LAB EAT Restaurant & Bar (金巴利道)

營業中

休息中

難得父親節父親有假放，當然趁依個機會一家人慶祝一下啦，黎到依間高級西餐廳，一黎已經俾佢地個menu吸引，食完之後都冇令到我地失望😊🥰1. 法式餐包 + 牛肝菌湯配黑松露泡沫餐包加黑醋好開胃，餐湯有驚喜，個base係牛肚菌湯，建議同黑松露撈埋一齊飲2. 西西里島香茄海鮮意粉海鮮份量好多，夠哂兩仔爺食，蕃茄意粉配上少少basil調味，同海鮮一齊食好夾3. 意式生牛肉薄片及新鮮黑松露平時都唔太敢食生牛肉，今次就試一下，就即刻愛上🥰生牛肉處理得好好，夾上芝士及沙律茶係幾新鮮！4.西班牙黑毛豬鞍豬鞍係7成熟，以西班牙豬咁高質素係絕對無問題，油脂感豐富，岩哂食肉獸！5. Bailey Mousse Cake最後就一個mousse cake，好重酒味，都幾有特色！

今日同朋友去咗食bookmark咗一排嘅西餐雖然餐廳位置好唔起眼 但食物質素絕對令人滿意😝我地最後叫咗個2人set 對2個女仔嚟講已經好夠飽侍應好貼心咁安排咗白酒比我地頭盤係4隻法國生蠔 食落好新鮮好重海水味 餐包入口好軟熟同有d麥香味意式生牛肉薄片配埋黑松露食落好嫩好開胃昆布高湯冷凍鮑魚好有驚喜 係以果凍形式嘅昆布湯去包住鮑魚 個口感好得意👍🏼而2個湯分別係牛肝菌湯同龍蝦海鮮湯 入口味道香濃亦唔會過咸炭燒澳洲M6和牛牛柳嘅肉質比想像中嫩 一d都唔會鞋 點埋旁邊配嘅鹽食就啱啱好西班牙紅蝦及海膽意粉配奧西特拉鱘魚子醬蝦好大隻同有少少煙燻嘅味道 食落好彈牙 意粉再連埋海膽同黑松露食好夾最後嘅Tiramisu配雪糕作為呢餐晚餐嘅完結 好滿足☺️

又來到一年一度嘅Anniversary😜之前食過旺角嗰間lab eat，覺得食物好唔錯，所以就趁着今晚去試吓佢哋喺尖沙咀嘅另一間餐廳，睇吓食物如何😍-1.麵包一坐低店員就會送上一個熱辣辣又脆卜卜嘅麵包，食落去有啲紅蘿蔔🥕，點埋醋同埋橄欖油絕配👍-2.Beef Carpaccio w/B.Truffle $288呢個生牛肉好特別，首先佢好夠凍，所以保持到肉類嘅色澤🤩絕對唔怕食完會肚痛，佢上面係有芝士、黑松露同埋火箭菜，所以咬落去嘅第一啖首先係食到黑松露嘅味道，然後就會散發着芝士味，最後就會食到牛肉淡淡嘅味道同埋冰涼嘅口感😍-3.Porcini Soup $98牛肝菌有好獨特嘅香味，飲落好 creamy😋-4.Seafood Spaghetti Pomodoro $288意粉有好多海鮮，海鮮配蕃茄味真係絕配😍意粉煮到軟硬適中❤️-5.Iberico Pork Rack $398有兩大舊黑毛豬，師傅幫我哋煮到七成熟，所以食落好Juicy。因為食咗咁多嘢難免都會有少少飽濟，好彩呢個黑毛豬有蘋果蓉，解膩一流🤩-6.Bailey Mousse Cake $128呢個蛋糕好Moist,Bailey嘅味

