Le Viet

營業中

休息中

Le Viet.尖沙咀彌敦道100號 L4菠蘿焗飯 $88菠蘿焗飯用料十足，夠兩個人食飽，除咗鮮甜嘅菠蘿之外仲有好多肉鬆同埋鮮蝦，啱晒鍾意食海鮮同菠蘿嘅朋友。咖喱牛腩煲 $108冇人忍得住唔食熱辣辣嘅牛腩煲，價錢抵食之餘仲勁多牛腩，加埋長法包可謂係人間一大美食。沙嗲串燒 $58分別有牛豬羊三串，牛豬羊肉肉質爽口之外，配埋佢哋唔會太辣又唔會太鹹嘅沙嗲醬，簡直絕配呀！Fresh grilled pork $48地道越式嘅卷物，一個卷包住好多材料例如有鴨肉竹筍蘿蔔同生菜，一次過滿足你好多個願望，口感好特別，值得一試！椰汁紅豆冰（+$8）

有時睇完戲諗唔到食咩嘅時候佢就啱晒！出名價錢平質素有保證，每個月都仲有一次來食！青木瓜雞絲沙律🥗$62做緊特價$62，好清新爽口嘅木瓜絲，健康之選！全燒豬牛雞各一$58食肉獸表示一定要食串燒，即叫即燒加埋秘製醬汁，雖然食緊越南野但係就好有泰式風情！越式咖喱軟殼蟹$118軟殼蟹熱辣辣脆卜卜，滾下滾下嘅咖喱汁配印度薄餅好好食😋超載椰青焗飯$103滿到瀉嘅炒飯放入新鮮椰青入面，感覺有啲似食緊芒果糯米飯🍚，可以連埋啲椰肉食，鍾意食椰子味嘅必點！

去按摩💆之前食返個🇻🇳生牛河🍜🍜先每次嚟到呢到都有選擇困難症🤣🤣到底系🇻🇳招牌飯🍚好定生牛河好定🐷豬頸肉撈檬好呢今次就要食下呢款煙三文魚米紙卷🌯平時都好小見 仲有必食一定系佢地牛油雞翼🧈🐔我一個人真系可以食得曬5隻唔系講小😝😝😝就算食到幾飽甜品的胃還是有的 嚟多個芒果🥭糯米飯呀唔該 超級甜呀個芒果🥭😍😍旺角同尖沙咀分店水準都系一樣 the one分店仲好近我平時按摩💆嗰到Tim 😬✌🏻

越南菜入面「Le Viet」嘅味道都係幾地道🥰.鮮蝦米紙卷🦐餡料主要係蝦肉同檬粉，米紙煙韌😆加上花生碎同蘿蔔絲🥜🥕都幾好味😋.越式火車頭酸辣鍋🍲酸辣鍋連埋煤氣爐一齊上枱🔥咁就唔驚會變凍咗唔好飲🥰材料有墨魚🦑大頭蝦、海蜆、芽菜、菠蘿🍍酸甜開胃🤤.生牛肉湯粉🍜生牛肉仲有少少粉紅色🦁口感嫩滑，白蘿蔔清甜無渣😙湯底充滿牛肉鮮味同香料味👍🏻配上辣椒和青檸汁就更好🌶🍋.越南滴滴咖啡🇻🇳咖啡加上煉奶🥛味道香甜正宗😉.即磨咖啡☕️味道比滴滴咖啡更順滑

想吃越南菜大餐，就要去尖沙咀The One樓上啲Le Viet。菜多又便宜。主食我嗌越式咖喱鮮雞鍋配法包/印式薄餅，我選擇薄餅。咖喱鍋用爐火熱著，咖喱味好濃郁，好香，雞塊又大件，薄餅煎得煙煙韌韌，好Q，放入鍋裡，融入咖喱味，味道又唔同。吃越菜當然少不得叫撈檬，我嗌香茅燒豬頸肉撈檬。豬頸肉啲肉好彈牙，有燒烤嘅味道。醬汁有雨露，青檸，辣椒等味道，伴著檸粉，酸酸甜甜，檸粉又爽口，味道好正。咖喱牛腩撈檬，咖喱味好濃而且口味微辣微甜。牛腩，牛根燉得好淋，撈埋土豆，青椒，檸粉一起吃，味道好好。小食嗌左串燒雞中翼，雞翼肥大又好味。飲品要三色冰，甜甜哋，椰奶味好濃郁。

Not a big restaurant, but provides a variety of Vietnamese cuisine options with reasonable prices, although it locates at TST.

