Le Viet (已結業)

今天放假，想著到旺角報旅行團及先來個下午茶，本想去茶木的，因為平日有下午茶時間，但查看openrice訂座時見原來銀行中心一樓的 Le Viet可以即時訂下午的座位，十分方便，所以就決定先訂座到時再看看下午茶對不對胃口。原來下午茶時間是沒有做下午茶的，是中午12:30到下午6時都在做午餐套餐及正價餐單，還要加一，因此比旺角其他平日做下午茶的餐廳都貴，好在openrice訂座給了個全單9折，而且天氣實在太熱了，就決定試試。叫了生牛肉湯河($59)及串燒沙爹(豬牛雞各1)辣炒飯($69)，味道還算不錯，以午市套餐來說份量雖然少了一點，但因為在下午茶時間享用，就免強足夠。牛肉湯味道濃而不俗，牛肉及河粉只是一般貨色。反而沙爹辣炒飯比較突別，散叫3串沙爹最平45，肉質不會un，沾一點沙爹醬更覺惹味; 而炒飯雖只得大半碗，但味道咸香辣適中，還附上紅蘿蔔清湯一碗，性價比ok!*※入座時發生了小插曲，外面的經理以為我沒訂座，攪了一輪後原來是有booking但他們沒幫我留座! 而入座時跟他們說openrice訂座有全單9折時，他們就說9折不是隨便給的，真是奇怪。價錢不算平而且這種服務態度實在不行……好在

近日周圍都籠罩着好多負能量，少咗出街食飯，今日媽媽罷煮所以就去地鐵站附近搵食。估唔到星期三嘅夜晚8:30，門口依然企滿等位嘅人🧐坐低先知原來有唔少食物已經賣晒。果然人人都好似我咁諗，食下好西，心情自然會開懷啲😂想話叫半隻去骨海南雞，點知份量只係夠¼隻，所以我哋再叫咗半打串燒、炸蝦餅、蒜蓉炒椰菜苗。兩個人食絕對夠飽！因為每一碟份量都好夠性價比幾高👐🏻當中隻無骨海南雞係今晚嘅冠軍👍🏻去骨已經好花功夫，配埋三款醬料: 葱茸、辣汁、豉油一齊食，令人有衝動想叫碗油飯撈撈佢😂外皮爽口晤會好肥膩，肉質入口嫩滑🧡泰式串燒夠地道，豬、牛、雞每人一串，份量剛好，食之前係肉串面淋上沙嗲醬，肉質嫩滑，配埋特製醬，天作之合的一對，充滿兒時街邊串燒嘅味道😸講到地道泰國菜又點可以唔提炸蝦餅🦐！啖啖蝦肉炸好脆卜卜，配一個泰式辣醬，美味程度大增。今晚，我地食咗呢個又魔鬼又邪惡嘅晚餐，所以叫多碟蒜蓉炒椰菜苗清下腸胃，份量頗多，調味適中，込人又飽又滿足！Le viet咁近地鐵站，而且食物水準高，食物選擇泰越俱備，喺旺角區黎講絕對係無得彈👍🏻👍🏻

現在天氣熱辣辣，想食酸酸甜甜的泰菜，於是來到 Le Viet 。柚子海鮮沙律$78柚子海鮮沙律，有魷魚、鮮蝦、花生碎、腰果、木瓜絲及紅蘿蔔絲，柚子份量非常多，一粒粒帶爽口，整個沙律酸酸甜甜，很是惹味。越式火車頭酸辣鍋$148越式火車頭酸辣鍋內有肥牛、肉丸、牛腩、柏葉、蕃茄、菠蘿粒、香葉、香茅，還有非常多的芽菜。味道帶泰式特有的酸酸甜甜，及少少辣，非常適合大眾化口味。串燒雞中翼兩串$46雞翼燒得很香口，肉質嫩滑，正。椰汁綠豆冰$28椰汁綠豆冰，椰汁味很香，一粒粒的去殼綠豆，很有口感，配上椰汁冰非常美味。

