IKI Teppanyaki Bento (已結業)

第一次入去幫襯而經聞到好香鐵板燒香味，我叫了一個安格斯牛扒定食，啲牛好新鮮又冇根，裏面帶些紅色好嫩滑，又叫了一碟瀨户內海蠔，冇渣又肥美，價錢又不貴，香茹飯又香又咬口，好好味，至於豚肉比較鞋，又冇味，白飯未收乾水，好淋但服務差，冇入返水又愛理不理，重要係冇笑容

星期六嘅新城市廣場真的很多人!間間都要排隊真係唔知點算好彩俾我見到哩間新餐廳，明明有好多人圍係出面行近想攞飛的時候竟然即刻有位！哩間餐廳有好多套餐，都係用D聽落幾貴價嘅野做招徠，例如: 鵝肝、龍蝦、蠔、牛扒個D一個餐係2人前，即係唔太歡迎一個人入座噢價錢唔太貴，一個人百零，除左餐之外有好多追加項目，上面講過嘅主食都可以拆開逐樣加炒菜多數人都會食，所以基本上都會比多個個餐嘅錢上菜喇!個樣幾靚架，味道一般啦，唔難食，D飯有白飯、菇飯揀，菇飯其實冇味，唔好食跟同價位的鐵板燒店質素相約，但座位算舒服，服務我覺得冇問題嘅~但未必會再食

咁岩果日去開沙田新城市shopping, 於是決定順便係果度DINNER, 行左一陣, 就決定試下依間IKI Teppaaki Bento,一去到, 門口大約有10人等緊位, 咁我地就拎飛等, 帶位果個服務員真係亂曬龍, 明明我地到先都可以比之後黎既人入座早過我地, 不過都算...最後同佢講佢先醒起SKIP左我地....坐低左之後竟然可以完全冇人理...叫左好耐先有位服務員埋黎落單....但態度真係麻麻...落完單之後坐左5MINS 格黎張台都有人入坐啦, 佢地都落左單, 再等多15MINS...格黎張台D野食黎曬....我果張台仲係得個坐字...果時已經嬲到飛起....叫個服務員埋黎問下點解D 餐咁耐都仲未到..個服務員入去CHECK一輪之後出黎問: "無記錄WO,,,你地落過D咩ORDER?"我嬲到罵左佢2句即時起身走人...一定唔會再有下次!!!

間野d野食其實ok，但係d服務員態度非常差。我下午茶時間去食飯，叫完餐問個黑衫帶眼鏡既員工要兩杯水，佢竟然話下午茶時段無提供，但係我叫既係正價鐵板燒餐;唔夠一分鐘我就見到其他服務員送水比其他枱。咁大間店連杯水都唔比咁孤寒，仲衰過d茶餐廳

改變, 有好有唔好,距離上次幫襯有成個月,IKI 餐牌今次變咗, 變成我唔係咁鍾意.以前跟餐有好多菜的, 椰菜、 冬菇、紅蘿蔔之類, 菜多過肉, 感覺好健康, 但今次發覺炒雜菜要叧外$18一千個 DISLIKE雖然前菜有麵豉湯、醃菜、沙律, 但個沙律份量好細咋.我叫咗黑䐁肉 $58個鐡板就咁擺六塊半肥廋豬肉喺度,既寒酸又沙漠化,燒得過咗火, 燶燶地, 乾硬似柴皮, 而且塊鐡板好多油.我幫老公點了呢個一人份的 Mixed Grill $96點呢個餐的原因, 係佢包括炒雜菜,否則我叫一個安格斯牛柳$78, 加一份雜菜$18, 都要$96而mixed grill 是有多一份天婦羅的,除笨有精, 師奶數口是否好精明呢老公的牛柳要了五成熟,佢話牛肉

平時行開沙田都唔見有呢間餐廳....決定同朋友一齊試下啦....因為見新開....所以都冇乜期望><餐廳入面有吧枱亦有卡坐位, 雖然話係鐡板燒, 但係一D油煙味都冇, 睇黎佢地係抽油煙方面做足了功夫!午餐定食有好多選擇....海陸空都有~~最後叫左呢個牛肉尚算合格, 肉質唔係好硬, 叫左7成熟就真係7成....唔似其他地方...哪幾多成都係一樣樣.....再配以漬物、味噌湯、沙律、炒野菜同磨菇飯....雖然話主角係牛肉, 配菜都可以....不過就是冇乜驚喜~份量岩岩好....女仔都食得哂..偶爾一餐咁樣都幾好~

Thought I would try this restaurant today. Actually was unconsciously avoiding it lest my memories of Japan (teppenyaki) be altered. But, they were not: Japan is still the best place (after Toronto) to enjoy teppenyaki cuisine in. I ordered the 'Canadian' Chicken teppenyaki set (lunch special). The appetizers arrived. The salad was refreshing - if only odd as it tasted like a thousand island vinegarette mix. It also looked like there had been some other salads stacked atop it --which detracted (

叫了兩個套餐，龍蝦細過手板，牛排只有3小件，雞排鞋過過底，帶子縮水，菜多過塊鐵板範圍，但完全吃不飽一個成年人。鐵板廚師太多（6-7人），空閒沒工作。更有傳遞龍蝦的小廚師在玩手機！用三星機紅色機殼的。不知所謂！

食物品質一般，選擇又少。快餐水準，大餐廳價錢。以日式便當來說,太粗劣,少了日式便當的精緻.如果是以鐵板燒來看,又欠了鐵板燒的獨特風味.例如牛肉,鐵板燒的牛柳又好,肉眼又好,用蒜片同牛油在板燒上燒烤,香而不油,加少少海鹽就好好味!但這裡吃的根本冇牛味,又油,又"鞋",所以要加醬汁先食得入口.大XX快餐店既雜扒餐仲好食d.蒜蓉蝦,味道ok. 鮑鱼,根本唔熱...暖暖地....唉!食鐵板燒最緊要即時食.而大眾化的鐵板燒最重要上菜快,d食物唔夠熱就唔係鐵板燒.....要改善....飯又係唔熱,少少暖,好似煮好好耐咁.炒野菜...係油浸菜....對面間乜ka排長龍,呢間仲有位係有原因既.

