IKI Teppanyaki Bento (已結業)

不是第一次去，感覺OK，所以再試。星期六中午十二時半，不用等位。一行三人，各點了不同的午餐，分別為牛肉薄燒、燒大蝦及黑豚肉套餐，配三文魚刺身沙律及麵鼓蜆湯。牛肉不錯，合格水平，而炸蒜片超水準的香；燒大蝦有四隻，蒜香味足，蝦身肉爽；黑豚肉一般，味道較淡，但汁不錯；白飯與香菇飯，價格一樣，水準也好，個人喜歡香菇飯；整體不錯，水平中級，在以此商場而言，餐費280元/三人，可以接受，不貴；美中不足，是服務員的水平不到位，應是培訓不足。

同老公吃晚飯, 是被以下的門口餐牌吸引著, 而選擇了這間~這店提供不同的汁醬, 配不同的食物~任何鐵板燒跟餐, 都會有湯, 沙律及蘿蔔漬~ 麵豉湯: 還可以~沙律: 感覺味千拉麵的沙律比這個還要好~ 蘿蔔漬: 蘿蔔漬沒什麼問題, 但有一條是芝蔴牛膀, 就如嚼乾柴~ 廚師不停手地炒炒炒, 煎煎煎~牛肉卷: 據MENU是有分和牛卷及安格斯牛肉卷, 價錢當然和牛貴很多, 所以點了安格斯, 牛肉卷偏乾, 又不知內裡卷了什麼, 似是卷著有汁的蒜蓉/雜菜, 如不點汁料, 其實是沒什麼味道~ 反而伴碟的雜菜吸了汁, 用來餸飯仲好味過主角~ 墨魚: 爽口, 但冇味~ 雪魚: 皮香, 肉嫩~帶子: 外香, 內軟, 都幾厚身~ 蝦: 蝦肉都算爽口彈牙~炒飯: 還有些飯是一舊舊, 未炒至鬆開, 而且冇味, 要靠煎香了的蒜片來調味, 加上了蘿蔔漬或有汁的雜菜來餸飯比較好些~牛肝菌: 上下兩面都煎香了, 內裡還算JUICY, 但沒什麼味道~鵝肝: 外脆, 內軟, 但好像不夠熱, 也沒有入口即溶感覺~價錢雖不價, 但質數就真係麻麻地, 不是十分差, 但真是試一次便夠了............

這天獨自一人去午餐，在新城市亂逛逛最後選了這間鐵板燒。點了一客美國安格斯西冷定食($72)這是前菜，沙律正常不特別，味噌湯微暖。主菜西冷上檯了。雖然我是坐吧檯的，不過因為我一直在把玩手機所以完全沒留意到西冷是否我面前的師傅燒的！(只是其後才看到他燒了幾份西冷及豬排，手勢不俗的)溫度夠熱，我要了5成熟也就真的剛好，肉色鮮嫩，入口有肉香配上鐵板燒肉汁來伴飯真的很美味！有白飯及冬菇飯可供選擇，我當然選了後者。冬菇香很重，飯則也較黏稠，把一整碗KO都不是問題。未看食評之前連埋今次在這裡試過一次晚飯, 兩次午餐, 一直都覺得這裡不錯, 卻沒想到原來有這麼多的負面評價(都是集中在食物比較凍或未熟)我吃過的三次當中, 幸運地完全沒有遇過這樣的問題! 反而與同行的人都感覺良好, 不然都不會一來再來, 也許是店的質素不穩定又或許我們比較幸運了吧!

昨晚經過沙田新城市廣場, 發現有間新的鐵板燒, 想想已有一段時間沒有吃鐵板燒, 所以便試試, 但非常之失望. 我選擇坐吧枱, 可以欣賞廚師的技術, 我點的是龍蝦帶子餐再加一份鮑魚. 但我發覺除了帶子鵝肝及牛肉外, 所有的食物都是預先煮熟, 只是在鐵板上加熱, 所以影響了食物的鮮味, 另因廚師是把所有食物加熱後一起上菜, 所以上菜時已有部份食物凍了, 令味道更難食, 以下是對每樣食物的個別評語 : 1. 龍蝦 : 因已預先煮熟, 所以令鮮味大減, 調味還可以.2. 帶子 : 肉質可以, 但凍了.3. 鵝肝 : 因凍了, 所以只吃到一口油, 完全沒有香味.4. 牛肉 : 薄切, 牛肉質地可以, 但調味及煮法均不合格.5. 鮑魚 : 可能廚師覺得已經預先煮熟, 所以加熱的時間不足, 鮑魚中間部份還是凍的.6. 白飯 : 用的是下價國產珍珠米, 所以沒有粘度及米香.

