Green Orange

放咗工同男朋友係上環食飯，男朋友好有心思地揀咗一間有情調嘅餐廳食我一齊燭光晚餐 ❤️餐廳位於昌盛大廈二樓，近上環地鐵站A2出口，都幾易搵。餐廳面積唔算好大，但幾有情調，每枱都有蠟燭 🕯️餐牌都幾多選擇：我哋叫咗以下幾樣嘢：燒北海道帶子藜麥沙律伴柚子橙香醋汁：帶子燒得好香，而且份量都幾多，酸酸甜甜好開胃酥脆香草醉果仁焗羊架：總共有三塊羊架，一啲都唔”so”，配埋啲果仁食幾夾另外我地加咗$88要dinner set，仲有餐湯、沙津同甜品，沙津份量大份，都幾抵：

今日去開上環，俾我發現左呢間係商廈二樓既餐廳。入到去見裝修同埋環境、氣氛都唔錯，雖然坐滿客，但大家都唔會太嘈。點菜後走上左餐包，餐包好好食，我每款包食左一半，但我叫侍應唔好收，因為食完主菜如果唔太飽，我想再食。最後我飽住個肚都要食埋個包，可見個包真係幾好食。因為近排唔食得生野，所以點左一個全熟嘅安格斯牛扒。雖然全熟但都煎得好淋。表面煎到焦脆，入面就軟熟而且有牛肉的油香味，肥瘦適中，恰到好處。之前自己整過焗咸豬手，但失敗左，因為表皮唔夠脆，同埋太咸。我當時先知整得好食一d都唔易。呢間餐廳既脆焗豬手伴蜜糖芥末醬整得唔錯，皮脆肉嫩，而豬手唔太咸，我先生食得好滋味。熱朱古力：因為唔飲得凍野，所以點左個熱朱古力。熱朱古力都好香濃又幼滑。最後點左個榛子蛋糕：蛋糕🍰面係榛子忌廉，而每層都有蛋糕或忌廉，甜而不膩。

今日放工同幾個同事開完會都八點幾直接就食埋飯返去，當然去得上環就去返嗰間舊式西餐廳啦。上到去滿晒，要等一陣位先有，下次真係要book定位先。四個人，一人嗌一份main course，我嗌左卡邦尼，好creamy，但好易入口，好有口感個意粉。另外佢哋食羊扒，女仔細細食晒成份羊扒都知應該煮得唔錯。另外佢哋再嗌左個西冷牛扒，我食咗一舊，煎得啱啱好仲要勁香牛味，另一個同事嗌咗蟹肉Risotto，看似好漏，但越食越想食，結果我都拎咗佢一半嚟食，呢個下次一定要再嗌。最後我哋share咗個甜品，朱古力蛋糕加雪糕，冰火交融，蛋糕質地唔會好實，我比10分。

今日返工返到好攰好想食西餐，即興搵朋友去食Green Orange。食西餐唔可以無沙律，先叫個北海道帶子沙律，沙律裡面有袖子，袖子酸酸甜甜好開胃，帶子啖啖肉份量足夠四個人食。再加個虎蝦海鮮濃湯，餐湯好足料，除左有大大隻蝦仲有其他海鮮配料！主菜我地分別叫左意大利飯、意粉同羊架，朋友好鍾意食羊，不得不提羊架真係好高質，羊架唔會有騷味而且夠肉味。最後再叫左個朱古力甜品做結尾！整體來講，食物非常高質，店員服務好好，我地想要窗口位置都安排到！

有朋友喺台灣嚟，行完摩羅街，就去食西餐。上環有間舊式西餐都食過幾次，回頭再回頭，上到去好旺場，好彩有book位。頭盤我哋帶咗帶子柚子沙律，朋友都話帶子好鮮甜又醒胃。之後嗌咗個蟹肉risotto，唔會太漏， 又香蟹味，中間仲有一條條好似蝦鬚咁嘅嘢，層次好分明。朋友再叫咗個海鮮濃湯，職員話佢哋用新鮮蝦頭熬製，再加少少白蘭地煮出嚟，質感好重，我覺得心意心機同時間好夠，呢個湯令人飲完有幸福嘅感覺。台灣朋友都讚讚子！

