i kitchen (已結業)

每次去觀塘食飯都唔怕搵唔到好野食，因為近年來觀塘工廈真係開左好多餐廳，今次同美女去左 @ikitchenhk 食飯，入到去又幾有格調，好似酒吧餐廳咁，主打西式食物～我地點左一份set dinner同散叫其他! 一份set dinner有一個主菜、頭盤、餐湯、甜品同飲品，性價比唔錯啊!!:..🥩香煎厚切鵝肝伴紐西蘭牛柳 (set)Pan-fried Thick Sliced Gooseliver w/ N.Z. Beef Tenderloin真係要讚下件鵝肝煎得好香!! 食落去係入口即融!! 好好味!! 完美💯 牛柳肉質嫩，配埋醬汁好不錯! 擺盤都好靚呢!!..🦞芝士海膽醬焗龍蝦(半隻)伴龍蝦汁天使麵 Capellini in Lobster Sauce w/ baked lobster (half pc)呢碟天使麵賣相好靚啊!! 大大隻半邊龍蝦～好多調味料，味道比較濃~ 而天使麵吸收哂醬汁好juicy好惹味😋..🥧海膽忌廉海鮮撻Urchin Seafood Tart呢個幾得意! 一咬落去，撻皮脆，裡面有沙津醬咁包住大蝦，好爽!! 幾fresh!!..🫕蘑菇湯 Mushroom Soup

/ /浪漫之夜🌹觀塘西式餐廳今日去開觀塘，見到呢間好有特色仲有蠟燭🕯️好浪漫💕香煎厚切鵝肝伴紐西蘭牛柳 $208牛柳好重牛味，超多肉汁好juicy食落好淋，叫咗三成熟，煎得啱啱好！仲有鵝肝嘅油香😍鵝肝外脆內軟，入口好滑輕煎北海道刺身帶子黑松露意粉🍝 $128呢個意粉好creamy😍不過如果再重啲黑松露味就好啲帶子都煎得啱啱好，唔會太熟仲可以加$58轉套餐🍮海膽忌廉海鮮撻其實係為咗試呢個先加個套餐！好特別，食物酸酸地，味道好好食中間仲有蝦同帶子，撻皮好脆廚師餐湯甘筍湯🍲開胃之選是日甜品🍵綠茶紅豆慕絲蛋糕呢個蛋糕有三層，最底層係海綿蛋糕中層有紅豆，上層有綠茶慕絲盡量會好甜，細細件啱啱好☺️

放假同朋友去咗觀塘嘅工廠大廈食個lunch，午餐佢有兩個Menu，我哋揀咗兩個套餐。 🍽香煎厚切鵝肝、牛肝菌意大利飯 $118 🍽厚切美國黑安格斯肉眼 $158 ☕️洋甘菊紅茶 ☕️伯爵紅茶 跟餐有湯或沙律揀，呢間啲嘢食幾精緻，兩個餐都真係幾厚切，味道方面唔錯，鵝肝係幾香濃，肉眼扒亦唔會韌。佢哋有甜品，甜品上嘅伴碟手工做得幾靚🍮，雖然細細粒但有香濃嘅朱古力味。整體來講分量唔算好多，啱啱好。 不過可能晏咗少少食，有啲餐已經冇，飯又冇哂要轉食薯菜，飲品方面佢哋特色嘅茶飲都冇，我哋就叫咗同兩杯熱紅茶，提提大家佢哋而家3:30就收工，所以我哋都食得有啲趕😅。 📍i kitchen - 觀塘冠力工業大廈201室 @ikitchenhk 📮Follow @fm.feed ➡ to discover more appetizing foods

情人節，又是年初三，中午訂了位和相識多年的好友共度此十九年一遇的日子。網上訂座非常方便，而且還有全單八折，超值！是日有情人節套餐，亦有平常的午餐。為了均衡的營養，我們叫了含豐富蛋白質的紐西蘭牛柳配厚切鵝肝，又有含澱粉質的帶子意粉，配上餐湯或沙律，在微微的陽光旁享受著寧靜的節日。牛柳煎得稍熟了一點，不過味道不錯，肉質和牛味也算好，原味或配上燒汁吃也同樣美味。原切鵝肝有一厘米厚，有油香之餘又不太肥膩，間中放縰一下也是需要的。意粉煮得恰到好處，不太軟不太硬，配上濃滑的忌廉磨菇松露汁，上有三隻北海道帶子，整體配合得很好。侍應的服務也很好，經常添水，又提供碟給我們分吃。叫另加的甜品時也清楚説明今天的雪葩是半個迷你西瓜的款式。

