i kitchen (已結業)

相約舊同事一起吃晚餐，她說曾在這家餐廳吃午餐，留下美好印象，故今次前來吃晚餐。餐廳內部裝修簡約，清潔衛生，座位寛敞，店員服務友善。先挑選主菜，然後加58元有餐湯、頭盤、飲品和甜品，另外加68元有鵝肝。大蒜薯仔忌廉湯，大蒜味輕微，不會蓋過薯仔味，湯底濃稠。海膽忌廉海鮮撻，面層有泡沫，蝦肉彈牙，撻底脆有牛油味。厚切鵝肝，外脆內軟，濃味，與菠蘿一起吃，味道很夾。白酒牛油焗比目魚伴蕃茄沙沙168元，比目魚肉質細嫩帶有牛油香味，伴碟美觀。醬燒美國豬仔肋骨148元，豬肉外層香口，內層軟軟，醬汁惹味，十分滿意。甜品賣相吸引，不太甜。總結：食品美味，價格合理，值得推介。

🎊OpenRice活動開賣，今次熊妹又搶到特價西餐，以$20價錢享受到原價$218香煎美國極黑肉眼配北海道刺身帶子給意大利黑醋。📌熊妹神不知鬼不覺，捕捉樹熊收工帶佢去到觀塘工廈的《i kitchen 》試吓呢個晚餐。‪📌晚上7點‬嚟到，都未算好多人。餐廳燈光柔和，營造暗暗浪漫的氛圍。📌餐牌就係大路西餐食物，有頭盤、 小食、湯、意粉、薄餅、主菜都有齊。而凡惠顧主菜、意粉、飯、薄餅類都可以加$58轉套餐包括有海膽忌廉海鮮撻，是日餐湯，是日甜品同餐飲。海膽忌廉海鮮撻黃甘甘嘅海鮮撻，賣相幾吸引喎。味道方面，熊妹認為有點腥，唔知係咪因為有海膽嘅成份，入邊仲有隻蝦同埋帶子仔，連埋稀稀忌廉汁易入口，牛油撻皮都幾鬆化，不過熊妹真係唔係幾好海鮮，所以都係俾晒樹熊食啦。是日餐湯今日嘅餐湯係紫薯湯，好少餐湯會用紫薯，都幾特別。紫薯料好足，啖啖綿綿嘅紫薯蓉好緩胃，仲跟咗條麵包乾，點湯嚟食最岩。樹熊就麻麻呢個湯啦，今次輪到熊妹清晒。香煎美國極黑肉眼配北海道刺身帶子給意大利黑醋，$218一心嚟試呢個優惠價嘅西餐，就睇吓餐廳的功架喇。黑豚肉眼兩邊煎得金黃的，可惜黑豚肉質比較鞋口同乾身，無論乜肉汁，要咬得比較有嚼勁，

相約一個而家唔係同一個office返工但仲係同一間公司嘅好同事食佢嘅生日飯，平時喺佢 社交平台見到佢都係打邊爐或者食泰國菜多，於是就同佢食吓西餐鋸吓扒。由於佢喺牛頭角返工，所以佢先上去坐低等我，亦同時喺呢個時間佢都揀咗幾樣佢有興趣嘅嘢食，而我嚟到就做個最後決定，揀咗兩個主菜，一個係香煎鵝肝配牛柳同埋刺身帶子配黑松露Risotto ，兩個主菜都加配改成套餐，套餐就會多咗一個餐湯、海蝦海鮮撻同一杯餐飲。先講一講個香煎鵝肝配牛柳，鵝肝煎到外脆內軟，入口即溶嘅感覺令到口腔內都係鵝肝嘅味道，好好味😋而個牛柳朋友要求7成熟（其實對我嚟講都算太熟）不過又煎到幾Juice，牛柳好軟熟。另外個刺身帶子配黑松露Risotto，入口好香黑松露味道，再加上有少少黑椒味道，食落感覺唔會覺得好膩胃嘅感覺。呢個連一個本身唔鍾意食汁食醬嘅同事都覺得好味。食埋個甜品&飲埋杯餐飲後要捧住個肚走，真係好飽。埋單$497@2人

