IKI Teppanyaki Bento (已結業)

呢一輪發夢都想食鐵板燒。係LUNCH TIME，行過覺得非常香，於是就走咗入去。我們被安排坐在吧台位置。作為吧台，尚算闊落，唔會撞到七彩。前菜同沙律冇咩特別，面豉湯唔係好鹹，但飲得出唔係煲既，有D失落。加十元叫咗我最中意既日式蒸蛋，蒸蛋滑溜。朋友叫既牛扒SET先來，牛扒燒得剛好，五成熟左右，很有鑊氣，上面的配汁也恰如其份。唔知係咪因為兩個人SHARE黎食，好似少咗D喎。但我覺得，百五元的牛扒，質素同份量都可以再多Ｄ。然後係我既海鮮SET，帶子同蝦用大大的帆貝盛著，非常漂亮。而魷魚介花後炒熟，不靭有趙口，甚佳！而條魚小如此可憐，真係要多Ｄ囉.....前面既廚師叔叔猛炒猛炒香到暈，唯一係D飯，唔係即炒，最奇怪的係先炒定飯，在你決定要豬肉飯定牛肉飯，佢就「畢」一匙牛／豬肉落D炒飯度....唔係話呢間野難食，不過份量真係少咗Ｄ，同埋個炒飯真係唔係好得，比較懷念K11那家。下次黎睇你會唔會有進步。

未入去, 帶位個個已經面黑黑,落左order, 的野又遲遲未黎, 隔來枱遲過我地來的都上左菜食梗, 吹佢先有, 到上菜又上錯菜, 到真係有得食, 的野又超難食, 成件事錯哂!!!再講點解帶位個男人面黑黑, 如樓上講因為佢地歧視BB車, 但我地一入去就收車, 都面黑黑唔想做生意咁...我地仲搵返佢落單...真笨...我地成餐抱住BB,冇OFFER BB椅比我地, 唯一FEEL到有既SERVICE 係黑豬黎先時,比左碟我地SHARE叫左一個美國安格斯西冷牛扒同黑豬~D 飯唔好食,不論普通飯定炒既都係,OK,普通飯都好少少, 炒既係難食...遲來的牛...普通黑豬...比普通差我個ACCOUNT一路冇開個POST,今次都忍唔到~

母親節前一晚與女友試IKI鐵板燒, 因女友喜歡吃诲鲜, 門外人山人诲在等位, 是附近人氣最旺的食肆, 故等了二十分鐘才能入坐, 可惜不是開放式廚房外的吧檯, 不能直接目到大廚們的製作過程. 美國安格斯西冷牛扒配诲鮮 ($148)我嗜吃牛扒, 女友嗜吃海鮮, 所以這款牛扒诲鮮鐵板大集會便是首選, 先來的是前菜, 沙拉正常, 蘿白留待混入日式抄飯, 味噌湯只是暖暖的, 而且偏鹹了一點.鐵板燒內的海鮮包括帶子, 燒三文魚及大蝦, 當中份量最大的燒三文魚偏乾了小許, 後來加了附上的檸檬计後, 才吃得出味道.五成熟的四件西冷牛扒, 肉计頗豐富, 配上日式甜味醬计及黑椒, 是我甚少的牛扒配搭, 但我仍喜歡西式燒汁的味道. 汁煮活龍蝦半隻 (套餐價$78)龍蝦肉多, 上檯前已被分體, 故肉身容易離殼, 方便進食, 只是影響了賣相, 味僧湯加入雞蛋, 喝時覺得有點鮮味.抄飯熱度夠, 而且香口, 混入女友留下的前菜, 效果更佳.整體是不俗, 播放着重低音的樂曲, 價錢大衆化, 小店地方不大二人檯上也無餘下的空間, 故没有試食牛舌, 希望日後食評笑臉增多一些.

果日六點鐘去沙田新城市廣場底層果個IKI鐵板燒, 當時全鋪得一枱客人, 我話我有bb車可唔可以坐埋一邊唔係卡位果d座位, 佢就安排左個卡位比我, 咁我冇辦法, 咪將個bb放係卡位上面訓囉, 之後佢問我可唔可以泊埋d架車, 我問佢我仲可以點泊架, 卡位梗死左架.....佢叫我摺起架車, 如果我摺左車放邊? 我話我個bb袋又放邊? 咁我個bb訓係邊? 之後佢話我架bb車阻住佢地.... 咁我問佢, 我之前驚阻住你地, 話要最入果個唔係卡位既位你地又唔比, 而家你又話我阻你地, 咁想我點, 全程抱住個bb食飯呀?果餐飯真係食到好谷氣囉.... 再講呀, d野食真係一般囉.........

