i kitchen (已結業)

觀塘工廈餐廳百幾間，要突圍而出，當然有些食物令你對餐廳留下深刻印象，一再回味，比較其他餐廳下，還是覺得它最好 - 煎帶子！ 我敢講是我食過最出色的煎帶子！之前幫襯過一次dinner, 食過香煎帶子後，令我一直回味，不能忘記那種香口味道！今次再光顧lunch, 試下lunch水準有無分別裝修帶點台灣小Cafe, 有很多熊公仔裝飾set lunch menu 有我喜愛帶子選擇餐湯- 紫薯忌廉湯香滑紫薯, 十分健康日本刺身帶子龍脷柳卷配黑魚子忌廉汁$108煎香帶子再用龍脷柳包著，煎帶子仍然保持水準，新鮮彈牙，一流 龍脷柳亦煎得香口照燒加拿大牛小排 $108有兩塊牛扒，抵食，剛好五成熟，肉汁juicy, 香濃牛肉味餐飲 - 檸檬蜜/ 荔枝草莓綠茶不是一般咖啡或茶，而是可以選擇特飲而不收附加費甜品 - 檸檬芝士蛋糕碟上畫上小花紋, 夠誠意，芝士味濃郁食過這間煎帶子真的會令人齒頰留香，絕不誇張

今天放假，來了觀塘探好姊妹班，還約了一起吃午餐，大家都提議去I Kitchen 食，真是心有靈犀呢！坐下來，便開始看看餐牌，我們叫了兩個午市套餐，醬燒豬仔脾及羊扒伴虎蝦，跟餐還有蔬菜或白飯、餐湯或沙律、冷熱飲品一杯，及甜品一客。午市套餐有多款選擇，豐儉由人餐飲亦非常多選擇芝士棒棒食落好香脆餐湯好有紫薯香，味道清甜沙律好新鮮，最適合夏天食用羊扒伴虎蝦食到咀郁郁，羊扒肉質鮮嫩，亦夠曬羶味，虎蝦大大隻，煎到非常甘香醬燒豬仔脾也很不錯，非常入味，肉質也細滑每款主菜可配一碟蔬菜或白飯甜品是芝士蛋糕，入口傳來陣陣檸檬味，最欣賞是廚師的畫功，令人有心曠神宜的感覺蜜桃什莓紅茶非常清香，原來茶𥚃放著蜜桃荔枝草莓綠茶也放著鮮荔枝肉，果然把綠茶味提升了

今日在觀塘有工作，又到午飯時候，約了朋友吃飯。在人頭湧湧的觀塘站附近找個位置吃午飯聊天都不容易，好在朋友已經訂了枱。原來在一間不起眼的工廈裏，有一間特色的餐廳。 i kitchen 的地方不大，但也很幽雅，有點書卷氣。在靠窗的位置坐下來，點了兩個套餐。首先來的是沙律和湯。雜菌湯有濃厚的各種香菇味道，非常可口。田園沙律是新鮮的蔬菜上加上薄芝士片，入口份外清香，是非常好的配搭。主菜是香煎澳洲肉眼扒，牛扒鮮嫩多汁，入口甘香，一點都不靭，再點上芥末醬來吃，令人回味無窮。另一主菜是香煎美國極黑豬肉。豬肉肉質上乘，爽口彈牙，肥而不膩，很有質感。餐後甜品是芝士蛋糕，芝士味濃郁，是認真的製作，好味道！再加上香濃可口的咖啡，給完美的午餐劃上了句號。兩個人，用不到三百元的價錢，便可在舒適的環境享用一頓豐富的午餐，真是物超所值呢！

觀塘有唔少餐廳貴得來食物質素一般，今次搵到一間價錢合理，食物質素唔錯嘅餐廳！今日同朋友食個late lunch，兩點呢個時間幾好，因為可以避咗一般打工仔食飯嘅時間。慢慢同朋友食住傾偈。午餐選擇有好多，揀咗香煎美國極黑豬肉眼$158。呢個豬味好香，煎得恰到好處。豬肉夠林，我覺得好食！可以揀配飯或雜菜。揀咗雜菜：有翠玉瓜、西蘭花等等。另外揀咗澳洲肉眼扒$108，呢個價錢牛扒有咁嘅質素真係相當唔錯！我揀咗五成熟，煎得好好。有牛味，肉質唔錯。午市套餐跟湯或沙律，我哋每人叫咗一個。沙律菜好新鮮；是日湯係蘑菇湯，用心製作，入面有粒粒蘑菇醉。餐飲基本上咖啡、奶茶、檸檬茶、檸檬水都有，仲有是日特飲等等，跟餐免運餐飲選擇比較多。是日特飲係芒果梳打，我哋就叫咗一杯。另外仲可以揀荔枝草莓綠茶。最後仲有甜品係芝士蛋糕，細細件啱啱好。賣相靚！呢個價錢咁豐富真係會再去！午餐仲做緊九折，好抵！

