Le Viet

營業中

休息中

一到夏天就特別想食越南菜,係咁熱既天氣下無咩胃口,相比之下食碗帶湯既粉麵濕下口更好.手撕雞札肉湯粉清湯底帶一陣雞油香,手撕雞有嚼口又唔會好柴,入口雞肉唔會有雪味帶淡淡雞肉香.河粉香滑夾起唔容易斷.札肉帶一陣胡椒肉香,入口彈牙.河粉再加上附送既配料例如九層塔,青檸及辣椒食落加左陣檸香及少少酸味令整體更開胃.黃咖哩軟殼蟹鍋咖哩係烘爐上加熱,保持咖哩既温度,配上外脆內軟熟法包沾上溫熱既咖哩汁食,味道相當濃郁豐厚.黃咖哩味道帶薑黃香及淡淡椰香味,濃郁惹味.另外附上既炸軟殻蟹外酥內香,咬入口帶住蟹鮮香及咖哩香.印式薄餅帶住油酥香既薄餅,味帶麵粉香入口煙煙韌韌.吸汁力同樣夠強,每一口都食到濃郁既咖哩.越式春卷炸成金黃色又香脆既春卷賣相好吸引,咬開既時間係口中聽到清脆既咔嚓聲.春卷內裏帶住粉絲肉碎及蔬菜,外在再包上新鮮既生菜令油膩感減低.越南滴滴咖啡重焦香既咖啡經滴漏後更順滑香甜.底下以煉奶換上鮮奶味道更醇滑既同時亦帶住一陣奶香甜味.

今日同姊妹係The one行街睇戲順便食埋飯先返屋企🙌見好耐冇食越南野就黎左呢間！青木瓜蝦沙律 🥗 $62呢個青木瓜蝦沙律酸酸辣辣好醒胃先😍 木瓜清新蝦仁🍤夠爽口😉係一個唔錯既開胃菜越式拼盤 $98有我最愛既蒸粉卷🤩粉卷皮夠薄點埋酸味味醬汁一齊食樂好正🥰炸春卷、炸蝦餅炸到好香脆👍豬頸肉肉質彈牙又唔會好乾👍火車頭河粉 $78每次食越南野都必定叫「火車頭牛肉湯粉」先安樂😂 呢度嘅湯底好正隔住口罩都聞到好香🥰牛肉嫩滑有牛味🤩河粉都滑嘟嘟架🤟青檸🍋梳打 $28呢度既青檸梳打係用返Chang 呢個牌子既梳打水架😊一啲都唔hea😁芒果🥭糯米飯 $59呢個係用左糯米加紫米雙色既糯米🤩食落暖暖地而且口感好煙un 😚面頭椰漿份量好多😍食落椰香十足但唔會覺得好heavy😉另一主角芒果🥭食落未算勁甜嗰隻😂不過都係好食😌

除咗眼睛想旅行，條脷都想去埋一份👅東南亞菜不嬲都幾合我口味，今次就食越南菜🇻🇳·<滿載椰青海鮮飯> ʜᴋᴅ 103對呢間越南餐廳嘅印象其實就係嚟自於呢個飯，見到用原個椰青做裝飯，啲椰汁仲要滿瀉流到落碟底真係好吸引🤩飯嘅表面淋上椰汁，一上枱就聞到好香椰子味，甜甜咸咸好上癮🥥椰青內都塞滿飯，建議多啲人share先食得晒😆海鮮有幾隻蝦同墨魚仔🦐偶而喺飯入面會出現小小蜆肉，略嫌海鮮份量少咗啲🤏🏻·<越式咖喱鮮雞鍋配印式薄餅> ʜᴋᴅ 105咖喱鍋會連埋一個小火爐一齊上，有火keep住溫度，咖喱仲會保持微滾添🍛味道甜甜地似泰國黃咖喱，雞件都有4-5大件，連埋咖喱汁食非常惹味😋薄餅係類似手抓餅，不過無論係naan定手抓餅，蘸咖喱都係咁好食🤪·<鮮蝦米紙卷> ʜᴋᴅ 48每一段米紙卷都會有一隻蝦，包入好多米粉🦐米紙煙韌好食😛不過味道偏淡，要靠附上嘅醬汁調味，個汁私心想要多啲🤓·<串燒雞、牛、豬> ʜᴋᴅ 58朋友話好想食串燒，就叫咗每樣一串咁試🍢 感覺三種肉嘅腌料大同小異，味道差不多。配上嘅沙嗲汁有淡淡花生醬味🥜味道偏甜我幾鍾意👌🏻·雖

