影片
更多
2020-06-24
2745 瀏覽
你知我知單眼佬都知，拍拖最花心機就係左度右度，搞盡腦汁都唔知應該點樣哄身邊既另一半。驚喜呢家野唔係話有就有，尤其是一年n咁多個要慶祝日子，真係頭都大埋，十萬個腦細胞都唔夠你用呀。唔驚！我之前尖咀比我發掘左呢間「LAB EAT Restaurant & Bar」，今次黎到旺角分店，我覺得一樣咁有情調咁浪漫，男仕們又多個打卡勝地可以參考下！👇📌Oyster & Seafood - ▪ Taylie - $69/Piece▪ Tatihou - $59/Piece▫ 香港人對生蠔既熱誠普遍追求又肥又大隻，而今次揀左兩款法國N1 Size既「Taylie」同埋「Tatihou」。就咁睇肉質非常新鮮肥美，而入口細緻度好高，海水味豐富，配上少少檸檬汁既點綴，口感就相當清爽鮮甜。📌Daily Special - ▪ Sea Urchin & Toro Tuna - $128 ▫ LABeat再一力作，以海膽做主題既「海膽拖羅杯」，杯身底部裝住拖羅蓉、三文魚籽，而面頭當然有我最愛既海膽啦。旁邊仲會灑上金萡，加強成個感覺奢華感，而係冰鎮狀態底下，海膽保持住新鮮鮮甜，拖羅蓉入口即化，相當滿足。📌S a l
搞盡腦汁都唔知應該點樣哄身邊既另一半。驚喜呢家野唔係話有就有，
尤其是一年n咁多個要慶祝日子，真係頭都大埋，十萬個腦細胞都唔夠你用呀。
唔驚！我之前尖咀比我發掘左呢間「LAB EAT Restaurant & Bar」，
今次黎到旺角分店，我覺得一樣咁有情調咁浪漫，
男仕們又多個打卡勝地可以參考下！👇
📌Oyster & Seafood -
▪ Taylie - $69/Piece
▪ Tatihou - $59/Piece
▫ 香港人對生蠔既熱誠普遍追求又肥又大隻，而今次揀左兩款法國N1 Size既
「Taylie」同埋「Tatihou」。就咁睇肉質非常新鮮肥美，而入口細緻度好高，
海水味豐富，配上少少檸檬汁既點綴，口感就相當清爽鮮甜。
📌Daily Special -
▪ Sea Urchin & Toro Tuna - $128
▫ LABeat再一力作，以海膽做主題既「海膽拖羅杯」，杯身底部裝住拖羅蓉、三文魚籽，
而面頭當然有我最愛既海膽啦。旁邊仲會灑上金萡，加強成個感覺奢華感，而係冰鎮狀態底下，
海膽保持住新鮮鮮甜，拖羅蓉入口即化，相當滿足。
📌S a l a d -
▪ French Raclette Cheese · Potatoes & Smoked Ham - $198
▫ 另一招牌特色既前菜非「熱溶法國流心芝士」莫屬啦，芝士由Staff慢慢係表層刮下，
然後蓋住滿滿既慢煮蘆筍、焗薯、火箭菜沙律。芝士帶住微熱既狀態下，
入口帶少少鹹香，而配上幾款清新既配菜，口感完全唔膩，邪惡得黎仲相當夾！
📌S o u p -
▪ Baked French Onion Soup - $78
▪ Black Truffle Mushroom Cappuccino · Hokkaido Milk Foam - $88
▫ 傳統既「瑞士芝士焗法式洋蔥湯」，飲落特別清甜，裡面有大量既洋蔥粒，
中間仲有一大塊芝士，陣陣既焦香，相當好飲；而後者既「黑松露菌泡沫濃湯」
表層見到豐厚既泡沫，質感飲落相當creamy，而湯裡面每啖都食到菇菌粒，
口感細膩，而且遍佈濃郁既黑松露香，呢個一定要試！
📌Main Course -
▪ Australian Kobe M6 Wagyu Rib Eye Steak - $598 (400g)
▫ 召喚一眾牛魔王！Size相當巨型既「澳洲M6和牛肉眼」作為我今晚既main course。
肉眼以3成熟炭燒處理，生熟程度岩岩好，切開裡面肉質呈半粉紅狀態，
食落肉質嫩滑到位，咬落完全無筋；而且牛肉味豐厚，份量又大，的確諗唔到有咩可以挑剔既位置。
本以為食哂會感覺好油膩，配埋油封薯仔，軟腍入味，認真好食！
📌M o c k t a i l -
▪ Narcissus - $78
▫ Staff會以火槍瞬間將火光變成一個巨大既衝擊破，果刻真係有種shocking既感覺，
賣相非常搶眼。而個衝擊波絕對係飲得既，而且仲可以last到10幾分鐘比你
影下相打卡咁。而入口帶陣陣既玫瑰香，唔錯。
📌C o c k t a i l -
▪ The Lab - $108
▫ 杯身以森巴古老既杯身做設計，而主要基酒用左古巴哈瓦那3年蘭姆酒，
加入熱情果汁、蘋果汁、迷迭香混製而成。飲落帶少少果香十足，
而酒味唔算太濃烈，幾易入口；面頭上會有糖粒可以融埋一齊飲，可以加強甜度。
📌Dessert Menu -
▪ French Apple Pie Tartar Tin · Homemade Herbs Gelato - $108
▫ 輪到甜品環節，第一道「法式蘋果批 · 香草雪糕」，表面既酥皮焗得岩岩好，
口感鬆脆；而蘋果粒既比例豐富，配上吉士醬，甜度適中。
旁邊配上香草Gelato，質感順滑，口感一流呀！
▪ Chocolate Ball · Herbs Gelato · Hot Passion Fruit Dressing - $138
▫ 第二道甜品有招牌之稱既「72%朱古力球」一定係必試既，Staff以高溫既
熱情果汁倒上冷卻左既朱古力皮，皮身變得更加脆口，而食落朱古力相當濃郁；
而裡面就係雲尼拿雪糕同埋椰糖脆脆，味道非常清新，認真過癮。
📌S h i s h a - $298
▪ Mint -
▪ Blueberry -
▪ Ice Tube - (+30)
▫ 旺角呢間分店有咁大個露台，當然要試埋佢地既shisha啦，以薄荷同埋藍莓做基底，
加埋個冰底，相當透心涼，呢個天氣夠哂chill呀！
張貼