之前睇過食評知道觀塘工業區大廈裏頭有間食西餐好出色，而且鋸扒一流嘅餐廳叫i Kitchen，就相約朋友去試下。今次主菜order咗鵝肝伴紐西蘭牛柳配什菜，同埋厚切黑安格斯肉眼跟飯。首先先黎餐湯，係甘筍忌廉湯，甘筍味超濃郁而且有少少咬口，有d甘筍蓉喺入面，湯加咗忌廉特別滑，好味。厚切黑安格斯肉眼扒超大塊超厚身，一切開d肉汁滲曬出嚟，而且廚師煮得外脆內軟，出面煎得好香口鎖住入面肉汁。而鵝肝伴紐西蘭牛柳嘅鵝肝真係真係好厚身絕對值得推介，鍾意食鵝肝嘅朋友一定唔可以錯過，煎得恰到好處，最緊要鵝肝夠肥美香口，紐西蘭牛柳就比較林，點埋佢哋嘅秘製醬汁食又係食到停唔到口。下次我想鋸扒一定會再約朋友黎I Kitchen。

今天難得放假，約了久久未見的好友來到觀塘一聚，他推介i kitchen 的環境不錯，又有大玻璃，邊吃邊欣賞街外景色，舒服❤️甘荀湯❤️Juicy ! 黑豚豬肉眼配意大利黑醋黑豚豬肉眼，帶點脂肪，切下時油脂四溢，啖啖肉。雖然不是厚切，但我覺得份量也不錯。我選了配雜菜，健康一點。雜菜有西蘭花、椰菜等等，算是健康輕怡之選。(忘記拍😆，心急吃，哈哈）若大吃一點，不妨點個飯🤣厚切安格斯肉眼 朋友今次來又再點安格斯肉眼，是厚切呢！他點的七成熟，果然是剛剛好，牛魔王的他表示滿意❤️甜品小小的慕絲甜品，很不錯🎈

平日食西餐都要刻意去上環中環等地方食，原來觀塘工業區都有驚喜，晤係朋友介紹都唔知添😅！剛好過了午餐時間先去食，所以人流唔多😊，不用等位！整體環境都不錯，座位闊落，都幾舒服😌！烤美國豬柳配香橙燒汁 $88 豬柳低脂，烤焗完肉質仍鮮嫩多汁和柔軟👍🏻👍🏻 加上香橙和燒汁，更能中和膩的感覺，多吃也不覺飽滯！香煎厚切鵝肝配焦糖蘋果$128一切開嫩滑的鵝肝，油脂滲出沾上意大利黑醋 😋😋，一放入口濃郁鮮美，配上焦糖蘋果，爽口帶微甜，絕配👍🏻👍🏻！套餐包括餐湯/田園沙律，甜品和飲品！

前幾日佢食咗一個早嘅晚餐，去左呢間試下佢啲西餐。 環境都算闊落，同埋入邊環境係比較陰暗，你適合傾偈。首先我哋叫咗一個黑松露野菌湯，好creamy好濃郁，裏面有好多打碎左嘅蘑菇蓉，同埋好濃烈嘅黑松露味，真心推介，一啲都唔係罐頭貨。跟住就叫咗一個托托蜆天使麵，配上呢一個青醬，我本身就唔係太鍾意食青醬嘅，但係佢呢一個意粉個青醬味道剛剛好唔會太過重手， 因為我覺得太濃一浸草青味，但係佢呢一個味道就啱啱好，亦唔會遮蓋左本身個蜆或者意粉嘅味道。當然個蜆亦都好新鮮同鮮甜， 好大隻。而另外我哋亦都叫咗一個鵝肝惹菌意大利飯，個鵝肝好厚身，火候剛剛好，唔會煎到個鵝肝溶晒， 個意大利飯睇落個樣好似好普通咁樣，但係就好香牛油味，同埋佢唔會煮到個飯好林，有返傳統意大利飯嗰種嘅口感，同埋識落唔會感覺好肥膩。最後就叫咗呢一個心太軟， 有啲餐廳裏面都焗到熟曬， 呢個當然冇啦， 裏面仲係好流心，換埋個雲呢拿雪糕一冷一熱， 就完結嗰一餐飯。整體來講一餐飯真係冇乜可以挑剔，可能賣相就簡單啲，但係可以睇得出廚師係好用心機去煮，完全係未到反映晒出嚟， 下一餐高水準嘅西餐。

