Jagger

營業中

休息中

今晚同老公係尖沙咀行街街, 有間特式 bar x cafe, 就入去食晚餐.餐廳分幾部份, 首先講下酒吧, 入面擺了好多唔同嘅酒.另一部份係戶外, 有園林 feel, 坐在這裏食飯又係另一番情調.我地就揀咗坐室內, 聖誕老人默默地守護住客人.另一邊廂又提示大家農曆新年就快到啦！紅酒燴牛肩胛肉燴到好淋好入味嘅肉, 配埋新鮮沙律菜及薯蓉 威靈頓三文魚脆脆嘅酥皮包住厚厚嘅三文魚, 超級香, 三文魚嘅回甘令人食慾大增.Jagger 心太軟, 賣相吸睛心太軟 x 雪糕再加朵小花, 形成鐵三角,擺設有心思.流心嘅朱古力帶點苦, 濃度極高, 好味個天花板上有客人嘅美麗回憶

今日lunch約左喺尖沙咀番工嘅朋友食飯，佢就話想試呢間好耐，所以我地一放lunch就衝去呢間餐廳，好彩早到唔洗排隊就入得！佢個門口幾靚，望落夜晚應該係bar職員安排入座後，好有禮貌咁送上menu比我地，以下係lunch menu and drink menu:我地order完之後職員好好咁送上餐具以下係ordered food:冬陰功墨魚麵配炸大蝦 $78 鍾意食辣嘅朋友必試！好開胃！分量啱啱好，好惹味！啲蕃茄好新鮮，仲有3隻大大條嘅炸蝦添！呢張相睇得清楚啲，好大條！茄汁海鮮意大利飯 $78 鍾意食海鮮嘅朋友一定要試，入面有好多唔同種類嘅海鮮，例如青口，蜆肉，蝦，等等，好新鮮，好好食，個飯又唔會太硬，加上茄汁，酸酸甜甜，唔錯唔錯。Barista unknown $58 呢杯真係比到十足嘅驚喜我，色香味俱全，杯邊有焦糖醬，加上expresso 同奶同奶泡，真係別有一番風味重點係佢上面嗰層奶泡係好似奶蓋咁，非常企身，好滿足不過講明呢杯係unknown，所以次次唔同架，不過食客可以事先講明想要奶嘅咖啡定齋啡。Shakerato $53 呢杯啡我都係第一次飲，佢係有奶嘅啡，再加冰手搖，搖到上

話咁快又到星期五啦，星期五最開心就係同同事一齊去happy hour，咁啱一出站就見到呢間餐廳，同埋有戶外座位，所以我哋就揀咗呢間餐廳食啦。餐廳嘅侍應好熱情，而且啱啱過咗聖誕冇耐，餐廳仲有好多聖誕嘅裝修，連聖誕樹都有㖭🎄🎄🎄講返正題先，我哋兩個人叫咗三樣嘢食，分別係白汁煮青口，冬陰功海蝦意粉，同埋威靈頓三文魚。首先上菜係煮青口，青口嘅份量算合適，值得讚一讚係個白汁都幾濃郁，而且仲有送到麵包，用麵包點白汁簡直係一流👍之後上菜嘅係意粉，雖然係墨魚汁意粉，但係主要嘅味道都係冬陰功味，啱曬食辣嘅人，而且海蝦都幾大隻最後係威靈頓三文魚，平時威靈頓牛扒就食得多，三文魚就比較少食，估唔到用嚟配搭三文魚都幾好食，酥皮配上清淡嘅三文魚，唔會搶到三文魚嘅鮮味，而且餐廳嘅火候把握得幾好，酥皮嘅火候啱啱脆但係又唔會太燶👍