呢間係食過咁多間越南菜最好食既一間。今次又試新野，真係任何菜餚都唔會令人失望！最想讚既係大蝦菠蘿飯 103蚊仲以為份量好少，估唔到一黎到份量係超多，3隻大蝦已經幫我地去埋個壳，非常細心。 個飯係我最鐘意既配味，有少少咖喱粉味，再加埋新鮮菠蘿粒，d飯再放係菠蘿肉到，真係超級甜。牛油雞翅 72蚊呢個絕對係呢間既黃牌，不過有少少熱氣，但5隻大大隻既雞翅真係好抵食，好香牛油味。炒通菜 65蚊 好香好辣 如果唔食得辣既就揀其實比較好，食得辣既一定好愛，因為都幾辣。豬頸肉炒金邊粉 82蚊豬頸肉大約有5 6片 ， 炒邊粉都好香好正。串燒沙嗲牛 3串 58蚊好香好有牛味，加埋d汁真係好好食。

今日去咗The One行街，見到有間越南餐廳，就入去試吓。午飯時間，人都算多。午餐都幾多選，有幾款都好吸引。我揀咗咖哩牛腩撈檬，第一次見有這種撈檬，平時見得多係豬扒/豬頸肉/雞翼果種凍撈檬，而熱撈檬係第一次試。嘩，見到碗撈檬送嚟，好大碗，有幾塊好大嘅薯仔，薯仔咬落去係淋和粉，正👍🏻咖哩好濃好香。牛腩好淋唔會硬，有至少5塊，檬粉份量有一大碗，我略為覺得咖哩汁多咗一些，有啲似成碗湯汁仲多過粉。凍檸茶係大杯夠凍，檸檬有4片。CP值好👍🏻

越式嘅餐廳係香港真係唔係好多 而係尖沙咀嘅Le Viet係The One 地鐵站B出口一出唔洗5 分鐘就可以去到 真係好方便 而且嘢食質素唔差之餘 仲坐得幾舒服 可以一試啊！《越式咖哩軟殻蟹鍋配法包》依個軟殻蟹鍋真係好吸引 一上枱佢仲有個爐仔畀你去保溫佢一路煮啲咖哩嘅香味就更加出 香到我地隔離枱都跟住我地叫咗！佢嘅法包同即炸嘅軟殻蟹係分開上嘅 可以畀我要食嘅時候先點咖哩汁 唔洗淋曬 正啊！.《香茅豬頸肉炒金邊粉》其實本身見佢賣相唔係咁好 即刻心情有少少down咗但食落又幾惹味喎 啲香料落得恰到好處之餘 仲好有鑊氣豬頸肉都好軟淋 加少少青檸汁仲會開胃啲添！.P.S.不過員工比較少 落單上菜可能都會慢少少 有待改進啊！

Le Viet 。大蝦菠蘿飯 $88午市套餐嘅其中一款，配有飲品同餐湯。上面有大蝦同肉鬆，炒飯底有唔同嘅配料，菠蘿粟米嚟增加口感同味道。份量多，幾抵食。青木瓜大蝦雞絲沙律 $78 有木瓜絲、雞絲、青瓜、紅蘿蔔絲同大蝦。醬汁酸酸地好開胃，會另外裝起，可以按自己嘅喜好佢調味。。香茅豬頸肉米紙卷 $48 係用米紙包住豬頸肉、生菜同粉，因為本身冇咩味道，所以要點多少少醬汁一齊食。。香芒糯米飯 $59賣相方面唔錯，芒果嘅份量都幾多，而且幾甜。白糯米就有少少硬，紫糯米就好啲。椰漿分量多，所以好重椰香味。凍咖啡椰汁紅豆冰。📍 Le Viet (尖沙咀)尖沙咀彌敦道100號The ONE 4樓L402舖

餐廳坐位都好多，但員工明顯地唔夠，一個區域都無一個員工幫客人落單加水，見到黎黎去去都係果2個員工執枱出餐落單，辛苦哂.我地3個人都唔係好肚餓，去搵間野輕食，叫左3樣野.推廣緊既越南海鮮酸辣鍋，個人認為唔抵食🤣啲海鮮只有有1隻蜆，3隻墨魚仔，2隻蝦開4邊，湯底有菠蘿蕃茄芽菜，飲落酸酸甜甜帶炒炒辣味半隻無骨海南雞，肉質好滑，唔會煮到啲肉偕烚烚，點佢配既辣醬幾好食雞牛豬沙嗲串燒，唔會燒到乾哂，keep到啲肉汁，配埋個沙嗲醬一流👍🏻

