LAB EAT Restaurant & Bar (T.O.P This is Our Place)

營業中

休息中

今天去了旺角食西餐，餐廳於地鐵上蓋，十分方便。餐廳環境舒服，梳化位尤其一流。燈光柔和，更有室外用餐區，服務亦加分。先點了杯mocktail，充滿香濃荔枝香味，更加上了泡泡增加美感，打卡之選。麵包香軟，配橄欖油和醋。卡邦尼意粉亦很有噱頭，裝在芝士容器，微微攪拌後才上碟。充滿芝士的香濃，是芝士控最愛。龍蝦尾意大利飯是一大驚喜，龍蝦夠大，啖啖肉，肉厚多汁，爽口彈牙，配蕃茄及香草味的粒粒分明米飯。朱古力脆脆球淋上高溫熱情果汁，即遇上雲呢拿雪糕，外脆內軟，一熱一凍，口感十足。很滿足，很有驚喜的一餐。

今日同朋友喺旺角區搵午餐食，最近做嘢比較辛苦，決定獎勵吓自己，嚟到位於T.O.P相片嘅LabEat 食高級西餐😍😍前菜可以選擇沙律定餐湯，各有兩款，我就叫左今日既是日餐湯：南瓜湯南瓜🎃味濃郁，唔會太稀，啖啖南瓜咁，好飲👍🏻👍🏻我自己就叫咗碗西班牙八爪魚蕃茄意大利飯，意大利飯吸晒海鮮同蕃茄嘅精華，好好食，八爪魚彈牙又大大嚿，好食😋同事就叫咗個意大利香草青醬合桃芝士貶意粉，青醬就唔係度度都有得食，但呢個青醬好入味好濃香草味，值得一試👍🏻👍🏻食完個前菜同主菜之後，仲有甜品食添，我就叫咗個香草味雪糕，仲要係movenpick👍🏻菅野價錢行高檔路線，但質素上升，完全值回票價！ ！

同老友喺(旺角分店)晚餐，幾鐘意依度嘅環境，通常我地喜歡坐室外嘅，覺得喺鬧市內有個咁嘅露台位真係好唔錯！不過今日好熱同天氣唔隱定，所以坐左裏面。裏面嘅圓形梳化座位都舒服！先來個每人一份鵝肝 168元塊肝有厚度甘香肥美，表層有脆香口感，配埋菠蘿同果醬食起來冇油膩，旁邊粒似係份子料理做法嘅香濃 芒果 波波珠口感好清新！籃青口 198元啲青口好嫩滑肥美，味道鮮甜！西班牙黑毛豬 298元肉質幼嫩鮮甜 兼爽口， 點埋萍果醬好好味！對依度嘅黑毛豬最有信心，來過幾次食都一樣咁有水準！所以今晚我都推介俾老友。肉質，味道佢都好滿意！今晚嘅食物味道一樣都冇令我失望！

見到相片有即溶芝士，芝士迷狂熱了。然後狗衝去了生蠔一打是$729，沒有半打，只好散叫$59-69 的。即開生蠔水準都ok，有海水味無腥味。沙津加熱溶芝士，圖片美觀，食落普通。沒有"oh my god" 的驚喜，不過打卡很一流，因為見到整個芝瀑布咁，可惜芝士邊不夠香脆。海膽多士（$68/pc)海膽有點臭腥，以這個價錢來說不ok。慢煮牛柳，肉質很淋，但同行朋友同我都以為食緊羊，事關有陣陣膻味，加了芥末後更似。埋單$1400 兩個人，這個價位可以去食buffet 既...

慶祝朋友生日🎊之前都見人post過呢間餐廳可以話係為左朱古力波波而黎荔枝味飲品比我預期好飲好重荔枝味 有得揀有酒精同冇酒精，我哋揀咗冇酒精生蠔🦪佢得返兩款蠔兩款都海水味好重 偏鹹我都係鍾意日本d蠔多d，夠肥美本身想叫海膽多士 但見到隔離台order左覺得好唔抵轉叫海膽拖羅唔知點解一杯有金箔另外一杯冇😅拖羅份量都幾足 唔錯👍🏻熱熔芝士我覺得唔夠熱好快就凍咗 搞到啲芝士好硬不過都好食嘅 但如果熱啲會好啲囉肉眼加鵝肝我自己唔識鵝肝，朋友生日佢想食所以鵝肝評論唔到肉眼雖然細塊 但厚肉 非常juicy我覺得唔使點醬都好食朱古力波波真係純粹得個樣比你打卡佢個盤有好多甜品 完全唔好食🤦🏻‍♀️