是日又和同事去Le Viet食午餐，呢度的午餐CP值高，飯/粉餐連飲品由$59起（未加一），吃過第一次後就想再吃，由於油尖旺區食肆太多，平均每月去一次真的是個不錯的享受~~~餐湯老是紅蘿蔔湯，飲了覺得算不錯~~~串燒牛、雞、豬 $56(各1串)，燒到剛好唔會韌，仲有淡淡的燒味~~~香茅豬頸肉 $76，呢個燒得幾好，切得夠薄身，點汁更好吃~~~原隻大蝦菠蘿焗飯 $85，呢個飯勁大份，調味料落得唔多，食落感覺到淡淡的菠蘿味，細食的話兩個人share一份都仲ok~~~生牛肉湯粉 $59，大大碗，d牛薄得來都幾多塊，最重要係d牛唔肥，啱晒食肉獸的我~~~我今次點了青檸梳打，感覺倒是不錯~~~越南綠豆拉糕 $33，呢款千層糕熱上，陣陣的椰香除咗聞得到，食都輕輕地感覺到~~~我地叫咗5樣野加埋一$349埋單，所以話食好西在午餐食係最正的享受

成日都係食日本嘢或者西餐 ，又唔想去食意大利嘢同埋食大排檔 😂今日同老公行過旺角好想試下其他新嘢，就不如試下呢一間la。行到入去睇落環境都整齊光鮮，尤其是佢嗰個牛腩鍋真係好吸眼球，好吸引人。於事我哋兩個入去坐低叫咗啲嘢食一個豬頸肉同埋牛腩鍋另外再嗌咗啲飲品。 我四周圍望下環境整潔而且啲侍應服務態度非常優良又前台都驚你都笑臉迎人，能夠使我哋兩個在沈重工作中除咗品嚐好好嘅食物之外亦能你享受到好嘅服務希望，呢一間店可能夠再繼續努力。

今日心血來潮，在旺角返工和阿媽一齊食個lunch，日日返工都唔知食乜好，有時見呢間嘢都好多人又要排隊，好彩今日有位就入來試下啦！我同媽選擇坐卡位窗口位，可以望到街景，人來人往！然後就開始點餐啦！因為我超級中意食河粉，忍唔住都係叫左豬扒湯河，而媽媽就叫左地道的咖哩牛腩飯試下！過左無幾耐就已經聞到香噴噴了，個咖喱牛腩飯係用個細獲裝住用火🔥繼續比你煲熱d，食落去更加熱辣辣🤣🤣d牛腩牛筋都好嫩滑，雖然有少少辣，但味道好惹味啊，仲有個薯仔焗過來，好有口感同埋好粉！輪到我個豬扒河都，d湯唔錯，有濃濃的豬骨湯味，豬扒煎得好香，食落好滑，但粉量不夠大，河粉又太少，因為個碗太大，所以顯得不夠多～最後加 $8 飲椰子紅多冰🥥，太甜，紅豆不夠多不夠粉，早知不叫2杯一樣！食完個飯始終覺得泰國餐好過越南餐！

好朋友生日，所以同佢黎openrice優秀越式餐廳慶祝！8pm黎到已經full house(閒日), 好彩一早book左位，3個女仔樣樣都想食，但為左唔好食到捧住個肚走，都忍手唔叫太多！一共嗌左5樣野！1⃣青木瓜沙律 $75材料豐富，有青木瓜絲、蘿蔔絲、青瓜絲，雞肉絲，熟蝦，全部都好爽口，加埋花生碎提升口感，個泰式沙律汁酸酸甜甜好開胃！2⃣越式咖哩炸軟殼蟹鍋 $93個鍋有爐熱住，呢個鍋除左軟殼蟹仲有薯仔同法包，薯仔輕輕炸過，外皮脆脆地。咖哩味道好好，撈飯點包食都得。3⃣超載椰青焗飯$103名符其實超載勁大兜。個飯因為有椰漿甜甜地，配料有魷魚 蜆肉 蝦粒 三色豆 提子乾，淋上椰汁好香好邪惡。4⃣串燒 半打 $89(豬+牛+雞)各2唔好睇佢個樣黑蚊蚊，放心絕對唔係燒濃，反而仲好惹味！5⃣牛油雞翼 $72牛油雞翼超大隻！一碟有5隻，勁多蒜蓉但唔會太重口味！雞翼炸到卜卜脆！6⃣椰青 $42 鮮甜多汁!

