LAB EAT Restaurant & Bar (金巴利道)

營業中

休息中

環境是可以的, 但當安排座位的時候,位置是漏水也給客人坐, 沒有暖水供應, 食物分量也太少咸, 二人餐得一個鮑魚兩份, 牛扒細得可憐也兩份分, 完全不是二人份量, 家常食物太鹹, 絕對唔會幫襯第二次

同朋友塊慶祝生日，滿心歡喜搵左呢間，諗住環境位置都唔錯，連約埋幾個朋友一齊黎試下。開開心心黎到叫完野食，等得耐都算 整要時間係理解，但食完成餐唯一可取係生蠔….其他一律送都唔想食…食塊扒咬兩年，一塊扒最基本既味都食唔到，咬緊塊超市級貨色，仲要勁柴！咬唔郁食完仲有渣個隻！痴線、第一次係食到係唔想食完一塊扒，真心超級失望,我唔理解點解可以整得咁差，不可一不可再既地步，我真係唔明到底好評何來，極度懷念係課金買既評價，食左成晚 食到一肚氣！！！

回復晚市堂食後周圍試吓，係韓國街附近發現隱秘西餐，在金巴利道盡頭完全唔起眼，雖然不是特色佈置，但食物質素同特色cocktail 完全值得大家去同朋友飯聚，傾吓chill吓輕鬆吓。西餐好多時個人喜好頭盤一定叫白酒青口，滿滿白酒汁掛在青口上心入口嫩滑飽滿，滿滿白酒汁掛在肥嘟嘟既青口肉上面，食唔停口。另外湯就試吓蕃茄蟹肉湯，蕃茄蓉加上鮮甜嘅蟹肉，簡單一個湯睇得出餐廳對食物嘅誠意。跟住主菜㨂咗烤雞，最正係已經起哂肉，烤到個皮脆卜卜非常香口，香草配上肉汁好惹味，配薯蓉剛好吸滿肉汁。意粉方面㨂咗黑松露海膽扁意粉，本來擔心兩者有著獨有既味道會唔會唔夾。點知黑松露配扁意粉本身已經好正，加埋新鮮海膽，仲要係勁多，食落口係多重味道既感覺，又出奇地夾，下次要再encore。甜品方面心太軟配杏仁布甸，將一濃一淡味甜品擺埋一齊，竟然朱古力心太軟無搶到杏仁布甸既味，要讚下佢將軟滑杏仁布甸配香脆果仁係味覺新享受。不得不提如果鍾意飲cocktail 一定會俾佢地既cocktails 吸引，睇見周邊的人唔同款既cocktail 勁吸睛，不過個人鍾意白酒所以無試，下試要試吓，打咭都開心。

很久沒去吃晚市的我復出了，店舖格局寬敞。我選了白酒煮青口味道香甜白酒清香，吃下去青口新鮮，蒜頭及紅椒味道帶出青口海鮮的味道，同時配料味道不會過濃，不過喧賓奪主。青口煮得恰到好處，沒有過熟變硬。餐湯選了一個蟹肉蕃茄湯，蟹肉作為蕃茄湯的點綴酸酸甜甜的蕃茄味配搭蟹肉，口感不錯，蕃茄打成蓉煲湯，能看得出餐廳的用心。黑松露海膽扁意粉送到枱上時已經有重松露的味道，用料絕不馬虎，另外可見海膽份量十足。基本上每一口意粉都能夠吃到黑松露及海膽的味道，十分滿足，然後再喝下一口白酒能夠一解油膩感。燒春雞配薯蓉，烤雞是原隻份量十分大，雞皮香脆肉汁在雞肉溢出，令人垂涎三尺，雞汁精華落在底部薯蓉，讓薯蓉也含有淡淡雞香味，值得一提的是雞脾及雞胸已去除了大部份骨頭，方便進食。朱古力心太軟配杏仁布甸，杏仁味很出，感覺像豆腐的感覺，入口即溶，朱古力心太軟熔岩式流出來，心太軟上還有金箔，朱古力漿充足適合喜歡甜點的朋友們。Mocktails 芒果口味感覺清新令人精神一振。

