Le Viet

營業中

休息中

上次食完覺得好好食，今日做完嘢經過附近就黎食，午市套餐好抵，我另外再叫左d嘢食，食到飽飽。柚子海鮮沙律 $78柚子爽甜多汁，海鮮份量多，青木瓜絲爽口，酸酸甜甜幾開胃。生牛肉湯粉 $65湯底鮮甜，生牛肉切到好薄身，湯夠熱一倒入去就剛剛熟，好嫩滑，牛肉味濃。咸魚炒芥蘭 $65咸魚味香濃，芥蘭用左大量薑絲同蒜頭去炒，爽口。手撕雞扎肉湯粉 $65手撕雞份量多，嫩滑唔鞋，扎肉彈肉。我地叫餐叫左凍奶茶同加左錢叫左青檸梳打。

原隻大蝦菠蘿飯 ($88)原個菠蘿殼盛住炒飯，比心心眼😍，有大蝦3隻🍤放起炒，真心好搶眼。配搭菠蘿、海鮮、肉鬆、炒飯底，口感豐! 配上冬瓜湯清熱降火! 無骨海南雞飯 ($72)海南雞已去掉骨，而且揀咗雞脾肉位，雞肉香嫩， 加上油飯🍚，非常perfect!三色冰 ($28)食越南🇻🇳野，必飲特飲三色冰，好有東南亞風情， 加入香濃椰漿沖調，又有三色粉條，好飲!香芒糯米飯 ($59)餐廳揀選新鮮當造芒果，味道好甜，配上紫糯米飯同埋白糯米飯再加上椰漿，好味到停唔到口!Le Viet 尖沙咀彌敦道100號The ONE 4樓L402舖喜歡的話，請關注我的openrice account

陪女兒去尖沙咀The One 買嘢，之後上咗去四樓Le Viet 食越南菜，之前都食過，海南雞最好食。但今晚去到已經賣晒！串燒雞中翼：一上檯已經聞到陣陣炭燒香味，雞翼皮脆肉嫩，而且好入味，點些醬汁辣辣地，可令味道提升。海鮮炒檬粉：蝦、墨魚仔彈牙，檬粉加左芽菜和蛋絲炒，特別香口！黃咖喱軟殻蟹鍋：軟殻蟹和黃咖喱分開上，重有一條法包。黃咖喱用火熱住食，內有薯仔、洋蔥和青椒，軟殻蟹炸得香脆，浸一浸黃咖喱食，啖啖肉好香脆，更有咖喱香甜味！將法包撕開一件件浸入咖喱汁，索曬啲黃咖喱，一口咬下去，滿口咖喱汁，相當惹味。香茅豬扒湯河粉：大大塊豬扒用香茅等香料醃製過，再煎炸至金黃色，味香甜又有口感。湯底香甜，河粉吸收湯底，再加入洋蔥、芫荽蔥和炸蔥頭，更香更美味！

之前有一次喺尖沙咀同朋友食晚飯，記得The One 有間唔錯嘅越南餐廳，所以就去咗食啦。佢哋啲食物嘅份量都幾大，所以一定食到超飽😂😂 同埋都好好食😋越南小食不嬲都好吸引，樣樣都想試吓，所以就叫咗佢哋嘅小食拼盤 （$98) - 有豬頸肉、越式春卷、蝦餅同埋扎肉蒸粉包。全部都好好食！份量都幾大，適合二至四人分享😊越式咖喱牛腩鍋配法包 ($105) - 呢個超級推介！咖喱唔係太辣，配埋法包食完全係一流！如果唔想食牛腩嘅話都可以選擇雞肉或者軟殼蟹👍平時食越南野都一定會食一碗撈檬或者湯檬，我就叫咗碗豬頸肉撈檬，豬頸肉大大塊幾好食😋

尖沙咀的The one 商場，是購物及美食集於一身的購物商場，購物完後，再坐下美美地嘆番個晚餐。喜愛食泰越菜，今晚被我選中的就是 位於L4的這間Le Viet。越式咖哩牛腩鍋配印式薄餅$105越式咖哩牛腩鍋配著一個蘆，一邊滾著熱辣辣的食，有一種特別的美食體會，煲內有薯仔大大件、青紅椒、洋蔥……，牛腩炆得夠腍，吸收了咖哩汁， 又腍又滑，沾滿了咖哩的香甜， 跟配上的薄餅剛剛煎好還帶熱，沾上淡淡的又香中帶甜的咖哩，是特色的異國風味。香茅豬頸肉炒金邊粉$82豬頸肉切得夠薄，燒得香口，醃得夠入味，非常爽口，金邊粉切得比較細條，整個金邊粉裏面有芽菜、雞蛋、韭菜、洋蔥……等， 一齊食口感及味道多元化！雞中翼兩串$48雞翼面上的燒烤顏色好吸引，雞翼面上還有一粒粒的胡椒碎及其它調味料，雞翼燒得剛好熟，裏面肉質嫩滑又多汁，真的香口美味！焦糖燉蛋$38 我很喜愛食焦糖燉蛋，而這裏的焦糖燉蛋價錢平民，焦糖香脆焦甜，燉蛋嫩滑可口。至於飲品方面，要了椰汁紅豆冰及椰汁綠豆冰。