眨吓眼已到了2020年，年中有多，。在每日要戴口罩保護自己的今天，就來分享呢個月未實行禁堂令的一餐的生日飯。星期五在觀塘開完會之後，就跟朋友到巧明街冠力工業大廈的餐廳【I-Kitchen】吃晚飯。朋友吃過後好感謝我做東請客呢！其實西菜美食多不勝數，間中來一頓小花費，也是相當令人回味的！一進入【I-Kitchen】，彷彿放輕心情。整間店都是西式餐廳一樣的裝修，燈光偏暗用上了藍調，冷冷的幾舒服。餐廳不算太大，但係空間都闊落。入面仲有一刻消毒的物資提供，非常窩心！至於食物方面，有晚市套餐，價錢都是相宜的，散叫又不是太貴。▪️厚切美國黑安格斯肉眼五成熟 $208加咗$58轉套餐👐🏻海膽海鮮撻👐🏻廚師餐湯-是日精選南瓜湯.👐🏻海膽海鮮撻👐🏻這前菜賣相精緻，面層的泡泡阻擋了金黃色的海膽，但一咬之下，入面完來有大蝦肉和小帶子，當下這兩個的鮮味已經蓋過了海膽味了。少量海膽的甘甜配上忌廉醬汁都是一種不錯的搭配，而且我挺喜歡撻餅，滿滿的牛油香，夠鬆脆口感，因為撻皮不脆是不行的呀。作為前菜是不錯呢。👐🏻餐湯-是日精選南瓜湯👐🏻一碗暖呼呼、金黃香濃的南瓜湯就在我面前啦，是我寵愛的好湯。亮麗飽滿的顏色、柔滑香甜的

觀塘工廈餐廳一直都聞如其名，一定要有人介紹先知道原來柳暗花明。APM,下午茶完結就打算今晚晚餐，同友人經過大廈，佢提意呢邊工廈好多餐廳可以試一試。今次推薦的例如私房菜格局的餐廳。佇立門店，餐牌西餐主菜等等豐富。每張台都有適當的安全距離，在這段疫情期間。餐廳依然為顧客著想。探熱之後就坐，服务生只有一位女士，熱情有禮。 環境相對安靜優雅，感覺自己係尖沙咀或者銅鑼灣而不是觀塘工業區🤣拍攝期間相機食先，呢啲擺位等等見到都開心。因為食物要環境相襯呀。我地揀左兩個主菜以及薯條。第一個上小食先，炸薯條 松露醬。薯條熱辣辣，而且好大份。服务生已經好貼心打開紙巾比我地抹手，幾高級餐廳都好。我地都係忍不住用手食喇松露醬適中不會太黏。厚切美國黑安格斯肉眼。七成擺盤滿分，有食慾。厚切究竟幾厚呢，厚度同七成的熟度是配合的剛剛好，而醬汁亦都另上在一個兜仔，又係果句，少少鹽分沾扒黎試味道，百試百靈。肉眼的肉質相當柔軟。另外套餐加48可以有虎蝦一隻或者另外餐湯甜品等等。我地就選擇虎蝦以及甜品。每人一隻有手掌4/5咁大。白酒牛油焗比目魚伴番茄沙沙。比目魚一直是友人摯愛，白肉襯返番茄少少酸甜的沙沙醬味，魚肉鮮嫩，肉質清甜

今晚去了久違了的觀塘工廈覓食，餐廳座位舒適，而店員服務態度亦好。美國豬仔肋骨肉稔入味，容易拆骨，而且不會很肥膩，醬汁香口而不會太鹹。虎蝦意粉蝦肉大大隻，夠爽口，而意粉配的是香辣蕃茄汁。加$38有輕煎刺身帶子，香口軟滑。加$58更可以轉套餐。配有湯、頭盤、飲品及甜品。是日餐湯—薯仔濃湯。而海膽忌廉海鮮撻，上面有一層泡泡，中間是蝦肉等海鮮，下面是脆脆餅底。甜品很精緻，飲品其中一杯是荔枝草莓綠茶，淡淡的清香。