之前試過姊妹店lab eat Bistro不錯，今天突然決定把心一橫試lab eat restaurant & bar 高級菜。果然沒有令我失望，用料講究，有心機耐性去烹調，是良心餐廳💛🐮意式生牛肉薄片及新鮮黑松露 $288頭盤菜開胃醒神，鹹鹹的薄切生牛肉片混上沙律油+baby rocket 🌿 再配合新鮮大片的黑松露，喜愛這味道創新的感覺，多了一份濃烈的黑松露味道，有別於傳統的carpaccio 🐚法式焗田螺 $158大量的香草釀入田螺裏面，味道香濃，這個絕對是新鮮的田螺，不是殼肉分開的；加上少少茄蓉/ 薯蓉及 自家製炸紫薯片作伴，認真考功夫🤩特色卡邦尼意粉$268扁意粉煙韌，有咬感，配上卡邦尼忌廉汁剛好沾染上每一根意粉，恰到好處並沒有多餘的醬汁，難道極高；煙肉不是薄片，而是經過煙燻的粗條肉配上新鮮的松露片及香草，更覺矜貴🐏炭燒威爾斯皇室羊扒$438炭燒味香濃，羊扒份量十足，配上芥末醬及香草醬，更加美味🌕白朱古力檸檬意大利雪糕$128這個有得食又有得玩，外熱內冷；外層是一層厚而硬的檸檬白朱古力，然後淋一層熱辣辣的檸檬朱古力醬，再扑碎外層便吃到檸檬味gelato ; 再配合戲劇性的煙霧

今日終於同友人相約左期待已久嘅西餐廳，係openrice有好多好評，今日就黎會會佢～ 頭盤係生蠔，一共4隻，同友人一人2隻隻隻蠔都好肥美大隻，食落鮮甜仲伴有淡淡海水味，令人食完又想再食餐湯就叫左牛肝菌湯～味道十分香濃，重點係啖啖蘑菇粒，有口感意式生牛肉薄片本身一見到碟野上黎都驚驚地，以為咁紅咁生，一定好腥但好彩，肉質鮮甜軟嫩，咸咸地，配埋黑松露再昇華，會再叫～ 昆布高湯冷凍鮑魚好特別嘅一道餸，果凍般嘅昆布高湯包住鮑魚，鮮味2重奏～ 值得一試炭燒澳洲M6和牛牛柳簡簡單單嘅煮法，就最易凸顯牛肉肉質嘅鮮甜，炭燒程度岩岩好，令肉味添上一份炭香味西班牙紅蝦+海膽意粉配奧西特拉鱘魚子醬個名已經講齊哂有啲咩係度，蝦彈牙鮮甜；海膽配魚子醬，完美，仲有意粉，個肚岩岩好飽哂～雖然飽哂，但甜品係第2個肚，我地叫左個tiramisu+雲呢拿雪糕，軟綿綿嘅tiramisu再加自製雪糕，完左今場食戰叫左杯士多啤梨飲品，不過不失～ 好靚

晚餐同朋友二人撐枱腳，去左少有名氣尖沙咀嘅餐廳Lab eat restaurant and bar。 店員好細心，一坐低就已經幫我地斟水，用膳途中見我地飲哂都幫我地添返。入夜點上小蠟燭，更添氣氛。我地兩個人叫左二人dinner set，由頭盤，湯，主食到甜品店員都有輕輕咁講解。頭盤其中一樣係係法國生蠔，上碟連埋Tabasco，而檸檬已經擺左喺唧檸檬汁嘅容器，非常方便，輕輕一㩒就輕鬆擠到落蠔上面，唔洗擠到周圍都係。生蠔味道鮮甜，帶海水鹹味，但唔會只得死鹹。口感方面食落好滑，唔會有沙，而且隻蠔開得好好，冇任何蠔殼碎。食完前菜，就到湯啦～牛肝菌湯好有驚喜，好香濃之餘比一般嘅湯更厚身，亦唔會太有顆粒感，食落質感好得意，非常滿意呢個牛肝菌湯，主食西班牙紅蝦及海膽意粉配奧西特拉鱘魚子醬，紅蝦都幾大隻，燒過嘅蝦去殼好方便，蝦肉彈牙。海膽同魚子醬味道較濃，配埋蝦肉同意粉有中和返口味，幾好食~而意粉較粗身嘅意粉，有咬口同較有飽足感。飲品方面，雖然對酒冇太深認識，不過紅白餐酒都好順口，質地上面唔會太乾身，配食物都唔錯，白酒更係越飲越順口。

