Le Viet

營業中

休息中

味道還好 正正常常 不過我地食嗰兩個都好難伏得去邊但係份量真係偏小我食唔飽之餘連我女朋友食量唔大都唔夠飽，所以建議可以加大啲份量 例如豬頸肉撈檬咁 其實豬頸肉都有7、8塊 都ok 但係檬粉真係比太少至於生牛肉湯粉 同普通街市30幾蚊嗰啲越南粉差唔多 但係價錢貴成倍 份量都少好多所以整體嚟講 性價比真係唔高 xxxxxxxxxxxxxxxxxxxxxxxxxxxxxx

#越式eatcovery #尖沙咀eatcovery💡抵食越南小店小編做完運動，就直接係The one 搵野食，見好耐無食越南野，所以就搵到間好多人都話好食嘅越南餐廳。🍽 串燒雞，牛，豬 3串串燒三款都好食，肉質又唔會鞋身，肉嘅調味唔會太鹹。加埋個沙嗲醬汁就更加惹味。🍽香茅燒豬頸肉撈檬 香茅燒豬頸肉撈檬面鋪上七塊燒豬頸肉，燒得香脆可口，又唔會太乾，食落又唔會好鞋，如果厚身少少會更有口感。配菜充足，包括生菜、芽菜、蘿蔔絲、青瓜絲。好清新，食落唔會覺得肥膩。魚露係分開上，可以因應自己喜好落幾多份量。🍽 黃咖哩牛腩鍋配法包 咖哩係烘爐上加熱，能保持到咖哩嘅溫度，咁就唔怕會愈食愈凍。黃咖哩唔會太辣，加上用左椰奶去煮，帶少少杰身，更能帶出咖哩香濃味。入面仲有點洋蔥同青椒，所以食落去帶點微辣。整係咖哩就已好正，所以小編都忍唔住加碗白飯黎撈汁食。牛腩份量多，肥瘦適中，肉味濃郁，有咬口。法枱仲係熱，而且好鬆軟。🍽 咸魚炒介蘭蔬菜當然唔小得，炒出黎蒜容味香濃，有陣陣咸魚味，豐富左口感。如果咸魚多少少就更加出啦。🍽奶茶奶茶味夠突出，奶嘅比例啱啱好。小編order左小甜，反而茶味更出，真係充滿驚喜。#尖沙咀

Openrice見到好多好評，所以book左同家人預祝中秋節，點知中大伏！5個人點左海南雞飯，咖哩炒蜆，豬頸肉炒金邊粉，炒通菜，燒烏頭，菠蘿炒飯，春卷，辣椒膏炒大頭蝦，煎薄餅。望落好豐富，係因為每樣份量極細，完全食唔飽🙄1. 咖哩炒大蜆：咖哩冇味，水汪汪。大蜆total 10隻，有2隻死左，仲有果8隻d肉勁細粒2. 豬頸肉炒金邊粉：廚師唔記得落調味料3. 海南雞飯：冇咩感覺，因為太細份冇點食過4. 辣椒膏炒大頭蝦：諗住大家一人一隻蝦，點知係3隻，其他全都係配菜5. 炒通菜：呢個ok, 係細份左少少6. 春卷：5條女仔手指公size的春卷7. 薄餅：上完薄餅幾個字後先比咖哩我8. 菠蘿炒飯：已經嬲到冇食，不評論呢間餐廳嚴重understaff。餐具一開始已比唔足，催左幾次先有。加水又係三催四請，野食就7點慢慢上到8點半，fine dining 水準。總括而言，the one好多好選擇，唔好黎中伏

突然好想食越南嘢，所以上網搵吓又問吓朋友有冇好介紹，最後，朋友介紹咗我食The One 呢間，咁我當然約埋佢帶我去食啦！😋😋😋Le Vient 尖沙咀香茅豬扒湯粉豬扒好夠味，香茅加上蜜糖甜甜哋，咬落超 juicy，肉嫩多汁，再配上熱辣辣嘅湯粉，真係好味。😊😊😊香茅豬頸肉撈檬香茅豬頸肉同豬扒一樣，我唔再多講啦，想提一提嘅係佢唔同其他餐廳比一大壺汁你自己落，落剩就比下一個用，佢哋好細心，好衛生，比一樽仔汁，係足夠你撈檬，起碼唔會再留比下一位客人用。🤗🤗🤗札肉蒸粉包 4件最期待嘅粉蒸包，上枱時，真係令人食慾大增，晶瑩剔透嘅粉皮包住木耳，蝦米，沙葛，肉碎，配埋蝦片同札肉一齊食，真係令味道層次更升一層。😍😍😍飲品：熱檸水兩杯整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌗環境：🌕🌕🌕🌕地點：🌕🌕🌕🌕再食：🌕🌕🌕🌗