好食，推介！如果唔係媽媽嗌，我真係未必會試，今日真係有驚喜。外皮夠滑，厚薄適中，餡料有免治豬肉、木耳、洋葱等，非常岩味。再點埋啲酸甜汁，吃落再增添層次。米紙卷旣粉皮一樣咁滑，仲好薄添。豬頸肉係薄薄一塊係裡面，加上一片新鮮生菜，包住大「住」粉絲，再配埋酸甜汁，正！湯夠清甜，河粉滑溜。生牛肉分量不少，味道肉質亦不錯；牛丸頗彈牙，再大粒啲就更加正；牛柏葉夠爽口。一大碗，share食，十分滿足。 另一份主食，我地點左越式咖喱鮮雞鍋配印式薄餅！一serve到枱面，職員就點火熱住咖喱鍋，咖喱味非常香濃。大大件雞塊，肉質唔會鞋，我至愛旣薄餅仲要煎得熱辣辣、又煙韌，點埋咖喱汁，大滿足。(開頭落lime soda, 冇飲開個隻chang牌，staff 都好好態度offer 換其他飲品) 整啖紅豆冰，爽！粒粒紅豆都大大粒，無煮到爛曬，very good.

今日去尖沙咀換禮品，換完之後順便覓食才回家🤭記得The one 商場有間越南菜，午市套餐不太貴！於是今日就去試吓🤪Le Viet 位於 The One 商場4樓，一出Lift就會見到！香矛燒豬頸肉撈檬，豬頸肉份量不少，而且是厚切有咬感，味道燒得香濃惹味！咖喱牛腩撈檬，咖喱香濃帶少少辣夠惹味，配菜不少有厚切洋蔥，薯仔，三色椒等，牛腩軟硬適中，牛筋夠淋！鮮蝦米紙卷，米紙夠薄，包住爽甜的鮮蝦，爽口的生菜和檬粉等再埋埋醒胃的酸酸甜甜醬汁一齊食👍🏻炸蝦餅，炸得夠香脆，蝦肉彈牙！

行尖沙咀the one , 咁多年我最常食嘅就係4樓金寶同Le Viet。一邊食泰國菜，另一邊食越南嘢，天口慶就想食凍濛。午餐有豬頸肉撈濛，切成薄片嘅豬頸肉，燒得香口，配上越式酸撈濛汁即刻有胃口。雖然熱但係嚟到依度一定要叫個咖喱牛腩，小窩咖喱一直滾住香噴噴，配手抓餅更香。友人喜歡食得豐富有變化，就點咗個招牌飯，扎肉雞翼豬扒酸菜乜都有，仲有隻煎得好靚嘅太陽蛋，將飯同蔥油、脆蒜片加上蛋黃撈埋，已經好食。見到隔離枱食豬扒粉，大大塊豬扒分開放，似乎好好食，下次食依個。

東南亞菜式一向係我嘅最愛， 酸酸辣辣開胃醒神， 天氣炎熱 落雨又悶焗， 最啱就係食越南菜。準時收工真係好著數， 來到餐廳仲可以叫下午茶😁😁😁 抵食夾大件。越式拼盆拼盤做緊特價100蚊都唔使，越式蒸粉包+越式春捲+ 炭燒豬頸肉+ 脆卜卜蝦餅。 蒸粉包新鮮熱辣， 粉皮 煙煙靭靭， 餡料爽脆 有沙葛雲耳， 加埋秘製蔥油真係好好食。海鮮炒檬粉新嘗試炒檬粉， 都幾好又彈牙 ，加埋唔同嘅海鮮粒粒， 仲有爽口嘅大蝦， 最重要入埋青檸汁，更加醒胃開胃。香茅豬扒湯粉香茅豬扒炸至金黃色， 香茅味道突出夠入味， 湯粉比想像中多， 大大碗絕對唔係平時下午茶減半的分量。蒜蓉椰菜苗每次食東南亞菜都會嗌椰菜苗， 情有獨鍾這種菜的獨特質感， 蒜蓉味 非常香口， 椰菜苗炒得爽身青綠。越式滴滴咖啡+青檸梳打下午茶套餐加八蚊就有特色飲品， 越南咖啡真係唔錯， 青檸梳打係用原裝梳打水😀😀👍👍👍