星期日嘅晚餐去左間靜靜地嘅餐廳食飯，有儀式感地叫左二人set。店員一碟一碟咁幫我地上菜，有留意到客人用膳嘅速度，反應夠快，而且好友善～ 先到嘅頭盤- 意式生牛肉薄片，配上芝士片，火箭菜，捲埋一齊食非常有層次感，牛肉薄片唔會韌，入口有微微溶化嘅感覺，配上芝士鹹香以及火箭菜較強嘅味道。令人非常有印象，配搭洽到好處。 另外仲有昆布高湯冷凍鮑魚，高湯好似咁果凍一樣包住鮑魚，高湯質感特別，食落微香清湯味，味道唔會太重。而鮑魚食落唔會因為冷凍而過硬，反而食落幾有咬口。 龍蝦海鮮湯一放低就聞到海鮮香味。湯有帶子，同青口，飲落幼滑而且都幾有海鮮味。 主食碳燒澳洲M6和牛牛柳，牛柳厚身，切起黎唔需要太用力，好軟嫰。 碳燒令表面帶少少焦脆，將肉汁封左喺牛柳裏面，好Juicy仲好重牛肉味，有配芥末醬或者配鹽。我就推介配鹽，帶出左牛肉嘅肉香味。 甜品係Tiramisu配意大利 vanilla gelato。Tiramisu味道唔算太濃，食落冇負擔感。質感幼滑，蛋糕底夠濕但唔會太諗。Vanilla gelato配上微酸嘅士多啤梨乾碎，酸酸甜甜，配搭清新。 整體餐廳氣氛唔錯，服務好好，食物都幾有質素，適合悠閒嘅約

呢間餐廳係主打分子料理嘅。今次男朋友幫我慶祝生日，然後揀左呢間西餐廳，我地叫左個2人餐👥$1388+10% service charge🥢餐前麵包～頭盤～🥢新鮮生蠔🦪因為我好怕腥一開始淨係諗住食一隻，點知呢款蠔係完全唔腥，仲好鮮甜😋，即刻食多隻，上菜時店員有講話呢款好係濃味d嘅蠔。🥢意式生牛肉薄片🐮我又係好怕食生牛肉，點知呢款食落去都係冇腥味，不過就其實食落都冇咩味道，但都係會忍唔到一直夾黎食🤣，可能係個口感幾特別。🥢昆布高湯冷凍鮑魚呢個鮑魚好彈牙，然後加埋jelly狀嘅高湯，味道唔錯，但個jelly會散出黎，所以最後會搞到鮑魚同個湯分開左。～湯🥣～龍蝦海鮮湯🦞個湯超濃味，應該係用龍蝦殼打出黎😋連個青口都應該唔係平日急凍個d，食落口感都唔同，好軟，同埋彈牙😽～主菜🍽～🥢炭燒澳洲M6和牛牛柳🥩牛柳我地揀左5成熟，都係啱啱好😋不過份量就偏細🥢西班牙紅蝦及海膽意粉配魚子醬🦐🍝海膽好足料，有兩大舊😍意粉都好濃味🤤～廚師每日精選甜品👨‍🍳～🥢Tiramisu男朋友打去同餐廳講係慶祝生日，所以餐廳好好，就加左個蠟燭同埋生日牌😽個雲尼拿雪糕係有雲尼拿籽🫢個蛋糕仔都係偏細Red wine🍷/ Whit

