Go Inside Kitchen (已結業)

友人識飲識食，每逢放假，最愛的節目，就是四出捐窿捐罅，搜尋美食。早前見她造訪了觀塘工廠區一間樓上 Café《Go Inside Kitchen》，用膳後不但大讚店主致力推動「聾健共融」的理念，而且更身體力行，聘請聽障人士負責侍應工作，以增加他們跟食客的溝通機會；加上店裡食物水準唔錯，實在值得支持。既然朋友極力推介 ，碰巧這天要去觀塘辦點事，就一於趁空檔，兩口子先去吃頓午餐。餐廳座落於觀塘道時運工業大廈 5 樓，甫踏進店，即被一室淺木色調所吸引。原來店內地方很大，樓底頗高，而且環境寬敞闊落，加上用餐區只簡單地以木檯配襯白色膠椅，沒有花巧的裝潢，讓人感到舒服自然。趁時間尚早，食客不多，先快步於室內巡了一圈，牆身上的幾何圖案竟然是用木條拼配而成，設計果然有心思。再往餐廳另一端走，原來外面還設有一個露台，雖然地方不大，但坐下來吹吹風，欣賞一吓周邊的風景，感覺亦蠻不錯啊！ 安座後先細看餐廳，午市有二人套餐供應，包頭盤、餐湯、主菜、意大利飯、甜品及飲品，優惠價 $208；另外還有可供一人享用的 Set Lunch，共有八款選擇，價錢由 $62 至 $138 不等，已包括精選餐湯，主菜及餐茶。如果仍

早前觀塘返工嘅朋友約我去試吓同我慶祝生日如果唔係有朋友引路我絕對唔識走入工廠大廈搵嘢食朋友平時lunch time 有來幫襯我點了Set dinner先奉上新鮮法式麵包小食也不差有兩大粒加勒比海飛魚子海鮮球炸得脆口的海鮮球夠彈牙咬入口仲有卜卜脆嘅飛魚子口感當晚精選餐湯係野菌忌廉湯味道適中而且仲有粒粒菇肉口感走進廚房吃波士頓龍蝦天使麵 $288So surprise 係原隻波士頓龍蝦咁大份量香濃的芝士鋪滿整隻龍蝦龍蝦肉鮮甜彈牙有咬口一入口就感受到材料新鮮蟹鉗預先劈開食起上嚟就更加方便天使麵煮得有彈性而且每條面都掛滿濃郁的龍蝦汁餐飲要左凍嘅即磨咖啡質素都唔錯甜品係士多啤梨泡芙我覺得兩個女仔食就啱啱好啦泡芙入口鬆化加上香甜嘅士多啤梨醬汁是晚餐完美的句號

聽聞呢間餐廳係一間社企餐廳，今晚難得約老朋友見面，當然要叫埋佢黎支持一下，順便食晚飯。餐廳位於工廈裏面，但距離地鐵站不遠，好容易搵到。入到餐廳，整體環境舒服，坐低無幾耐，侍應就送上熱辣辣嘅多士，配合橄欖油及黑醋一齊食，味道好夾。另外，我哋叫咗一份招牌沙律、意粉及主菜。原本諗住試埋甜品，但結果，食得太飽所以冇叫。整體食物質素高，只係上菜速度太快，令食物放上枱上好快放涼曬。招牌沙律(二人份量）$88沙律真係夠晒大盤，除咗有新鮮雜菜外，亦有巴馬火腿及煙三文魚，用料十足，配埋香醋醬食，清新又開胃。西班牙黑毛豬豬鞍架 $168豬鞍架夠厚身之餘又夠大份，外面煎到金黃色，切開後，內裏卻保持肉汁及鮮嫩嘅顏色，證明剛好熟透。食嘅時候，點埋酸酸甜甜嘅蘋果蜜糖醬汁，令肉味提升唔少。黑松露帶子闊條麵 $158闊條麵質地煙韌唔會太軟身，另外，黑松露醬香味亦令闊條面更好味道。當然，帶子先係主角，一共有三大隻，兩邊煎到金黃色，夠鮮味。