同家人普普通通食個飯，見佢無限入坐時間又幾好就坐低左。叫左個澳洲牛扒2人餐 $298個隻。食才ok比預期好食！牛扒肉質好軟！虎蝦，鮮鮑魚仔都新鮮！都算抵食服務方面都算系甘。我地餐個叫左炒麵，單系個麵就凍同埋乾… 同waiter講完好快就換左個炒飯。個飯就幾好食，所以都吾會扣分。有問題肯立即更換既話，我覺得都合理。

忽然好想食鐡板燒,原來沙田都有海鮮好新鮮,蝦非常好彈牙非常,極之好味,好有牛肉味真係非常好味,一定會再去

星期六中午，同朋友到沙田新城市广場地下間IKI鐵板燒專門店食午歺(首次) ，就order 左 一份黑豚肉及一份安格斯牛肉鐵板燒定食，先黎D湯、漬物及沙律，D湯一飲係暖嘅，都覺得怪怪地點會係咁架 ！算啦咪唔飲囉！見到D漬物及沙律賣相認真唔掂，又算啦！咪唔要囉!冇食比番佢。後來都等左20-30幾分鐘D食物先到，一睇比佢嚇襯，D黑豚肉好似冇燒過，仲好似擺左好耐咁，(有點介心)咬一啖試吓先，嘩！！D肉唔熱，最差就係D肉仲係粉紅色呀(附相片)！唔係呱？大佬點會唔熟？仲係生架！點食呀！跟住咪即刻call佢D着黒色衫嘅高級職員投訴囉，她都好醒目(可能成日發生) ，即刻話更換番，我地都唔敢再要番黑豚肉啦，咪轉左份三文魚囉(唔熟都冇敢驚)期後我地唯有食安格斯牛肉啦，真係服左佢，D牛肉十成熟，超靱，不過一樣係唔熱，我地都費事再投訴。又要等左一陣, D三文魚都终於攞黎, D魚只係煎得一面,另一面好似冇煎過，佢地保持作風，魚都係暖暖地，好野!!!真唔明白點解鐵板燒D食物會唔熱甚至仲係生嘅,有冇心去做呢?既然D食物咁嘅質素,又點解要人客得咁耐?

下午將近6時才拜完山，從寶褔山行到最近最多食肆的新城市廣場吃晚飯，在找尋幫襯那間時，焯焯給IKI門口的海鮮鐵板燒招牌吸引，不用等位，於是入內。這間似主打海鮮和安格斯牛扒的日式鐵板燒西餐，沒有賣弄花巧之作，甚至沒有白汁或咖哩汁之類調味，90%以上的食物都是鐵板燒，入口少許鹹味或無味，真是豬有豬味魚有魚味，除了前菜的酸味沙律和醃蘿蔔，如嫌不夠味，枱上有一個調味架，放了4款調味汁，自己調配la，調味汁中有一款辣醬，以為有點刺激，原來一點辣也沒有。要7成熟的西冷放在鐵板上到來已9成熟，但那塊鐵板其實是不熱的，西冷沒有油脂亦不韌，海鮮有三文魚、鮑魚、蠔、大蝦和帶子，各樣算新鮮，否則在無任何調味下煮出來會很腥。冬菇片飯反而比肉類有點味，但一小碗份量少些。炒麵比較多油，肉碎又多，上加木魚絲，一如飯般凍。那隻小小小龍蝦最令我失望，全長約5吋，大半是無肉的頭，龍蝦肉起出2小件，細件到似中型棉花糖，一啖吞下肚，唔該$68，仲話原價要$98，唯一稱讚的是蝦，大隻又爽口。整體食物味道平淡不熱，廚師功夫欠奉，可喜是食物質素不差，但價錢略貴。結帳時近8pm，門口已有很多人等位，原因是選址在假日人來人往的商場和是唯

醬油多款跟餐加$38，雖然有根，但都好食！湯及沙律都ok主菜材料樣樣新鮮，真係喜出望外！一份set有唔同類型食品，滿足到貪心嘅人。個飯裡面d牛肉都有肉味，好好食！我諗係新店緣故，所以d水準真係好好。但講真，其實唔算平囉，普通一餐算貴喎！

唔講唔知，係沙田住～都唔知開左一間鐵板燒先講講門面～好迫ｄ台排得好密，真係肥ｄ都攝唔到入去坐．等位就唔使好耐，但佢地ｄ面口唔多好我地order左一個2人set, 咩都有d咁啦~但價錢相對比出面食鐵板燒係平d ge！所以我地都冇話有太大期望，至在一試不過我又幾鍾意佢個香菇飯至於個主菜我只覺得生豪好食咋．．．包括有西冷牛,鮑魚仔,中蝦同生豪~朋友食左一舊西冷牛．有根ge唔好食!總括黎講可以一試，但食過的話再提不起勁試了