餐廳位於尖沙咀金巴利道最篤篤嘅位置，平時去開果頭附近都唔知道有間西餐廳，最後開Google map先揾到😅 早幾日前在openrice預約晚餐，預訂時間顯示有88折優惠，或5月生日有85折優惠。 一開始點餐，已跟男侍應講朋友係今個月生日，男侍應表示有單點75折優惠，我亦再次確認真係75折？男侍應答“係”！問佢叫生日生蠔優惠抵啲，還是單點折扣75折優惠抵啲，佢就唔願意答我個問題，叫我地自己諗囉。最後我地揀左單點75折優惠。餐廳環境算不錯，當晚全場都算爆滿。食物都唔錯，飲品亦都係我地嚟呢間餐廳影相嘅原因之一。不過我地坐喺冷氣位，我地有麻煩女侍應幫忙熄細冷氣幾次，不過唔夠一分鐘個冷氣又大返。🐢🐝被吹到勁頭痛，加上隔離枱的人有濃郁嘅香水味，(餐廳坐位都比較密)，最後無叫到生日甜品就叫咗埋單。網上Openrice和舖頭門口顯示可以用支付寶結帳，最後女侍應問左話Alipay系統更新唔用得，最後碌卡埋單。由於🐢🐝頭好痛，我也無好好檢查張單嘅折扣優惠，返到屋企先見到張單顯示88折，俾個男侍應揾笨左，同埋係自己大意無即刻對清楚張單，唯有下次自己小心啲啦！

吃伴今天帶我到一家高質良心餐廳晚膳，充滿驚喜西餐廳位於金巴利道街尾三角公廁附近，裝修別緻員工們都貼心有禮，就坐後便送上餐包讓我們一邊吃一邊討論菜單先來一杯招牌西班牙水果酒，以白葡萄酒、椰子味冧酒、雪碧、菠蘿汁及果汁混合，加入水果和冰塊，香甜易入口朋友來之前已飲夠，點了一杯無酒精薰衣草雞尾酒！用了巨峰葡萄、乳酪、蝶豆花及梳打調配而成頭盤意式生牛肉薄片及新鮮黑松露口感豐富又清爽，層次感十足法式焗田螺大粒又彈牙，充滿濃濃香草香氣，配上薯蓉底及紫薯炸片作伴菜特色卡邦尼扁意粉口感煙韌掛汁，香濃富蛋味炭燒威爾斯皇室羊扒嫩滑多汁，五成熟剛剛好白朱古力檸檬意大利雪糕賣相精緻，質感細滑又解膩

難得今日星期日放假，就同女朋友book咗一間尖沙咀嘅高級法國餐廳，撐吓枱腳，享受下輕鬆嘅時光。一入到黎呢間餐廳就覺得好舒服，燈光光暗剛剛好，唔似普遍嘅西餐廳比較暗色調。一坐落去餐廳就會為你送上暖粒粒嘅麵包，倒上來自意大利嘅礦泉水，服務態度令人賓至如歸！麵包用上蕃茄乾去製成，食落帶點點酸口，可以點上黑醋同橄欖油！前茶我哋叫咗一個法式焗田螺，擺盤非常美麗，見到已經好想即刻食落肚。田螺嘅表面配上法式香草，食落更加帶出田螺的鮮味。田螺嘅底部有香香的薯蓉，非常綿滑，可以連埋蕃茄碎一齊食添。伴碟的紫薯片亦炸得非常香脆，但不油膩。鐘意食魚嘅我主菜叫咗一個脆魚鱗片甘鯛魚柳。馬頭魚肉質較實不易鬆散，煎至金黃嘅外皮，乾身之餘食落好脆口，可以點上旁邊附有嘅千島醬，而底部更配上帶有顆粒感嘅薯蓉，每一啖都食得出廚師嘅功架！飲品方面，我哋叫咗杯Queen blaster 同rainforest blaster打卡，兩杯飲品飲落都好fresh，果味濃郁，完全唔苦。服務員更會在飲品吹起夢幻泡泡，方便客人打卡。

