L'AMOUR

朋友之前試過呢間，話文華東方酒店主廚都係度幫手，野好好食，好奇心底下就一齊黎試下，地方唔難搵，太和落左車黎後，經太和商場落去，經過條村，過馬路就係。去到門外個outlook都幾特別，出面係完全望唔到入面，好似一道白色大門咁，門外有個琴display，有張bar檯，門口有個門鐘按既，但我地冇未按，職員已經知道，仲開門比我地😂😂入面有卡位梳化位，職員安排左梳化位比我地，都幾舒服☺️入到去都幾有情調，暗暗地，如果情侶黎慶祝紀念日簡直一流👍話口未完，就見到隔離檯情侶送晒禮物🎁😂😂😂餐牌有單叫或set，有平有貴，平既300幾蚊個set都有，貴既千幾蚊個人都有，可以自由選擇，但食個氣氛都抵！職員都好細心講解餐牌，服務態度好好👍咁我地最後叫左兩個set，一個係$480既鵝肝牛柳set，一個係$518既龍蝦薏米飯！仲有餐湯，頭盤添！不過野飲就要另外order了但野飲有成頁比你揀，想飲酒有d氣氛既可以有好多選擇，但因為我酒敏感所以就無揀了，揀左無酒精飲品野飲黎左，好得意，類似打左氣入去咁，o係野飲上面整成一個波，用枝飲管一吉就爆左了！諗住杯野咁得意多數都係伏野，點知又幾好飲wo，pink lady幾清新，

餐廳裝修環境極具風格，散發出古典氣派。餐廳中心大型水晶吊燈突顯餐廳雍容華貴，真正讓人感受置身高級法國餐廳。而酒保位置擺放了大量不同酒品，再加牆身柔和燈光，整體環境美輪美奐👍🌟　烤加拿大海膽多士 $68/pc多士厚度適中，烤焗時間剛剛好，口感香脆可口。加拿大海膽沒有腥臭等味道，香味濃郁，質感Creamy味道甘香，作為頭盤小食的確唔錯👍🌟　忌廉加拿大海膽扁意粉 $178承接上一道小食，加拿大海膽同樣鮮香味美，而且份量充足，每一啖都可以品嚐到海膽滋味。意粉方面感煙韌有嚼勁，唔會過硬過腍，忌廉汁略帶甜味，整碟意粉水準唔錯👍🌟　傳統法式鵝肝牛柳 $398鵝肝煎至色澤啡黃表面薄薄一層焦香，放入口中鵝肝瞬間融化，香味及油份令到味蕾非常滿足。牛柳份量雖然比較細少，但食得出材料質素非常高。牛柳肉質咬落腍中帶口感，牛味濃厚，而且充滿肉汁油香，佳作👍🌟　San Mig Light $48/glass雖然只係啤酒，但餐廳同樣以酒杯形式呈上，感覺層次高級，果然一絲不苟👍

今年生日 男朋友帶我去食法國餐當我知道係食法國餐之後 就一直期待依日的到來因為咁大個女都未食過準時收工 逼車入太和 你無聽錯 無睇錯。。。真係太和按開關掣 玻璃門會由磨砂轉為透光(初時還以為係未開始晚市)店外 店內 感覺好大差別而且係小小的空間 竟然有咁大盞水晶燈氣氛超有情調齋睇環境 已經好滿意男朋友嘅安排☺️係咁有情調嘅餐廳慶祝生日梗係要叫杯酒 飲下~ 享受一下前：RAINBOW $118 後：MOJITO $92杯RAINBOW的漸層做得好靚 真係好唔捨得攪勻嚟飲我地點的係SET DINNER前菜 波特酒釀葡萄．法國鵝肝凍由於較少接觸依類菜式 稍稍覺得鵝肝凍有啲腥但與酒釀葡萄一起食 又有另一番風味餐湯 蕃茄蔬菜湯配蒜茸包黎到主菜 我揀的係海膽扁意粉$378海膽份量大方 扁意粉煮得剛剛好 軟硬適中男朋友揀的係傳統法式鵝肝牛柳$480最後嚟到甜品時間美女與野獸+$48  掛住拍片。。。唔記得打開前影相果然醉翁之意不在此 拍片打卡先係重點吧少女心發作

