IKI Teppanyaki Bento (已結業)

同男友聖誕節冇咩野做,最近忙緊搬屋D野,去左沙田買左張檯,之後就o係附近到搵d野食。其實我同男友都冇咩覺得今日係聖誕節o既感覺,都係因為我突然間醒起,之後又話想食牛扒,我地先走搵地方食聖誕餐!o個時其實已經6點幾, 我話係就快d,如果唔係晏左好多人!我地諗左陣都唔知去邊度有牛扒食,淨係諗起瀝源有間牛扒之皇...諗諗下citysuper下面好似有幾間西餐,於是就行快兩步過去。去到見到有間做緊2百幾蚊聖誕餐, 拎左位, 之後男友又話過對面再睇下。見到呢間IKI都有牛扒食,仲有鵝肝添喎! 於是乎就算我男友話拎左籌先再睇下第2間都唔肯!!!!話就話等十張位, 但最尾都係等左半個鐘。由於等位呢段時間已經諗左好要食D咩, 一坐低就拿拿臨叫野食!上菜速度都算快，好快已經擺低左香瓜菜, 沙律, 味噌湯。個香瓜菜唔係我杯茶, 我淨係食左我最愛o既黃蘿蔔就俾左男友沙律同味噌湯都係普普通通。我叫左個活龍蝦鵝肝牛扒定食, 本身叫左3成, 因為鐵板上, 不嬲都過再熟多d,點知黎到已經係5成, 偷完男友o個碟o既帶子, 已經變左7成><於是乎同男友塊扒調轉左= =v佢明明叫5成, 都仲生過我, 不

雖然openrice劣評如潮，但都大膽一試！結果：點了鐵板牛柳粒套餐前菜、味噌湯及沙律：冇乜特別！鐵板牛柳粒套餐配香菇飯：牛柳粒分量大多，加入乾蒜及生洋蔥，味道唔錯！香菇飯都可以！可能冇期望，呢個價錢，其實唔太衰！

We got there at 12:45 without a wait (dining tables were full - we agreed to sit at the bar). Soon after, it became a bustling, busy place for lunch - Servers scrambling all over the place and the chefs making smoke in front of the frying plates; the whole scene reminded me of a chinese restaurant on a Sunday morning, very lively. Quite a contrast for those used to quiet, upscale teppanyaki places like Wa San Mai (和三昧). There were three sauces at each table - seafood sauce, meat sauce and spicy

行經沙田被店鋪的香味吸引住就抱住不妨一試嘅心態入去一睇menu 有好多牛，但我同愛人都唔食牛，只好揀燒海鮮啦前菜好迷你，湯同沙律都係普通啦，ok嘅呢個set 有比目魚，魷魚，蝦，帶子同菜總體都係比較無味比目魚都有少少味，煎得幾脆魷魚就好似食緊膠咁帶子太生啦，出奇地一D鮮甜味都冇蝦反而係最甜的，仲有膏添！非常難得！菜又係炒得太生啦呢個set有三文魚，蝦，帶子，雞扒同菜三文魚都ok，幾肥美，唔太乾雞扒就不知所謂，又乾又無味，絕對需要改善怪唔之得有三種醬汁可以自己加啦個辣醬好似xo醬咁，好味道喎晚巿好好生意，見廚師們個個做到冇停手，都真係辛苦曬佢地服務態度ok呀，都有笑容總括咁嘅價錢嘅鐵板燒有齊咁多野食，算係咁啦

我諗因為沙田, 同埋係shopping mall 入面既關係, 呢到好多人.次次行街都見到好多人大排長龍等左15分鐘入去即刻點左個2 個set for 3個人.其中一set 有鮑魚, 牛扒仔,同蝦鮑魚尚算ok, 牛扒仔幾好食, 唔"鞋",蝦我認為唔合格-好乾-殼同d肉係痴實唯一個菜係好食.服務ok. 因為太多人既關係, 佢地都好busy但都仲有笑住落order. 

又係同得意小妹出去搵食的時間, 今日去咗沙田圖書館後到新城巿搵食. 日式鐵板燒? 以前日式鐵板燒係高檔食物, 而家IKI 有SET LUNCH.視乎主菜$50-100不等, 星期一至日都有, 下午茶同類食物價格更便宜.點了兩個SET LUNCH. 加拿大雞扒及豬肉鐵板燒. 可選白飯或香菇飯, 每人有日式涼菜, 小沙律及面鼓湯.加拿大雞扒- 只有4-5小件, 有點酥和”艮”. 是SET中比較便宜的項目, 果然將貨就價.豬肉鐵板燒- 與雜菜炒幾香口,飯: 我寧選白飯, 這裏的白飯好吃.日式涼菜: 我很喜歡, 不是一般貨色, 拌著有油份的鐵板燒和飯一起吃, BALANCE很好.小沙律及面鼓湯: 正常水準.點SET 者可特價點 A LA CARTE MENU, 我們再要了日式涼拌蕃茄及天婦羅日式涼拌蕃茄- 很好吃, 剥了皮的蕃茄, 浸泡在酸甜適中的TARE汁, 是夏日開胃的前菜首選.天婦羅: 抵食有水準, 三十多元有蝦、蕃薯、茄瓜等, 外皮乾身易入口, 熱熱辣辣新鮮奉上, 沾著秘製醬油, 回味無窮.看起來SET份量不多, 但要了前菜小食, 加上麥味濃郁的茶, 邊喝邊吃, 最後剛剛好.