因為工作的緣故，已經好耐未試過好優哉悠哉地享受一頓午餐了，今天適逢好友專程來到觀塘與我共晉午餐，自然不敢怠慢，帶佢食好嘢啦這餐廳位於工廠大厦中，進入餐廳後令人有種心曠神怡的感覺，就像世外桃源一樣有個二人套餐，而且做緊特價，唔駛考慮了，就叫這個啦夠哂蒜蓉而且法包香脆今日嘅餐湯系忌廉雞湯，味道香濃而質感幼滑，配蒜蓉包一流沙律菜非常新鮮翠綠，無花果黑醋汁亦能帶出煙三文魚的鮮，三扒兩撥便清了終於輪到主菜上場了, 烤春雞係我的至愛，上到枱時已經香氣撲鼻，也顧不了儀態便用手撕下雞脾來吃，肉汁隨隨漏出，鮮嫩無比、更有陣陣香草及檸檬的味道惹味的黑松露包圍住每一根寬條麵，帶子稍為微煎入口即溶薄薄的焦糖非常香脆，內裏的燉蛋好幼滑，看得出廚師對這個甜品的用心這二人餐的份量非常足夠，下次再來吃的話早上千忻唔好食早餐呢

今次我用咗OPENRICE網上訂位服務, 餐廳前一天打電話比我CONFIRM BOOKING, 不過去到都未有位, 要等一陣, 侍應都態度不錯, 佢攞張櫈比我坐住等, 話等緊客人埋單,  今日被安排坐近窗口位置, 呢到既餐牌好特別, 有手語教大家點菜, 因為呢間餐廳既侍應有聾人同弱聽人士, 負責落單既侍應唔多, 好似都係得一至兩個, 而且出菜都唔算快, 但食物一定係即叫即做, 因為上枱時係好燙口, 而家每碟食物碟邊都有畫花, 睇得出廚師係用心對待每碟比客人食既食物, 真係要讚一讚廚師用心既製作, 好坦白講呢到既價錢唔算話好貴, 食物質素亦比同區既西餐廳水準高, 咁既食物加上咁既價錢, 絕對係抵到不得了餐湯 - 賣相不錯, 好少見到午餐會有畫花既餐湯, 未食前已經聞到好重薑味, 到第一啖入口, 嘩...實在太好味, 竟然係蕃薯湯??????? 好似飲緊蕃薯糖水咁, 不過今次係轉咗做湯款, 完全冇諗過會係蕃薯, 以為係南瓜湯囉, 所以呢個湯真係無得頂 !餐包 - 竟然係蒜蓉包, 包面超多蒜蓉, 而且麵包好軟熟, 暖暖的黑松露蜜糖雞翼 - 跟餐可另加$15有2隻雞翼, 連小食碟都有畫幾筆,

平日一講食西餐，個腦只諗到肉類，好少會同海鮮掛鈎。其實西餐一樣有海鮮食，當然同我哋中式蒸煮同汆熟有唔同。人各有喜好，我就比較鍾意西式嘅煮法，起碼無咁單調，多啲變化！早排生日，女友知我鍾意食蝦，就帶左我黎呢間餐廳食。餐廳主打係西餐，不過唔係淨得食肉，都有唔少海鮮菜式女友話有味加勒比海飛魚籽海鮮球我一定鍾意食。初初上枱時睇落以為只係肉丸黎，一咬先知係魚肉同蝦肉嘅混合體口感比中式炸蝦球有過之而無不及，配埋個有好濃蕃茄味又酸酸甜甜醬汁，味道認真一流，真係一試難忘。主打我梗係要食好啲，我叫打左碟波士頓龍蝦天使麵，更加無令我失望。隻龍蝦足有五六吋長，開邊配上芝士焗出黎非常香口老遠已聞到香味，食落口更龍蝦味十足，絕對唔似外邊啲冷藏貨無黎味道蝦身又夠晒肉地，連天使麵都用龍蝦汁煮過，碟麵已經值九十分，配上美味嘅龍蝦，直頭滿分享受！ 最尾食埋甜品先走！

觀塘道又堵車，遲了半小時才下車，幸好餐廳就在巴士站旁的工業大廈內，很快便找到這間Go Inside Kitchen。這幢工業大廈有點殘舊，但餐廳裡面環境寛敞，裝潢簡約，還有露天茶座！有set dinner，也有單點美食，悉隨尊便。餐包配橄欖油黑醋每桌客人均免費有一籃餐包配橄欖油和黑醋，餐包帶淡淡牛油香，烘得脆一點會更好，配橄欖油黑醋健康清新。加勒比海飛魚籽海鮮球 $78本來想試試薄切北海道帶子香橙芥辣汁沙律，感覺挺特別，可惜帶子沒貨，店員便推薦了招牌菜加勒比海飛魚籽海鮮球，用豆腐混和青口、三文魚和飛魚籽等海鮮炸成。可能是招牌菜令人期望太高，反而有點失望，一來份量太少，$78只有三顆， 二來味道平淡，不太吃得出海鮮味，像炸豆腐卜。黑松露蜜糖烤雞翼 $58這客雞翼成功扳回一城，烤得惹味之餘亦能留住肉汁，黑松露香氣四溢，跟蜜糖出奇地配，而且有六隻，可以吃個夠。溫泉蛋卡邦尼意粉 $128吃過很多濫竽充數的卡邦尼意粉，隨便用廉價的白汁配煙肉便算，這客意粉一吃便高下立見，芝士味很香濃，意粉彈牙，醬汁幼滑，煙肉香口，份量十足，美中不足是上菜時溫泉蛋破掉了，和欠了黑椒作點綴。墨魚汁海膽意大利飯 $14