最近得知大埔有一間隱世既法國餐廳，住到遠一遠都慕名而來，L'AMOUR由前中環著名文華東方酒店Pierre主廚助陣帶領團隊打造高質法國菜，每道菜餚都係嘗心悅目。餐廳入面任何一個環境都充滿氣派同貴氣，任何位置都可以成為打卡景點。門口設計係單向設計，出面望唔到入面，所以係到食野既私隱度都好高。餐廳入面既設計就好似酒店既酒吧一樣，咁有氣場，任何一個位都可以打卡。最後我叫左個 set dinner, 先黎左個前菜既 Poie gras & Grape with port wine ，提子充滿波特酒味，配上鵝肝凍相當特別。主菜 Tournedos Rossini ， 傳統既法國菜式，由19世紀義大利歌劇三傑之一的羅西尼創造，並以佢名命。鵝肝入口即溶，牛柳牛味豐味。之後不得不說甜品Beauty and the Beast，真係好似個藝術品咁，真係有種唔捨得食佢既感覺，開蓋既時侯仲有陣陣煙飄出黎，打卡真係一流。成間餐廳既質素都好高，由其是係環境同服務方面都好似做到酒店咁，好適合慶祝或者男女朋友之間黎食，非常之有情調。味道⭐⭐⭐⭐⭐環境⭐⭐⭐⭐⭐服務⭐⭐⭐⭐⭐衛生⭐⭐⭐⭐抵食⭐⭐⭐⭐

大埔法國菜之夜🇫🇷週四同友人已經ғʀɪᴅᴀʏ ᴍᴏᴏᴅ享受一頓ғɪɴᴇ ᴅɪɴɪɴɢ 😝餐廳大門已經好搶眼按門鐘玻璃門會變色然後等咗陣 店員就會開門 ✨巴馬臣芝士黑松露薯條〰️薯條好大份！有一粒粒嘅黑松露 同友人食下傾下 攤咗半個鐘 薯條仲係好脆身💯 ✨威靈頓牛柳〰️友人一心話好想食 牛柳過生了 一切就散哂 ✨焦糖法式燉鵝肝〰️焦糖燉蛋就食得多 呢道鹹點又無違和👍🏻 ✨法式烤龍蝦尾海鮮薏米飯〰️🦞尾都啖啖肉 起肉個下好療治癒🤤仲有兩大粒帶子 同risotto唔同佢係用薏米煮成嘅飯又出奇地索到d汁食哂都唔會好滯 ✨時令魚子醬. 巴馬火腿.杏仁.餅乾拼盤〰️好豐富嘅一碟 ɴᴜᴛs比例過多魚子醬無食開 唔識分好不好味🤣 ✨紅桑子芝士蛋糕〰️呢款甜品不在ᴍᴇɴᴜ上因為店員話就來轉ᴍᴇɴᴜ 所以我哋就揀咗呢個 芝士蛋糕唔係好結實個隻 食落不會太溜 加上面層係紅桑子醬 甜酸的 ✨ʀᴏsᴇ🌹〰️鎮店之飲 有個大泡泡包住 穿咗之後會有煙散出來😶‍🌫️不過第一個泡泡好快爆咗 店員好快幫我哋整多個 好玩 荔枝味底 酒味不濃 打卡用🎈 ✨sᴇxʏ ᴏɴ ᴛʜᴇ ʙᴇᴀᴄʜ🍹〰️因為想飲ᴅ ғʀᴜɪᴛʏ 少少ɢᴇ

