LAB EAT Restaurant & Bar (T.O.P This is Our Place)

營業中

休息中

餐廳除左食物水準高，侍應服務亦很好👍🏻👍🏻American Pearl 生蠔好新鮮，又有濃郁海水味🤤Foie Gras 賣相精緻，鴨肝配上水果、麵包及獨特調味，不錯。 Raclette Cheese 真驚喜，又好味份量又多🤣侍應即場將熱熔芝士加在火腿、薯仔、 火箭菜、蘆筍等等上面，大飽眼福完又可以滿足個胃。😂Seabass 價錢唔平，但肉質鮮嫩，鐘意食魚的唔可以錯過🤤Spaghetti Pomodoro賣相好靚，意粉比平時食開的意粉更有口感。Apple Pie 批底鬆化，雪糕味道清新。另外，估唔到飲品很夢幻🤤

【Lab Eat Restaurant & Bar】除左位於尖沙咀金巴利道嘅本店外，另有一間分店係旺角T.O.P 5樓 (空中花園樓層)。由於分店位於較新嘅商場內，所以整體裝潢、環境，以及氣氛等等都較優勝，餐廳佔地廣，座位寬敞，整體感覺十分舒適。每位奉送一件自家製麵包，搭配黑醋橄欖油，麵包剛端過黎嘅時候仲熱，淡淡麥香，質感濕潤，鬆軟有彈性。Taylie Oyster ($69@): 生蠔十分新鮮，蠔殼約手拳般大，蠔肉亦十分肥美厚肉，質感爽口滑身，而且creamy可口，蠔味適中帶微微海水味，唔會太濃烈。海膽多士 ($78@): 海膽非常新鮮，鮮濃且毫無腥澀味，質感creamy，入口即化，邪惡得令人津津樂道，真心好食! The Lab ($108): 以Havana Club Rum 3y、熱情果、蘋果、Rosemary，以及一顆注入左酒嘅糖粒 (送來時侍應會以之點火)，Rum酒味道較為突出，但加入糖粒、熱情果，及蘋果等等後亦中和左部份酒精味道，各種味道嘅搶配都幾融合，仲有少許迷迭香。10小時慢煮西班牙BB羊排骨 (500克) ($328): 擺碟幾靚，整體Presentation唔錯，以

見Openrice book位有七折，於是同幾個好姐妹黎左呢間鋪試下。book左八點，嚟到大概等多10分鐘先有位。入座後冇幾耐就上咗一碟餐包，見其他人嘅評價講話呢度嘅餐包幾好食，試過又真係幾好味。外脆內軟，唔係擺左好耐硬倔倔嗰啲。之後上左個前菜，迷你海膽三文治，身為海膽愛好者嘅我實在按耐不住了，即刻食左先，海膽好新鮮好甜，一啖落去感覺好幸福～呢種幸福係海膽愛好者先會明...果醬橡木焗豬架除了海膽，呢個係最最最好味嘅！唔會太熟，咬落軟、彈、juicy，冇得輸！點埋個蘋果醬，甜甜地令豬扒更添美味！海鮮意大利飯份量唔多但足料！d飯唔會太淋，味道好突出。但六個人一人一啖就冇了，真係有d少。煎鵝肝感覺一般般，鵝肝有點兒熟得制，冇入口即融嘅感覺，呢道餸最唔值得食。蜜瓜配ham不過不失，但這個價錢感覺可以有更好的味道。這道菜是因為吃不飽後來架的，龍蝦拼肉眼扒，感覺豬扒更好吃，也算不過不失吧。反而甜品有驚喜，淋上熱熱酸酸的有點像柚子醬的液體後，球球融化了，裡面是雪糕。外面巧克力殼脆脆的配上酸酸的醬，撞了一下味道，更好吃了。有兩樣唔記得影，湯同小食。最後食左$2000有找。附上一張合照😂😂餓住肚繼續去揾

睇人煙稠密人來人往嘅旺角，都比我搵到一間休閒寧靜舒適嘅餐廳，可以同朋友一齊享受一個精美嘅午餐，我同朋友一齊用$50升級咗個套餐黑松露湯非常企身，而且有香濃嘅黑松露味道，所以飲完碗湯都好有飽肚嘅感覺沙律菜非常新鮮，上面仲有兩隻微微香煎左嘅爽滑大蝦朋友實在太鍾意食蝦啦，所以佢叫咗個龍蝦餐，龍蝦殼係剝哂既，估唔到連蟹鉗都可以係原隻上，剝得咁靚，用义就可以好容易將龍蝦肉整出來，隻手就唔使整污糟啦，龍蝦肉非常鮮美彈牙，仲有唔少下膏添，呢餐膽固醇好驚超標啊，唔理啦我都係食埋先算，咁邪惡梗係要食返啲健康嘅生菜、流心蛋同多士中和下而我就叫咗份非常精美嘅羊架，好似成幅畫咁楊假一共有三件，全部都用炭爐燒過，所以上面有唔少坑紋食落去有唔少炭爐燒過嘅味道，而燒嘅時間都啱啱好，所以羊架嘅口感係非常之好最後我哋仲有兩個甜品添雪糕係Movenpick 黎架，仲要有兩球添