東南亞菜係我最鍾意既菜系，而越南菜係我數一數二鍾意。最近去左公司附近既連鎖越南餐廳【Le Viet.】食lunch。Lunch time有lunch menu同regular menu叫。我地就叫左兩個lunch set、兩個小食同甜品。Lunch Set（包飲品一杯）：越式生牛肉粉：分量超大一碗，湯底濃同鮮，但又唔會好重味精。生牛肉分量都好多，唔會因爲lunch而變少。而且新鮮熱辣！香茅豬頸肉撈檬：豬頸肉分量好多，調味岩岩好，魚露酸味濃、非常開胃！+$8轉特飲 青檸梳打&鹹檸梳打：泰國梳打水加青檸/鹹檸非常清新解渴蔗蝦：味道中規中矩，同埋分量比較少。個人唔係太推薦牛油鷄翼：5隻炸鷄翼再加牛油蒜蓉醬。鷄翼新鮮炸起、裏面肉好juicy！外面牛油蒜蓉醬味道好夠，但又唔會太油。非常推薦！焦糖燉蛋：好重雲尼拿味、好creamy重蛋味。上面焦糖好脆！

朋友話呢間餐廳坐得舒服而且位置好方便，禁不如就試下餐廳位置好方便，the one一上就搵到價位唔貴，可以話呢個質素抵食去個陣唔洗等位，安排左圓台無骨半隻海南雞，份量俾我想去中多仲有醬汁配搭，最鍾意就係呢隻雞唔係好肥，同埋雞肉夠滑，切件嘅嗰個全部都有肉試過有啲其他餐廳好多骨頭就唔好啦！春卷扎肉撈檬粉，春卷嘅配搭都唔錯真係熱辣辣炸過！配上汁，酸甜既滋味非常開胃香茅豬頸肉燒得正好，非常入味又夠份量，微微脆皮，如果飲酒🍻都好夾最後食埋沙爹串燒，有齊雞、牛、豬，配搭特質沙爹醬，更加有風味！

泰越菜從來都是好難分開😹平時食開九龍城嗰間金字頭，今日試下佢太子爺開左越式le viet...一坐低就已經比個裝修吸引左，有設計得黎又唔太浮誇。價錢亦好合理，嚮大商場入面都咁平民價其實好難得。今日試左牛肉沙律，好清新，好開胃。同其他越式沙律唔一樣，呢款不會太濃味雞翼亦是必食之選，其實食食下覺得好飽，有諗過打包，但最後都係忍唔住要清埋，真係食唔停最後再點多個越式火車頭鍋，牛肉好多，絕不hea 場，而且質素好好，好似食緊牛小排咁😋牛味同口感都5星⭐️⭐️⭐️⭐️⭐️，湯底有蕃茄，香茅，洋蔥，子薑等，酸酸甜甜，越煲越香濃

「特別火車頭」啱曬貪心嘅我，事關佢有齊曬牛柏葉、牛丸、牛肉同牛腩，可以一次過食勻曬！牛肉睇落好薄但食落好有咬口，感覺實在。配菜重有清甜冇渣嘅白蘿蔔同洋蔥🧅。河粉好滑。加左少少莞茜令湯底更香。呢碗河粉份量好多，要兩個人share先食得曬！去骨海南雞飯預早去晒骨，食嘅時候啖啖肉，正😋！雞肉嫩滑，點埋酸辣汁，味道一流。我同朋友去嘅時候係下晝5點。估唔到重有得食lunch set！佢個lunch set去到5點半！正呀！😍跟餐重有野飲。同朋友各自嗌左杯熱檸茶。用原個菠蘿盛載嘅大蝦菠蘿飯好多蝦🦐，蝦夠新鮮肉唔會霉。加上肉鬆、菠蘿粒等食材，口感豐富。飯同食材嘅份量多到就黎滿瀉，個菠蘿都唔夠裝！不同食材的各種色彩拼在一起，七彩繽紛，賣相好靚～😍👍🏻海鮮炒檬粉撈檬就食得多，炒檬粉好少食到。上枱時剛剛炒起，未食已經聞到好香，夠曬鑊氣！鍾意食海鮮嘅朋友我推薦你嗌「海鮮炒檬粉」，因為有多款海鮮：蜆肉、墨魚🦑、蝦🦐等。墨魚大大粒！用了韭菜、芽菜同埋蛋一齊炒，食嘅時候更添口感。