LAB EAT Restaurant & Bar (金巴利道)

營業中

休息中

今晚女性朋友帶路去咗尖沙咀金巴利道一間西餐廳食飯，去到見到個門口裝修幾精緻，有啲水晶燈。餐廳有個幾大嘅吧枱，所以叫了兩杯Cocktail試吓，上枱嗰陣個杯面會有一個大氣泡，有啲煙喺面，篤穿咗就可以飲到，賣相幾吸引，影張相都幾靚。前菜叫了一個焗蝸牛，上枱賣相幾精緻，餐碟都幾靚，最緊要工具俾你吃蝸牛，有重蒜味同香草味，旁邊有啲薯蓉及焗乾咗嘅番薯片，味道不錯。主菜叫咗個龍蝦尾意大利燉飯，上枱蝦尾幾大隻，面頭有啲辣辣地嘅醬汁，最緊要係個飯用咗好濃郁嘅龍蝦或蝦湯煮過，所以味道非常濃郁，呢度煮嘅意大利飯比較軟身，所以唔會咁難消化。另外再叫咗個西班牙黑毛豬鞍，豬肉肉質細嫩粉紅又多汁，唔會有豬躁味，入口又彈牙，上枱聞到啲好重嘅炭香。托底嘅薯仔粒仲要有少少莎樂美香腸，所以辣辣地有啲肉香，旁邊有啲酸酸地果蓉帶出豬甜味，非常好吃。最後點了一個煙燻Brownie，托盤內有啲煙燻過嘅香草，所以甜品上枱有重重嘅煙熏味，入口朱古力鬆軟濃郁，仲有啲果仁，面頭有少少朱古力裝飾及火炙過嘅棉花糖，煙煙韌韌非常之好味，整個組合好出色。餐廳整體賣相都好吸引，但又唔會過於浮誇，菜式上碟都仲有暖嗰隻碟，所以算幾細心，最重要西餐來講

性價比高二人套餐海鮮🦞牛排🥩甜品🍮有齊啱囇選擇困難症嘅人！唔使諗！已經配好，只係二揀一就可以頭盤 前菜 新鮮生蠔🦪 4隻都算大隻 我記得食完係冇肚屙嘅🫣仲有薄切北海道帶子套餐附送香檳🍾️氣氛很好 可以一邊食一邊輕飲 傾吓計本身餐廳都有唔少特色調酒餐湯 好濃郁蘑菇香味 仲有少少蘑菇粒 係我喜歡嘅味道龍蝦🦞湯 微微酸味 開胃無花果蜜瓜沙律🥗澳洲龍蝦尾 大大啖龍蝦肉 煎到好香 咬落入面仲好多汁M4 牛扒牛扒煎得啱啱好 唔會過熟味道正常 同朋友傾吓計 呢間餐廳係不錯嘅選擇

晚市重開，今次就同朋友黎到依一間西餐廳試試。環境舒適，晚市一眼望去全場full! 睇下係咪咁好食先☺️🔸️焗智利白鱈魚柳(200g) $398- 魚肉嫩滑，小小的方形魚柳感覺很快吃完~魚柳下是薏米仁，口感煙韌，搭配較有新意!🔸️澳洲M5和牛肉眼（400g） $598- 肉扒很大塊，肉質諗軟juicy ，筋不多! 牛味重，不過伴碟的薯菜分開上，較少見此做法。🔸️白酒煮澳洲藍青口（300g） $228- 值得一讚的是所有青口都能開口，青口肥美滑嫩，被湯汁中的白酒去掉腥氣，湯汁還有牛油香，好吃!🔸️Cocktail- Labeat Sangria(White wine/malibu/pineapple /juice/Sprite )$118- 入口香甜，果味濃郁，酒味不重。但裝飾得非常精緻，杯口以橙乾片和乾花點綴，內裡有煙，少女心爆發!🔸️Lab Eat朱古力三重奏（朱古力心太軟/意大利雪糕球/朱古力歐培蛋糕）$198- 廚師推界! 如果要點記得早少少order, 因為即點即整，大約預20分鐘! 一黎待應已經叫你準備定手機，然後會點火! 不過個過程其實得3秒左右，但都好有趣，影相打卡可叫~ 三個甜品最喜

