影片
更多
2020-12-29
106 瀏覽
觀塘不嬲出名工廈尋寶，好不容易約到朋友時間，就係openrice度搵咗呢間有得book枱嘅西餐廳。事前已經上網睇過相，好多人都點咗有樣我一直都好想食完再食嘅野，就更加期待了。去到嗰日book咗12:30（5分鐘留位時間），先發覺未去過嘅就算有google map都要問路，佢就喺2間找換店中間的停車場入口位，要身份證登記先上到去，如果唔係成日來呢區的都有啲難搵。因為人哋12點先開門，基本入到去得我哋呢枱，一眼望曬，如果夜晚黎食埋氣氛的話，仲正啦 !睇下個餐牌先…叫左餐冇幾耐，頭盤就上嚟啦，朋友點的湯送到上枱已經聞到就好濃的香味，比起我點的沙律明顯吸引好多，配兩條餅乾，但個人覺得還是小麵包更好。而我的沙律有數片薄芝士，加上黑醋都幾開胃。餐廳上菜嘅時間抓得不錯，前菜食完冇耐就上主菜，終於到期待已久嘅主角出場啦！先講我的主菜--輕煎北海道刺身帶子黑松露意大利飯($98)，本身鍾意腍少少的意大利飯，呢個未夠腍同埋太濃太杰身。雖然細細地一個飯，但食到一半多啲已經要飲水...好彩有我最鍾意食的輕煎帶子刺身救番，口感一流！！好想瘋狂encore！！朋友叫的--香煎厚切鵝肝,牛肝菌意大利飯($118)亦
去到嗰日book咗12:30（5分鐘留位時間），先發覺未去過嘅就算有google map都要問路，佢就喺2間找換店中間的停車場入口位，要身份證登記先上到去，如果唔係成日來呢區的都有啲難搵。
因為人哋12點先開門，基本入到去得我哋呢枱，一眼望曬，如果夜晚黎食埋氣氛的話，仲正啦 !
睇下個餐牌先…
叫左餐冇幾耐，頭盤就上嚟啦，朋友點的湯送到上枱已經聞到就好濃的香味，比起我點的沙律明顯吸引好多，配兩條餅乾，但個人覺得還是小麵包更好。而我的沙律有數片薄芝士，加上黑醋都幾開胃。
餐廳上菜嘅時間抓得不錯，前菜食完冇耐就上主菜，終於到期待已久嘅主角出場啦！
先講我的主菜--輕煎北海道刺身帶子黑松露意大利飯($98)，本身鍾意腍少少的意大利飯，呢個未夠腍同埋太濃太杰身。雖然細細地一個飯，但食到一半多啲已經要飲水...好彩有我最鍾意食的輕煎帶子刺身救番，口感一流！！好想瘋狂encore！！
朋友叫的--香煎厚切鵝肝,牛肝菌意大利飯($118)亦都同時上菜，第一次食鵝肝的朋友想「奢侈」一下，食到滿口油的滋味😂😂
果然呢度的鵝肝大大嚿，切開見中間軟心漏油，膻味一下子佈滿整口得來帶點苦味，應該「好高級」 下~
甜品部分係各一件檸檬餅配蜜瓜塊，每碟甜品都有唔同圖案，幾有心思。飲品叫咗凍檸茶同埋有粒荔枝的草莓熱綠茶。
全程我哋慢慢食咗半個鐘頭之後先有第二台客入嚟，所以都食得好舒服、好輕鬆，加上服務員都好有禮貌。加分嘅！
依家餐廳做緊1人餐有8折優惠，所以最後兩個人埋單都係$195，抵啦！
張貼