食左兩次質素依然😚見佢好評咁多都決定要留番個食評😆-餐前麵包🍞有橄欖油同黑醋比你點熱辣辣的麵包🥯北海道刺身級帶子薄切配鮮海膽及三文魚子🐚$238-必點必點必點😆！第一次個黑色碟下有一大塊冰🧊keep住食材超級新鮮帶子超級鮮甜！一鳴驚人！兩次食都質素依然。配料有勁鮮甜大粒三文魚子、多到數唔曬薄切帶子🐚、大大片鮮甜海膽、少許葱粒配上少許酸菜再以蛋黃醬點綴🥰😍我覺得食左片海洋🌊黑松露焗法國田螺🐚$148-超級飽肚滿滿黑松露🍄田螺香口焗到比較乾身，由於黑松露太多太濃味，我先筆開田螺既部分黑松露係薯蓉多士上🥔薯蓉都好高質素又creamy又濃郁滿滿芝士味🧀慢煮八爪魚伴蟹膏意大利飯🐙$298-鮮味十足必點之選😍賣相靚到驚人😆三大條烤到非常香口既八爪魚腳勁厚身厚肉，火箭菜瞬間令整道菜無咁油膩！飯最為特別莫過於係用上雙色飯：一邊係creamy十足蟹膏龍蝦汁飯🧡，另一邊係黑色既墨汁飯🖤。配上少量蔬菜🥬洋蔥🧅三文魚子😍我又覺得食左片海洋🌊熱熔法國流心芝士配香草烤薯及意大利煙火腿🧀$198-店員會即刻係舊一大磚既芝士上片啲面層熱熔左既芝士落去個沙津度，只可惜芝士比較硬身好快就會彎到一舊舊🧀配菜方面有：烤幼身露

因為疫情關係已經好耐冇出街食飯，前幾日朋友生日，提早預約左間好多Like的餐廳，好有驚喜。😍餐廳色調柔和、環境舒適，地點好方便，無諗過旺角都有咁高質素的餐廳。👍🏻除左侍應有禮貌、冇時間限制外(我哋7點食到差唔多收舖，侍應到好殷勤幫我哋加水)，而且食物質素普遍很高。 Dinner Bread 配上橄欖油及醋，好開胃👍🏻American Pearl 係香港食生蠔一般唔會有太大期望，但LAB EAT的生蠔真係好新鮮又充滿海水味，真係好驚喜。🤤Foie Gras 賣相精緻，鴨肝配上水果、麵包完全不油膩。 Raclette Cheese 只能好膚淺咁用好味和豐富黎形容🤣$198真係物超所值。份量和種類都很多，有熱熔芝士、火腿、薯仔、 火箭菜、蘆筍等等。 Seabass 目前食過最好味的鱸魚，肉質鮮嫩🤤Spaghetti Pomodoro賣相好靚，因為太飽，食左好少。😂Apple Pie 哈哈 啲人話女人有2個胃，無論幾飽都食得落甜品，我好同意😂。pie底鬆化，配上清新雪糕另一驚喜之作係飲品，侍應會係飲品上面變魔術，加上可食用泡泡，令飲品更加夢幻。岩晒鐘意相機食先的人打卡。🤩

好多朋友都黎呢度打卡趁住open rice有折就book位試下(不過折扣只適用於主餐牌食物所以最後都用唔著)問店員今日新鮮生蠔是甚麼店員非常呆滯 靜左幾秒然後先講出生蠔品種可能係新店員 所以反應比較緩慢上菜時亦不太清楚進食的次序生蠔好新鮮, 有少少殼但將生蠔盆放在蠟燭上面的擺法非常大意希望餐廳可以注意一下主菜叫左肉眼, 但黎錯左豬鞍眼見旁邊食客都在等候食物一枱催主食, 一枱催甜品就繼續等啦...肉眼終於黎, 煎得岩岩好如果上面舊鵝肝都可以煎香啲就好甜品都好特別, 成餐飯最滿意係佢總括食物質素不錯唯一要講既係餐廳環境十分嘈吵幾乎都係高聲說話的人為主果然係位於旺角食店並不是談心的好地方