觀塘不嬲出名工廈尋寶，好不容易約到朋友時間，就係openrice度搵咗呢間有得book枱嘅西餐廳。事前已經上網睇過相，好多人都點咗有樣我一直都好想食完再食嘅野，就更加期待了。去到嗰日book咗12:30（5分鐘留位時間），先發覺未去過嘅就算有google map都要問路，佢就喺2間找換店中間的停車場入口位，要身份證登記先上到去，如果唔係成日來呢區的都有啲難搵。因為人哋12點先開門，基本入到去得我哋呢枱，一眼望曬，如果夜晚黎食埋氣氛的話，仲正啦 !睇下個餐牌先…叫左餐冇幾耐，頭盤就上嚟啦，朋友點的湯送到上枱已經聞到就好濃的香味，比起我點的沙律明顯吸引好多，配兩條餅乾，但個人覺得還是小麵包更好。而我的沙律有數片薄芝士，加上黑醋都幾開胃。餐廳上菜嘅時間抓得不錯，前菜食完冇耐就上主菜，終於到期待已久嘅主角出場啦！先講我的主菜--輕煎北海道刺身帶子黑松露意大利飯($98)，本身鍾意腍少少的意大利飯，呢個未夠腍同埋太濃太杰身。雖然細細地一個飯，但食到一半多啲已經要飲水...好彩有我最鍾意食的輕煎帶子刺身救番，口感一流！！好想瘋狂encore！！朋友叫的--香煎厚切鵝肝,牛肝菌意大利飯($118)亦

早前仲有得堂食既時候，同朋友去左觀塘既I kitchen 食西餐。Menu 有唔少選擇，我地叫左兩個主菜，另外再加$58就可以有餐湯，飲品，前菜。前菜係海鮮Tart, 有鮮蝦，味道十分好，餅底都濕潤。餐湯係紫薯湯，味道濃郁，食到啖啖紫薯容。香煎深海雪花爐魚配菠菜支豆意大利飯$170份量十足，意大利飯很creamy及有口感。爐魚煎得香口，已有調味。芝士海膽醬焗龍蝦半隻配龍蝦汁天使面$170龍蝦很新鮮，加左芝士同海膽醬更加惹味，天使面亦很掛汁。仲有飲品甜品。

一直都知道觀塘好多樓上Cafe好出色今日去開觀塘做嘢 就一定要試吓啦我哋揀咗一份牛扒同黑松露帶子意大利飯兩份都加咗錢轉做setset 會包早餐湯前菜甜品飲品前菜係海鮮撻 牛油皮包住新鮮嘅蝦 仲有酸酸地嘅汁 真係令我哋胃口大開我哋仲叫咗一份黑松露薯條 幾十蚊嘅價錢就有一大兜 食到最後都食唔晒牛扒叫咗五成熟 煎到啱啱好唔會太散之餘又肉汁鮮嫩至於黑松露帶子意大利飯 帶子大大粒 配埋黑松露 真係好夾 最後甜品係芝麻芝士蛋糕 食完呢餐真係好滿足

之前聽舊同事講呢間餐廳唔錯，所以今晚同我的他嚟試吓☺️嚟到工業大廈，入到餐廳係另一個世界，裝修簡約舒適☺️似回到家有溫馨的擺設🧸本來諗住點2款主菜加甜品，原來加$58可以轉餐，包括餐湯、前菜、甜品同飲品，都幾好喎，一於轉餐啦😝餐湯係紫薯湯，我自己未試過，湯上到枱，好香紫薯味喎！夠熱，甜甜哋都幾得意，係值得試的👍海膽忌廉海鮮撻。面層係酸酸的泡泡，空氣感滿滿，小小的盒內有乾坤，有蝦、帶子同海膽忌廉汁，又香又好味，牛油皮嘅盒脆脆的，成件事非常匹配，好開胃啊😍香煎厚切鵝肝伴紐西蘭牛柳$208。主菜到了！嘩！我最愛嘅鵝肝真係厚切㗎😍仲有2件牛柳，牛柳嘅特點係比較腍、無渣，餐廳完全做到喎，我都係一貫點5成熟，因為鍾意茹毛飲血嘅感覺🤣餐廳嘅牛柳牛味香濃，鵝肝煎到脆脆，內裡好香滑，正啊🤤燒日本水飼豬豚腩肉配蜜糖芥末醬$148。呢款主菜令我哋好驚喜！一切之下，非常非常腍，一絲絲嘅豚腩好易分開，因為係腩肉，所以中間係隔沙肥膏，肥膏同豬肉係一層一層咁隔開😍😍😍但食落半點不膩！仲有啲汁襯埋個豬腩肉，好有梅菜扣肉feel🤣🤣🤣但呢款主菜真係整得好好味😋仲有一樣要讚，餐廳整碟邊嘅配菜都好有心機，整到幾配菜個樣靚靚咁👍