🎅🏻好有聖誕氣氛嘅餐廳🎄門口已經有個聖誕老人企係到歡迎你有室內同戶外地方供客人選擇我同朋友見到有梳化凳同好多植物就揀左戶外影相打卡有啲植物襯托下好靚✨而室內都唔輸蝕 有聖誕樹 牆壁亦有聖誕樹裝飾位置唔算好多 都係比客人同朋友休閒咁傾計食嘢飲嘢但坐戶外嘅大多數都係吸煙人士如果唔想食二手煙 建議都係坐返室內會比較好室外嘅位置都有十幾個位可以比客人坐 Lunch time同朋友嚟chill下 食下嘢飲嘢傾計Mango yogurt smoothie 評分：👍🏻👍🏻👍🏻👍🏻👍🏻好fresh嘅芒果味 沙冰都打得好夠 有好微冰粒咬下最底仲有芒果醬同食到有芒果蓉 好清新杯面仲有幾片水果同花做襯托 好吸睛Matcha Latte評分：👍🏻👍🏻👍🏻對於抹茶控嚟講呢杯Latte麻麻地 真係好似似緊抹茶粉加水咁 All Day Breakfast 評分：👍🏻👍🏻👍🏻👍🏻👍🏻份量好多 朋友都食唔曬😂😂😂薯餅超脆 係即嗌即炸 外脆內熱仲有兩件炸雞 肉質都好嫩滑唔‘鞋’安格斯牛肉漢堡評分：👍🏻👍🏻👍🏻👍🏻漢堡包係用牛油煎過 好香脆可口 中間嘅蕃茄同生菜好fresh 好爽口薯條亦都係即叫即炸 份量唔算多但足夠牛肉就

呢間酒吧西餐廳下午有親民午餐，價錢相當抵食午餐$68至$168，多款意粉🍝、飯、漢堡包🍔、全日早餐等等，配餐飲。▶️All Day Breakfast $148呢個全日早餐相當豐富，而且入邊嘅嘢都非常啱我食。有牛角包🥐、香腸、香辣雞扒、薯餅、沙律 🥗、粟米 🌽、炒蛋🍳牛角包有兩小件夠熱夠香脆。薯餅、香辣雞扒新鮮炸起。呢個全日早餐份量相當足夠，真係唔錯。▶️茄汁海鮮意大利飯$78雖然價錢唔貴，但係擺盤都有心思。意大利飯夠濕潤，茄汁酸酸地夠開胃。配料有蝦、青口及蜆。呢個價錢來講真係幾抵食！飲品揀咗玫瑰鮮奶咖啡☕️玫瑰味道香、咖啡拉花又靚。仲有啲玫瑰花瓣點綴。另外叫咗蜜桃烏龍茶，一大壺可以慢慢飲。

難得平日放假 係尖沙咀行街睇下聖誕禮物🎁 行到攰去附近食個lunch chill下hea 下餐廳晚上係酒吧🍻 日頭就係cafe ☕️仲有露天茶座 環境好舒服 好有聖誕氣氛🎄-🍳🥐全日早餐 $148包好多款食物 好豐富💖 每款都有兩件 方便同朋友share 黎食😋😋有牛角包、香腸、香辣雞扒、薯餅、沙律、粟米、炒蛋薯餅仲炸到脆卜卜 炒蛋炒得好香滑😋😋 -🍔安格斯牛肉漢堡 $168 漢堡配料豐富😋 好有口感 醬料味道調搭恰當😋😋 牛肉漢堡 好厚身 仲有香煎煙肉 好有咸香味☺️ 配碟嘅沙律落咗柚子汁 好清新😋😋-☕️Hot Cappuccino(+$15）有靚靚用心嘅拉花 加分👍🏻👍🏻😛奶泡打得好細緻 咖啡味道帶少少酸及苦澀 好香濃嘅咖啡☕️ -🍵Hot Matcha Latte $45朋友唔飲啡 飲抹茶拿鐵 同樣好飲 奶香十足 帶有甘甜嘅茶香😋😋-🍽🍴總結 🍽🍴餐廳嘅午餐選擇主要以西式為主 價錢由幾十至百幾元 任君選擇😆 店員服務態度友善☺️ 餐廳環境好舒適 好適合一邊飲啡一邊傾計😚