餐廳的主理人是柬埔寨華僑第二代 佈置以紅黃藍色的裝潢為主調商場內有一間越南菜 菜式做得精緻 嚴選食材又用心製作午市餐牌好抵食 同大家介紹下 招牌牛肉湯河 $65 特飲加$8廚師控制得時間非常好湯粉放上枱面 生牛肉仍是粉紅色牛肉口感柔嫩熱湯浸至半熟食味道最嫩滑  湯底充滿牛肉和越式香料香味非常濃郁牛肉剛好5成熟極之嫩滑 越南河粉特別幼細和纖薄吃起來很滑溜配辣椒和青檸汁味更豐富特飲係青檸七喜 酸香清爽味道消暑降火尖沙咀彌敦道100號The ONE 4樓L402舖評分8/10平均消費$88

🦐🍍大蝦菠蘿飯 $88原隻菠蘿殼🍍盛載炒飯，三隻大蝦🍤舖上炒飯面，好搶眼。蛋炒飯有新鮮菠蘿、海鮮、肉鬆，好有鑊氣! 配上消暑冬瓜湯，好抵食! 🐔去骨海南雞飯 $72海南雞無骨，選用雞脾肉部份，肉質嫩滑， 配埋大碗油飯🍚，配以雞骨熬製湯，非常滋味!🐙海鮮炒檬粉 $74海鮮配料有墨魚🐙、蝦仁🦐，檬粉用蛋炒，口感豐富!🍹三色冰 $28越南🇻🇳餐廳特飲，感受到東南亞風情， 用椰漿沖調而成，香濃椰奶味道，配搭三色粉條，cheers!🥭香芒糯米飯 $59芒果香甜，紫糯米飯和白糯米飯加上椰漿，甜而不膩。享受甜品，感覺非常滿足!

今日特別想食越南野，咁啱search 到The One有一間，見坐得都舒服，所以入去試吓。串燒沙嗲，分別有牛，雞，豬，燒到外面焦焦脆脆，但又唔會太乾，d肉質仲好juicy,點埋d沙嗲醬一齊食，好有風味。食越南野唔少得食火車頭，所以叫咗個特別火車頭，入面材料都幾豐富，有牛腩，牛丸，肥牛，牛栢葉，羅白，d材料都幾新鮮，個湯底清得黎又有濃郁嘅牛味。咖喱炒大虎蝦下，配印式薄餅，個咖喱唔算辣，有勁多蛋絲煮咖哩，虎蝦都好大隻，爽口彈牙，仲入晒d咖哩味，好惹味，個汁用薄餅點黎食，勁正。

聽聞呢度既越南菜好食，特登相約朋友黎食飯 侍應服務積積，有講廣東話，都有只識講英文既，但指住menu 落單完全冇問題。 叫左越式咖哩牛腩配薄餅，咖哩好下飯，食完薄餅唔夠要再叫法包，個人更鐘意法包，覺得法包配咖哩更夾。 另外叫左牛油雞翼，雞翼有驚喜，滋味十足。 兩杯越式飲品就正正常常。

Le Viet 嘅午餐真係好抵食😍我叫咗碗香茅豬扒湯粉等咗大約15分鐘就黎到，碗湯粉熱辣辣好好食用咗金邊粉，有啲咬口，唔會淥得太耐湯底就應該係用咗清雞湯，唔會太油或者好重味精味，所以感覺好健康🤤👍塊豬扒好大塊，調味啱啱好唔會太咸，但唔係好食得出有香茅味，同埋肉質有少少鞋，唔太濕潤😅 可能煎得有啲過龍不過午餐淨係要$62， 又包埋嘢飲，算係好抵食👍我哋仲叫咗豬牛雞三串串燒，好有驚喜😍肉質嫩滑，唔會燒得好乾，同埋份量都好多啲肉嘅部位應該幾靚，因為好冧，唔會好韌咬唔開加上佢嘅秘製沙嗲醬，真係好好食👍

1️⃣大蝦菠蘿飯 $168🤍4.5/5🌩大大份炒飯裝滿個菠蘿蓋超啱用嚟打卡💕🌩三隻大蝦鋪面，仲好細心咁己經剝咗☺️🌩炒飯炒得好香口，甜甜嘅粟米紅蘿蔔配上酸甜嘅菠蘿同鹹鹹嘅肉鬆香腸，四味交集既開胃又惹味🔥🔥😋🌩整體嚟好好食但係配上萬惡嘅青豆少扣分😵‍💫2️⃣ 香茅豬頸肉撈檬 $69 🤍4/5🌩 薄切豬頸肉燒得惹味焦香，而且肉質又軟嫩又彈牙超香口😋😋⭐️🌩有個布甸樽仔酸汁，好開胃，而且係特別調製嘅別有一番風味👍🏼😋3️⃣ 去骨海南雞(1/4隻) $78 🤍4/5🌩半隻啖啖肉海南雞髀😋🌩肉質超級嫩滑，而且海南雞嚟講真係唔算好肥好油膩⭐️🌩青瓜椰菜好清新解膩，唔會好草青🥰🌩下次叫海南雞飯，跟埋個飯送雞會再正啲😬4️⃣ 柚子海鮮沙律 $76 🤍1/5🌩 柚子沙律幾特別，好多柚子感覺好fresh好清新😁🌩海鮮有蝦、魷魚、蜆，份量都唔少，但係特別係蜆食落覺得腥，同埋同柚子唔match💦🌩 間中會食到薄荷葉，可能我加上我本身唔接受到薄荷，好似食緊牙膏味沙律咁🤢