第二次食L’amour，食咗佢哋嘅8 courses dinner set，超級滿足！第一道係法式濃湯🦞龍蝦湯味好濃郁，湯好creamy。最欣賞係佢個蒜蓉包，麵包焗得好脆而且蒜蓉味好香，用嚟點個龍蝦湯嚟食真係一流。第二道係鵝肝凍🍸鵝肝凍配埋菠蘿、雜莓、提子等嘅生果，食落好fresh！第三道係魚子醬多士🍞又係嗰塊好香脆嘅蒜蓉多士，配埋上面嘅魚子醬同埋三文魚食，係好好食嘅小食。第四道係北海道生蠔🦪生蠔上面有魚子醬同埋金箔，口感好豐富。第五道係法式鵝肝牛柳🥩鵝肝比我想像中多，而且同牛柳好夾。牛柳嘅牛味好濃，切開係粉紅色，兩樣加埋一齊食又有濃郁嘅牛尾又有鵝肝嘅甘香，好正！第六係有機雜菜沙律🥗伴碟嘅紫色醬原來係雜莓嘅醬，沙律入面亦都撈咗啲雜莓，連埋上面嘅蝦肉，食落清爽得來又大啲甜甜地，好少食甜甜嘅沙律所以覺得好特別。食咗之前咁多嘢食，喺呢度食返個清新嘅沙律恰到好處。第七道係黑松露帶子薏米飯🐚本身食到呢度其實已經都幾飽吓，有啲擔心黑松露飯會好heavy好濟，但呢個又唔會，可能因為係用咗薏米，咬落口感煙煙韌韌，而且入面又有啲西芹粒粒，食落又會爽爽地，所以就算個黑松露汁好creamy好濃，食落去都唔會

今次叫哂自己想食嘅所有嘢😆 佢係咁樣分嘅你可以叫normal set dinner，有前菜主菜同甜品，亦可以選擇8個dishes ($988) / 10個dishes ($1188)，我今次揀咗normal dinner set，自己揀自己鍾意食嘅嘢😆 不過溫馨提示，如果你揀8個或者10個dishes就係OpenRice買定，會平啲🥰🥰➡️慢煮西班牙黑毛豬鞍.焦糖蘋果 $398 - 煮得過咗少少，所以有啲Un，但蘋果做得好入味，係食肉獸先好叫，咪一定食唔哂😂前菜➡️波特酒釀葡萄.法式鵝肝凍 - 呢嗰做得好好，不過記得食葡萄嘅時候一定一定要食埋鵝肝凍！係另一種食法！甜品➡️美女與野獸(要額外加+48) - 港女嘅我，覺得係打卡一流🌹 真係好靚💗 味道就不要說了😂是日餐湯➡️ 龍蝦湯好飲😆 外面絕對飲唔到😜Cocktails🍹 ➡️Rainbow 🌈 $118 - 記得撈勻佢先飲，唔係好飲得酒嘅呢嗰都係一嗰唔錯嘅選擇😆➡️蟹肉他他沙律 $188 - 嗰combination做得好好，真係可以一試😳➡️烤加拿大海膽多士 $68/pcs - 海膽好鮮，不過每人一件係上限，睇住嚟叫😜

真係點都估唔到大埔都可以有咁高質嘅法國餐，我係因為知道文華東方酒店pierre主廚過咗嚟，所有有興趣試吓💗💗先講環境😳 入咗嚟好似去咗另一個世界咁😳 生日記念日拍拖👫嚟呢到真係會加好多分😳 外面發生咩事都聽唔到，隔音做得好好👍🏻完全可以遠離繁囂嘅感覺，好好享受下呢餐😋仲有呃like一流😜➡️傳統法式鵝肝牛柳$480 - 兩嗰都高質嘅👍🏻 絕對值回票價！好少可鵝肝同牛柳可以成舊都一齊切到一齊食💗 前菜➡️鯛魚刺身 - 佢送到嚟嗰陣係刺身同嗰湯底係分開，到嘅時候侍應會係你面前加落去，避免左刺身吸得太多味，但嗰清湯都有啲蓋過咗鯛魚刺身嗰種味，呢嗰相對普通💁🏻‍♀️➡️鮮果蛋糕雪糕 - 擺盤都OK，如果你嚟係有特別日子記得同佢講，等佢寫返兩隻字😜➡️Dream 💭 $133 (cocktails 🍹 )- 佢嚟到嗰陣有嗰波波係上面，你一督就會爆😂 記得捕捉嗰一刻😆 ➡️生蠔🦪$288/6 pcs - 好大隻好肥美，絕對值得叫🥳🥳