我同朋友下午茶時段去的但未食晏 肚子餓~於是兩個人叫左2個tea set + 1個lunch set飽到傻~~哈哈!!!-3 個Set都有湯同沙律~ Tea 1: 安格斯牛肉burger 配薯條/沙律 + 鮮果/yogurt ($82)-Tea 2: 自選2餸意大利扁意粉 ($72)Smoked Salmon + SausageBurger set 幾好食!!!! 但意粉一般般~~-重點來了!!!!分量好大!!!WAKAKA!!! 蜜糖芥末焗德國鹹豬手配蕃薯條 ($188)呢豬手非常高質  d肉係好嫩 好juicy  好好食肉質要實淨有實淨 要嫩滑有嫩滑 肥瘦比例岩岩好 食得出骨膠原好豐富要讚 一定係佢蜜糖芥末醬  好正(係豬手上面 差D以為芝士哈哈! )配埋旁邊嘅酸菜 + 蕃薯條  真係好!好!食!個甜酸醋汁非常惹味我地2個人好快就食晒 食完都唔會覺得好油膩!!好滿足!!!!

Open Rice 88拆訂枱埋單冇折限時90分鐘，入坐即時落單，前菜嘢到咗叫佢比個drink menu食完都冇比，等30分鐘前菜已食完啲扒都冇嚟，追單冇回覆，等到45分鐘叫埋單就直接出單包括冇嚟嘅嘢(美國扒，牛扒)，同佢講冇嚟取消即時黑面(因為睇到隔離左右都到咗啲扒所以先追，再等15分鐘都唔嚟就埋單)，再嚟張單冇折(所有叫咗嘅嘢都係單點冇叫餐)，當然我都唔記得有折呢樣嘢，因為已等到好唔耐煩，最後$8xx埋單淨前菜。好多係open rice show嘅嘢食都已經冇(話轉咗menu) 坐嘅位置都唔舒服好似黑黑哋嘅茶餐廳，先嚟到嘅客人會安排坐係路中間位置，遲啲嚟個啲就有梳化坐(人數一樣)，唔知呢啲係咩嘢安排，服務員一半已上同茶餐廳啲阿姐一樣，兩隻手都係嘢攞到你面前等你執個位比佢放低，你睇佢唔到佢就咁隊落嚟撞到係枱面嘅嘢瀉晒......

旺角食店林立，需要屹立在這裏，食物質素、價錢、服務缺一不可。先來的麵包，香草味濃，點上橄欖油及醋更是配合。Taylie生蠔，入口帶點咸，細味後轉為甜味，肉質軟滑。Tatihou生蠔，入口海水味非常濃烈，肉質爽。瑞士芝士焗法式洋蔥湯，洋蔥的甜味跟芝士的鹹香味配合的天衣無縫。 慢煮八爪魚伴蟹膏意大利飯，八爪魚用慢煮的手法來處理，蛋白質經長期低溫處理，保留了肉汁，另外肉質也非常軟滑，意大利飯混入蟹膏，味道濃沃，另外意大利飯也混入了墨魚汁，提升了飯的鮮味。炭燒法國羊扒配香草烤薯仔，羊扒沒有半點的騷味，入口後羊扒的炭燒香味很濃，簡直是一口接一口，吃不停。Mojito選了蘋果味，這飲品的味道十分複雜，但亦十分好喝。味道: 值得一試環境: 氣氛很好衛生: 整潔服務: 尚可抵食: 食物質素跟價格成正比

這天到旺角買行山用品，本來行樓上鋪，但天氣太熱，改了行商場，最後一站來到T.O.P.見到Lab Eat門口有很多人，心思思想去食個餐。餐廳滿座，好在侍應都安排到枱，燈光光猛，感覺不會太拘謹。看過餐牌，不叫套餐，選了散叫。麵包較乾。<新鮮生蠔>兩款生蠔我比較喜歡後面那款，海水味濃， 鹹度適中，前面那一款比較淡口。<黑松露焗法國田螺>黑松露和香草太多，掩蓋了田螺的味道， 田螺口感比較腍。<Virgin Mojito>侍應會握著類似氣槍在特飲上畫噴出一個氣球，氣球破後會飄出一陣仙氣，特飲有少許荔枝的清香。<Narcissus>酸酸地，有薄荷味，似青檸梳打。<慢煮八爪魚伴蟹膏意大利飯>八爪魚有種煨過的香味，口感軟腍，不會死死實實。飯粒圓圓，墨魚汁和蟹膏味道本是比較濃，感覺廚師巧妙地避開這些濃味，食後亦沒有膩的感覺。< 炭燒法國羊扒配香草烤薯仔>真的是炭香味道，如果控制得不好，會有一種焦燶味。就算沒有點薄荷和芥末醬，羊扒亦沒有羶味，我就是怕羶所以比較少食羊扒，但這個我不抗拒，食了一件，還覺得味道不錯。