上星期五早上O係公司坐坐下... 老闆話 "WING~不如同你去沙田食LUNCH"...就係咁，我地又去左搵食喇...今日想食日本野... 見倒哩間鐵板燒無咩人就入左去... 因為唔洗同人迫丫嘛...我地坐O係鐵板燒爐面前... 正常黎講佢一燒起~遞俾我地~即食~應該係熱既...但係我地一放入口... 一上碟就變暖既鐵板燒你食過未??鐵板燒暖既... 味噌湯係暖都不如... 老闆忍唔住同左STAFF講... 換黎一碗熱既... 大概係放入微波爐叮一叮...我地加10蚊有個稻庭烏冬... 一D都唔彈牙之餘... 碗烏冬又係暖既...咩都係暖... 冇下次啦~

沙田一向難搵食，超多人，呢間iki就要等位15分鐘，算快。環境比較嘈，坐吧枱可以睇住師夫燒嘢食，日式裝潢好舒服，餐具好有和風味道，連張墊枱餐紙都係靚紙。我order咗個西冷牛扒，要六成熟，一陣就有得食，賣相唔差，本身跟餐有日式沙律、麵豉湯，仲有炒飯或炒麵，味道唔錯；睇番主菜西冷牛扒，一睇就要“嘩, well done”！唔係話佢整得好食，係未食就見到九成至十成熟既牛扒，唔掂，即刻同店員講，佢地主動換比我，態度殷勤，我心諗可能個廚師太忙，所以over-cooked。換咗一份六成熟既比我，賣相一流，一食落口，又要“嘩”，凍食鐵板燒牛扒，夠創新，但唔好食，牛扒未解凍，燒出嚟一定係中間凍，四邊熟，反而牛扒周遭既炒菜就好好食，又熱又夠新鮮!結論係我想落廚整番一份西冷比個廚師食，可能佢有更多啟發。

每次去到沙田搵野食時就係最煩惱嘅時候，沙田真係好聚人，全日都人山人海，所以有d食店雖然唔好味都可以生存，"IKI"就係一個例子，果日好彩只係食lunch如果唔係仲慶＞＜黑豚扒 - 凍嘅，嘜唔係鐵板燒黎咩？點解上到枱係凍嘅！（死罪）活鰻魚 - 好腥，咩叫活鰻魚？（一d都唔新鮮，名不符實）加$22.-先至有湯稻庭烏冬味道OK不過好細碗、沙侓（非常普通）、前菜（非常普通）、及味噌湯（最愕然係只用水開嘅都可以係暖暖地，感覺佢地無heart囉！）加$15.-先至有香菇飯味道OK，沙侓、前菜及味噌湯（同上面描述一樣la)不包飲品要加$8.-至有得飲，不過唔係完全無好野，個人認為全店最好野就係辣醬幾好味架，真吹脹！

第一次同太太去試,因在下午5點已到達.所以去問可否訂位,一男子身穿全黑制服看似經理人仕出來接待.問及可否訂位?回覆是不設訂位.於是問可否先領號碼籌,之後才回來進餐?此人不禮貌地回應:如果可先比號碼籌,同訂位有咩分別呀!態度之差,從未見過.到下午6點,說服了太太到來進餐,希望食品可能好食呢!當時,有三張卡位,於是要求可否坐卡位.這位似經理的男人回應:不可以,卡位只供應比4人坐.兩人只可坐二人枱或BAR枱.我們坐在二人枱中.叫了一份漢堡餐,一份三文魚安格斯牛排海鮮餐,要求5成熟.其中將海鮮餐之白飯昇級做鐵板炒飯,再加配汁煮波士頓龍蝦.前菜還可以.漢堡餐好一般,白飯話是珍珠飯,同白飯冇分別.鐵板炒飯,冇特別.比一般西炒飯差,不試也吧.汁著波士頓龍蝦,龍蝦冇味,湯好咸.最後先來,三文魚安格斯牛排海鮮餐,枱已經冇位放,WAITER不理一切,是但有位就放下,不會 理會你感受.情形似大排擋一樣.5成熟的安格斯牛排,足有8成熟,又細塊,好硬.三文魚煎得好聲,其他海鮮完全冇味,只是隻蝦有D味.個汁好甜.如有糖尿病,請勿嚐試.此店話是日本人開,我就唔多覺似日本人的要求和質素啦!價錢與質素完全不相符!

睇左飲食乜乜所謂推介，又中計！一入舖頭，帶位果個已經無乜笑容，見卡位有，指明坐，好不願意俾我地坐。見到班侍應好似遊魂咁，連D著西裝都一樣，通常呢D食店都唔會好得去邊。鐵板位果幾位哥哥仔流水作業，無厘神氣。果然，好彩叫左Set lunch，完全不及格，淡而無味，主菜牛肉卷過熟，至難係炒飯，咁粉，日本飯都幾難整到咁，唔怪得十枱有九枱都食剩，我都食兩啖頂唔緊。唯一讚係杯檸荼，夠多Lemon。呢D餐店裝修靚一靚，但管理及出品咁差，浪費晒，比D誠意好無，唔係掛個日本乜日本物，就想做長龍店，好快被淘汰！