平民區都可以有好出色既法國餐🥳門口識變色已經令人好期待 餐廳既美食同環境了。環境岩哂2個人來場浪漫既約會，坐得舒服又好容易傾到計。 🔥威靈頓牛柳五成熟嘅牛柳包上蘑菇蓉、外邊有一層酥皮、牛肉處理得剛剛好唔會太生又同蘑菇蓉融合得唔錯。 🔥法式烤龍蝦尾海鮮薏米飯龍蝦一撩就成條出來、薏米飯唔似白飯一樣很飽肚、加上帶子燒得外脆內軟林林、龍蝦味又配上帶子嘅香味。 🔥焦糖法式燉鵝肝不得不說整餐飯下來最喜歡的就是焦糖法式燉鵝肝、鵝肝上邊既脆卜卜既焦糖面、口感非常豐富、十級推介呢！ 🔥巴馬臣芝士黑松露薯條幼身薯條加上黑松露醬、就算薯條被放涼了外面還脆、對於薯條愛好者嘅我、有驚喜。🔥頂級魚子醬、杏仁、巴馬火腿、餅乾拼盤魚子醬鹹香味高、魚子醬口感偏Q彈、Parma ham 同餅乾一起享用、感覺幾和諧。 🔥紅桑子芝士蛋糕上層紅桑子醬唔會太多、同芝士蛋糕偏結實和紅桑子都夾的。🔥Sexy on the beach以橙酒作底既cocktail 較為橙味濃d 酒味反而唔會太搶 🔥Rose打卡度勁高既cocktail 以vodka 整成一個波波、店員會比短飲管，一吉就出煙。

民居之間竟然有一間高質西餐廳🍽週四同友人已經Friday Mood去咗L'AMOUR享受一頓Fine Dinning😝餐廳大門已經好搶眼按門鐘玻璃門會變色然後等咗陣 店員就會開門 ✨巴馬臣芝士黑松露薯條〰️薯條好大份！有一粒粒嘅黑松露 同友人食下傾下 攤咗半個鐘 薯條仲係好脆身💯 ✨法式烤龍蝦尾海鮮薏米飯〰️🦞尾都啖啖肉 起肉個下好療治癒🤤仲有兩大粒帶子 真海鮮！同risotto唔同 佢係用薏米煮成嘅飯 又出奇地索到d汁 食哂都唔會好滯 滿滿忌廉野菌香 ✨威靈頓牛柳〰️友人一心話好想食 牛柳+酥皮+蘑菇的薈萃 口感豐富 用咗紫色🥔做襯托 心思之作💖 ✨焦糖法式燉鵝肝〰️焦糖燉蛋就食得多 呢道鹹點一樣出色👍🏻焦糖面下面係入口即溶嘅鵝肝 一試上癮停唔到lol ✨時令魚子醬. 巴馬火腿.杏仁.餅乾拼盤〰️一缽魚子醬已經😍配以Parma Ham+餅乾 味道唔會太搶 感受每粒魚子的鮮味 ✨紅桑子芝士蛋糕〰️呢款甜品不在menu上 因為店員話就來轉menu 所以我哋就揀咗呢個 芝士蛋糕唔係好結實個隻 食落不會太溜 加上面層係紅桑子醬 甜酸的 味道更宜人 ✨Rose🌹〰️鎮店之飲 有個大泡泡包住 穿