下午行過,見到吾洗等太耐就決定同朋友食左呢間野環境周其他周圍GA餐廳無異,衛生OK,同店員服務都正常反而出事響個餐到叫左個西冷套餐($82)D前菜,SALAD 同湯都係例排野不個D牛肉就一D都吾似西冷排,食落個質素就知神定鬼,脂肪太多. 份量同圖片係差好遠由於吾夠就另外叫左個三文魚扒定食($98),又再一次比佢張圖片呃左。如果佢本身跟番餐牌個SIZE都話值番。置於2個餐食物本身味道都係一般貸式,不要希望太大。 

星期五晚沙田四處都是人龍，拿了幾家店的票，最終未適應港式食物的韓醬夫還是決意在這家用膳。等了很長的時間才安排入座，大概九時吧。太餓的關係，我地立即叫左兩個餐，一個牛排海鮮，一個龍蝦，每餐約200。外加了羊架一件，68蚊。唔洗10分鐘，就有野食，跟餐的沙拉新鮮，菇飯幾香，面寺湯正常。食主菜，牛扒無牛味，帶子不甜且臭腥，三文魚沒味亦沒油香，唯一可取的是蝦，爽口彈牙，但無蝦味，殻亦除不淨。韓醬夫的主菜有龍蝦，龍蝦鮮甜爽趣，是他唯一滿意的食物，其他也是劣評。最糟糕的是羊架，羊架整件上，一切韓醬夫便生氣了，肥得嚇人，只有中間約雞蛋黃大小的肉，其餘都是肥肉。佢即時搵人投訴，奈何打份工的侍應只好連聲sorry ,沒能幫忙。這價錢響沙田不是很貴，但如此用料卻如斯定價，實在過份。食物一個鐵板上，食了四份一已經轉涼，沒了燒烤香。廚師亦不精，用油過量，刀法不佳。連旺角的橫徑小店也比它好，至少用料不俗，廚師製作認真，小件上份量小，也比此大堆頭劣食為佳！

第一次到這裡吃飯，一行四人吃午餐，想看看師傅的手勢所以坐在Bar檯，點了羊牛雞$324套餐,加炒菜,蒸蛋,炒麵,埋單$480。落單時叫Medium，但做出來的羊扒太生，牛扒太熟，最離譜是那塊雞扒，未煎之前已經熟嗮，師傅隨便落板煎一煎，D肉完全沒味道，還號稱什麼安格斯牛，宮城雞... 我未試過吃鐵板燒要自己切肉，師傅煎塊羊扒完全唔切，間餐廳連搵隻碟比我切舊羊扒都無！ 我第一次在鐵板燒見識到什麼是粗製濫造，師傅完全沒用過牛油，全部食物都是多油無味，跟客戶零交流，沒事做就在自己聊天，仲滿口粗口，如果有女友細路記住唔好坐吧台。

叫左個薄燒牛肉卷定食，有沙律、漬物、飯﹨炒麵、雜菜和牛肉卷。沙律有生菜、粟米、蕃茄...酸酸地好開胃。炒飯冇咩味。香菇飯好入味，好有菇味。炒麵唔知點解會有肉桂味。雜菜要快d食因為會出水。牛肉卷好淋，裏面有乾蒜同蔥，好好食，服務都不錯

因為喺呢度見到咁多人俾個「喊」佢，所以忍唔住專登黎幫襯，睇下可唔可以為佢平反。是日十二點多D黎到呢到都仲有位，同附近好似Pokka等等既餐廳滿晒都係等位既人龍大相逕庭！入到去即刻搵左個卡位座低，點知坐低唔夠一分鐘即刻後悔！冷氣出風口設計非常差，幾乎垂直吹落黎咁濟，坐裏面果個食晒所有冷風凍到痴線！Other than that餐廳整體感覺都算唔錯，坐位都非常闊落，位與位之間有唔錯既空間唔會迫到乜咁。抽風方面亦都尚算OK，可能因為商場既要求非常嚴格既關係，所以裏面絕對聞唔到鐵板燒果種燒焦既味道，激讚！Set Lunch方面既價錢非常大眾化，由$50至$80幾不等，仲要包埋前菜、味噌湯同埋白飯添，以沙田既價錢黎講絕對叫做抵食。香瓜菜、沙律︰侍應好快手，order左都冇十分鐘前菜就立刻上碟。香瓜菜口感唔錯，小黃瓜放左芝麻上去，令到整體感覺非常香口。不過，可能因為一早就整定好晒再拎出黎既關係，瓜同埋其多蔬菜表面既水份因為咁而略為收乾水，影響左少少口感。不過，「酸酸味味」既感覺卻非常開胃，正！至於沙律方面只可以算係一般貨式勉強收貨啦。只係沙律醬同埋個汁「眾」晒喺碗底，令到上面既蔬菜口感略為乾身，差