今日嚟到尖沙咀the one ，咁因為實在天氣好熱 ，咁費事走嚟走去，咁就試下呢一間越南嘢試下。 其實我同朋友都好鍾意食越南嘢因為覺得呢度都幾寬敞， 而且坐得都算幾舒服。 咁我同朋友叫咗以下食品：青木瓜絲大蝦沙律: 呢個青木瓜絲沙律我覺得啲青木瓜絲都算幾新鮮，而且個沙律汁亦都幾開胃，而且啲蝦有幾大舊，夾埋真係幾開胃，餐前小食係幾好的。越式拼盤: 咁裏面有越式春捲、扎肉蒸粉包同埋炸蝦餅及豬頸肉， 其實自己就比較鍾意食炸蝦餅，因為炸得都幾脆，同埋都食到裏面真係有蝦肉唔係得啲麵粉，扎肉蒸粉包 入面都有幾多料， 做得真係幾好。 不過可能太多料啦，所以個皮被我攪穿咗。 整體嚟講佢呢個拼盤係幾好，好似食咗好多餸咁， 每樣一啲。去骨海南雞飯： 咁呢一個海南雞飯最特別之處就係隻雞幾新鮮，所以我覺得好意外，而且海南雞都幾嫩滑， 因為近排我著重咗健康所以將個油飯改造白飯， 咁亦都可以試清楚隻雞嘅味道 。另外海南雞醬汁酸酸辣辣咁樣幾開胃 。所以我覺得呢個海南雞飯真係幾健康 ，同埋真係幾好味。香茅豬頸肉湯粉: 呢個豬頸肉係我朋友叫嘅，咁我覺得個河粉做得唔錯，因為個河粉 都幾通透及幾滑，而且豬頸肉燒得都幾好，

今日帶阿仔攞完身分證，就喺尖沙咀周圍行吓街，順便搵個地方食餐晏，就嚟到TheOne，最後揀咗呢間Le Viet。原來呢度平日嘅午市都幾抵食，午市套餐由$65起，就已經包埋飲品，所以平日中午都不乏捧場客。另外主餐牌有更多選擇，我哋一行三人，但阿仔又食得唔多，所以就決定叫兩個午餐再加一啲小食。首先當然係叫返個大人細路都鍾意嘅炸蝦餅，總共有完整四件，蝦餅肉質都夠彈牙，炸得夠乾身，食起上嚟冇油膩嘅感覺。牛油雞翼就更加抵食，總共有五隻而且size都幾大，每啖都充滿牛油香味，再加上上面灑滿蒜蓉，真係非常惹味。午餐方面就揀咗大蝦菠蘿炒飯，上面有三隻大蝦，蝦身已經去殼，仲有啲豬肉鬆，而炒飯裏面就有菠蘿、火腿、三色豆等配菜，啱晒小朋友食。海鮮炒檬粉有原隻嘅蝦、小八爪魚、蜆肉，仲有炒蛋，檬粉炒得乾身，主要以胡椒粉作調味，清清地都唔錯。跟餐飲品叫咗一杯凍檸茶同埋加$8轉紅豆冰，紅豆冰唔太甜，如果有多啲紅豆就更加正喇！

大熱天時，想吃些簡單開胃的菜式，便想起the One 四樓的Le Viet。午市有多款抵食的套餐，包飲品。生牛肉湯河美味有水準。湯清甜，河粉滑，有多塊生牛肉，味道肉質都好。芽菜爽口。大大碗吃飽飽。香茅燒豬頸肉撈檬清新美味。檬加埋酸甜的汁和菜絲令人開胃，清涼易入口，最適宜炎夏吃。豬頸肉燒得恰到好處，有口感和肉味，入口不覺肥膩。串燒雞牛豬各有特色，每串都美味。肉調味佳，燒得香口但不焦，點埋香甜沙爺醬美味。扎肉蒸粉包好食，推介。粉包外皮滑，餡免治豬肉，木耳絲，洋葱等足料夾味。加點酸甜汁吃入口更有層次。凍越南滴滴咖啡推薦你來試。咖啡味濃有特色。凍檸檬茶解渴。兩個人吃得飽飽好滿意，每人平均消費約$175。抵食好食。