有日經過沙田見到平平地食鐵板，就入左去依間野食!坐底叫左個鐵板飽魚虎蝦牛扒定食$328 + 龍蝦一客$78飽魚4隻 - 唔太硬都OK 虎蝦4隻 - 唔新鮮...梅梅地 牛扒一件 - 還可以不過太熟 生蠔4隻 - 好鮮味...成餐最好食 龍蝦一隻 - 味道唔錯，都算新鮮 跟一碗飯及一碗炒麵，沙津及前菜睇相好似D野好大件，其實D份量好少，兩個人一定唔夠飽，仲有隻龍蝦D肉其實得4粒....完全唔夠食!

新城市廣場新進餐廳,門面幾好有幾位廚師打理鐵板燒.叫咗二人SET. 簡單一句︰什扒. 有牛雞羊. 牛無牛味唔好食,雞比吉野家的好食少少,羊架幾好.前菜,一般日本餐廳定食質數但飯同炒拉麵都係…無味…..加了個煎三文魚,這個好食,外脆內軟.可能這裏海鮮會比較好食,因為本人不太食海鮮，所以無試蝦/ 龍虾 ... 但這般的價錢VS質素，我個人就一試不返了...

星期天的新城市廣場特別多人,, 想找個位去食Triple O 都冇,,同其他食家一樣,, 見 IKI 有位,, 咁就入左去,,相片就欠奉喇,,order 了兩個套餐 一個 牛柳 另一個 西冷 加多碟 雜菜前菜沙律都幾骨子,, 正正常常無問題,,個麵豉湯都幾好飲,,落得肚雜菜係 OK 架!牛柳 同 西冷 都係要 7 成,,前者就較為好食,, 後者就靭左小小我諗6成會好d~其實唔算貴,, 埋單都係220味道方面,, 佢唔算難食,, 普普通通咁咁ge價錢,, 咁ge味道,, 試下無所謂,, 番食就唔會架喇服務態度亦屬於普普通通,, 唔算話無禮貌,,但係即都唔係話特別有禮貌overall ja 係不過不失咁啦

上幾個星期六去新城市睇戲，3點幾開場，咁我同男朋友就去食晏先。本來諗住食Tripel O，但見呢間日式鐵板燒未食過，啲價錢60-70左右，咁我哋兩個就諗住試一試佢啦！點知...早知食Triple O啦！成層都係食店，唯獨係呢間唔使等位，去到門口同個侍應講兩位啦，佢無應我哋，拎住兩本menu，行咗去最近嗰張二人枱度放低左，我同男友唔知佢嘅意思係咪叫我哋坐嗰張，我哋無郁，跟住佢拎轉頭見我哋仲企响門口，先至話：「呢張丫。」坐低之後，我點咗個黑毛豬（好似＄60左右），男友點咗個西冷（好似＄70幾），我哋都有加廿幾蚊轉做套餐，多個湯、沙律、前菜同飯／烏冬。嗰片黑毛豬嘅厚度只係好似肉片粥啲肉片咁，而且淡而無味，無肉味，無調味，好在有碟汁點下咋... 男友塊西冷尚算可以接受啦，我無試到，但佢話味道一般。我哋用咗大約20-30分鐘食完埋單，嚟收錢嗰位阿姐（望落似高級少少的），又係對客人無禮貌嘅... 埋完單，一句「多謝」都無，收完錢就走開咗 我哋終於知道點解呢間嘢唔使等位喇..........

本來今天心情好好去沙田市中心high tea, 點知入左呢間招呼極差的食店! 最想評論有位歐小姐著黑衫的部長之態度非常差!!我們坐低一張2人枱後見到有張卡位想轉枱點知以上個位女士就黑面問你們想甚樣呀? 我話想轉枱呀。佢即刻望著門口話有食客等緊，們明明見到這些人只是看看餐牌而不是等位! 希望這間餐廳的高層應該管理一下店員的態度..其實食品不算差，但是我們不會再幫襯了..

和媽媽到沙田瀝源邨娛樂城更換回鄉証後，便準備到附近找東西吃，本來是到沙田中心找東西吃，畢竟沙田中心是我成長的地方，（我讀幼稚園時是在沙田住過的），但後來媽媽和我好想吃鐵板燒，而沙田中心是沒有鐵板燒的，所以二人便一直行到沙田新城市廣場，不久，便發現這兒有鐵板燒吃，於是，二人便到此處吃。我叫了：鐵板蒜茸燒大蝦，套餐跟白飯及麵鼓湯，因為我不能吃太多白飯，所以唯有改烏冬－不錯，烏冬好彈牙，大蝦好好味，又有洋蔥絲伴碟，好味！烏冬好好味，不過湯底稍為淡了少許。媽媽叫了：鐵板雜菌燒，套餐跟香菇飯及麵鼓湯－，嘩，ｄ雜菌好好味，我本身好少吃雜菌，但也吃得津津有味！而服務亦不錯啊，每一個人都好好笑容！下一次我會和媽媽再來這兒吃晚飯！