今日與妹妹終於來採點位於尖沙咀金巴利道的LAB EAT，這是間集西餐/海鮮/酒吧一體的餐館。進入店內水晶吊燈裝潢十分奢華搶眼，而微亮氛圍又顯低調，很喜歡這種風格。與妹妹兩人初次登門，怕選擇障礙又發生速速挑了LAB EAT的套餐。普實無華的麵包，口感軟咀嚼後有淡淡麥香味，是我喜歡的味道，搭配湯品亦不失配角的地位。佳餚最佳搭配就是Red and White Wine，小撮一口香醇不酸澀順口!新鮮碩大的生蠔，鮮嫩蠔肉爽滑口感，一口咬下濃濃海味在舌尖翻騰意式生牛肉薄片，片片鮮紅色澤誘惑著雙眼，鮮甜軟嫩的肉質滿足著挑剔的味蕾，很棒的開胃菜。昆布高湯冷凍鮑魚，好特別的料理手法。昆布高湯以果凍般呈現，清爽中帶著昆布的鮮味，鮑魚肉質口感中更多了一分勁道，這種滋味值得一試。牛肝菌湯，看似無奇，但香氣撲鼻，鹹淡適中，濃滑的口感後口齒留香。龍蝦海鮮湯，紅橙色澤讓人食指大動，濃湯一口入喉，鮮味就像海浪衝擊般散開，這滋味真令人回味無窮。炭燒澳洲M6和牛牛柳，簡單的料理更凸顯出牛肉肉質的鮮甜，炭燒程度洽到好處肉質軟嫩不老柴，更讓肉味中多了一份炭香氣味。西班牙紅蝦及海膽意粉配奧西特拉鱘魚子醬，西班牙紅蝦的肉質保留了

同朋友行開尖沙咀又諗唔到食咩，開OpenRice見到呢間餐廳又做緊七五折優惠 又有酒飲，就即興黎左1) Fresh Oyster $69@1生蠔好新鮮 同埋都算大隻 本身唔太鍾意食生蠔嘅我都覺得好易入口 清清甜甜 加埋海水味同檸檬汁嘅酸味 作為前菜一流～2）Australian Mussel Pasta $308呢間餐廳既main course唔算好多選擇，咁岩見塊黑板寫住青口意粉，雖然圖都冇張 但個名都已經好吸引，就叫咗黎試吓。上餐時見到賣相已經好靚，食落又好好食，佢啲海鮮好鮮甜，意粉係偏煙靭嘅手工意粉，好卦汁，索晒海鮮嘅鮮味！好食3）Black Truffle Musroom & Sea Urchin Linguine $288呢一碟上枱都好驚喜，有兩大舊海膽放係面，超奢侈！linguine好香黑松露味 海膽又好鮮甜 完全唔腥唔苦，一啖意粉一啖海膽，超滿足！鍾意食海膽同黑松露嘅人，一定要食呢個另外我哋嗌咗兩杯Cocktail：White peach cooler $88 同thanksgiving $98，但味道都係好一般 連相都冇特別影，所以都係推介佢啲嘢食多啲呢間餐廳好啱情侶或

尖沙咀高質西餐廳，環境很好，有好大盞水晶燈。最適合情侶浪漫一番，示愛紀念日求婚就更加romantic!海鮮盤好新鮮，有龍蝦鮑魚青口等等，好有驚喜。其他食物整體質素都高，值得一去！