每次同best friend食飯，佢都會幫我揀好餐廳帶我食好嘢，今次都唔例外。 帶子薄片呢度菜嘅主角係帶子，配料有三文魚子溫泉蛋青檸雪葩仲有魚子醬。唔同嘅口感，味道，溫度都喺口腔入面混合，係一度好特別嘅菜式。牛肝菌泡沫濃湯飲之前要將上面嘅白色泡沫撈勻，令到佢溶入湯入面。入口口感順滑而且充滿菇嘅香氣。八爪魚意大利飯意大利飯吸滿汁醬，軟硬程度同調味適中。八爪魚非常大條，口感煙韌但唔硬。立鱗燒金目鯛魚皮煎得非常香脆，魚肉鮮嫩，係一度好特別嘅菜式。佢碟上附有兩種調味畀你選擇，而碟係有加熱過嘅可見用心。白朱古力檸檬雪糕用白朱古力包住檸檬雪糕，上枱嘅時候店員仲會加入熱嘅醬汁令到朱古力溶化，令你可以食到冷熱交融嘅感覺。

今日想慶祝朋友生日，所以黎食好D ! 店員推介左2人晚餐，所以我地都叫左呢個set。頭盤就有生蠔4隻，之前好少食生蠔，因為怕會好腥，但呢個完全唔會，吱完檸檬再食，係好新鮮既海水味同埋好厚肉! 令我對生蠔改觀左!! 意式生牛肉薄片上面有D黑松露，芝士碎片同埋火箭菜，食落口感好豐富，生牛肉唔會有羶味，加埋黑松露的味道，食落冇咁膩同好開胃。昆布高湯冷凍鮑魚幾特別，個昆布高湯係整到啫哩咁既texture。牛肝菌湯同龍蝦海鮮湯我地都有叫到，2款都好好味，牛肝菌湯好creamy!! 龍蝦海鮮湯入面有青口同煎香左既帶子! 海鮮味好濃! 炭燒澳洲M6 和牛牛柳肉質都幾嫩滑。西班牙紅蝦及海膽意粉配奧西特拉鱘魚子醬，紅蝦肉好彈牙好新鮮，意粉全部都掛曬汁架~ 海膽仲甜甜地! 今晚既甜品係Tiramisu配vanilla gelato ，Tiramisu冇平時個D咁濃酒/咖啡味，岩曬唔鐘意食太苦既我! 好滿足!!

食物環境都唔錯，對得住價錢。但係嚴格嚟講service好一般，同一般西餐廳差唔多。個人主要對以下反感：- 得樽裝水冇普通水，咩年代咩餐廳仲會咁老屈？- 麵包唔得，用膠碟出場，茶仔？另外朋友係OpenRice book有88折，但去果日見佢有75折就問可唔可以做番75折，侍應好型咁話：梗係唔得可能我哋有幸遇上係老闆級，實在好少係d靚d嘅餐廳得到咁型嘅回覆香港人有錢，高級d嘅餐廳多左但service同食物同價錢成日唔成正比，尤其是盲撐黃真係唔掂。呢間餐廳位置令老屎忽懷念上當年嘅真優質法國餐廳，可惜…

呢間餐廳之前都有黎過 覺得好舒服而且有情調 同朋友或伴侶黎都好適合👍今次我同朋友兩個人 好耐冇見所以都想搵間唔限時又闊落既餐廳 所以就揀左呢度！食西餐我習慣都會飲下酒 所以我地每人都點左杯酒 我要左杯Riesling白酒 中意白酒易入口啲 朋友就要左杯Toscana紅酒前菜方面 我地點左份法式焗田螺 薯蓉底同紫薯片作伴菜 田螺用上香草醬焗 香而濃郁 而且有彈牙嘅肉質😋主菜我地點左兩樣 第一個係海膽黑松露扁意粉 意粉煮得剛好 質地彈牙 而黑松露味好出 同海膽既鮮味好夾👍另外一個主菜係法國黃油雞 餐廳處理得好方面客人食 而且份量不少！黃油雞烤得好香 雞皮脆卜卜 但又唔會好肥膩👍值得一讚既係每一款既擺盤都好精緻 而且員工服務態度都好好 推介或上菜時講解都好詳盡😎