今日放假來到旺角逛街購物，和朋友先在附近吃個午餐填肚。看到這家在T.O.P 的Lab Eat 西餐很受歡迎，入面坐满客人，於是等了一會才有位子。餐廳環境裝潢有格調，乾淨光猛，座位舒適。午餐餐牌有多個套餐供選擇，有包沙律，餐湯和甜品等。煙三文魚沙律沙律菜新鮮爽脆，清甜可口，沙律醬酸酸甜甜，是開胃之選，和鮮甜的煙三文魚味道很配搭。蘑菇濃湯有很多細細的蘑菇切粒，飲下有咬口，湯熱騰騰，香濃稠密，味道濃郁，入口滑溜。香煎紐西蘭比目魚柳配意大利小黃米魚柳肉質十分嫩滑，呈奶白色，皮脆內滑，煎得魚皮卜卜脆，惹味香甜。魚肉鮮甜而多汁，一點也不乾身，魚香味散發，入口即溶。炭燒美國安格斯肉眼牛扒我選了五成熟，以網燒的煮法煎熟，鎖住肉汁，切開後肉汁緩緩流出。肉質嫩滑煙韌，油脂分佈平均，入口不覺油脂，牛肉味濃郁。咖啡慕絲配蘋果批咖啡味道很突出，慕絲質感厚實而絲滑，入口十分軟滑，配香脆的蘋果批令吃起來味道很有層次。芝士蛋糕香甜軟滑，質感滑溜，冰凍可口，是必食之選。

尋日提前同男朋友慶祝生日食生日飯.因為晏就嗰餐食得太飽.所以夜晚去到就無嗌set.就散點.叫佐個炭燒羊扒.半打生蠔.同個佢講既熱熔流心芝士沙律.個炭燒羊扒嗌佐七成熟.岩岩好.勁juice~好好食.無伏到~推介.生蠔好新鮮~清甜帶啲海水味~都係推介.唯獨個沙律.佢話就話熱熔流心芝士.點知佢份沙律上嚟就同圖片不相符.好少菜.啲火腿肉仲多過菜.仲要唔好食.佢拎住舊芝士批落嚟.啲芝士係得微溫.佢批落嚟係成舊噠佐落個碟度...都算了.隔佐幾分鐘啲芝士已經開始變硬返.真系好無語.而且好難食.仲要＄198.對唔住個價錢.總體都一半半.但係唔會再encore啲員工都系西西樣.咁既價錢可以有更好選擇.

今日約左朋友黎旺角想揾一個寧靜舒服既環境傾計食飯最後簡左Lab Eat之前黎過食tea 感覺良好晚餐係第一次佢地將燈光較暗 更有情調先叫兩杯cocktailsLitchi & RosesPurple Pear店員會之後在杯上噴上發光的泡泡好有玩味 岩哂打卡影靚相到前菜我地叫左生蠔4 隻非常新鮮 大隻 啖啖肉黑松露焗法式田螺有6 隻 熱辣辣黑松露味道好香同田螺好夾下面既薯蓉都吸收哂味另加 鵪鶉腿係我好鐘意既菜式加埋檸檬鹽一齊好惹味 鹹香肉嫩食唔停口海鮮湯好香濃 有足料大蝦 同魚肉片主菜西班牙橡果飼黑毛豬有兩大塊 而且好厚煮得岩岩好 唔會過熟成餐飯食得好滿足好開心

你知我知單眼佬都知，拍拖最花心機就係左度右度，搞盡腦汁都唔知應該點樣哄身邊既另一半。驚喜呢家野唔係話有就有，尤其是一年n咁多個要慶祝日子，真係頭都大埋，十萬個腦細胞都唔夠你用呀。唔驚！我之前尖咀比我發掘左呢間「LAB EAT Restaurant & Bar」，今次黎到旺角分店，我覺得一樣咁有情調咁浪漫，男仕們又多個打卡勝地可以參考下！👇📌Oyster & Seafood - ▪ Taylie - $69/Piece▪ Tatihou - $59/Piece▫ 香港人對生蠔既熱誠普遍追求又肥又大隻，而今次揀左兩款法國N1 Size既「Taylie」同埋「Tatihou」。就咁睇肉質非常新鮮肥美，而入口細緻度好高，海水味豐富，配上少少檸檬汁既點綴，口感就相當清爽鮮甜。📌Daily Special - ▪ Sea Urchin & Toro Tuna - $128 ▫ LABeat再一力作，以海膽做主題既「海膽拖羅杯」，杯身底部裝住拖羅蓉、三文魚籽，而面頭當然有我最愛既海膽啦。旁邊仲會灑上金萡，加強成個感覺奢華感，而係冰鎮狀態底下，海膽保持住新鮮鮮甜，拖羅蓉入口即化，相當滿足。📌S a l