尖沙咀嘅酒吧餐廳Jagger係開放式嘅設計，有室內外座位，室外座位頗有叢林嘅感覺！加埋聖誕裝飾，真係好好Feel呀！Little Creatures $88Beer Tap有多款生啤選擇，來自澳洲嘅Little Creatures曾經喺香港開過釀酒廠＋餐廳，一直想回味佢哋嘅優質啤酒，嚟到Jagger畀我遇到，實在太好了！凱撒沙律 $88菜葉取其最嫩嘅部份，爽脆可口，唔錯！軟殼蟹南瓜意大利飯 $148軟殼蟹炸得香脆富咸香，十分美味！南瓜意大利飯亦很甜美！煙肉芝士忌廉三色螺絲粉 $128白、黃、綠三色螺絲粉，形狀可以卷實啲汁同埋煙肉，啖啖滋味！

呢間餐廳分別有室外及室內座位！室外座位有啲似外國式悠閒坐住嘆咖啡室☕️室內座位不太多，坐高櫈及高臺，有啲似Bar枱形式都幾舒， 最後揀咗室內高桌高櫈來享受午餐！ 因為接近聖誕節，餐廳好有心思設計裝飾物，令店內增添聖誕氣氛 🤩🎊🌲🌸🌺😇🥳職員態度友善🌟🌟🌟🌟🌟有位女職員好用心去預備飲品及食物的擺放！顏色配合！值得一讚！打卡一流！食物： 簡單嘅餐牌正面及背面食客一定冇選擇困難症！📄📃🔥 冬陰功墨魚麵配炸大蝦 $78平時飲冬陰功湯飲得多，今次係第一次食冬陰功意粉！煮出嚟完全係我嘅口味，加上啲意粉吸曬冬陰功嘅味道，好正呀！辣度都啱曬我！入面仲炸有三隻大🦐🦐🦐卜卜脆，好味道！🍔🍟安格斯牛肉漢堡配薯條 $168一上枱漢堡烘到微脆！見到嚿安格斯牛肉已❤❤眼，肉質厚身，再配埋🥓及🥬🥒🍅咬一口已感到牛肉充滿啖啖肉汁！成個漢堡配搭一流！✌️✌️✌️✌️飲品： Jagger Chocolate🧊🍫🥤$48朱古力味好濃郁！唔會被冰塊用了以沖淡！Cappuccino 🧊＋$15表面呢杯無論顏色及花紋已好吸引， 飲落口充滿著好香嘅咖啡味，而不苦澀！整體這間餐廳的食物、環境及服務都很好！ 有機會再嚟試其他食物及飲品

番工番到好攰，收工想同朋友relax下，就去左k11附近嘅一間叫Jagger嘅餐廳。Jagger有室內同室外嘅位，室外位就再靚d同埋坐得闊落D,所以我地就揀左坐出面。就黎聖誕，所以餐廳都有d聖誕裝飾同埋有個聖誕老人😂坐出面仲有d植物喺後面，好有渡假feel!同朋友食下野傾下計都相當唔錯！食物方面，我非常推介中意濃味嘅朋友揀呢度嘅冬陰功味墨汁意粉，好好味呀！我自己本身好中意冬陰功，估唔到仲可以用黎整意粉，酸酸辣辣，好惹味又開胃。D蝦好大隻，墨汁意粉都好彈牙。成個賣相都靚靚。另外叫左個軟殼蟹南瓜意大利飯，軟殼蟹好香脆可口。呢度嘅野飲都非常多選擇！但我自己本身唔係好飲酒，所以就揀左杯果汁。果汁都好多款式，我揀左呢杯叫air force red, 有士多啤梨、荔枝等等嘅生果，本身有少少驚會有藥水味，但完全唔會，係新鮮生果味。而且夠晒冰涼，好fresh,又唔會太甜🥰