放工相約好友到上環食晚餐，之前有朋友介紹過呢間西餐廳吾錯。。所以就上去試試！Green orange餐廳面積雖小，只有10張枱。。但環境優雅舒適，且燈光柔和有種浪漫感覺！坐在窗邊隔離了嘈吵嘅街道，感覺寫意。。。！燒北海道帶子伴藜麥沙律柚子香橙醋汁。。帶子輕輕的煎到剛熟，鮮甜新鮮！配搭新鮮沙律菜及藜麥嘅有營又健康，而加上西柚肉配橙汁醋。。食落酸酸甜甜好醒胃，好fresh！呢個虎蝦海鮮濃湯。。主角當然係大大隻虎暇，再配搭青口，帶子等海鮮煮出香濃幼滑綿綿嘅濃湯！入口好creamy ，好滑。。特別加入左新鮮提子，感覺好清新，個湯濃醇得黎又有種田原味道！潮流興加入咸蛋製成美味小菜，厨師推介👍🏻黃金蟹肉意大利飯。。個賣相真係好似黃金咁金黃，用咸蛋配搭蟹肉及菇絲，味道好prefect match 。。入口好creamy ,好有口感。。當你食完第一啖就好想將佢成碟消滅。。實在太好味丫！開餐前。。餐廳送上熱餐包，非常軟熟。。。我喜歡！另外值得一讚。。這間餐廳每一位員工，經理，甚至老闆。。佢地嘅服務態度非常好！細心，親切，有禮❗👍🏻👍🏻

星期三，跟朋友聚會，朋友介紹了上環這間餐廳，環境不錯，食物質素也很高，我們叫了意大利飯，沙律等等，叫了跟set麵包，湯，甜品。所有食物都好好食，尤其是蟹黃意大利飯真的極力推薦，非常好食，大家要試下。

今天男朋友生日，經朋友介紹下就訂了位於上環一間西餐廳😍這裏好方便，一出地鐵站行1分鐘就到。好彩一早訂位入到黎已經全部枱滿晒人，店鋪燈光昏暗，每張枱都放了蠟燭🕯️，氣氛非常浪漫🌹menu 上的食物樣樣都好吸引😋餐包熱辣辣軟綿綿，加入小小橄欖油，好開胃😋燒北海道帶子沙津伴柚子橙香醋汁-呢碟沙津超好食，帶子燒得好香，肉質鮮嫩，柚子酸酸甜甜非常開胃，食唔停口👍👍👍虎蝦海鮮濃湯-飲落好滑好香濃，湯入面加入了鮮帶子，蘑菇、鮮蝦、青口等，非常美味😋燒美國安格斯牛肉-6⃣️成熟煮得剛剛好，肉質鮮嫩多汁，配菜薯仔辣辣地，好開胃😋😋😋

今次喺上環揾野食，原來上環地鐵站A2出口對面馬路樓上有間高級西餐廳。入到去餐廳都幾有氣氛，暗暗地，每張枱都有蠟燭照住。首先叫咗個燒北海道帶子藜麥沙律伴柚子橙香醋汁，帶子燒得好香，沙律好fresh因為我地個main dish加咗$88，所以有dinner set包括餐湯都幾大份嘅雜菜沙律🥗仲有甜品同飲品，咁抵，真係點都要加一份！餐包都好好味酥脆香草醉果仁焗羊架， 塊羊架好厚，好香，仲要唔蘇黃金蟹肉意大利飯，超多蟹肉，好味

這餐廳以前友人生日飯來過這幢商廈的西餐廳質素都不錯的反正大家公司都在附近，便選了這間來個聚餐店內燈光較幽暗，窗邊位望到街景感覺浪漫，很適合情侶約會，或是閨蜜小聚DINNER SET沒有硬性規定主菜選擇只要+$88就可以將所有意粉意飯或肉扒轉成套餐，很彈性主菜均會有餐包這裡配餐包的不是牛油的，而是黑醋和橄欖油橄欖油有陣陣果香，不錯的忌廉白酒煮青口 $128Mussel in white Wine Cream Sauce 青口很新鮮，味道鮮甜忌廉汁奶味香而不膩，高質前菜黃金蟹肉意大利飯 $178Crab Meat Risotto in Duck York SauceRISOTTO大概是8成熟，質感偏軟腍本人還是偏愛生一點的口感蟹肉的蟹膏味配上藏紅花很香而海苔是有中和膩感效果鵝肝醬烤菇闊條麵 $168Fettuccine w/ Grilled Mushroom in Foie Gras Sauce鵝肝醬令醬汁口感很順滑菇量多味道突出，本人最愛這道主菜醬燒美國豬仔骨 $238BBQ U.S. Baby Back Rib蕃茄醬味道調得剛好，不會過酸或過甜份量很大，3人也不能完全K.O.榛子朱古力