上次去過尖沙咀Lab Eat食過，記得d嘢都好味而且個擺盤又靚，所以今次專程去旺角店試下。今次order咗兩份午餐精選，前菜分別揀咗鮮菠蘿沙律同埋雞胸凱撒沙律。菠蘿超鮮甜又多汁，配上甜甜酸酸嘅特製沙律醬好開胃。煎過一塊塊嘅雞胸再配上芝士同埋凱撒沙律食又係另一種風味，而且沙律菜超新鮮值得一讚。 主菜揀咗西班牙紅蝦刺身配蟹膏意大利飯，個紅蝦刺身煮得好特別，廚師用咗唔同嘅刀法切開d蝦 ，做到一份蝦餅包住蟹膏意大利飯，感覺好新穎而且好新鮮，絕對值得重點推介。另一個主菜就點左炭燒美國安格斯肉眼牛扒配黑松露薯條，牛扒質素好高，肉眼扒超juicy完全食得出安格斯牛扒嘅原味，可以點埋海鹽或者特製醬汁食絕對一流。甜品揀咗黑車厘子奶凍，個奶凍甜品擺盤好靚而且入面有一粒粒車厘子，有唔同嘅口感層次，亦都可以連埋佢哋嘅特製花奶食，好味！另一甜品，特製意大利黑加侖子味雪糕，黑加侖子味雪糕我就第一次食，個味道fresh超新鮮，有好重嘅黑加侖子味道，夏天食一流。飲品揀咗熱 Mocha及 Latte，沖得都唔錯，一貫高水準品味，Lab Eat絕對係可以再encore之選。

留家抗疫一段日子，幾個月都未有外出吃飯，限聚令下衹可兩位一桌，今晚約會好友在旺角T.O.P的"Lab Eat Restauranot & Bar"'晚餐，是好友最愛的餐廳，也是我回味的餐廳之一。 雖然限聚令實施中，但晚市也具相當的人氣！ 晚上六時到達經探熱搓手後入座，二人坐在半圓型梳化上相當的舒適！侍應招呼殷勤加水，換碟，清理枱面等。值得 稱讚！先選了杯Mocktail~Narcissus $ 78 這杯飲品給了我們一點驚喜！待應用一個似火槍的工具將一股熱氣 衝擊出一個奶白色煙霧球狀在飲品上面， 非常有視覺效果！煙霧球輕盈的呈彩色的， 維持了幾分鐘，將它穿破一股輕煙散開……露出雅淡的淺粉紅色，入口有荔枝，玫瑰清香的非常甜美！很欣賞很有創意！Uni Toast (海膽多士) $156海膽清甜鮮味而忌廉狀，配上脆脆多士和中間一小片的火箭菜令口感更清爽！Blue Mussels (籃青口) $ 198一客份量十足，肉質非常鮮嫩！醬汁鮮甜，最適 合配多士同吃！ 看！肉質飽滿嫩滑！十分回味！Iberico Pork 1pc $298 黑毛豬上枱一股熱和香氣樸鼻！相當有份量！切開呈誘人的

🍝·呑拿魚BB菠菜手工螺絲粉·伊比利亞免治黑毛豬肉番茄醬意大利粉主菜都可以 磨菇湯好濃好香甜品當然不能少·75%朱古力球伴高溫熱情果汁配香草雪糕及椰糖脆脆平平無奇朱古力球 店員奉上高溫熱情果汁 將佢淋落個朱古力球 半溶朱古力面跟內裡雪糕球溶為一體 感覺好飲脆皮雪條 配埋個熱情果汁酸酸甜甜 中和返甜度🍧·傳統吉士流心法式多士伴意大利雪糕即係西多士配雪糕🍞 最好味既食法當然係將雪糕放係西多士上面一齊呢到都坐得舒服 傾下計都唔錯喔

早幾日已經喺OpenRice搵緊餐廳同個朋友慶祝生日🎂 咁啱就比我見到呢間餐廳🍴因為見到佢有得食生蠔🦪以我個朋友又好鍾意食所以就決定book呢間去到之後侍應都好有禮貌同我哋介紹邊啲有折扣優惠 因為喺OpenRice book枱會有八八折 最後揀咗一段時間 頭先叫咗個4隻生蠔🦪😍四隻都好大隻，而且好鮮甜 係超級好食 之後叫咗個頭盤 龍蝦肉🦞牛油果🥑他他配黑魚子醬🍽 成個感覺好清新好開胃到主菜 澳洲m6和牛肉眼🥩叫左5成熟岩岩好 好淋身 好好食 不過個汁有少少咸 建議食個時吾好點太多🤣仲叫咗兩杯Cocktail 唔記得影相😂另外叫咗個甜品🍮 brioche tosat 不過不失 個toast外觀好似玉子燒好貼身仲喺碟上面寫上Happy birthday🥰成張單折實左$1499 係有少少貴但係真係值得食