我平時真係好少去太和覓食～ 今日咁啱同咗朋友去大埔玩，所以就十分之難得去太和嗰邊食好西🥰 見到呢間幾特別嘅法國餐廳，餐廳個門口好特別🤣 開門嘅時候門口會有霧面變成透明，餐廳設計十分有心思幾有情調👍🏻✨香煎北海道帶子黑松露薏米飯 $198黑松露味道濃郁，一上枱就聞到濃濃嘅黑松露味🥰 薏米飯嘅軟硬度適中，幾有口感幾特別👍🏻 每一啖嘅薏米飯都有好香濃嘅黑松露味 帶子好大粒，啖啖肉😋-✨烤焗紐西蘭羊架 $368羊架帶有少少羊羶味得嚟又好重羊肉味，羶味唔會太濃，完全係acceptable!!! 羊肉幾鮮嫩😋 平時唔太食羊嘅我都幾中意！-✨慢煮西班牙黑毛豬鞍·焦糖蘋果黑毛豬鞍幾juicy，幾軟嫩😋 豬鞍表面煎成金黃色，十分香口🥰 焦糖蘋果十分驚喜!!! 蘋果蓉酸酸甜甜好開胃👍🏻-另外我哋嗌左兩杯飲品，分別係blue angel 同rainbow 🥳 blue angel好清新，帶有淡淡的青檸味👍🏻夏天飲一流！Rainbow賣相十分吸引，好夢幻🤣 飲落都係偏甜，幾容易入口👍🏻👍🏻

大埔呢一間嘅Fine dining，門口有神秘感覺，入到去燈光暗暗地幾浪漫💕午餐都幾多嘢揀，而且相當豐富，價錢由三百幾至五百幾不等～有前菜、湯、主菜、甜品及飲品～呢度嘅食物精緻、賣相靚，而且味道仲好好食，真係值呢個價錢！▶️前菜我哋每人揀咗一款🔻碟豆花木魚清湯.鯛魚刺身顏色好靚：紫色～ 鯛魚刺身幾特別，有木魚清湯點綴🔻波特酒釀葡萄.法式鵝肝凍啲提子幾甜，鵝肝凍好好食😋夠creamy▶️湯係蕃茄雜菜湯非常濃味，而且好多料，足料好飲▶️主菜🔻海膽扁意粉🍝$378呢個超好食😋面上有海膽，而且意粉醬汁充滿海膽味，仲有啲煮熟咗嘅海膽撈埋一齊，海膽汁又creamy, 意粉煮得啱啱好，真係高水準！🔻鵝肝牛柳$480擺盤又係好靚☺️鵝肝超級香，有油香，真係好好食😍牛柳揀咗Medium rare, 又林身，牛味又夠香▶️甜品🔻鮮果蛋糕雪糕，雪糕揀咗石板街味🍦另外佢仲有細細件蛋糕仔、生果及馬卡龍～🔻美女與野獸-上枱時有冒煙效果，好靚～玫瑰花味道係紅豆蓉, 都幾好食套餐包啤酒🍺或紅白酒🍷揀咗白酒都幾好飲🥂午餐性價比高！