今日喺尖沙咀睇完婚紗之後，好想同男朋友嚟返個燭光晚餐～呢一間餐廳坐落於唔太起眼嘅金巴利道嘅盡頭，有機會大家一定要拜訪一下！👍🏻日本帶子刺身薄片及溫泉蛋非常精緻嘅前菜，擺碟亦相當出色。先把溫泉蛋吉穿，讓帶子、魚籽、黑魚子均沾上蛋汁，食落滿腔鮮甜，盡是奢華。👍🏻特色卡邦尼扁意粉餐廳嘅手本名菜，意粉口感軟硬適中，掛汁度極高，醬汁用上蛋黃去點綴，夾起的時候會較挺稠，有別於一般用上嘅牛奶同忌廉，所以食落香濃郁得黎唔會太膩，更有粒粒煙肉乾加重鹹香感。👌🏻果木煙燻朱古力布朗尼入口朱古力味濃郁，而且質感好滑，裏面更加帶點果仁，底部放上果木同迷迭香，食落帶點幽香，不過就失去左布朗尼應有嘅厚實蛋糕感。👍🏻Queen blaster 由粉紅色gin，加上荔枝味道嘅liqueur，加埋青檸果汁同雪碧，飲落特別清爽，更帶點香甜，酒味不重，容易入口！👍🏻Rainforest 由百香果混合而成，加上菠蘿果汁同埋薄荷糖漿合成，飲落清甜。而且係端上枱後，職員立刻幫忙吹起夢幻泡泡，大家記住要把握時間打卡啊(⁎⁍̴̛ᴗ⁍̴̛⁎)💡餐廳其實有個二人餐都好啱慶祝之用，寵愛另一半嘅你記住行動啊！

尖沙咀金巴利道差唔多係一條韓國食街，但今次想試另外一間叫LAB EAT Restaurant & Bar嘅西餐廳餐廳裝修幾舒服，樓底又夠高，氣氛輕鬆一坐低侍應介紹咗兩杯特飲有酒精嘅係薄荷菠蘿汁Cocktail及冇酒精嘅西柚Cocktail，都幾好飲前菜係焗田螺，加咗炒香嘅蒜蓉仲有薯蓉一齊食，好夾另外再加咗個拖羅蓉海膽杯，裡面有三文魚子，鮮味鹹香味十足主菜有香煎龍蝦尾配意大利飯，龍蝦尾煎到剛剛熟，煙韌鮮甜。意大利飯就用咗龍蝦嘅膏一齊煮，濃濃嘅蝦膏味滲哂入啲飯度，份量亦好滿足另外一個主菜係煎西班牙黑毛豬鞍，侍應話呢隻豬係食橡果大嘅，所以唔煎到100%熟都OK。而豬嘅肉滲出甜甜肉香，越食越好食。而伴碟嘅配菜有用辣肉腸炒香嘅薯粒，都好惹味甜品係Brownie，上枱時用有煙熏味嘅器皿，聞到淡淡的木屑香味。而Brownie上面仲有輕輕燒過嘅棉花糖粒，配濃濃嘅朱古力食好夾餐廳雖然唔近地鐵站，但都算易搵，而且食物款式選擇質素各樣都唔差，以後去尖沙咀又多個西餐選擇👍😍

與友人相約去食西餐，係open rice搵到呢間好高評價 食物質素似乎唔錯嘅餐廳🍴雖然位置有些隱秘 不過招牌都係吸引 入到去樓底高 空間感唔錯 環境偏暗調 很有氣氛👍🏻👍🏻員工有禮貌且會留意不同客人嘅需要👍🏻 抵讚揀左set dinner for2 非常豐富😍😍［STARTERS］🦪新鮮生蠔生蠔有四隻，每隻都大大隻！好肥美又夠新鮮😋😋😋 處理得宜，淡淡海水味😚食完都唔夠喉😋😋🇮🇹意式生牛肉薄片好少食生牛肉，估唔到個味道非常不錯😛😛擺盤靚 燈光打在粉嫩的牛肉上好正🤪連埋黑松露同芝士一齊食口感豐富😊就咁食都好嫩🥰🥰❄️昆布高湯冷凍鮑魚呢個名堂好得意！用左特別嘅處理手法將昆布高湯雪成啫喱包裹著鮑魚😙聞落有啲酒香但食落又冇🤣🤣食到淡淡昆布湯嘅味道 可能我比較重口味🤪如加多小小鹹味調味 會更正😋😋鮑魚大大隻而且食落彈牙😚😚食完頭盤都已經好滿足😋😋每款都高質👍🏻［SOUP］🥣牛肝菌湯見到都知道好濃！食落都好濃郁牛肝菌，好足料，好啱友人心水😋😋🥣龍蝦海鮮湯而我就更喜歡呢個🤪好濃龍蝦味但係唔會過苦👍🏻加入其他海鮮有帶子青口 提升鮮味 帶子鮮甜😙😙［MAIN COURSE］🐂炭燒澳洲M6和牛牛柳😍😍外面焦