朋友話今日有野想慶祝，所以就帶左佢尼尖沙咀e間好高質嘅餐廳，之前都食過，真係好食所以番尼再食，雖然價錢貴左少少，但以食物嘅質素，係值e個價我地叫左一個前菜，一個主食，一個甜品加一杯野飲有機桃駁梨子，合桃及羽衣甘藍沙律雖然係前菜，但份量都唔少，淨係桃都有最少10舊，桃唔酸，多汁合桃香口脆身，但點甜味羽衣甘藍好似係我第一次食，佢同一般沙律菜唔同，唔係好軟身第一次食都可接受的西班牙黑毛豬鞍e個係我成餐最鍾意最鍾意嘅野食，如果下次再尼我一定會再叫豬鞍尼到嘅時間已經有佢陣香味，切開可以見到入面仲係淡淡嘅粉紅色，豬鞍都幾厚身但咬落唔韌，幾軟身的，唔會過熟食落燒嘅味好出好香，e個一定要叫奶油威士忌咖啡凍餅最尾食番d凍野甜野係舒服d咖啡味重，雖然係moussecake但食落唔會好膩blue ocean cocktail顏色好靚，打卡一流，飲落有陣七喜的味道

朋友今日帶我尼尖沙咀e間幾靚嘅餐廳食，佢之前食過話好食，好高質想食多次，我今日行開尖沙咀佢就尼搵我去食因為朋友唔想食太多，所以我地就只叫左一個生蠔一個意粉，另外朋友叫左杯野飲前菜尼之前會有個包，係點醋嘅，不過我覺得就咁食好似好食d新鮮生蠔大大隻的生蠔，味道夠鮮，唔腥，滑口，口感肥美，suit一聲入左口西西里島番茄海鮮意粉海鮮有青口，魷魚，蝦，全部都啖啖肉，好滿足意粉份量多，比較林身，條條意粉都掛汁番茄醬重味，唔酸朋友因為想飲野所以另外叫左杯signature cocktail rainforest，無酒精的佢主一要係pineapple juice and mint未攬勻之前pineapple juice味重mint就唔出，攬勻之後第一啖都係出pineapple juice先，之後mint就慢慢出，兩隻味都幾夾嫁，好清新

今次老婆帶我嚟到呢間係鬧市中都算幾偏僻嘅餐廳。餐廳入面都幾有酒吧feel，係少少昏暗嘅燈光下幾有情調，睇得出餐廳嘅燈飾都用過一番心機，好耐都無同老婆一齊食過一餐浪漫嘅西餐啦。我哋叫咗一支Acqua Panna水$48嚟清清口先，Natural Water夠清夠純，令我哋可以好好享受之後嘅美食。首先嚟一客N1 Oyster法國生蠔$276， 海水味幾清新，肉質都幾鮮甜。之後上炭燒威爾斯皇室羊扒$438，羊扒煎得夠香口得嚟，羊肉仍然保持嫩滑，脂香四溢，配菜有好多薯仔同番茄，都整得好有水準，無顧此失彼，整體好出色。嘢飲分別叫咗紅色嘅Rainforest Blaster$128同綠色嘅Queen Blaster$128，飲之前侍應會製造有煙燻嘅泡泡，畀到我哋視覺享受先，望住杯口等佢爆啲煙出嚟，成個感覺非常夢幻，而嘢飲本身偏濃味，綠色嗰杯果味較重。

星期日晚同老公難得出去食一餐浪漫燭光晚餐。餐包麵包鬆軟，附有醋同橄欖油俾你自己蘸。Raclette Cheese with Rocket Leaves熱溶法國流心芝士好正，侍應會係係你面前將芝士批落沙律到，芝士係熱既，所以溶溶地，呢種最好食。沙律有火箭菜、車厘茄、三種火腿冷盤、蘆筍、薯仔，豐富又飽肚。Seafood Spaghetti Pomodoro西西里島番茄海鮮意粉有青口、魷魚、大蝦，調味好濃味，意粉屬於比較粗身，口感滑身得黎又煙韌，索晒番茄味，唔錯。Homemade Frozen Bailey Mousse Cake奶油威士忌咖啡凍餅無論cream定凍餅都好重酒味，咖啡凍餅有啲似食緊tiramisu，好特別又好食。