聽聞大埔開咗一間非常之靚嘅法國餐廳，港女如我，當然要入去一探究竟！果然冇令我失望！行奢華風，真心靚！選擇左八道菜嘅Menu，就該食材嚟講，價錢合理～Pinklady~呢個飲品都係不可或缺嘅一個item，上邊嘅空氣波波，困着帶有香氣嘅煙霧，非常引人入勝～龍蝦湯～香濃嘅龍蝦湯配上蒜蓉包，簡直係一絕！由於加上忌廉，非常順滑，當中絕美嘅花作為裝飾，令人食指大動！鵝肝凍～優質生果配上口感豐盈嘅鵝肝凍，竟然帶出一種獨特嘅清新！黑松露多士～味道嘅層次感豐富，有香脆既多士，有一顆顆黑松露入口後慢慢溶化，亦有豐富油脂嘅煙三文魚～北海道生蠔～加上金箔及魚子醬，突顯出生蠔嘅矜貴，生蠔非常新鮮，鹹度適中，而旁邊嘅蕃茄蓉早已混合Tabasco,顯示到廚師嘅誠意。有機雜菜沙律～除咗有益嘅有機雜菜之外，仲有龍蝦肉、水果味雪葩及乳酪！微凍嘅口感，可以清一清味蕾，再繼續品嚐之後嘅餐點。法式鵝肝牛柳～牛柳點左五成熟,一啲都無overcooked，而煎後嘅鵝肝薄薄一層香脆面，之後就入口即化。黑松露帶子薏米飯～貝殼中嘅一顆珍珠，非常矜貴，配上有口感嘅薏米飯同獨特醬汁，帶比我非凡嘅享受～日本原隻海膽雪糕～呢個特色料理真係令我驚

今日係同老公嘅結婚紀念日,當然要搵一間fine dining去慶祝,住喺新界區，都想搵一間近近地嘅，終於搵到一間喺大埔嘅！Pinklady~呢個波波就係signature，見到佢郁吓郁吓咁，真係好得意！味道方面非常易入口，係香甜味道！法式濃湯～香濃嘅龍蝦湯配上香滑嘅忌廉，裝飾用咗食用花頓時少女心大發！法國傳統鵝肝凍～鵝肝凍係需要細意品嚐，當中嘅層次非常豐富，微凍嘅口感，感覺順喉！特級魚子醬多士～魚子醬配上煙三文魚及香脆多士，小小一口，極具心思！北海道生蠔～生蠔上佈滿泡泡，當中亦有魚子醬及金箔，非常矜貴！法國傳統有機雜菜沙律～凍食嘅沙律伴碟會係兩個生果口味嘅雪葩，真係非常特別！再加上藍莓乳酪同草莓，配搭得宜，主角係龍蝦，非常鮮甜清爽！法式鵝肝牛柳～香煎嘅鵝肝永遠都係咁醉人，入口即溶，加上牛柳嘅軟淋嫩滑口感，簡直係極級享受，除咗主菜之外，薯蓉都別具心思，用上三款薯仔！黑松露帶子薏米飯～用上帶有神秘感嘅擺盤方式，令我諗起大海嘅貝殼，當中帶子成為貝殼中嘅珍珠，薏米飯煙煙韌韌，加埋濃厚嘅醬汁，令我非常喜歡！日本原隻海膽雪糕～帶鹹嘅海膽同埋香甜嘅雪糕融合為一體，竟然味道如此獨特，簡直顛覆我嘅味蕾！

今日lunch男朋友話帶我食法國菜，但竟然唔洗離開大埔！我唔知道大埔開咗間法國菜餐廳，入到黎都幾有氣氛，估唔到會有盞華麗既水晶燈入面仲有排氣派既酒櫃中午有lunch選擇，幾百蚊食一個午餐平時真係唔捨得，但當食完就覺得絕對物有所值，間時食返餐一啲都唔過份前菜方面，我哋都叫左鯛魚刺身，最特別係配蝶豆花既汁，令感覺好fresh而餐湯係南瓜湯，口感係有少少糊狀，好濃既南瓜味，多士都好脆主菜嗌左海膽扁意粉，好好味呀！一啲都唔腥，意粉軟硬適中，我好怕好生既意粉而另一個主菜係西班牙慢煮黑毛豬，依個煮法真係令啲肉質好嫩，而外皮另外處理好脆最後既甜品，擺盤都好靚，份量不太多，一個好啲尾聲仲有飲品，我飲橙汁就無特別啦，男朋友飲果杯係佢哋自家手工啤，甜甜地，都幾味總括尼講，依間法國菜值得再嚟！