咖喱牛腩鍋配法包 個法包上碟時就熱烚烚添 不過個包身再鬆軟啲就會再加分啦 咖哩味濃郁但牛腩唔太夠 食得唔夠喉添 haha 不過整體黎講都幾滿意

雞牛豬肉串 佢哋嘅味道唔錯加埋佢哋嘅醬汁就更好 但係口感就唔係幾好 啲肉比較實咖喱牛腩鍋配法包佢哋嘅咖喱牛腩味道幾濃烈 而且充滿牛肉香 不過佢哋嘅薯仔就唔係幾好 以為佢係軟淋淋咬開 薯蓉嘅質感咁啦 點知就唔係煮得幾熟 我對佢嘅薯仔有啲失望 不過佢哋嘅法包啱啱新鮮出爐 拎上手仲熱嘅添大蝦菠蘿炒飯 佢嘅炒飯嘅味道同菠蘿非常之配合 仲有炒飯一定要配埋佢哋上邊嘅肉鬆 不過唔知點解拎上嚟嗰陣唔係熱嘅 喱嗰陣已經凍凍地 如果熱返效果應該幾好

近來天氣都唔多好，又濕又焗，所以想搵啲清爽又惹味嘅嘢食下，越南野就係唔錯嘅選擇。已經唔係第一次食，但仍然覺得唔悶呢！我哋叫咗一個椰青，一碗手撕雞扎肉湯粉，一碗生牛肉湯粉，一碟椒絲炒通菜，同埋一碟辣椒膏炒大蜆。椰青 $42一打開個蓋啲椰青水多到想瀉出嚟咁，飲落鮮甜無比，而且夠新鮮，用匙羹就好容易刮椰肉岀嚟。手撕雞扎肉湯粉 $68手撕雞同扎肉嘅份量唔會好多，但係夠食哂成碗湯粉。湯底清淡，但係唔會冇味道，感覺唔會好重味精。生牛肉湯粉 $68湯嘅溫度足以令生牛肉變熟，而且牛肉切得薄薄地，浸湯就啱晒啦。蒜蓉炒通菜 $62食餐泰國越南野都好鍾意食通菜，覺得佢係容易掛到汁同味。蒜蓉炒過之後，變得比較淋，鍾意食蒜嘅我哋會成粒食。啖啖通菜都有好重嘅蒜蓉味，正！辣椒膏炒大蜆 $153全餐飯覺得最好食嘅就係辣椒膏炒大蜆啦！辣椒膏非常惹味，用嘅材料有青椒、洋蔥、百里香、辣椒，蔥等等，大蜆新鮮無沙，仲要真係大大隻，大大推介！

旺角逛街後，若想不到吃什麼，位於旺角銀行中心一樓的Le Viet也是不錯選擇，空間大座位寬敞，適合一班人聯誼聚會，而且輪後時間亦快。咖哩炒大蝦咖哩味濃亦不會太辣，大蝦多，位量十足，幾乎是足以3-4人分享！咖哩汁再配一碗白飯，好味! 蒜蓉炒椰菜苗椰菜苗有咬口亦爽脆，蒜味非常香，正！Le Viet 拼盆越式菜不可少的四小食: 炸蝦餅，炸春卷，扎肉蒸粉包，燒豬頸肉。扎肉蒸粉包的餡料用黑木耳碎肉，簡單但不膩口!印度煎餅最後就是來個煎餅。因小妹不想吃白飯，就另叫印度煎餅, 是不錯的選擇！再沾上咖哩汁，好味! 👍🏻

旺角市中心樓上越南菜，位置方便就在銀行中心樓上一樓，店面好大，坐得舒服，而且有大玻璃窗，好光猛。菜單有不少菜式，今次我地點了一個套餐，海南雞飯，加八元可以有特飲青檸梳打。另外單點了扎肉米紙卷、咖哩牛腩配印度薄餅、咸魚炒芥蘭。海南雞飯全起骨，食得好爽，兩款汁都好味，油飯香口超正。68元咖哩牛腩有個爐熱住，好香咖哩味，牛腩量多，有筋有肉，薄餅好脆，點汁好配。咸魚炒菜好香咸魚味，份量夠兩個人吃，另外飲品都好正非常涼快，解渴超正！