老公這附近返工，常常都有好介紹，阿女這陣子返半晝，我俩好多時間可以出動shopping行街，食完lunch購物一個下午 就可以同老公一齊返屋企。老公果然冇介紹錯，店內環境好舒服，也很有情調，天花上吊燈亦好有心思。午餐前菜可以揀田園沙律或廚師餐湯，仲有甜品送。南瓜忌廉湯~又香又甜又滑，配合長長餅乾條，美妙田園沙律~使用黑醋，這個天氣食好醒胃。廚師刨入大量芝士，增添沙律味道層次感。黑松露野菌意大利飯~不要小看這隻飛碟，當中的意大利飯充滿香濃芝士及忌廉，吃到一半已經好滿足。扒紐西蘭黑安格斯肉眼(紅酒燒汁)~七成熟，切開微微粉紅色，肉質口感一流。好欣賞廚師繪畫這幅動人的碟上畫，配合蔬菜擺放位置，讓不少女士們都拎手機出嚟打打卡。荔枝草莓綠茶~樣子可愛，不算甜，草莓味，酸酸地，仲有粒今年好當造的荔枝，清甜可口。檸檬茶~不過不失，大大塊四件檸檬，絕不吝嗇。芒果慕絲蛋糕~驚喜甜品出場，畫面好靚，唔捨得食啦，好靚，件蛋糕味道都不錯呢。大家記得於大街望入工廠大廈，一定搵到 入𨋢位。

很久前到過冠力工業大廈晚膳，印象中搭電梯前要先到管理處登記身份證，如今依然未變。今次去的工廈餐廳是i kitchen，舖面不大，但仍然有花心思於裝修上。餐牌上的主菜加58元可轉為套餐，包括頭盤、忌廉海鮮撻、廚師餐湯及是日甜品。雜菌蓉湯第一道菜雜菌蓉湯就已經擺設得很美，菌湯用菇菌打碎，再加忌廉煮成。雜菌蓉湯入口順滑，菇菌味道香濃。忌廉海鮮撻海鮮撻上面有一層泡沫，帶點甜酸味，中和了下層忌廉的厚重感。撻皮口感酥脆，弄碎後混上忌廉及蝦隻，香甜味美。厚切美國黑安格斯肉眼安格斯肉眼厚身略帶肥膏，肉質口感柔嫩多汁，香氣十足。肉眼旁的伴碟很別緻，視覺效果很佳。輕煎北海道刺身帶子 黑松露意大利飯意大利飯飯芯能夠做到有一點硬，即使配上芝士碎及黑松露，亦不會覺得很滯。刺身級帶子有三隻之多，肉質亦算滑溜。芒果梳打餐茶可以免費選擇特飲，是日特飲為芒果梳打。芒果梳打顏色橙橙黃黃，很有夏日氣息，味道酸酸甜甜，很清新解渴。是日甜品此甜品畫得很美，慕絲蛋糕味道酸酸甜甜，上面的石頭朱古力好看又好食。

去開APM行街，想試吓一啲連鎖店以外嘅選擇，喺OpenRice搜尋之後，發現有一間就喺APM後面巧明街嘅i kitchen，只是5分鐘路程，睇相食物幾靚，決定去試吓每張枱上面都有蠟燭台，加添浪漫氣氛燒日本水飼豬豚腩肉 $148日本水飼豬有專人飼養，隻隻都食好住好，又有充足嘅活動空間，有豬味得嚟，肉質一般都比較清爽。擺碟就像一個藝術品，配上蜜糖芥末醬嘅豬腩肉，帶一點甜，帶一點微辛，但恰到好處地中和了豬腩肉的脂肪感皮層，脂肪層同肉層，層次分明，每一口都充滿肉汁，切開後肉質仍然保留一絲絲，肉質清爽結實芝士海膽醬焗龍蝦伴龍蝦汁天使麵 $170用上濃香芝士混和海膽烤焗而成嘅龍蝦，味道更加層次分明，芝士同海膽昇華咗龍蝦嘅鮮甜，廚師控制嘅火候恰到好處，肉質保持結實彈牙海膽忌廉海鮮撻每道主菜加$58，就可以加配呢個前菜，仲有餐湯，一杯飲品同埋甜品，非常抵食海膽同忌廉打成泡沫，混合咗鮮甜嘅帶子同埋彈牙嘅大蝦，最驚喜嘅反而係個撻底，有好濃好濃嘅牛油香味，非常鬆化伴碟仲有加咗沙律醋嘅沙律菜，開胃之選大蒜薯仔湯薯仔湯打得好幼細，入口感覺係順滑嘅。輕輕嘅大蒜香，配上平實而淡淡甜嘅薯仔，味道上有層次是日甜品又係另

Book openrice 父親節話有 75 折諗住咁黎試下啦，點知當日先話係二人餐先 75 折。。。😒😒😒 感覺係被人呃左上去囉。食物黎講味道唔錯，牛扒個味比想像中更好，但 main course 黎講真係細份到。。。得四舊。。。$2xx 都正常但如果唔加 $58 轉套餐真係唔洗諗住會飽，大食啲既人應該唔會覺得有野落肚，啲 waitress 態度又差，走個時後面枱客都話「唔覺得食左野落肚。。。」笑左，貴唔緊要，但份量要預番好啲囉，唔會再黎

