影片
更多
2021-09-26
70 瀏覽
第二次食L’amour，食咗佢哋嘅8 courses dinner set，超級滿足！第一道係法式濃湯🦞龍蝦湯味好濃郁，湯好creamy。最欣賞係佢個蒜蓉包，麵包焗得好脆而且蒜蓉味好香，用嚟點個龍蝦湯嚟食真係一流。第二道係鵝肝凍🍸鵝肝凍配埋菠蘿、雜莓、提子等嘅生果，食落好fresh！第三道係魚子醬多士🍞又係嗰塊好香脆嘅蒜蓉多士，配埋上面嘅魚子醬同埋三文魚食，係好好食嘅小食。第四道係北海道生蠔🦪生蠔上面有魚子醬同埋金箔，口感好豐富。第五道係法式鵝肝牛柳🥩鵝肝比我想像中多，而且同牛柳好夾。牛柳嘅牛味好濃，切開係粉紅色，兩樣加埋一齊食又有濃郁嘅牛尾又有鵝肝嘅甘香，好正！第六係有機雜菜沙律🥗伴碟嘅紫色醬原來係雜莓嘅醬，沙律入面亦都撈咗啲雜莓，連埋上面嘅蝦肉，食落清爽得來又大啲甜甜地，好少食甜甜嘅沙律所以覺得好特別。食咗之前咁多嘢食，喺呢度食返個清新嘅沙律恰到好處。第七道係黑松露帶子薏米飯🐚本身食到呢度其實已經都幾飽吓，有啲擔心黑松露飯會好heavy好濟，但呢個又唔會，可能因為係用咗薏米，咬落口感煙煙韌韌，而且入面又有啲西芹粒粒，食落又會爽爽地，所以就算個黑松露汁好creamy好濃，食落去都唔會
第一道係法式濃湯🦞
龍蝦湯味好濃郁，湯好creamy。最欣賞係佢個蒜蓉包，麵包焗得好脆而且蒜蓉味好香，用嚟點個龍蝦湯嚟食真係一流。第二道係鵝肝凍🍸
鵝肝凍配埋菠蘿、雜莓、提子等嘅生果，食落好fresh！第三道係魚子醬多士🍞
又係嗰塊好香脆嘅蒜蓉多士，配埋上面嘅魚子醬同埋三文魚食，係好好食嘅小食。第四道係北海道生蠔🦪
生蠔上面有魚子醬同埋金箔，口感好豐富。第五道係法式鵝肝牛柳🥩
鵝肝比我想像中多，而且同牛柳好夾。牛柳嘅牛味好濃，切開係粉紅色，兩樣加埋一齊食又有濃郁嘅牛尾又有鵝肝嘅甘香，好正！第六係有機雜菜沙律🥗
伴碟嘅紫色醬原來係雜莓嘅醬，沙律入面亦都撈咗啲雜莓，連埋上面嘅蝦肉，食落清爽得來又大啲甜甜地，好少食甜甜嘅沙律所以覺得好特別。食咗之前咁多嘢食，喺呢度食返個清新嘅沙律恰到好處。第七道係黑松露帶子薏米飯🐚
本身食到呢度其實已經都幾飽吓，有啲擔心黑松露飯會好heavy好濟，但呢個又唔會，可能因為係用咗薏米，咬落口感煙煙韌韌，而且入面又有啲西芹粒粒，食落又會爽爽地，所以就算個黑松露汁好creamy好濃，食落去都唔會覺得膩。加埋隻帶子煎得好香，同埋個擺碟好有心思好靚，所以成個體驗好好。係咁多道入面我最鍾意嘅一道菜。最後一道係海膽雪糕🍨
真係用返個海膽殼嚟裝住啲雪糕，雪糕又真係有啲海膽粒粒喺入面，亦都食到海膽味，從來冇喺其他地方試過海膽雪糕，真係好特別！另外嗌咗兩杯cocktails🍸一杯係Rainbow，一杯係Sex on the beach，兩杯都偏甜帶啲果味，好易入口非常啱女仔飲。
整體嚟講覺得呢個dinner set嘅安排好好，由頭到尾都係一個好好嘅體驗！
張貼
