影片
更多
2016-10-29
2068 瀏覽
今次我用咗OPENRICE網上訂位服務, 餐廳前一天打電話比我CONFIRM BOOKING, 不過去到都未有位, 要等一陣, 侍應都態度不錯, 佢攞張櫈比我坐住等, 話等緊客人埋單, 今日被安排坐近窗口位置, 呢到既餐牌好特別, 有手語教大家點菜, 因為呢間餐廳既侍應有聾人同弱聽人士, 負責落單既侍應唔多, 好似都係得一至兩個, 而且出菜都唔算快, 但食物一定係即叫即做, 因為上枱時係好燙口, 而家每碟食物碟邊都有畫花, 睇得出廚師係用心對待每碟比客人食既食物, 真係要讚一讚廚師用心既製作, 好坦白講呢到既價錢唔算話好貴, 食物質素亦比同區既西餐廳水準高, 咁既食物加上咁既價錢, 絕對係抵到不得了餐湯 - 賣相不錯, 好少見到午餐會有畫花既餐湯, 未食前已經聞到好重薑味, 到第一啖入口, 嘩...實在太好味, 竟然係蕃薯湯??????? 好似飲緊蕃薯糖水咁, 不過今次係轉咗做湯款, 完全冇諗過會係蕃薯, 以為係南瓜湯囉, 所以呢個湯真係無得頂 !餐包 - 竟然係蒜蓉包, 包面超多蒜蓉, 而且麵包好軟熟, 暖暖的黑松露蜜糖雞翼 - 跟餐可另加$15有2隻雞翼, 連小食碟都有畫幾筆,
今次我用咗OPENRICE網上訂位服務, 餐廳前一天打電話比我CONFIRM BOOKING, 不過去到都未有位, 要等一陣, 侍應都態度不錯, 佢攞張櫈比我坐住等, 話等緊客人埋單, 今日被安排坐近窗口位置, 呢到既餐牌好特別, 有手語教大家點菜, 因為呢間餐廳既侍應有聾人同弱聽人士, 負責落單既侍應唔多, 好似都係得一至兩個, 而且出菜都唔算快, 但食物一定係即叫即做, 因為上枱時係好燙口, 而家每碟食物碟邊都有畫花, 睇得出廚師係用心對待每碟比客人食既食物, 真係要讚一讚廚師用心既製作, 好坦白講呢到既價錢唔算話好貴, 食物質素亦比同區既西餐廳水準高, 咁既食物加上咁既價錢, 絕對係抵到不得了
餐湯 - 賣相不錯, 好少見到午餐會有畫花既餐湯, 未食前已經聞到好重薑味, 到第一啖入口, 嘩...實在太好味, 竟然係蕃薯湯??????? 好似飲緊蕃薯糖水咁, 不過今次係轉咗做湯款, 完全冇諗過會係蕃薯, 以為係南瓜湯囉, 所以呢個湯真係無得頂 !
餐包 - 竟然係蒜蓉包, 包面超多蒜蓉, 而且麵包好軟熟, 暖暖的
黑松露蜜糖雞翼 - 跟餐可另加$15有2隻雞翼, 連小食碟都有畫幾筆, 可知廚師幾用心製作美食, 絕不馬虎, 雞翼好重蜜糖味, 肉質亦嫩口
煙三文魚海撤沙律 - 賣相不錯, 煙三文魚同菜都好新鮮, 沙律醬汁都配搭得不錯, 唯獨橄欖油多咗啲
香煎三文魚扒配刁草忌廉汁 - 賣相不錯, 8OZ既三文魚扒其實都夠飽, 因為仲有薯格, 三文魚皮煎到好脆, 肉質好嫩好鮮, 就算唔點汁食都好味, 可以試到三文魚既味道, 反而我對個刁草忌廉汁麻麻地, 個汁好水而家係酸酸地既, 配落三文魚到食感覺怪怪的, 而薯格就好脆口好鬆化, 食得出係新鮮即炸既
香煎雞扒伴青芥辣忌廉汁意大利粉 - 賣相不錯, 雞扒皮炸到脆卜卜, 肉質亦嫩口, 意大利飯有淡淡既青芥辣味, 感覺好新鮮, 味道亦不錯
香蒜欖油鮮蝦墨魚仔扁意粉 - 賣相真不錯, 料亦很足仲有帶子添, 食材新鮮, 味道不錯, 唯獨橄欖油多咗少少, 變得意粉有啲油
凍檸茶 - 3片新鮮既檸檬加上不算太濃既茶底, 得出黎既味道係不錯
是日精選飲品係熱柚子茶 - 濃濃既柚子味, 多多既柚子肉喺杯底, 味道不錯, 不過只限熱飲, 沒有凍飲提供結總 ; 埋單時先發現原來全單有8折, 因為電話訂座, 臨走時侍應仲比咗幾張8折優惠券我添, 午餐同晚餐都可以用, 佢話其實打電話嚟訂位已經有八折, 所以話呢, 咁既食物質素加上咁既價錢, 真係要多啲嚟幫襯
張貼