最近有朋友向我推介，話尖沙咀K11附近有間酒吧，食物水準高，而且座位舒適，好適合一班朋友吹水圍爐。今日終於有機會，可以同朋友過嚟，食吓飯吹吓水。店舖位置很易搵，距離地鐵站，都唔駛一分鐘嘅步程。門口有個真人咁高嘅聖誕老人，播住音樂，不停擺動，都幾有節日氣氛嫁。一般出面餐廳，多數都係威靈頓牛肉，但呢度就比較特別，係威靈頓三文魚🐟，外面酥皮，裡面三文魚，原先以為三文魚會好熟，唔滑。點知都處理得唔錯，唔會過熟，中間仲有滑口三文魚，要俾個like.👍而且中間換左魚，食落就一d唔會覺得膩，味道都好夾。呢個轉換配搭，又幾有諗頭。仲有薯蓉蔬菜伴碟添。😋😋😋波士頓龍蝦陪龍蝦汁意粉🌟🌟🌟🌟🌟，十分好味。份量十足。意粉煮得剛剛好，有彈牙口感。💗而且吸晒d龍蝦汁，所以好正。龍蝦當然都彈牙爽口，好味。我仲叫左杯Strawberry Reflection,裡面有士多啤梨，芒黑汁。。。唔記得咁多啦。。。總之，好味啦！😍😍😍下次，會再約朋友嚟呢度食dinner,飲吓酒。

今日去到尖沙咀一間酒吧餐廳…食lunch🤣間餐廳距離地鐵站好近，一出行幾分鐘就到。 佢lunch menu嘅選擇唔係好多，但性價比都幾高。晏晝係無酒飲嘅🚫因為bartender 未返工🤣 不過佢呢度cafe menu已經好多選擇，總有一杯啱你！嘢食就嗌左個食素人士都啱食嘅雜菌意粉🟢係尖沙咀呢個意粉加埋一 $100都唔洗其實真係好抵食，味道亦都非常唔錯✅另一個main就嗌左個all day breakfast 🍳 我特別中意佢個炸雞，好juicy同啲雞肉仲係好滑👍🏻頭先講過佢呢啲嘢飲選擇多，我呢次嗌嘅兩杯都好正🤣 一杯係rose latte 咖啡香港配上淡淡嘅花香味，用黎打卡同飲都一流🤩另一杯係好heavy嘅signature chocolate 🤓 雖然肥左啲，但中意熱朱嘅朋友仔不可錯過！

中午本想隨便食個午餐 ，享受秋日的陽光，🌞 想不到 ，竟然有意外的收穫。 原來這裏的咖啡師技術高超 ，不單止調配出好飲的咖啡， 還會拉出美妙的圖畫， 看到賞心悅目， 嘆為觀止。🤩 我們點了兩個午餐一齊食 ，喜歡咖啡的我們，當然先要兩杯拿鐵 ，製作午餐之時， 咖啡師已完成他的傑作 ，奉上兩杯美妙絕倫的拉花咖啡 。一個姿態美妙的天鵝首先登場， 搖曳的身姿， 輕飄在鱗光閃閃的湖上 ，🏞身邊小小的花草 ，☘️⚘️將我的思緒帶到風光明媚的湖上。 繼而 ，一朵燦爛閃爍的大玫瑰登場， 花瓣的深淺色 ，是要展示她最美麗璀璨的生命。🌹💐 滿滿的一杯咖啡 ，被我的視覺，👀 嗅覺 ，👃味覺👅慢慢吸收 ，成為我生命的一部分 ，在我的身體裏繼續發光發亮， 溫暖我的血液， 照亮我整個下午的行程。🤩💪 精神上的滿足還不足夠 ，還需要充實我們的胃 ，🤤兩份午餐都非常出色 ，安格斯牛肉漢堡包， 香鮮美味 ，配上軟滑的芝士， 新鮮的蕃茄生菜， 還有鮮炸的薯條， 色香味俱全。煙三文魚薄餅 ，夠曬特色 ，薄薄的餅底 ，鋪滿鹹香的煙三文魚， 脆皮薄餅配上充滿omega-3嘅三文魚， 一次過補充 一個星期嘅養分 ，食得安心又開心。