呢區嘅工廈餐廳遍地開花，各式各樣都有，水準絶對唔差，但價錢就係抵食價，呢間係其中一間食物選擇主要係沙律/小食/薄餅/意大粉(飯)/主菜類，另加$58可轉套餐，包頭盤，餐湯，甜品及餐茶，除返開每樣都係十幾蚊，叫杯嘢飲都唔呢個價啦，咁超值，一於轉餐啦!呢客忌廉磨菇湯就係今晚餐湯，以香脆長餅干代替餐飽，個湯充滿菇粒，滿滿香濃菇菌味，加上忌廉增加香滑度，一口餅干一口湯，暖下個胃先!呢客海膽忌廉海鮮撻作為頭盤就相當驚喜，首先構圖吸睛; 泡沫醬汁帶微酸幾醒胃，可中和個牛油撻底，海鮮就以蝦及帶子領軍，爽口無比!今晚主菜選擇一澱粉一蛋白質前菜無加$38配輕煎刺身帶子，皆因呢客輕煎北海道刺身帶子黑松露意粉 ($128)已經有得食刺身帶子肥美肉厚，略為輕煎一下底面，入口外香內軟，一啖一隻夠口感每條意粉已經被香濃黑松露醬所包圍，為意粉加給獨特味道，唯食到中段有點咸，要飲水中和一下先再繼續，稍為減少醬汁份份量口會仲好味!另一份心思擺盤嘅係香煎美國黑豚豬肉眼.意大利黑醋醬 ($156)豬肉眼厚切，部份邊位被脂肪連住，香煎得微帶金黃色，引起人食慾切開後見到肉段之間帶少少脂肪，肉質幼滑仲帶肉汁，偶爾食到油香味，配上

一段時間冇嚟呢間餐廳食了，今次朋友見openrice預約可以$20加極黑豬肉眼配帶子，我地就試試佢🤣質素都唔差喎🤪·✨極黑豬肉眼配帶子 $20本身見係咁平諗住質素麻麻冇咩期待啦，但上碟嚟望落又唔係hea客人喎🤩豬肉眼煎得啱啱好，好香，夠juicy爽口唔韌，幾高質😋帶子有三粒，都正常唔錯啦😚·✨香煎厚切鵝肝牛肝菌意大利飯 $158鵝肝果然係幾大舊，入口即化，充滿油脂😈意大利飯個汁都做到好香好creamy，好食嘅😛·✨脆炸和牛面頰肉配血橙甘筍草 $178炸牛係好腍，似港式牛腩，第一啖食好有驚喜，外脆內腍，之後再食就覺得牛味唔太夠，汁係酸酸地個種，個人一般般個汁😂·✨松露醬薯條 $42薯條份量超級多，多到三個人勉強食得哂，薯條係幼身，炸得表面好脆，黑松露醬味道都ok呀🤗未食已經聞到黑松露味個隻😚·🌟埋單四百幾三個人，性價比幾高，味道幾好食先，所以係可以encore之選🤤👍🏻

1. 牛柳有6成熟選擇會比較好，好多餐廳都能做到，因為5成熟未必人人接受到但7成熟太韌。2. 餐廳坐位尚算舒適但要控制某部份食客說話聲量，當天有4位男士2位女士的一枱極度大聲完全沒有尊重其他食客，職員理應禮貌地勸告。3. 這座工業大廈管理處需要身份證登記，食餐飯好無私隱，餐廳應該跟管理處溝通一下。

觀塘大廈林立，呢間餐廳一直好評如潮，早幾年都有食過幾次。-香煎美國極黑豬肉眼伴北海道刺身帶子及義大利黑醋🇺🇸$218-一上碟比想像中細size，個豬扒煎到恰到好處🐖，外皮香脆可口，入面肉汁滿漾，食落一啲都唔鞋口。另外不得不讚一讚個帶子🐚，3️⃣大粒煎到勁香口，鮮味十足！香煎厚切鵝肝，牛肝菌意大利飯🍄$158-鵝肝超級厚同肥美，火候🔥控制得好好，食落充滿油香好juicy!個外層脆卜卜好香口，個飯就略為淡口少少，牛肝菌就幾乎無見到🍄炸薯條配松露醬🍟$42-超級大量幼身M記薯條，炸到熱辣辣好脆口，重點份量超多。黑松露醬都好大方，松露味濃郁🍄轉套餐+$58（包湯🥣、海鮮撻、甜品🍮）甘荀湯🥕-偏淡同稀身。海膽忌廉海鮮撻🐚🦐-面有無乜味既paomo，入面有蝦仔🦐幾隻，撻皮較乾無味。芝士蛋糕🧀一啖食哂正常唔好太有期望。