{價錢合理又好食✨}#kong_girl_foodie出街食#Le Viet.今日無無聊聊同好姊妹行街街,去到17：30都已經肚餓了,左挑右選终於想去食越南菜,在尖沙咀The One 4樓揀到一間,坐低左都幾舒服,兩個人都係幾食得,五個菜全部食得哂。🤭🤭.❣️海南雞飯$78油飯質感好好又唔肥,很多椰菜伴碟，雞肉很滑,最特別是個酱汁.❣️辣椒醬炒菜苗$68辣味適中，很有獲氣.❣️泰式春卷$52粉皮好薄很滑，粉絲很多我就最鐘意，豬頸肉就比較量少，但配合埋酱汁剛剛合適，正！.📝總結整體很好!食物水準高,價錢合理,坐得幾舒服的,服務員服務態度還不錯,下次多幾個人試埋咖哩蟹先。.❣️食完俾分時間❣️🌟食物: 7/10🌟環境: 7/10🌟服務: 7/10🌟打卡: 7/10🌟推介: 7/10.📍 Le Viet尖沙咀彌敦道100號The ONE 4樓L402舖#香港 #香港美食 #美食分享 #香港吃貨 #hkfoodie #hkfood #foodie #hk #food #hongkong #hkig #尖沙咀美食 #尖沙咀

食晏時間行咗入The ONE，肚仔好餓，要食嘢，行個圈見到呢間餐廳，記得曾經食過，幾好味，咁冇乜考慮之下就入去開餐😆叫咗$69嘅 Lunch Set「咖喱牛腩撈檬」，跟餐加 $8 要咗杯「越南🇻🇳滴滴咖啡」；再加 $118嘅「泰式🇹🇭去骨海南雞半隻」、$68嘅「蒜蓉炒椰菜苗」、$38嘅 甜品「焦糖燉蛋」😆😋-「蒜蓉炒椰菜苗」：椰菜苗🥬超爽脆，新鮮好食，用蒜頭🧄炒得好香口😋-「去骨海南雞半隻」：肉質鮮嫩，去埋骨啖啖肉，沾泰式🇹🇭酸辣汁 同 黑醬油食，更加惹味😋-「咖喱牛腩撈檬」：咖喱汁好濃郁，撈檬食好夾😋；除咗牛腩仲有好多件 牛筋😋-「焦糖燉蛋」：唔係好甜，非常 creamy，焦糖 有 smoky 香味😋-「越南🇻🇳滴滴咖啡」：甜甜吔兼幾香😋

喺商場入邊都好方便，地下可以搭lift直上到去。Lunch set都幾抵食，叫咗個生牛肉粉$65 加$8可以轉特飲。飲品我叫咗青檸梳打，叫咗走冰點知梳打水係唔凍嘅 😒 星期六人手唔夠，去到門口等攞位等咗一陣先有人帶位。叫嘢食都係一樣等咗好耐先有人serve。整體味道同埋價錢嚟講可以。

好耐無食越南嘢，天氣熱個人好想食凍嘢，食撈檬最好不過。香茅燒豬頸肉撈檬$69豬頸肉燒得好香，唔會好肥，檬粉煮得剛好，唔好痴哂一齊，生菜爽口，倒哂醬汁落去一齊食酸酸甜甜好開胃。手撕雞扎肉湯粉$65有青檸同辣椒比埋自己睇下中唔中意落，手撕雞嫩滑，扎肉爽口彈牙，湯底好清甜，好味。凍奶茶凍檸茶跟餐飲品凍奶茶香濃好飲。蝦餅$72炸到熱辣辣，外面脆卜卜，入面蝦肉好彈牙。精選甜品拼盤$108有千層椰汁糕，焦糖燉蛋，椰汁芒果糯米紫米飯，千層椰汁糕好煙un，焦糖燉蛋蛋香濃郁，芒果好甜。

今餐先叫個沙律開下個胃先柚子海鮮沙律，柚子份量相當之多加埋醬汁酸酸甜甜好醒胃，蝦🦐同墨魚仔🦑都有數幾隻好正👍🏻午餐叫左個 大蝦菠蘿飯，原個菠蘿盛裝炒飯材料好足👍🏻大大隻蝦，另一個餐叫左海鮮炒檬粉，又係好多海鮮檬粉炒過特別香，我個人幾鐘意。甜品叫左香芒糯米飯，有黑糯米同白糯米，芒果好甜好味😋飲品叫左越南滴滴咖啡好香好濃比起其他咖啡好飲好多，另一杯叫左椰汁綠豆冰好香椰汁味👍🏻👍🏻👍🏻