好朋友生日，一於帶佢黎openrice優秀越式餐廳慶祝！8pm黎到已經full house(閒日), 好彩一早book左位！/餐廳都幾闊落光猛。3個女仔眼闊肚窄，樣樣都想食，但為左唔好食唔哂，浪費食物，都忍手唔叫太多！/1️⃣#青木瓜沙律 $75除左青木瓜絲，仲有蘿蔔絲、青瓜絲，雞肉絲，熟蝦。有菜又有肉，全部都好爽口，加埋花生碎提升口感，個泰式沙律汁酸酸甜甜好開胃！/2️⃣#越式咖哩炸軟殼蟹鍋 $93個鍋有爐熱住，見到d咖哩汁開始熱到彈下彈下，簡直令人食指大動。呢個鍋真心抵食，除左軟殼蟹仲有薯仔同法包，薯仔仲要輕輕炸過黎，外皮脆脆地。咖哩味道好好，撈飯點包食都得。/3️⃣#超載椰青焗飯$103名符其實超載勁大兜，一筆就唔小心整跌左樓頂舊蝦。不過唔緊要仲有好多舊。個飯因為有椰漿甜甜地，配料有魷魚 蜆肉 蝦粒 三色豆 提子乾，淋上椰汁好香好邪惡。之後撈埋軟殼蟹鍋d咖哩汁簡直係一流。/4️⃣#串燒 半打 $89(豬+牛+雞)各2串燒好香口，同個汁好夾。唔好睇佢個樣黑蚊蚊，放心絕對唔係燒濃另配生菜盤上，鐘意食清d既可以用生菜包住黎食。/5️⃣#牛油雞翼 $72牛油雞翼超大隻！一碟有5隻，勁多蒜蓉但唔會太重口味！雞

我很喜歡這間餐廳。雖說旺角的餐廳選擇不算少，但由於這裡的食物真的美味，價錢合理，而且地點方便，所以這裡算是我近期常去的餐廳。幾乎每次前往旺角我都會想到這裡。這天我們點了牙車快，即是雞絲沙律。在炎炎夏日，一份清爽的沙律可以是人暑氣全消。無需吃冰，這份沙律中的清爽足以對抗炎夏！這裡環境很乾淨，空間感挺足夠，光線足夠，整體是很舒服的環境。另外，這裡的食物質量很好，而且非常穩定，所以日後我應該還是會再來的！

喺旺角食飯搵嘢食一啲都唔難，難嘅係坐得舒服同埋可以大家坐低傾到計嘅地方。呢一度就係我認為值得一去再去又好食嘅餐廳👍所以今次同朋友一齊諗極都諗唔到去邊，不如都係返轉頭試多一次呢一間。因為呢間餐廳入到去第一夠光猛整齊，第二員工態度親切同埋佢哋有足夠嘅人手去serve唔同嘅客人，願意細心講解唔同嘅菜式。呢一個牛腩咖哩牛腩鍋係我咁耐以嚟最深印象最深刻嘅菜式，佢哋嗰個牛腩非常入味👍而且夠得嚟你又唔會覺得好鹹同埋好口乾，呢一個完全顯示到廚房嘅 功夫。值得一試。

中評。今次order左：咖哩牛腩飯、豬頸肉撈檬、餐湯+凍檸茶呢間餐廳裝飾風格休閒帶小清新feel，具cafe感覺，坐位算系闊落，又系walk in上樓無做到預約，對於下午來講人流比較小，適合date人來傾計同用餐。例湯內有蘿蔔同芫荽，味道有蕃茄酸味蘿蔔同莞荽味，入口後感覺似味噌湯而且偏咸，可能因唔啱我口味豬頸肉撈檬-食落有越式撈檬味道，涼食配合酸辣度非常行口，消暑開胃好啱，小編好欣賞豬頸肉爽口帶蜜糖甜燒味，豬頸肉份量合理，抵食之選咖哩牛腩飯-小爐運用火酒膏點燃，略翻熱些小，聞到咖哩香味愈來愈重，可以開始品嚐，第一啖入口既薯仔充滿咖哩而不失薯香味，薯仔有經小炒至金黃再落爐與咖哩加熱，所以味道、口感同溫度都配得好好，牛腩炆得夠軟且帶椰香咖哩味，配合飯香一流服務可以，比較多非本地藉員工，睇黎公司願意接納唔同國藉嘅同事👍🏻餐廳闊落坐枱安排有一定空間，環境舒適，衛生程度可以，尖沙咀亦有分店