若然你想大啖大啖咁吞胡椒粉落肚而又對白烚海鮮無比鍾情既話，請你毫不猶豫order佢個海鮮炒檬粉等左30分鐘再催先上菜，令我頓時進入fine dine體驗。當你以為胡椒粉已經落得如此大方，海鮮依然淡而無味，一定係餐廳細心至極，留意到本人有三高問題，健康清淡既菜式，令我感受到無微不至既照顧。檬粉既色澤令我不禁驚嘆餐廳如此fancy，使用到日本透明醬油炒粉，透明到連味道都透明埋。此般高級料理，小弟一介賤民，少食為妙。其實上次去食，印象真係唔錯，但係今次真係大跌眼鏡

上網查到呢間係被公認為最正宗嘅越南菜 係最佳越式餐廳之一🍴講到咁堅 梗係要試試佢😎.📌串燒雞,牛,豬 半打 $102串燒三款都好食 推介😋沙嗲花生味濃幾好食🥜肉嘅調味唔會太鹹啱啱好🥰同朋友都覺得牛最好食 夠嫩滑牛味都濃😎.📌香茅燒豬頸肉撈檬 $69香茅味唔太食得出🤫燒得唔會好乾 脆脆地 食落唔會好鞋🤤唔算太爽口彈牙 都唔會話 好juicy🙈肉唔算好厚 6片左右 檬粉都唔算太多🤣不過面都都幾多配菜 好清新 但男仔食應該唔夠🧐.📌咖喱牛腩撈檬 $69雖然係撈檬但係似湯檬多啲👀啲汁都幾多 咖哩味好香偏杰身🥘檬粉食落又唔會好淋 都爽口😎牛腩份量唔算好多 不過都幾淋 唔會好肥膩😌.📌香茅燒牛仔骨 $98得四舊份量有啲少 都唔太厚肉😢香茅味都係食唔出🌿不過牛味又幾濃🐮夠滑又juicy😚燒得好香 甜甜地👅.📌三色冰 $28佢係椰奶底 椰子味好濃香🥥飲落唔會好甜 加埋三色啫喱煙煙韌韌😌口感唔錯🤍

又係一次臨時轉肽😂本身打酸食永年、但係有人話要上the one 睇下牧牧&KK爭田田嘅天台🤣兜下兜下就變左食依間🤣成餐飯只係得個半鐘、但係點左N躲嘢🥲同埋真係上得太快、根本冇位放，只可以係咁快啲快啲食豬扒望落好似好吸引，但係豬扒醃製唔夠入味有啲硬，失望咖喱雞煲陪印度薄餅有啲真係唔習慣用手撕凱啲薄餅、不過真係好鍾意泰式越式嘅咖喱、椰汁味濃啲又唔會太辣、雞件好滑好入味 但係份量太少了薯仔好淋好入味，食左就停唔到口，如果有白飯撈埋啲咖喱汁就爽

位於the one商場 地理優越 都幾方便🥳柚子海鮮沙律$78先黎個開胃小食 味道酸酸地辣辣地🌶柚子味道清新 冇酸味 剛好可以中和個辣味😆越式拼盤$98掋食之選🤩原價$118 但依家有推廣優惠😎集齊越南小食人氣之選 有蝦餅有豬頸肉😍每樣都新鮮熱辣 炸得好香脆 唔會乾🤪印式薄餅$25食食吓發現唔係幾夠飽 嗌咗個平平哋嘅薄餅薄餅口感軟熟鬆脆 有足夠既厚度 實飽肚🤤香芒糯米飯$59甜品不二之選😙芒果鮮甜🥭最緊要夠甜👍🏻有齊白糯米、黑糯米 質感唔會太硬 剛好😋三色冰$28凍奶茶$28

☟非專業最真實食評☟𝙂𝙧𝙖𝙙𝙚 𝘼-/ 𝘽+：超載椰青焗飯（$98)椰汁同椰青味mix埋一齊好夾，第一啖真係勁好味👀啲汁撈飯甜甜地得尼好creamy, 仲可以食埋椰青肉👍🏻可惜食到最底會有少少膩𝙂𝙧𝙖𝙙𝙚 𝘽+：大蝦菠蘿飯（$88）不過不失嘅菠蘿炒飯，蝦得3-4隻，炒飯唔會好油膩嘅。純粹我個人鐘意食菠蘿炒飯先比尼個分haha🤣