同老婆試新店, 被"鐡板燒"個名吸引.order左一份海鮮牛肉鐵板燒定食, 同海鮮雞肉鐵板燒定食諗住佢寫deluxe定食, 咁貴, 應該唔會差得去邊. 點知.....先上普通過普通既沙律, 漬物同麵豉湯之後等左一陣, 我留意到D廚師個樣, 冇笑容不特只, 仲好似好攰好辛苦咁...佢個開放式廚房應該係想我地睇下D廚師D技術點樣勁, 但係佢地好似死老豆咁, 勁反效果咯D野食終於黎啦, 開動...點知...先講賣相 (唔好意思, 冇相為証)D炒什菜炒到好似亂葬崗咁隻蝦個頭好大個, 但係身首異處, 執埋一齊之後好似唔係一隻完整既蝦一個帶子殻有兩隻帶子, 即係話比你聽, 個帶子唔係新鮮, 同好大機會個殻會用返另外, 凍...我地發現兩碟野都係凍, 好似煮好之後, hea左好耐先攞出黎咁.枱面杯茶仲熱過D野食...我好懷疑係唔係淨係我地個兩碟先係咁望望周圍個D野食, 碟碟都冇煙出,我可以好肯定咁講, 其他個D野食都係唔熱既..老婆話炒飯一D都唔好食, 酒樓D冇味蛋白炒飯都好食過佢...牛肉冇肉味, 三文魚冇魚味, 慶幸唔係牛肉有魚味唯一可以positive D講下既係個雞肉. D雞皮好脆而唔太油總

原本打算是日泰國餐…oh…看見炒炒炒都唯有放棄，看到鐵板燒反正咁耐冇食就試試了。豚雞肉丼配上定食(有前菜沙律、漬物、味噌湯及飯)，豚肉食落整體感覺像豬頸肉，雞就雞柳佳，因為平日我都幾怕食，慶幸兩者整體處理得宜沒雪味，只係野菜這part調味料撈到很鹹，事後傾返我那定食就沒這問題。飯的質感都係與吉吉家相若，預咗係中國珍珠米。以及對方向我投訴這丼的菜比飯還要多。海鮮帆立貝三文魚鐵板燒$138亦配上定食(有前菜沙律、漬物、味噌湯及飯)。海鮮就係所謂的帆立貝像扇貝有幾粒棉花糖般大的帶子，其餘主要係一隻蝦、一條雞翼般大的三文魚，補充明顯與超巿自購挪威三文魚扒的味道不同，相信都係祖國的了。(這樣的通賬看開點吧！)個飯感覺就同上，普普通通，較硬，不算很粒粒分明，多油份就預咗。燒牛舌一碟三件以串燒形式上菜，單叫就$38﹐配定食叫就$28。侍應問我要幾成熟…因為平日出面食扒我都係medium to rare就答5成半，跟住侍應答其實只有6成或7成揀，基於食飯還有另一位我就選了7成，睇附圖都有少許粉紅，不過咬落算係爽口，若然唔係自己落單知道係牛舌，基本上食落與較嫩口的豬扒無異。錯覺以為牛舌切片才美味，但經旁

難得假期不用番pt，又要食番餐好既對自己好d 諗左一大輪決定食呢間鐵板燒，諗住會好貴又食唔飽，仲諗定飯後個肚仲可以有位食雪糕，點知,,,,,和友人每人一個set定食 & 另+一個特價小食味道一般，鵝肝有點冷了，多士又較硬身 定食來了份量頗多，不是呃人之作，抵!!我的 牛柳粒 定食 友人的 西冷牛+海鮮 定食 最後飽飽咁走 仲食唔到雪糕呀.... 可惡~

had the unagi meal. was awful. unagi didn't taste special at all. had LOTS of bones. the friend noodles was bland and tastless.and it cost over $100! and then to make matters worst. they didn't accept the SHK cash coupon that everyone else in the new town plaza accepts.

剛開業時人不多，質素不錯今次再去，waiter 忙到死咁滯；叫了美國牛肉薄燒，一吃不對勁--為何一回油味？打開牛肉片一看，原來裡面的garlic 片還未炸至乾身，油益加上半硬不脆的口感，失敗極了。是否人太多來不及管理質量？能改善嗎

在沙田做完Gym,又是時候醫肚連城廣場的食店都吃得七七八八,決定往新城市廣場進發行到大會堂的出口,那裡有很多食肆有些如Hip亦已吃過了回頭一望,對面似面開了一間頗新的鐵板燒專門店見不用等位,價錢又大眾化,儘管一試吃壽司店時最喜愛坐着壽司師傅前,今回吃鐵板燒也不例外只見各師傅都正努力的炒,有些在炒海鮮,有些在炒飯看一看餐牌,我和老公仔都立刻找到心頭好美國雞扒定食北海道海蝦定食即叫即炒,夠穫氣雞肉嫩滑而極香口老公仔用燒雞汁來伴飯...味覺一流我的北海道蝦也很不錯雖不是大蝦,但勝在夠新鮮,夠爽口而且加上少許的鐵板燒味,很惹味!其他配菜卻一般湯淡,漬物不吃也罷每人約八十元,以鐵板燒和其質素來說,算是不錯,值得推介!!!