和友人撐枱腳The one四樓好多餐廳，我們想食越南菜，午餐不用$100就有粉和餐飲，我們比較大食！🤫🤪甜品食完才叫滿足。人均：$186.越式生牛肉粉有新鮮芽菜，是有水的杯裝住芽菜好有儀式感、青檸辣椒自行選擇加入湯河，湯底牛骨味，份量足夠。.菠蘿焗飯有三隻蝦在菠蘿焗飯上，好吸睛，友人說加了肉鬆的炒飯很好吃，三色豆、火腿、雞蛋加上新鮮菠蘿炒成再焗，而酸甜菠蘿十分刺激味蕾。.煙三文魚米紙卷健康簡單，米紙卷上有花生碎增加口感。.柚子海鮮沙律柚子新鮮香甜，有墨魚、大蝦、腰果、木瓜絲、蘿蔔絲，很豐富，味道酸甜有一點點辣，開胃菜。特別讚賞蝦是有挑走蝦屎，比掌聲。.芒果糯米飯必叫，甜甜的芒果配上黑白糯米飯，加上香甜椰汁，口感甚佳。芒果糯米飯還有造型，你看到是甚麼？.飲品：凍檸茶、熱檸茶

午市嚟食有午餐，價錢幾抵。我哋想散叫小食，所以只揀咗一個午餐～小食揀咗咩都有嘅拼盤。有春卷、粉包、蝦餅及豬頸肉。拼盤唔錯，春卷好香脆，餡料夠豐富。粉包漲卜卜，皮幾厚實。蝦餅幾脆，肉質實實地有蝦香味。豬頸肉薄薄地幾香。健康啲叫咗炒椰菜苗、有少少蒜蓉味，椰菜苗都幾大棵，硬硬地爽口。午餐：豬扒湯金邊粉 包飲品豬扒湯金邊粉食到尾聲先到，應該太多人，制作需時。豬扒冇肥膏，金邊粉較碎身，林林地，清清地～飲品叫咗椰青夠大個夠多汁！

喺尖沙咀行完街唔知食咩好，突然記起朋友介紹過一間越南餐廳俾我，於是就去試一試。咖哩炒大硯($158)硯肉都好大粒 而且幾新鮮硯肉索哂咖哩汁 好入味咖哩唔算好辣但係有好濃郁嘅香味配上印式薄餅一齊食 薄餅吸收哂d咖哩汁好好食生牛肉湯粉 ($70)牛肉既熟度掌握得唔錯河粉夠幼同薄身湯底都有好濃既牛肉味 再配埋其他香料都好夾泰式去骨海南雞 ($78)海南雞雞件好新鮮而且好嫩滑 一啲都唔鞋去完骨後啖啖肉既感覺好正點埋個酸汁食一流🤤

去The One食lunch，有一排冇食過越南嘢，呢度lunch set都幾多選擇!! 🔘海鮮炒檬粉海鮮數量都唔少，有蝦、魷魚同蜆肉，炒得唔算太油膩，但如果可以濃味少少會更加好!! 🔘去骨海南雞飯海南雞飯is my all time favourite，呢度嘅雞係比較肥美嘅，所以食嘅時候唔敢食皮，雞味香濃而且肉滑，有兩款醬汁可以點!! 🔘越式拼盤呢個超抵食，有炸蝦餅、越式春卷、扎肉蒸粉包和豬頸肉，每款份量都唔少，啱晒咩都想試吓嘅人，自己最鍾意豬頸肉同埋蝦餅!! 🔘焦糖燉蛋朋友話最後想叫個甜品share食，焦糖薄薄地一層好鬆脆，燉蛋幾滑甜度啱啱好!!

在尖沙咀區工作完到The One食午餐，朋友介紹這間越南菜餐廳，地方寬敞舒適，價錢亦算親民。點了一份午餐菠蘿焗飯($88)，午餐包餐湯及飲品，焗飯用料十足，配上幾隻大蝦，份量2個人食都還足夠。另外加點了蔗蝦 ($45)、柚子海鮮沙律 ($78)。蔗蝦彈牙、鮮味。 柚子海鮮沙律有魷魚、鮮蝦，除柚子外還有木瓜絲，沙律汁酸中帶辣，越食越開胃。值得一試的是越南滴滴咖啡($35)，配煉奶又滑又香濃。我和朋友都是甜品控，所以最後再點了越式甜品拼盤($108)，有多款甜品，焦糖燉蛋、越南綠品拉椰糕和香芒糯米飯，非常滿足。