前排聽到同事講起呢間西式餐廳LAB EAT Restaurant & Bar，所以一放工就同朋友黎輕鬆下，食下野飲下酒傾計。- 生蠔唔食生蠔嘅我唯有交比朋友去食喇，朋友食完之後大讚新鮮同甜美，而且擠埋檸檬汁一齊品嚐，令味道更加清新美味。- 輕煎半熟北海道帶子配菠菜蓉帶子嘅生熟程度拿捏得好好，亦可以保持住帶子本身嘅鮮甜嫩質，同三文魚籽非常搭配，唔會搶左大家嘅口感。- 煙燻意大利沙甸魚及香醋魚籽沙甸魚粒、蕃茄粒等嘅食物用左脆片裝起，令到食嘅時候可以連埋脆片一齊放入口中，全部加埋嘅味道酸酸甜甜，非常適合係主食之前食，好開胃呀～- 二人晚餐仲有好多其他食物（牛菌湯、澳洲A5和牛牛柳及法國鵝肝）等緊你地去食架。

LAB EAT Restaurant & Bar位於尖沙咀金巴利道，可以算是間隱世的高級西餐，沒有海景，也沒有打卡的裝修，單純用食物去令你留下深刻的印象。二人晚餐的菜色都非常符合我倆的口味，就點二人晚餐吧。Mocktail Hopeful菠蘿造型的杯好特別，這杯是以薄荷葉、菠蘿汁以及乳酪做成的飲品，酸酸甜甜的，感覺好清新。餐前麵包新鮮烘製而且入口鬆軟的麵包。法國生蠔這款生蠔體積比較大，而且海水味道較濃，非常喜歡。煙燻意大利沙甸魚及香醋魚子好特別的配搭，而且口感豐富。輕煎半熟北海道帶子配菠菜茸帶子煮得剛剛好，外層金黃，內層質感軟綿。三文魚子為這道菜帶來一點鹹香，再配上口感幼滑的菠菜茸，作為一道開胃前菜的確非常合適。法式洋蔥湯非常足料的洋蔥湯，配上一塊厚芝士，在香港並不常見的湯品。澳洲M5和牛牛柳及法國鴨肝五成熟的和牛牛柳入面仍然是粉紅色，肉質彈牙，充滿油香，煎得剛剛好。而鴨肝Opera 蛋糕配雲呢拿雪糕蛋糕層次分明，味道豐富，再加上雪糕，為這餐畫上一個完美句號。

今日同家姐去咗食好野呢間舖裝修得好decent 同grand幾靚 好高級嘅感覺 好啱週年紀念/生日黎食呀一入到去坐低無耐員工就來介紹推介食物 好貼心我地兩個人 都order咗好多食物呀 咁我就講吓我食咗乜啦先畀咗個飽我地橙色嘅 似乎係蕃茄香草飽 有油醋自己落 口感硬硬地 幾香香草味 唔知有冇得任添 但我地叫咗好多食物 所以冇問前菜係白酒煮青口份量係500g 當然係計埋殼嘅重量啦但都好多好多 入口辣辣地 有酒香 啲青口好滑 唔會老/靭/鞋 好抵讚 真係白酒汁都呷咗幾啖👍🏼根住就係湯我飲嘅係蕃茄龍蝦湯講真我就飲唔到蕃茄味但龍蝦味就好重好濃 超好飲！飲落佢仲有一點點渣咁 好稠好稠 肯定係熬咗好耐 我自己就超鍾意❤️ 係必叫嘅湯！主菜我係食鯛魚柳 側邊配有三個小炸物兜上面裝住魚子醬 有兩件 份量一啲都唔少 好有趣嘅係佢魚皮上面黐住好多一粒粒好脆嘅嘢 望落好似魚鱗咁 但我估應該唔係 咬落硬硬地 又同個魚幾夾架喎魚柳本身味道略為清淡 但配返啲魚子醬鹹鹹地又成功叼起番成個味喎👍🏼👍🏼平時好怕魚子醬會腥嘅我 一啲都食唔到腥味👍🏼👍🏼最後我仲嗌左一杯野叫做薰衣草味道似汽水 🥤