閒時喜歡到工廈找美食。餐廳燈光柔和，給人舒服的感覺。食物不止味道不錯，而且其擺盤也很美。點主食可加配了套餐，有頭盤，餐湯，甜品及飲品。頭盤是海膽忌廉海鮮撻。配盤十分精緻，撻面有微微甜的氣泡。中間有蝦和帶子，最底層有海膽醬。撻皮很脆，充滿牛油味，配合起來味道十分出色。廚師餐湯是雜菌蓉湯。打碎了雜菌，清新的味道，很滑身。主菜點了輕煎北海道刺身帶子，配黑松露意大利飯。輕輕煎香帶子，內裏肉質還是軟身，鮮甜大粒。意大利飯的黑松露味香濃，而且汁多，每粒飯都能被醬汁包住。還點了香煎厚切鵝肝配紐西蘭牛柳。煎香鵝肝外皮，入口即溶。有兩塊牛柳，我們點了五成熟，剛剛好，軟身且肉味夠濃。甜品的擺盤很漂亮。

第一次來I kitchen在工業大廈入面，上去前先登記身分證，入去第一個感覺好舒服，簡潔嘅風格令人舒服，店員會點上蠟蠋⋯⋯二人套餐享受75折扣，我哋不太啱食，就散點，價錢也跟套餐差唔多，我哋點了，巴拿馬火腿配蜜瓜，厚切鵝肝併牛柳，輕煎帶子黑松露意粉🍝，巴拿馬火腿夠大碟$88真係好抵，入口不會太靭，👍👍以為只有數片，但至少有10片開胃完之後我哋就開動鵝肝牛柳，一上菜相好吸引，加上有藝術氣質嘅畫花及擺設，令人胃口大開👍牛柳唔會靭，食落好有牛味，叫5成也不會太生，好好味，鵝肝厚切，入口即化鵝肝係口入面留有餘味，又唔會好乾身👍👍會令人想食多次感覺👍意粉，輕煎帶子，好鮮味，白汁黑松露味道好好食雖然份量唔多，但2人食少少也不會太漏，可以+58轉為套餐，會再一個海鮮撻同迷你芝士餅甜品，包一杯餐杯，海鮮撻同芝士餅都好好味👍👍👍剛剛好👍如果太食既人可以再叫多一款菜，因為份量真係唔夠飽，未去到捧住個肚既感覺😆不過環境賣相食材已經值回票價⋯⋯放鬆心情🥳值得回頭再試👍🍝🍝

今天旁晚同同事在官塘晚餐。我们去了一间工厦的餐厅。我们点了两个套餐。餐汤是南瓜忌廉汤：南瓜汤很鲜甜而且能吃到很细小很细小的南瓜粒，很有口感。套餐开胃菜是海鲜挞：海鲜挞很漂亮，上面全是泡，带有神秘感。弄开了泡沫才看见有只鲜虾和带子肉，配合着芝士和牛油皮，十分味美。我同事点了罗勒酱煮纽西兰托托蚬野菌天使面：蚬竟是十分十分大只，蚬肉很大，用了罗勒酱煮，不但有蚬肉的鲜美而且十分香口。天使面也调了味，整碟很好味。美国厚切黑安格斯肉眼：肉眼扒7成熟但仍然十分多汁。肉眼扒很有牛味而且烧的时候应己放了小许的盐，不用酱汁也很好味。工厦餐厅真藏着不少宝藏。

呢晚同開媽媽來觀塘工業區買野, 順手就食埋個晚餐先走啦~我地來左: i kitchen~餐廳的裝修同燈光好有情調丫, 暗暗的~仲有個架, 上面好多得意既擺設~枱上的餐具都放得好整齊~仲有燭光呢!睇完MENU, 我地叫左:厚切美國黑安格斯肉眼,白酒牛油焗比目魚伴蕃茄沙沙。另外我地都加左58蚊轉套餐~套餐有頭盤(海膽忌廉海鮮撻), 廚師餐湯, 是日甜品, 咖啡或茶~廚師餐湯餐湯濃厚度剛好, 不會太稠又不會太稀~仲加左忌廉, 入口順滑~海膽忌廉海鮮撻個撻底好出色, 好香牛油味好脆, 面層的泡泡帶有微酸好開胃~撻內仲有啖啖的海鮮肉, 好味道!白酒牛油焗比目魚伴蕃茄沙沙比目魚的火侯剛好~魚肉嫩滑, 蕃茄沙沙甜酸度剛好~伴碟很用心, 看著令人胃口大開~厚切美國黑安格斯肉眼呢個一樣有美美的伴碟, 牛扒我叫左5成熟~牛扒煮得剛剛好~超多肉汁, 超JUICY!是日甜品一口芝士蛋糕, 可以嚐嚐甜, 又唔會太HEAVY, 很好~同埋要再讚下D伴碟, 真係好用心好靚!最後仲有餐飲~