今日有朋友話去Le Viet試吓！我之前有食過位於The One果間，普普通通啦，唔算特別！但我就未試過旺角呢間！今日第一次試！我哋叫咗～～馬拉盞通菜：味道幾好，但好多油，而且好細碟！海南雞：啲雞唔滑，雖然都有雞味，但啲雞好多肥膏！海鮮菠蘿炒飯：炒飯上面有3隻好唔吸引嘅蝦，就叫做海鮮啦，下面就係好hea嘅炒飯，連菠蘿粒都好少！沙嗲串燒：有牛、豬同雞，但係啲肉全部都係好「鞋」同埋好硬嘅，完全唔得！服務方面，有個女侍應都好好，不停幫我哋加水！但係有個男侍應啲服務態度就好差，而且埋單又計錯數！以呢個價錢嚟講，如果冇太高要求，都可以一試嘅！

天時暑熱，緊係搵間餐廳避下暑食下野！黎到旺角銀行中心裏面嘅le viet，有越南野食，正！首先，緊係整個椰青嘆下!好鮮甜，解暑！海南雞飯，油飯油而不膩，雞嫩而不肥，正呀！跟住熱辣辣、香噴噴既咖哩軟殼蟹簡直令我精神抖擻！咖哩汁超開胃，脆卜卜軟殼蟹沾上醬汁，好幸福啊⋯⋯蒜蓉炒椰菜苗，好好味好香蒜味，椰菜又新鮮，煮得剛好，幾爽口！牛油雞翼配上超濃蒜汁，仲有一粒粒蒜蓉，如果你同我一樣都係蒜蓉愛好者，絕對不容錯過！

自從五月Last day後，間中都有同舊同事喺whatsapp吹吹水😆但係就冇得再聽佢地嘅笑聲喇，有時都幾懷念😌上星期終於約到佢地出嚟食飯，笑足幾粒鐘，牙骹都軟埋👭👭仲有同佢地食飯嘅指定動作—相機食先📷同事話點都要叫 #扎肉蒸粉包🤣又真係冇介紹錯喎，入面啲料嘅調味偏咸，但係夾埋外層粉包就剛剛好👍🏻可惜下面塊蝦片俾啲水蒸氣搞到淋左，如果唔係就超正喇😬跟住到超吸睛嘅 #超載椰青焗飯👀附近幾檯都有叫，上檯嗰下真係嘩嘩聲😆因為好澎湃‼️想分飯都無從入手，掂一掂都跌落檯😂 面頭係大量嘅椰漿，入面有好多海鮮粒粒，不過味道真心唔夾⋯太甜喇🤦🏻‍♀️如果配芒果就正常好多接住落嚟就有 #牛油雞翼，上檯時新鮮炸起，熱氣度爆標‼️不過叫得炸嘢都預左啦😂食落口都幾香脆嘅，肉都好嫩👍🏻但係就冇乜味😬 我諗可能因為平時食開蒜蓉牛油雞翼，呢個淨係得牛油唔夠濃味⋯某同事成日午餐都會叫雞⋯飯😂 為左佢，我地都幫佢叫左 #去骨海南雞（半隻）😆呢個比起我想像中好食喎，肉嫩皮有雞味🤣份量足之餘仲有好多椰菜墊底，即刻感覺健康好多😂為左均衡飲食，我地仲叫埋 #蒜蓉炒椰菜苗😂油到爆，啲苗又好硬😂早知啲雞有咁多菜墊底嘅話，呢個完全可以慳返

已經來了好幾次，之前都沒人等位，但這次可能晏了在openrice 訂了8pm，7:40pm 到發現很多人在門外等位。每次帶朋友嚟食都贊好味😁😁今次跟好友點了火車頭酸辣鍋，蝦餅及椰菜苗蝦餅厚實香脆而唔會油膩，好食😋😋椰菜苗，每次都叫我失望，我以往食過的椰菜苗是一個小球，像個乒乓那樣大的很香甜爽口，但這個明顯是炒椰菜吧！這有些少炒燶，但味道還是可以。火車頭酸辣鍋（太餓忘記影相😅😅），主要是肥牛、牛丸、牛柏葉，還有芽菜，這個湯底對我來說太酸了，但我的朋友把湯完全渴光，太厲害了！😮😮不得不提就係這餐廳的服務態度很好又有禮貌，個姐姐會主動幫你去搞個鍋，睇到個鍋太滾會幫你教細火，現在已經沒太多餐廳有好的服務態度了，所以用這個合理價錢有好的服務，而食物質素也好真是值得的，所以我已光顧了幾次了，希望可以一直保持質素。👍👍