觀塘工廈餐廳林立，花多眼亂，經朋友介紹，就去了這間試一下~~這環境很寧靜，燈光選擇了藍色調子，晚上來情調感非常的強~~有點酒吧的感覺xd~點了菜後沒事做發現了開放廚房佈置也很酒吧感覺~~相片的上方有幾個很有特色招貼的酒瓶。小弟還喜歡碁邊的茶具~~很整體令人舒服的感覺~~今次叫了兩個主菜，每個主菜可以多加$$58轉套餐黑松露野菌茸湯碟子非常的大~~有點霸氣的感覺~~湯上白色的可能是忌廉，湯味總體比較淡~~黑松露不是太濃厚，能食得出很多野菌碎~~令人感覺用料十足~海膽忌廉海鮮撻沒通常在甜點小食才出現的撻會出現在頭盤上~~比較有趣的是面上的泡泡~~味道有點小甜酸味~主要有蝦肉以及不同的海鮮，料豐富，所以海膽味比較淡，餅皮香脆，非常推薦~~~澳洲穀飼m6和牛肉眼伴玫瑰岩鹽 $298五成熟，雖然切口看下去不太血紅色，但肉很嫩口，有入口溶化的感覺~~而旁邊的岩鹽除了伴碟好看外，連同牛排一起食令味道濃烈一點~~(小弟對濃味不抗拒)最後左邊的三色蓉，吃得出是有紫薯泥，南瓜及蘿蔔。香煎厚切鵝肝伴紐西蘭牛柳 $208五成熟，有西冷的味道~由於是厚切，香煎後還能保持內裏的肉紅色~小弟比較喜歡這樣的牛扒xD

午餐走到觀塘工廈區，有好嘢一定唔會錯過 ，呢區大廈林立，當中食堂都唔少，多數都係招待大廈員工，入得嚟都係識得溜入嚟嘅。坐低我哋叫咗一個香煎澳洲肉眼磨菇汁， 七成熟，跟番茄田園沙律，朋友就叫一個羊架拼虎蝦都係七成熟，轉飯廚師餐湯，兩個人食一餐午餐真係好享受，慢慢食仲可以傾下偈，不過佢呢度有落場嘅，就唔好諗住傾咁耐啦!講番個環境，係真係唔錯嘅!清靜得來又坐得落又舒服，望落亦都乾淨舒適，招呼亦都妥當，股務都殷勤招待，再加埋食物 一如相傳講，係好味值得一試再試。

去完觀塘行apm行街，就喺旁邊嘅巧明街冠力工業大廈2樓有間叫做i kitchen做西餐做得唔錯，而且環境幾闊，坐得幾舒服，店員都好有heart,服務都幾好menu款式都好多！花多眼亂，最後叫左個煙三文魚牛油果薄餅and 美國黑豚豬肉眼配意大利黑醋醬， 然後都只加$58轉 套餐就有豆盤，餐湯，甜品，飲品，非常抵食頭盤為海膽忌廉海鮮撻， 撻皮新鮮焗起，非常香脆，入面嘅餡料有帶子粒鮮蝦，泡泡有d檸檬酸，帶了左個海鮮既鮮味！煙肉薯仔湯， 湯頭味道幾香"陣陣薯味湧出！又唔會膩"味道幾好！黑豚豬肉眼幾嫩滑，而且非常厚切！配碟賣相幾靚仔，配上黑醋汁的酸酸味味更令肉質鬆化，肉質都幾彈牙！煙三文魚牛油果pizza為薄脆皮，份量都相當十足！煙三文魚既鮮香幾突出，牛油果creamy幾滑，配夾得幾好效果，再加上餅底香脆，加分！最後仲有甜品，真係飽到一個點呢！相當抵食。

很久沒有上工廈食飯，今晚下班後去了觀塘工廈吃晚飯。餐廳環境舒適，服務態度良好。由於加$58便可享有套餐，所以轉了套餐。餐湯幼滑得來有粒粒蓉，增加口感。頭盤有忌廉海鮮撻，輕盈的泡泡配蝦和帶子，配鬆脆餅底。鵝肝伴紐西蘭牛柳，鵝肝香滑，入口即化，而牛柳七成熟，肉汁豐富。帶子意粉散發淡淡黑松露香氣，帶子軟滑香口，芝士味香濃。甜品是芝士蛋糕配鮮果，賣相一流。飲品選了紅茶和綠茶特飲，我選的是蜜桃雜莓紅茶，想不到不止是蜜桃香味，真的有蜜桃粒粒。最特別的是同一個晚上，聽了兩次生日歌，看來今晚有兩枱食客生日呢！