細佬想去試食一下(因之前好多人...等位又新開)我們去到已經9:30..所以唔駛等位我們4個人叫咗3個SET, 跟SET可以用平少許的價錢..食鵝肝或其他小吃。我們叫咗2個鵝肝,1 個燒三文魚頭.另外見用$78可以試龍蝦+龍蝦麵豉湯。如果以$38有2 塊鵝肝仔(4cmX5cm)都唔錯，唔係差架,當然都唔係高級啦..但唔會有食"潤"的感覺$78龍蝦+龍蝦麵豉湯份量唔算多, 但湯好鮮甜,龍蝦都好新鮮。最失望都係其中一個SET我們: 双拼肉, 我會用肉碎來形容唔係唔好食.感覺唔太好, 真係1份錢1份貨！ 另外,1個安格斯牛扒要咗5成熟真係好好食,因為真係5成熟先...但係凍咗..就差D另外,1個係海鮮拼安格斯牛扒,海鮮真係一般, 帶子好"鞋"..三文魚扒又無咩特別肥美(三文魚都係生食好D) 但整體感覺都唔錯

同事成日都話好想試, 今日lunch終於有時間去試下了每人叫左一個set前菜 – 冇咩特別湯 – 好咸好咸, 飲左一口已經有再飲了美國安格斯牛肉 ($78) – 比想像中細碟, d牛肉切得好碎, 入口肉味唔重, 比較肥, 好似食緊肥牛咁, 唔係太理想美國雞扒 ($68) – 呢個比較好, 肉味ok, 唔會好肥, d雞皮都整到脆, 好味道!佢d座位唔係太舒服, 好迫, d waiter好似想你快d食完快d走咁, 成日走嚟問d嘢收得未, 好煩試過一次, 冇下次了!

平日夜晚見好多人排隊食晚飯，今日中午番工前黎試下，原來無 lunch set，都幾貴，而且無夜晚甘多人。自選牛/豬定食 ($88)：牛肉味香濃又肉嫩；豬肉就唔夠鮮味；雜菜炒得野味，份量十足。加拿大三文魚扒定食 ($78)：三文魚肉嫩新鮮，魚味香。鐵板炒日本稻米飯 (轉加 $15)：飯粒本身已有咬口而甜，但炒得唔夠香。鐵板炒麵 (轉加 $18)：比炒飯更差，麵唸身又炒得唔知咩味。早知唔加錢要番稻米白飯應該會更好食。日式上湯燉蛋 ($18)：上湯清甜，燉蛋滑溜溜，好好好味。配菜既日式沙律都幾好味，生菜爽甜，麵鼓湯香濃得黎又唔咸。$120 食 lunch真係貴，食晚飯感覺好似抵食 d。

果然係1分錢1分貨....之前食過d鐵板燒都未試過咁差有同事試過話好食,放工搵地方食飯咪黎試下囉,冇諗過會咁差加左$28轉既3文魚刺身係最正常食得入口呢個麵我冇食過不作評論呢個叫安格斯牛+海鮮定食簡直不知所謂成個盤入面冇1樣野係好食,好似叫左個快餐咁3文魚扒冇味,蝦肉質感怪,帶子肉亦1樣差叫5成熟個安格斯牛扒簡直超超超差添,未試過食叫"安格斯"既牛扒質素係可以咁差勁"鞋"......真係想爆粗....唔知其他話好食既人係散叫先會好食定點啦如果係咁就勁加唔ok啦唉~質素就快餐質素~價錢就唔快餐囉哈

朋友有興趣試一試這間新開的鐵板燒店,那麼上星期五就來這裏,六時二十分已取了飛(六個人是大枱, 我是第二張大枱),知道要等好一陣子,等了一個多小時,門口那位小姐就叫我們啦,但她回覆要分開兩張天各一方枱坐.我好奇問她”這裏沒有大枱嗎? “她回覆有d人未走. ” 我再好奇問她” 你地有冇不停咁”fill in” D 人入去大枱到?" 問左3次” 佢先答”有”我再再好奇問她”咁呢世都唔會有六個人坐一齊既枱啦?” 跟住果位可以攞”禮貎之星金草莓奬”的經理就出現,我同佢講不停咁”fill in”既問題,佢既回覆真叫人驚歎~“ 我地一定要”fill in” D人入去, 唔可以吉咗D枱呀, 做生意唔係咁做既” 我朋友立刻再次重覆同經理講”咁呢世都唔會有六個人坐一齊既枱啦.”然後金草莓經理講了句”佢地唔走都冇計假” 個”假”字都未飛入耳仔,佢就好極速咁轉身走. 佢對客人既解釋同埋不顧一切既轉身,真係冇乜邊間餐廳及得上.最後我等左2個多小時才有位,今天才知道其他餐廳只給我聽甜言蜜語, 今天金草莓經理吿知我這誠實既答案,正如小火龍引述經理所講既一樣,我諗經理只係做個誠實既人,心想甚麼就講咗出黎吧!致於世人