餐廳在工廈內，電梯門一出轉左便到，已經有聖誕佈置，很有氣氛，餐廳的座位寬敞，枱與枱之間的距離較遠，感覺安全。我們點了兩款主菜，加$58升級為套餐，有湯、飲品及甜品。.是日餐湯- 甘筍湯湯充滿了甘筍味道，湯比較稠，綿綿的，充滿了甘筍蓉，少少粒粒有些口感，加入忌廉更加滑溜。頭盤- 海膽忌廉海鮮撻上面是帶有酸味的泡沫，吃起來幾有趣，泡沫下面有帶子仔及蝦，撻皮是我很喜歡的曲奇皮🤩，焗得十分脆。輕煎北海道刺身帶子，黑松露意大利飯 | $128意大利飯上面鋪滿了芝士，黑松露及芝士的味道十分香濃，意大利飯好creamy。🤤🤤有三粒帶子，大粒夠甜。厚切美國安格斯肉眼 | $208點了七成熟的牛扒，裝飾得幾靚，配有燒汁。牛扒中間部分有些油脂好香，肉質幾淋。棉花糖鮮奶朱古力 | 跟餐加$8朱古力上面有幾粒棉花糖，鮮奶朱古力味道不會太甜。甜品- 檸檬芝士餅擺碟畫上了幾朵花好靚，芝士餅有檸檬的酸味，十分開胃解膩，如果有多件食就好了。

一年一度同💁🏻‍♀️女神食生日飯，我地連續幾年都係揀啲好味😋，又岩傾計同抵食嘅地方。今年都一樣，我地搵左觀塘一間工業大廈入面嘅餐廳。佢呢到係區內都算幾受歡迎，😎我地平日黎，都差唔多full house, 好在我地有book 枱。今次食過之後都好明白點解呢到咁受歡迎。🤔我地叫左兩個main 之後加$58轉左做set!😊👍🏼佢個set係包左前菜、餐湯、甜品同飲品啊！⭐️前菜 - 忌廉海鮮tart🦐一黎到賣相一流，上面有蛋白泡泡，吉爆左之後就有忌廉、蛋、海鮮tart!⭐️我地另外仲加左$68 要左個厚切鵝肝😍呢個極度推薦要加埋！超好味😋，鵝肝厚切，一啖鵝肝，味道濃郁，再配埋鮮甜嘅菠蘿🍍！正！⭐️餐湯 - 大蒜忌廉湯🧄蒜味又唔係好重炸，幾好飲同易入口。⭐️北海道刺身帶子黑松露意大利飯😍推薦呢個啊！ 好creamy, 帶子同芝士嘅份量又夠。👍🏼⭐️芝士海膽醬焗龍蝦🦞伴龍蝦汁天使麵呢個就比較普通，個人認為龍蝦焗完之後有點乾身。同埋本身都唔係幾鍾意食幼面。⭐️甜品 - 檸檬🍋批作為是日甜品黎講，算係唔錯啊。唔係太甜，小清新嘅感覺。🎉因為女神生日嘅關係，我地升級左個是日甜品做⭐️鏡面伯爵茶朱古力蛋糕🍫配雲呢拿雪糕。🍦

想再一次回味煎刺身帶子，食過無數西餐廳，只得這間既煎帶子令我神魂顛倒這間餐廳位於觀塘工廈內，一出𨋢周圍只有寫字樓，唯獨只有這間餐廳，感覺隱蔽，一入餐廳內被書架吸引著，放了兩隻熊啤啤，浪漫氣氛帶一點淘氣喜歡Menu 內加錢$58可以轉套餐，套餐包括頭盤，湯，甜品，咖啡或茶，套餐真心抵食先上餐湯頭盤，海膽忌廉海鮮撻餅撻底出色，忌廉打出來泡沫賣相很吸睛，味道亦一流，雖然食不出海膽味，但新鮮蝦夠彈牙另加$38 輕煎刺身帶子這碟是我最期待既皇牌菜，煎香帶子面層，咬入口內裡半刺身帶子夠彈牙，超好味，忍不住order了2次主菜：煎鵝肝意大利飯鵝肝煎得香口，意大利飯夠煙韌，正宗意大利飯口感主菜：香煎美國黑豚豬肉眼煎豬扒最考廚師技巧，太熟會韌，太生又會有血水，但這個豬扒煎得恰到好處，肉夠juicy惹味，大愛餐飲可以轉特飲荔枝梳打荔枝肉夠大粒甜品：抹茶紅豆糕碟上畫花很靚，抹茶夠濃，搶了筆少紅豆分埋單都只是每人$270, 每樣菜式好食，環境又浪漫，價錢又吸引，沒有挑剔可言，無試過係你嘅損失！