返了一個星期工作，終於可以放假休息下，放假總是喜歡出街食飯當是獎勵下自己，是日中午去了觀塘的工廠區附近覓食，其後走進了在觀塘道中的一座大廈，門外已有一些餐廳的招牌，發現有一間 “Go inside kitchen” ,都是食西餐，不如一試上去食個lunch。餐廳環境不錯，寬敞又夠光猛，座位之間又晤會坐得太迫午餐選擇都不少，價錢由$62起至$138，午餐已包餐湯及蒜蓉包，還有一杯咖啡或茶。餐廳都會顧用聾人或弱聽人士，可見店中的老闆都是關心熱愛社群。餐牌中有一些圖畫，可以教客人學習較簡單的手語，真是非常有趣。最後我個人選擇了香煎雞扒伴青芥辣忌廉汁意大利飯$78，食主菜前，先來一碗是日餐湯，是日餐湯是薯仔忌廉湯，湯稠較稀，薯仔味尚算濃郁，用忌廉在湯面畫花都幾別緻。蒜蓉包都是即焗，拿起手都感到熱辣辣，一咬香脆，蒜香惹味，伴湯一起食真是非常滋味。另加$8點了一份田園沙律，沙律菜份量都多，而且都很新鮮爽脆，加份了黑醋汁伴食，微酸又開胃。主菜都已經好快端上來，我的主菜是香煎雞扒伴青芥辣忌廉汁意大利飯，雞扒皮脆夠薄，滲出啖啖雞油香，雞肉味濃，用刀一切已見肉汁，每一口都感到好juicy,肉質嫩滑，真是很

香港系美食天堂一D都無錯，不需要刻意去穩，都有好野事，呢間餐廳主打意式意粉，當然不能錯過。帶子黑松露意粉，濃濃嘅黑松露包住每一條寬條面，寬條面煮得岩岩好，好有面味，好有嚼頭，味道拿捏得岩岩好，帶子煎到兩面金香，裏面嫩滑，食落鮮甜有海鹽味，超正。蒜蓉包超正，好脆。尼杯凍嘅MOCCA,濃濃嘅朱古力味，咖啡味好濃濃，上面有CREAM,增加左咖啡嘅柔滑度，幾好味~

放工約了媽媽到觀塘dinner，經過樓下看到這間餐廳名，感覺很特別，於是就上楆一試！｜法式煎鵝肝配鳳梨｜基本上只要頭盤有鵝肝，我都一定唔會放過！以我吃鵝肝的經驗而言，這間餐廳的煎鵝肝當算中規中距，不算有很大驚喜，但味道還不錯！鵝肝不會煎得過熟，鵝肝油膩感因鳳梨而取得了平䚘，但唯為失色的是選用了罐頭菠蘿，太甜亦沒有很好的口感！｜香草檸檬烤春雞｜近排想清淡一點，所以就不order牛（來一個春雞吃白肉健康點嘛）首先，擺盤挺吸睛～一上枱便嗅到燒雞的香氣，用刀子輕力便能切開，可想而知肉質能有多鮮嫩！入口同樣不負所望，雞肉十分幼嫩，外皮稍脆，配上檸檬汁㨒惹味！

嚟到觀塘工廈揾野食，我地擇左依間試下，因我之前食過紅磡個間既set lunch幾好。不用等位，場內有幾枱人食緊，我地坐窗邊。先嚟法國麵包，好貼心配上醋同Oliver oil好脆身，唔錯。之後等左下就嚟2個意大利飯，我地都好飽所以叫飯咋羊扒意大利飯，3大舊羊扒好抵食 好岩食肉獸，飯綠綠的 香草汁，好清配返羊扒岩岩好。另外，海膽墨汁飯，好多飯，早知2個女仔叫一個飯叫其他野試，下次試海膽份量唔算多但好新鮮，配淡淡地既墨汁飯幾好，依到份量好大，好抵，下次有機會再食d set dinner。