假日行經沙田市中心，見呢間餐廳門外成日排隊等位，想試好耐，咁岩平呢晚7時前，見仲有座，即刻走入去試一試。被安排門口位置，坐得尚算鬆動，可惜門口位，待應行過間中碰到我的坐椅。值得一讚，上址開放式鐵板廚房，抽風系統很好，沒有油煙味!點了一客 二人前大蝦鮑魚蠔配牛柳(可選西冷)，可選白飯或香菇飯。定食餐還有多款其他料理可配，選擇算多。我選了香菇飯，先上沙律、前菜配味噌湯，賣相可以但普通。上菜速度比想像快，未完成沙律、前菜、味噌湯，主角就出場，可惜一嚐大蝦，問一問友人，證實4隻蝦肉質都是"梅" ，扣哂分，蠔就兩大兩小，小的真的超級縮水，牛柳可接受，未見突出，鮑魚係唯一比較好，肉質唔死實，感覺新鮮，無煮過火。 另一問題，份量一般，大食少少的女生都應該唔夠飽，包括我，7分飽左右~ 原本仲加配o左個炒野菜，可惜我差唔多食哂都未上，所以cut o左唔要~ 總括而言，試完呢次鐵板定食，唔會再幫襯，因為200左右一個人，食o既蝦會"梅"，份量又唔夠，仲有少少用鐵板上o既快餐感覺，唔值俾呢個價，未試過o既朋友，真的唔推介試~

近這兩個月以來，都會間歇性地來到沙田，來多了沙田，少不免可以吃到不同的菜式。今趟又是來到新城市廣場，也就是在這裡開餐，順便就返公司好了。上一次來到新城市，就已經發現 IKI Teppanyaki Bento，可是沒有進去開餐，原因是評價不甚如意，但是本著試試看心態，就入內吃一餐咁多吧！而在下坐在吧枱，可以非常接近鐵板廚房，清楚看著師傅拿著鏟子在鐵板炒菜和煎肉，或者都會令在下有點高興的。一直以來，teppanyaki 性價比都頗高的，但是見這裡午餐都算便宜，從午餐牌中都只是一百個大洋都有交易，也許午餐較晚餐便宜。在下的午餐先來前菜，前菜有沙律和黃蘿蔔等，而黃蘿蔔及紫色椰菜都是偏少的，味道中規中矩，沒有甚殷味道，而沙律都是一般而言。而味噌湯則較為偏淡，而與昨天的大葉相比有明顯的落差，大葉的味噌已經不夠味，但是 IKI 的就更淡得多呢！幾乎接近是無味的味噌。汁燒加拿大白雞扒配香菇飯 雞扒是否從加拿大而來就不得而知，但見到份量十分之少，只有六件，比在下預期的還是有極大的落差，幸好在下並非大食之人，否則一定不夠的。雞皮煎得香脆，但雞肉卻煎得較硬，而且沒有太多肉汁在內，欠缺了嫩滑感覺，雞件亦有煎燶

午飯時段一位難求，坐上了吧檯。多款自選套餐配麵豉湯及青瓜沙律。(加10元可升級蜆肉麵豉湯，加28元升級三文魚刺身(三小片薄切)青瓜沙律。點了主菜其中三款：鮮鮑魚牛柳配日本菇，鮑魚爽口彈牙，牛柳淋，有肉汁、鐵板牛油大蝦四隻，吃急凍味，過熟、黑椒牛扒。五成熟夠熱，肉香味濃。可配香菇飯，白米飯。加10元轉湯烏冬，加15元轉雜菜炒飯。配各式餐飲，試了柚子蜜。低糖，很對味。餐選多元零活夠彈性。欣賞主廚輕鬆煮，兩三下手勢就把食材完美奉上。鄰近商場大型洗手間，另設兒童獨立洗手間、育嬰室。環境光潔衛生。

睇見門口咁多人排隊，貌似幾好食咁見到成三百幾四百蚊，以為質素有保證牛肉:普通，唔係想像中既入口即溶龍蝦不新鮮不彈牙,仲少得離譜鵝肝好，食過咁多次呢間最難食,細件到阿媽都唔認得帶子另外仲有叫左蟹又係唔新鮮食完就好似冇食過成間餐廳最好都係杯茶同碗飯XD