朋友食咗一次話好好味，咁我哋梗係唔執輸，去試一次啦，一去到個環境係好闊落而且屬於比較有私隱性嘅，講嘢隔離枱都唔會話聽得到，我幾鍾意呢種環境，唔係坐到好迫夾又同對面眼望望！今日我哋叫咗3個套餐，有牛有豬，個豬真系超級香滑！黑毛豬既豬味特別鮮😋吾會好似普通豬甘老甘難咬，香，嫩，滑！牛扒都吾錯，不過有小小偏肥，配埋薯角食滿足又邪惡啊！個法包配佢地既醋油食超級正，系會不停想點個汁🤣 風乾火腿配甜瓜🍈好清新，食完可以解下個牛扒既油膩感💕我地仲嗌左2款法國生蠔🦪海水味極重，超級新鮮！問後仲食埋個甜品，雖然我自己麻麻哋，但係朋友就喜歡甜品上面既花花，話好有童年回憶（90後）

午餐有兩類：比較貴的及冇咁貴的。是日餐湯是蘑菇湯，用料十足蘑菇比較粗粒有口感，我喜歡此湯不會太creamy。不過一般人可能會喜歡creamy一點。安格斯肉眼扒$248：烹調恰到好處，沒有投訴。只是在別處同樣質素可以較低價錢吃到。智利鱸魚柳$338：水準中上，肉質中上。魚柳上紅色調味醬不合我味道。魚旁邊是紅辣椒不是紅蕃茄有點奇怪。價錢明顯是偏貴了。甜品：作為跟餐附送的甜品來說有驚喜。但如果這是單點甜品的話，未達高級餐廳水準。Toffee: 太太喜歡這個味道，但伴碟比較寡。蘋果批：看相片不講不知這個是蘋果批，比較像拿破崙。餅底不夠鬆脆。上面的蘋果好像混和了魚膠粉的口感，太太吃了兩口就放棄了，我都不敢恭維。雖然在銅鑼灣可以吃到某27樓酒店餐廳$330午餐有水準高好多的食物及環境, 本來以這水準即使貴一點我都想繼續支持旺角區的餐廳。我本來是為了使用商場的餐飲消費券才專誠來吃的，但餐廳拒絕收取這些印有其餐廳名以及並未過期的餐飲券。一方面參與商場推廣另一方面拒收餐券。我當然知道商戶有最終解釋權，但此等營商手法我不能認同，所以不會再來了。

慶祝相識朋友10週年，朋友卜左7:30 ，大家準時到達 ，店舖完全沒有適當安排，等左半個鐘先入到去，如果無位，點解又比人卜位咁奇怪，食物水準唔差既，餐廳環境都可以😅食物方面都唔錯啊！海膽帶子三文魚子都好鮮甜好好食👍👍👍煎鵝肝牛扒都好大份而且味道相當唔錯。生蠔都鮮甜而且新鮮 ，意大利面都好食。整體上真係服務一般本身去到10點幾想調出露台坐，想再嗌酒飲，詢問過後女店員話無位無得調，但我見到出面有枱，😅搞到我地無癮去第二度再飲過🙈

自從㕵角工業大樓翻新成T.O.P之後，搖身一變，由死場變年青人MK新蒲點，吸引大量文青風格小店進駐，且地理位置優越，地底樓層直接可達港鐵站大堂，實施全天候無縫連接。（Lab Eat Restaurant and Bar) 位於5樓，主打精緻西餐fine dining，以大無畏精神不斷創作創新菜式，調製不同醬汁，以(Lab)為做人宗旨。即使疫情肆虐，店面寛闊，座位排放疏離，空間感強且不侷促，安全也放心。Uni Toast$156，concept似一口牛，即整塊直送口中，海膽香氣在口腔中凝聚，滋香美味慢慢慘進喉嚨。Taylie Oyster $69，來自法國，個人認為金屬味比較濃厚，味道相當突出，不需蘸點醬汁，已經足夠香甜。Lamb Chop$348，份量十足，三人份。肉質非常滑嫩，tender，肉汁牢鎖。外面烤至淡焦顏色，以格網烤紋拉花，外觀非常吸引。厚切肉厚，肌肉紋分明，有足夠空間各深淺紅色的漸層效果，非常漂亮。Litchi & Roses$98，茘枝與玫瑰同類，均層清淡雅致。淺層果香慢慢溢出，配合strong flavoured cocktail 為酒底，相映成趣。

慶祝男友生日，專登搵左呢間幾多正評既西餐食餐好。環境闊落，枱同枱好有距離，好岩傾計。兩個人坐四人枱，好舒服。我地坐靠窗邊位置，睇住出面天黑，幾好feel😌重點推介：💛熱溶流心芝士配烤薯意大利風乾火腿專人表演切芝士，視覺效果一流。風乾火腿同烤薯都好好食，同芝士味道好夾。💛美國和牛西冷Order七成熟，非常好食。唔洗沾mustards 醬反面仲食到牛扒既原汁原味👍🏻平日夜晚黎食都好滿場，weekend黎記得book定。

一早就知道LAB EAT Restaurant & Bar 嘅特色Mocktail喺必試，但一直未有機會去，今日喺T.O.P. 行完街，知道呢度都開咗間LAB EAT 梗喺要去Chill下喇😍！