工作了一天，值得好好對待自己，決定吃好一點。腦袋又再想起這高質素的西餐廳。侍應很友善，笑容滿面地招待我到窗邊坐，欣賞窗外寂靜的上環夜景。叫了餐後，侍應很勤快地送上檸檬浸過的清水一杯，馬上又端上暖暖的餐包。咬一口，甜甜的，像咬了一口棉花糖。沙律材料非常新鮮，以柚子和橙汁做沙律汁，能吃得出柚子的甜和橙的鮮味，酸酸甜甜的。彷彿把一天工作的勞累都吃下了，只剩下口腔的鮮和甜。我敢講，由吃沙律開始已經想再來吃一次。大虎蝦比叉還要長。分開一半，上面釀有海鮮慕絲，蝦肉和海鮮慕絲一起吃，完全提升了口感和層次。黑松露醬汁伴碟，又能增加虎蝦味道的層次。即使伴碟的薯仔也絕不馬虎，下了黑椒，也認真地烤過，所有邊位都也烤起了邊。甜品是椰子批，很香濃的椰子味。起初以為只是面有椰子絲，咬下去才發現整個批都有滿滿的椰子肉，不會太甜，不會太膩，相信男士也會愛上它！

今日是我們倆重要的日子，一定要好好慶祝下先.這食店離mtr 1 min, 十分方便易找.有沙律，意粉等主食，價格叫經濟.十分有氣氛的一晚，讓我們好好地享受，環境十分舒適，適合男女朋友、朋友聚會.餐包，熱呼呼的.帶子有煎香，加上清新的沙拉菜同十分開胃的醬汁.白汁青口，十分鮮味，一d沙都沒有，火候也控制得十分之好.濃濃的海鮮汁，掛上了闊條麵，令人大快朵頤.環境令人放鬆放情.這豬仔骨，份量十足，味道配合得十分好.

今晚約好朋友來到上環，上網找到這間樓上店有上網訂位，二話不說馬上訂位。位於上環MTR A2出口右邊，行過馬路第二個鋪位就見到大廈入口。大廈有傷殘人士設施方便輪椅人士前往。店內晚上氣氛柔和，長長的單邊玻璃窗，把街道繁忙的聲音阻隔著。黃金蟹肉燴飯燴飯上的紅絲及紫菜絲，令意大利式燴飯帶點日和風味。入口鹹蛋味道香濃，蟹肉十足，飯質軟熟，濕度合適。簡簡單單點了幾道菜，兩個人不會吃太多。先點了「 燒北海道帶子藜麥沙律伴柚子橙香草汁」酸甜味道刺激味蕾，胃口大開，蔬菜也非常新鮮。燒西班牙黑毛豬架羊架、T骨牛扒都吃過，但黑毛豬架就第一次。 兩件size 都幾大，一個普通女生是吃不下，肉質鮮美多汁，燒得適中。朱古力布朗尼伴雲呢拿雪糕是店長推薦，好有驚喜，布朗尼熱辣辣，配上冰凍雲呢拿雪糕，真係好滿足。怕肥的朋友，記得找個朋友一齊來分享！

今日下班後約了好朋友食晚餐，今天預約的餐廳在上環，餐廳距離地鐵站十分近，雖然是樓上鋪，但有一定的吸引力。前菜要了青口，用白酒和忌廉煮成的，比起純用白酒煮的要濃味點。沙律有煎得又香又熱的帶子，配上不同的沙律菜，美中不足的是藜麥比例相對少點。最吸引人之處是主菜份量頗大，豬仔骨不止份量大，而且啖啖肉，不是全部都是骨，很稔，很入味，而配菜是薯仔。甜品要了朱古力brownie 雪糕，一熱一凍，好爽。此餐廳不僅以份量取勝，而賣相亦相當不錯，下次可以再約三五知己上來。

今天約了朋友到上環搵食。我們選了氣氛很好的西餐廳。餐廳距離地鐵站只需2分鐘的路程， 十分方便。侍應有禮地招待我們坐在窗口旁，看着夜景進食，感覺非常舒適。我們點了一個 香煎帶子沙律，上面有酸酸甜甜的沙律醋， 十分成為。帶子煎得香脆而且鮮甜，令整個沙律生色不少。侍應更為我們放上熱騰騰的包，加上醋和橄欖油，我很喜歡💕。值得特別推介的是燒香菇，香菇鋪上面芝士和煙肉，一口咬下去發現香菇非常多汁，配合溶化了的芝士真的好味極了。主菜我們點了頂級美國安格斯牛排🥩，牛肉味很重，十分嫩滑，很好味。最後吃了朱古力蛋糕及檸檬芝士蛋糕，甜甜酸酸的蛋糕為這一餐劃上完美句號。