嚟到尖沙咀呢間位於金巴利道盡頭角落嘅西餐廳，離遠已經望到金光閃閃嘅招牌，有種自成一格嘅感覺🥂餐廳裝修以微暗低調嘅吊燈為住，加上奢華嘅bar枱型成好強烈嘅對比👍🏼座位闊落，枱上有舊好得意嘅樽，入面係橄欖油同紅酒醋，再點起小小嘅蠟燭形做浪漫嘅氣氛，適合情侶約會嘅地方🫣意式生牛肉薄片及新鮮黑松露鮮紅嘅生牛肉薄片，肉質嫩滑，上面放咗火箭菜、巴馬臣芝士同原塊黑松露片，一齊食十分開胃👍🏼低溫烤焗法國黃油雞即叫即做，上到嚟隻碟仲係熱嫁，望上去顏色非常靚，金黃色焦香嘅表皮好香脆，雞肉淋嫩多汁😋黑松露海膽扁意粉非常足料，黑松露同海膽撈均之後掛上意粉，味道平衡得嚟又好夾🙆🏻‍♀️朱古力心太軟及杏仁意大利奶凍心太軟啱啱好仲有流心，奶凍帶少少杏仁味🤤

平時經過金巴利道都會係想食韓國野，但原來轉角位就有間特式西餐，價錢係中高位，但覺得係好岩情侶、朋友把酒談心。前菜Wagu Beef Carpaccio（＄288）生牛肉薄片好薄，加上片片Black Truffle 同埋芝士片、火箭菜食就岩岩好Raclette Cheese with Rocket Leaves （$238）第一次食～原來新鮮即熟好嘅法國芝士撈埋薯仔、火腿、辣肉腸食係咁正～熱得黎係會增加食慾！仲有好多Cheese，絕對係Cheese Lover’s Favourite!MainJapanese Black Maitake Mushroom Risotto ($318)由日本新鮮運過黎嘅黑舞茸菇味超香，加埋Cheese 一齊撈黎食特別開胃。Fried Tilefish Fillet with Caviar （$498）每日限定幾份，所以真係要早d黎食～大廚將馬頭魚嘅魚鱗炸起，令平時唔會食魚鱗嘅我都食曬。而魚肉都唔會鞋，絕對出色。DessertApple Wood Smoked Chocolate Brownie （$128）最後緊食要食個甜品作結～Brownie 好厚實，朱

喺尖沙咀金巴利道嘅一個角落竟然有間咁有情調嘅西餐廳😍真係好有驚喜。西餐通常個份量都好細，但呢間完全係顛覆咗我嘅思想😆要讚一讚就係佢地個service，員工個個笑容都好好，而且好細心，見到我食落左（但我自己都唔知），竟然主動拎Tissue 比我OMG! 又會主動換碟，所以我每道菜都食到最原有嘅味道💕🌟餐包：味道好特別，似係佢地自家製，唔似係出面食過嘅普通面包🌟Wagu Beef Carpaccio with Black Truffle ＄288好味，生牛肉薄片件件都切得好薄!夾埋芝士片、火箭菜捲埋一齊食加埋好有層次感。 飲一飲杯紅酒更加昇華🌟 Raclette Cheese with Rocket Leaves $238 呢個真係好豐富！staff 會係你面前將法國熱熔芝士mix入黑毛豬火腿😍😍本身鍾意食芝士嘅人真係唔可以錯過，佢好多芝士，同啲辣肉腸味道非常之夾，雖然有少少heavy，但係就不停好想食😍炸馬頭魚真係唔係到到都可以食～因為係稀有魚，所以餐廳每日都係limited edition，先order 先得～擺碟好靚，魚鱗炸過，有立體感之餘，仲係好脆～魚肉肉質較實又滑！⭐Fried

一心諗住去一間好的餐廳食飯, 入到去環境都是可以的, 但安排左那個位置是漏水的, 餐廳職員說沒問題, 鋪一條毛巾上去便算, 這樣真的大打折扣已沒心情進食. 當晚點算了二人餐, 當晚菜式有鮑魚, 他他牛, 意粉, m6牛扒, 分量少得可憐. 鮑魚要兩份食, 他他牛4片, 牛扒只有六安士, 夠膽唔夠膽收人千四蚊, 這樣做生意的手法絕對差, 簡直有欺騙脂成分. 各款菜式也非常之咸, 太鹹的食物當然想飲杯水, 要求提供熱水的時候, 他們說沒有只有支裝水, 或需要叫杯嘢飲. 叫杯嘢飲當然冇問題, 但好似要逼人一定要畀錢買杯嘢飲, 就略嚴少加囉. 咁嘅價錢食到好多好嘢, 試過一次教訓, 真的不會再幫襯, 大家要小心點