好耐冇出過嚟食fine done,之前揸車經過見到呢間餐廳好似好靚，就決定今日嚟試吓！一入到去，啲Staff態度好好，會對我地介紹有咩食！食物質素都非常高，我地叫咗一個前菜，一個煮食同埋一個甜品！1. 海膽多士兩件海膽真係唔敢亂叫，唔新鮮唔單止會好難食，仲會肚屙添！呢個海膽一上到黎，已經比佢個顏色驚艷咗，望落去就知好新鮮！加埋個最多士口感好豐富，海膽味好濃郁，海膽嘅油香係多士上面，一食落口海膽味就覆蓋左成個口，仲有回香！2.黑松露意大利飯配舞茸菇去意大利餐廳，最鍾意叫黑松露飯或者意粉，今次揀咗risotto,黑松露同埋舞茸菇雙重夾擊味蕾，想成個飯又香又creamy! 3. 意大利咖啡雪糕及焦糖榛子以為雪糕只係普通雪糕，點知上到嚟個presentation超級靚，個盤上面每一樣野都係可以食嘅，盆栽仔係朱古力整，榛子就好似一個麥芽糖棒咁，咬落超級有驚喜！最好食係意大利雪糕，放喺咖啡杯上面，裝飾到好似一杯cappuccino

之前一路都好想試下lab eat見新一年，俾自己一個理由去食下好野先🤪入去餐廳整體感覺都比較優雅浪漫天花好多黃色吊燈 枱與枱之間都有足夠距離 座位舒適裝修上都花左唔少心思一埋位侍應好快就幫我地開支水同埋枱上已有醋同橄欖油仲有個小蠟燭增加情調我同朋友點左個二人晚餐點餐後先送上餐包，可以點下醋同橄欖油～生蠔來自法國Plaisir充滿海水味同埋好新鮮！題外話擠檸檬既夾好方便唔會整到成手檸檬汁～輕煎半熟北海道帶子配菠菜蓉生熟程度剛好，仍然保持到帶子既鮮味👍🏻帶子好軟熟，同三文魚子既口感帶出左對比菠菜蓉都好好味👍🏻 整體呢道前菜好清新煙燻意大利沙甸魚及香醋魚籽用左脆片裝起曬啲材料，口感上亦多個層次👍🏻沙甸魚粒、蕃茄粒、洋蔥粒、魚籽加埋一齊酸酸甜甜好開胃特別想提沙甸魚粒既煙燻味道好出隨晚餐送上白酒和紅酒法式洋蔥湯洋蔥切得非常幼細以及份量十足，所以出味較好，整個湯味道好濃郁！湯上亦有芝士，整個湯十分豐富～西班牙紅蝦及海膽意粉配奧西特拉鱘魚子醬呢個主菜充滿海鮮風味，紅蝦好大隻多肉，蝦肉十分爽口海膽亦好新鮮，而且份量十足，可以連埋意粉啖啖都有海膽入口鱘魚子醬將整個主菜大大提鮮個人覺得意粉煮得較軟身，如可

餐廳地點旺中帶靜，在鬧市中又為客人提供寧靜在餐廳可以感到好舒適 環境舒服與友人叫二人餐，份量適中但價錢略貴，菜式十分豐富帶子大大粒，十分爽口味道有鮮味生蠔🦪新鮮，美味有海水味，鮮味十足生蠔大細適中大蝦意粉🍝蝦有手掌大，十分鮮甜而海膽大，鮮味見海膽份量好多，好有驚喜和牛有點熟及硬，下次可以叫再生d保能肉汁甜品有杏仁糊味，味道不太甜口感好清新埋單$1579，但味道尚可可以一試拍拖👫紀念日到餐廳食飯就好好feel la