成日行旺角經過銀行中心 望上去1樓塊大玻璃窗都會見到大大隻呢間餐廳既招牌 今晚我地終於上咗去試😆 呢到地方好大 座位夠多 唔使等位就有得入座👍🏻我地就試左人氣推介既咖哩炒大虎蝦同做緊優惠既越式酸辣海鮮鍋🤤 咖哩炒大虎蝦係我最鍾意個款咖哩 加左雞蛋落去炒 咖哩唔辣但係超惹味 大虎蝦都算幾多 開左邊食落更方便 啖啖肉😋 我地加左一份薄餅 點咖哩是常識吧 務求食到更多咖哩汁😂越式酸辣海鮮鍋入面有大蜆 蝦同魷魚 初初飲落湯底較辣 唔係好酸 後來就飲到有菠蘿同蕃茄既甜味 好開胃好好飲😍 係底既菠蘿同芽菜索哂d湯好好食👅最後當然要食番個芒果糯米飯做甜品啦 終於係香港識到一個比較有質素既芒果糯米飯啦🤩 糯米飯係雙色 有埋紫米 最重要係佢地既糯米飯有加熱過 加埋椰漿 食落香濃口感煙韌 推薦丫🌟

鮮蝦米紙卷好鍾意思意食米紙卷，今次揀左蝦。蝦肉大小適中，米紙皮煙韌，入面包滿米粉菜絲，口感十足，點埋酸汁食非常滿意！燒豬頸肉外貌不是很美，少少焦焦的，但原來入口是充滿碳烤香味！烤到剛好，肉質嫩滑！又有泰式甜酸醬點，非常惹味！牛油雞翼份量比想像中多，雞翼也飽滿大隻。雞翼上鋪滿蒜粒，牛油亦慢慢滲出，好香口。雞翼本身也入味，亦唔會乾，好食！咖哩軟殼蟹配法包咖哩會連埋個爐一齊上，甚有特式，而炸軟殼蟹同薯仔則另上，以保持脆口。炸軟殼蟹都幾大隻，炸粉唔會落好多，點咖哩食唔錯。薯仔有輕炸過，外脆內軟，係食咖哩的好配搭！法包不軟又不太硬，可以索哂d咖哩嚟食，超滿足！飲品點了椰青，夠凍夠清甜！重點係好扺食，叫咗咁多樣包埋加一都只係$358!!! 絕對可以叫多d過足口癮啦！

這天去旺角銀行中心食飯，貪這裏交通方便。我們當日只有兩個人，所以簡簡單單點了一份粉絲煲及一些串燒。粉絲煲分量十足，配料包括巨型的蝦子及數片豬頸肉，非常豐富！粉絲很入味，不過質地比較軟身。大蝦共有三隻，但因為開了邊，2個人分享還是覺得挺豐富！我們點了半打串燒，豬牛雞各兩串。味道都挺不錯，水準平均的，但我個人偏好豬肉串。整體來說，我覺得這裡的食物質量很好。環境很舒適、乾淨。而且這裡的店員很友善，所以有機會可以再來！

我發覺無論乜嘢年紀都鍾意喺旺角行街，就係貪佢夠晒方便，乜嘢都有得賣，今次我就同左個朋友一齊嚟到旺角行街。行咗一陣，我同我朋友都覺得有啲肚餓，就諗住去旺角發掘一啲新嘅餐廳，咁啱得咁橋，俾我哋喺銀行中心嗰度搵到一間越式嘢食。一入到去，侍應非常有禮貌咁樣比餐牌我哋，之後仲比時間我哋睇下食咩，先至過嚟落單，另外，依度嘅整潔度簡直係一百分。我食嘢通常都會望吓附近啲人食乜嘢先至再落單，今次我就參考左附近幾張枱，都係會揀黎食嘅，就係:咖喱軟殼蟹:有過爐一邊食一邊熱住佢食係好食啲嘅，佢仲會配埋個法式包，個法式包十分之軟，同傳統嘅法式包唔同，啱晒亞洲人嘅口味，配埋個咖喱簡直係天衣無縫。火車頭:就更加係必叫㗎啦，基本嘅牛部位都有，我個人就特別着重個湯底，佢就真係完全做到越式嘅味道，今晚咁樣嘅配搭，一啲比較濃味嘅嘢食，再配一啲比較清嘅就啱啱好啦。串燒:亦都係香港人嘅必食之選，串燒我哋就叫咗兩串牛，兩串豬，兩串雞，佢配埋個汁，亦都係食到令人覺得舔舔脷。椰青:依個椰青真係特別要讚一讚，佢依個椰青，你係可以用匙羹仔，掘埋裏面啲椰青肉食，嗰啲椰青肉一啲都唔硬，食落去係非常之嫩口，食落去嘅感覺係滑脫脫嘅，一個椰青又可