今日 同朋友簡左呢到lunch呢到下就有2人set 本身同都想order但一望之下 見到兩款主菜都係雞所以就唔叫了咁我地都簡返普通lunch set 再加左小食田園沙律蔬菜都新鮮既黑松露蜜糖雞翼食唔到黑松露但好重蜜糖味個皮煎到脆脆👍🏻👍🏻蒜蓉包呢個包味道幾好如果再熱d就更好蘑菇湯個樣賣相好靚但味覺偏淡 我地既主菜到喇卡幫尼意粉賣相亦好吸引但佢既汁太'傑'身食落口好'將'住既感覺仲有小左芝士味西冷牛扒失望左既我地order 7成熟黎到一邊應該係11成熟 一邊7成熟哂左最後，仲可以加錢叫個甜品試下Tim

依區愈來愈多餐廳開係工廈，就係因為地鋪貴租，雖然開係工廈多行幾步路，但都值得。同朋友黎左依間工廈西餐廳食晚飯餐廳範圍都幾大，空間感大得黎感覺舒服，可以靜靜傾計我同朋友因爲唔太肚餓，所以散叫食物<<招牌沙律-2人份>>份量都幾多又足料，入面有巴馬火腿，煙三文魚，雞肉粒，另外附有黑醋同橄欖油拌住食，食落酸酸地幾開胃<<溫泉蛋卡邦尼意粉>>溫泉蛋賣相好靚，拌意粉一齊食，食落幾Creamy同好香蛋味，煙肉、洋蔥粒、蘑菇配料好多，唔似外面食到既只有濃烈既忌廉奶味，好味道<<煙肉薯仔湯>>好濃煙肉味，味道唔咸唔淡

在觀塘區上班，最喜歡捐窿捐罅找好吃的。最近同事找到間在工廈中的良心企業餐館, 傳聞出品大份夾低食，而且還有多款甜品供選擇！Go inside位於觀塘道時運工業大廈5樓，一出lift門看到工廈內的綠州便是go inside了午餐有二人set 或一人set。Manu內還有教授簡單的手語，食野之餘仲有野學點餐不久後，店員便遞上蒜蓉包，份量還不小今天的餐湯是雜菌忌廉湯，沾包吃最適合不過。味道正正常常惠顧午餐加$12可加點田園沙拉。另外$16可選擇黑松露蜜糖雞翼。雞翼炸得脆卜卜，加了蜜糖和黑松露十分惹味澳洲西冷，牛扒煎至7成熟，肉質啖啖嫩軟，保留豐富肉汁，而且配有我最愛的薯角，正！温泉蛋卡邦尼意粉，醬汁與意粉的比例洽好，把生蛋搞勻後進食更覺美味，內裡涵料超多吃完正餐後，店員便拿出甜品manu，果然非常多種類！焦糖燉蛋，面層有焦糖十分香脆，蛋味濃郁，甜度適中黑芝麻豆腐芝士凍餅，吃下口感特別，芝麻與豆腐出奇地夾這裡的甜品細細份，就算食到幾飽都容易KO，岩曬我地d眼闊肚窄既女仔

每個人對第一都有一份執著,當然唔少得我既小胖女,佢一睇到而家OPENRICE 既餐廳排行榜第一名,立即就捉埋小弟去試,咁呢間野有咩咁巴閉呢,其實大家會睇到不外乎係工廈,西餐,大玩文青FEEL,小弟亦都係咁諗,去到既時候餐廳格局比較偏向寧靜既西餐廳,安排入坐後面對一個開放式廚房,餐廳格局以長木枱再加上小小燈光打落黎,非常之舒服,好似去左一個角落咁小胖女就提意點返個DINNER SET黎撐撐腳,餐包左一個湯,一份小食,一個主菜,飲品同甜品另外我地再散叫一份黑松露帶子闊條麵,前菜為法包加餐湯(相信係南瓜湯??)頭盤黎講夠哂開胃,再黎送上黑松露蜜糖雞翼 X2,睇相頭好似好寒酸咁其實味道都好好架,而DINNER SET最後就以焦糖燉蛋做甜品,好夠蛋味,甜甜地,非常滿足,如果怕左嘈嘈閉既餐廳.呢到真係非常岩情侶黎約會既地方