今日係尖沙咀放工, 專登book左呢間想食好耐既Lab Eat! 😽之前食過旺角個間，今次係第一次試tst ! 餐廳位於韓國街附近～餐廳裝修幾靚, 不過位置唔太顯眼, 有興趣試既朋友要睇清楚點搵呀~😼簡單叫左幾款最多人推介既菜式嚟試吓😍⭐️首先有海膽多士 $158/2塊: 師傅好唔客氣咁放左2大舊海膽係面, 非常飽滿, 食落去好新鮮, 本人最怕食海膽會食到好重海水味🤭, 但呢間餐廳處理得好好, 完全唔會覺得好苦有異味⭐️芝士控必叫！當然仲叫左招牌Raclette cheese $218: 一上菜, 師傅會將岩岩燒溶過既芝士即時淋上面, 侍應都問我地洗唔洗影下相拍下video咁, 同埋建議我地盡快食用, 因為芝士凍左就無流心效果, 幾貼心！所以我都影左相去見証呢個時刻😌上面有D凍肉盤, 熟蕃茄, 薯仔, 仲有好多火箭菜墊底添呀! 將D凍肉, 薯仔, 包埋D芝士一齊食, 真係好好味好滿足, 成個口腔都充滿左芝士既香味, 非常濃郁。如果前面覺得食得好滯, 亦可以食下D火箭菜中和返D飽膩感!～～食到呢到已經有8成飽🤭.. 食埋個甜品就岩岩好呢⭐️冷凍榛子果仁凍批及拖肥蜂蜜窩$138: 呢個凍批好多層

上網睇呢間餐廳好多好評咁，就入左黎試吓。一開頭有麵包附上，個麵包外脆內軟，非常易入口，再配埋個橄欖油一齊食，真係幾match!嗌左杯野飲Holiday $78: 好fresh好順口，飲落去唔會覺得好甜，細細杯咁，好好飲。特色卡邦尼扁意粉$258: 好重卡邦尼汁，每一條意粉都掛上醬汁，食落去豐富得黎，又唔會覺得好漏好膩，亦都有少少嘅煙肉粒，連埋一齊食好有𡁻口。焗智利白鱈魚柳 $398: 魚皮輕輕煎過，金黃色好脆口，平時唔食魚皮嘅我都忍唔住食晒添呀而魚肉嘅質感亦都好新鮮，溶雪溶得好好，連埋啲檸檬汁一齊食，令鱈魚嘅鮮味更加提升到層次！另外用左薏米墊底，前面食得太飽，可以食下呢啲中和下飽膩感。而蔬菜亦都用左長條形西蘭花+紅蘿蔔，輕輕燒過嘅紅蘿蔔，食落去更為鮮甜，而西蘭花亦都較為特色，因為平時出面啲西蘭花唔會有咁嘅形狀，覺得新奇得黎，亦好好味另外亦嗌左支蒸餾水$48So far, 雖然價錢屬中上，但呢間餐廳嘅質素對得住價錢，有興趣中意食西餐嘅朋友要試呢間！位置可能比較夾攝少少，但遠少少都不妨要試吓

聖誕前夕都比我食到一間質素非常高嘅餐廳 就等我講吓嗰日我認為最好食嘅幾道菜式啦！煙燻意大利沙甸魚及香醋魚籽口感唔錯 沙甸魚屬於比較濕嘅狀態 但係都唔會影響佢嘅味道 魚籽嘅味道都好出洋蔥湯 睇落去可能賣相冇咁好 但飲落去完全係另外一回事 麵包加入去之後口感好特別 唔會好淋西班牙紅蝦及海膽意粉配oscietra Caviar紅蝦處理得唔錯 唔會過熟或者太生 有少少入口即溶嘅口感 海膽鮮甜而且配埋意粉食都幾夾嗰日都有食到生蠔等等 唔記得咗影相但係非常鮮甜 仲要係即食即開生蠔 海水味都重 而佢哋嘅甜品都唔錯 打卡一流