今日黎到食經典越菜，lunch set $65 起有交易！✅越式生牛河粉（$65）同香茅豬扒湯河（$65）都係lunch set,有新鮮芽菜按自己喜好加入。份量都算夠大。+$8仲可以有特色飲品。除左lunch set, 另加左✅串燒沙嗲（$102）小食，6串有齊豬牛雞，新鮮惹味😋。最推介✅黃咖喱軟殼蟹配薄餅（$118）。咖喱有一個熱鍋上，好似打邊爐咁，可以再加軟殼蟹。如果有白飯送咖喱汁就正啦😋。另外坐得好舒服，值得一讚

早2日OpenRice 卜左4位6:45，一去到就有得入。4個人叫左5樣野，同3杯野飲。埋單加埋一150左右一位(不過唔算食到好飽)首先係炒椰菜苗(3.5/5)，蒜味好香，夠鑊氣幾好食半打串燒 (4/5)，豬牛雞都好食，唔沾個醬其實好普通(3/5)，不過沾埋醬juicy 好多，加反分，幾出色菠蘿蝦炒飯(4/5)份量都夠，蝦唔算大隻，不過食落都新鮮。加埋肉鬆同炒飯好正豬頸肉米紙卷(2/5)可能對佢期望太高，所以都好失望，豬勁肉得好簿一片，又唔算特別好味。成餐飯既重點，酸辣海鮮鍋(4/5)佢係連埋個爐上，蝦係全生咁上，要慢慢煮。百零蚊有咁大隻蝦，正。有2大隻，然後其他蜆肉，魷魚仔，個湯偏酸，小辣，岩岩好。下次可以再試其他鍋物。飲品就當然唔少得三色冰同埋紅豆冰，不過不失，好普通。總結，食物味道質素有好有普通，不過雖然收左加一不過係無服務可言，d staff長期都睇唔到你舉手，又扮聽唔到人地叫佢。

一個人喺The ONE，要搵餐晏仔食，行個圈見到呢間餐廳，記得曾經幫襯過，印象中味道唔錯，咁就決定食過番尋味😆叫咗 $65嘅 Lunch Set「香茅豬扒湯粉」，跟餐加 $8 要咗杯「越南🇻🇳滴滴咖啡」；諗住對自己好啲，加咗 $238嘅「牛油焗大頭蝦」😆「香茅豬扒湯粉」嘅豬扒同湯粉原來係分開上，另外仲配有芽菜、檸檬葉、紅辣椒粒、青檸，我將佢哋全部加晒落碗湯河裏邊，再影番張靚相😆；豬扒🐷煎到香噴噴，湯河原來係越南🇻🇳河粉，加咗檸檬葉同青檸汁，食落特別惹味😋。「牛油焗大頭蝦」賣相非常立體，presentation 好掂🤩；大頭蝦🦐非常大隻，驟眼睇落仲以為係龍蝦😆；大頭蝦肉質結實，炸完之後，加咗極多蒜蓉喺上邊，配埋牛油一齊，香口好味道😋。「越南🇻🇳滴滴咖啡☕️（原來越南文叫Ca Phe Phin😆）」加咗煉奶甜甜哋，幾香幾滑😋

主打新派越菜，菜式做得精緻，價錢抵食足料，越式生牛河牛油焗大頭蝦、椰青海鮮焗飯及金不換白酒煮蜆都是招牌菜。今日午餐過左黎食越南河,係尖沙咀THE ONE商場內既越南菜餐廳午市優惠 越式生牛肉粉 $65湯底係牛骨濃湯,每日新鮮製作,油少湯濃味香甜,入口順口配料有安格斯牛河片,清湯蘿蔔片,洋蔥等配料先飲一口濃湯,再用熱湯灼熟牛肉薄片,牛肉脂肪少,肉味濃,入口嫩滑蘿蔔非常入味同清甜無渣,另外配以滑溜河粉,非常大碗味美香芒糯米飯 $59 以新鮮芒果切片,配以黑白糯米飯,淋上香甜椰漿汁睇佢份量不多,但係味道又濃又甜,糯米飯香軟煙韌芒果肉足一個份量 肉汁多又夠甜環境坐得舒適,價錢同一般餐廳相約,水準高,抵食Shop L402, 4/F, The ONE, 100 Nathan Road, Tsim Sha Tsui消費$150

味道還好 正正常常 不過我地食嗰兩個都好難伏得去邊但係份量真係偏小我食唔飽之餘連我女朋友食量唔大都唔夠飽，所以建議可以加大啲份量 例如豬頸肉撈檬咁 其實豬頸肉都有7、8塊 都ok 但係檬粉真係比太少至於生牛肉湯粉 同普通街市30幾蚊嗰啲越南粉差唔多 但係價錢貴成倍 份量都少好多所以整體嚟講 性價比真係唔高 xxxxxxxxxxxxxxxxxxxxxxxxxxxxxx