工廈入口通常比較難搵,經停車場入口搭𨋢,門口有搽手液,量度體溫後入座,一如既往早到唔算多人,7點半時接近滿坐,記得要訂座~店內氣氛亦非常唔錯飯/意粉/扒等等都可以+$58配套餐,有餐湯 頭盤 甜品及飲品,我同阿媽認為都划算所以2份都配套餐當日餐湯侍應講過一次但我忘記左…似蕃茄湯超濃味,相信用左唔少蕃茄打成,味道偏酸好開胃,餅乾條亦脆頭盤係海膽忌廉海鮮撻,海膽味道唔太突出,入面有爽口大蝦一隻,上面泡沫醬汁少少帶酸,配牛油撻皮非常夾,而我同阿媽都覺得撻皮非常好食!!!我點左香煎厚切鵝肝 牛肝菌意大利飯,飯唔錯仍有少少硬身口感,鵝肝大件厚身,牛肝菌份量亦多,要留意牛肝菌味道比較重未必人人接受,未食過的最好同人share試試先~阿媽點左酥皮釀焗鵝肝醬紐西蘭羊柳(7成熟),酥皮可能吸左鵝肝醬及羊柳既汁,變得咸左少少,羊柳淋身帶少羶味,好味,配薄荷醬/芥末醬最後甜品精緻,真係值得+58轉套餐埋單$499,店內樓面只有一男一女,但serve全店人完全無問題,入座有介紹meun,中途上菜收碟加水都好快,2位都好有禮貌

觀塘工廈中的精緻西餐又多個選擇😇 環境唔算好靚好fancy，不過食物質素幾好，以西餐價錢來講唔算好貴👍🏻 所有主菜+$58轉餐，有曬湯，前菜，甜品，飲品！野菌湯，菇味頗濃，每啖都有碎左嘅菇，口感幾好，略嫌唔夠creamy！😆海鮮撻有蒸蛋包住大大隻帶子同蝦☺️ 撻皮係曲奇皮咁，酸酸甜甜好開胃～厚切鵝肝伴紐西蘭牛柳名乎其實係厚切！鵝肝好邪惡，簡直就係comfort food！可惜嘅係牛柳過熟，我地叫五成熟，不過就得濟，好難切🙈龍蝦天使麵～龍蝦幾fresh，啖啖肉，仲好大隻！天使麵汁都好好味😋跟餐甜品，苦苦地，本身唔係抹茶fans🙈朱古力心太軟！好味道，真係有流心，配雪糕一凍一熱🤤琴日special drink，蘋果soda，有點藥水味

好難得有興致收工之後特登去觀塘 搵媽媽食飯就search下工廈有咩好食見呢間都幾多好評 又聲稱有折所以就嚟試吓但原來有折嘅 只係所謂二人餐我仲見佢寫25% off on whole bill 點知原來咁局限二人餐嘅兩個main course佢都已經固定左冇得揀自己想食嘅嘢咁我就寧願唔要折啦個蘑菇湯我就覺得麻麻地我覺得好raw 冇乜調味但媽媽就覺得好好飲其實呢個前菜係有誠意嘅上面啲海鮮熱辣辣 隻蝦都幾大隻個皮都仲係好脆好多時呢啲撻皮都會已經林晒或者個感覺擺咗好耐呢一個就冇但真係個人口味覺得成個配搭好奇怪到主菜啦喺order嘅時候已經特登同佢講話要四成熟同埋我哋好驚啲太熟嘅牛點知上到嚟都仲係太熟睇相機係已經偏紅咗真身係有7成熟無牛味好重咸味🧂同調味料舊牛好柴明明我哋嗌4成熟已經特登問佢有冇呢樣嘢無嘅就3成熟啦但係佢又應係有4成熟d邊邊角角柴到係擺唔入口最後個甜品我食咗一啖就無食綠茶紅豆配d酸嘅醬 好奇怪下唔係畫左花就加分嘅最後一人300貴就當然唔貴 但呢個價錢可以有更好嘅選擇喇

很久沒有晚上去觀塘吃飯，今天約了朋友屋企觀塘找到一間樓上餐廳吃晚餐。加58 元可變套餐，頭盤海膽忌廉海鮮撻，廚師餐湯，是日甜品和咖啡或茶頭盤的海膽忌廉海鮮撻非常具誠意，咬下佢有新鮮蝦海鮮在中間，撻亦非常脆口。厚切美國黑安格斯肉眼 $208五成熟的安格斯肉眼肉厚，表面但有輕輕的碳燒香味，不會血淋淋，反而入邊紅色的肉眼非常Juice肉嫩，牛味重，味道一流,齒頰留香。輕煎北海道刺身帶子黑松露意粉 $128天天過的海盜刺身帶子非常鮮味，爽口彈牙，意粉豐黑松露味，條條也能掛起意粉醬，醬汁濃度亦剛剛好。是日的晚餐非常滿意