係尖沙咀人來人往既街道都有間咁chill既cafe ☺️🫶🏻 好早上完堂 12點一開門就黎😂餐廳除左有indoor位置 仲有好多植物包圍既outdoor 位😍😍😍 宜家涼涼地坐outdoor 真係幾舒服 仲要無蚊🙏🏻 個人係植物控😂😂😍 Lunch menu有唔同varieties eg 意粉 pizza burger risotto etc 仲有跟野飲跟餐價🤭 種類都好多 香辣蒜蓉蜆肉意粉～ 蜆肉粉量好多😍😍😍同埋好香蒜味 同啖啖都微微香辣 醒神開胃😍 蕃茄仔都好新鮮！ 怕辣既人都唔洗擔心 佢只係小小辣辣地 🤍 ALL DAY BREAKFAST 😍😍😍😍食親cafe 都會叫all day 因為齋睇都好滿足😂😂🫣 有炸薯餅 雞鎚 牛角包 烤豬肉腸 炒蛋 粟米 同沙律 所有野上台都熱辣辣🥰牛角包燒到焦香 好脆口 炒蛋都好滑🥰🥰 同埋要讚讚 大部分款式都有兩件 可以同友人share 😆😆 飲品叫左杯 Jagger Chocolate 同flat white 🤪 !!!!!!! Jagger Chocolate 極驚喜！ On top 加左少少coco粉增加香味～ 成杯勁creamy 勁濃郁

平時同媽咪食中餐多,今晚換下口味,同佢食西餐。餐廳有室內同室外,我哋選擇有大自然feel嘅室外,大大張梳化椅加上攬枕,好舒服！呢度有小食、意粉、扒類同酒類等。特色火焰德國咸豬手係其中一個signature dish 吉列炸生蠔媽咪鍾意食炸蟹鉗,於是點個炸生蠔,佢話生蠔鮮嫩多汁,外面炸粉薄又酥脆…香口。點埋個茄汁醬,豐富味蕾!白酒忌廉汁煮青口青口肥美,肉質吾韌。脆脆多士最啱點美味白酒忌廉汁。特色火焰德國咸豬手服務員撒上可去油膩嘅橙酒,點起火,即時火光熊熊,非常吸引,俾足時間我哋相機食先。燒完後幫我哋拎入去切開,方便進食。燒過嘅豬手,皮更脆口有油香,但吾肥膩,肉質保持軟嫩。冬陰功海蝦墨魚麵墨魚麵酸酸辣辣又煙韌,吾會食到成口烏卒卒。去殼去腸大蝦令人食得輕鬆又享受。見到媽咪滿足嘅樣,下次再試下其他美食先

Jagger酒吧面向赫德道，夜晚係酒吧，晏晝係西餐廳。餐廳有分室內和室外地方，室內有落地玻璃，一邊飲嘢一邊望住出邊嘅植物和街道，都幾有風景。室外部份又係另一個感覺，幾休閒，可以呼吸一下。十一月天氣涼爽，大部份顧客都係坐室外。全日早餐有炒蛋，牛角包，香腸，香辣雞扒，薯餅，沙律，粟米。食物有正常的發揮，薯餅和牛角包香脆，雞蛋和香腸味道不俗。喺街角酒吧嘅環境下食all day，別具歐陸風情☕️冬陰公墨魚麵配炸大蝦有驚喜，睇餐牌以為係湯麵🍜，然後竟然係辣汁炒墨魚汁意粉。好有fusion感覺。賣相OK，幾好食，雖然辣但係都係咁食。三隻炸蝦香脆，配合冬陰功味意粉就已經好好，唔使點醬。Jagger Hot Chocolate 招牌熱朱古力🍫，究竟係有啲咩特別嘅呢？我覺得幾香濃嘅，朱古力奶抱有綿綿嘅感覺，好似食緊棉花糖咁，不過都真係頗甜，叫得熱朱古力都預咗啦。Mix Berry Tea店員細心叫我哋等3分鐘等果茶的味道出嚟先再飲🫖，果茶好香，係天然嘅味道，店舖加咗新鮮生果粒，飲茶會食到粒粒生果。