390
37
15
港鐵觀塘站 A2 出口, 步行約4分鐘 繼續閱讀
開飯介紹
位於工廈內的西餐廳,Go Inside表意是請人內進,語帶相關的另一個意思是提醒人們重返本心,讓人聆聽自己內心聲音,重拾追求夢想的熱情,為一個孵化不同年青人的夢想實踐咖啡店,鼓勵年青人「做。真自己Being Truth to Yourself」。 繼續閱讀
付款方式
Visa Master AlipayHK 支付寶 現金
座位數目
60
其他資料
Wi-Fi
自帶酒水
切餅費
電話訂座
加一服務費
吸煙座位
當面支付
食評 (467)
等級1 2020-01-27
543 瀏覽
行日午市去,見到個場唔爆都知唔對路,但見到openrice 咁多正評,又零負評,咪戰下囉點知同行三人,兩人食牛扒,兩份一樣咁伏一個七成熟,一個五成熟,但兩塊都一樣咁un,個餐湯又咸,真係不了Let me recap in English, the steak didn't taste good. We ordered 2 steaks. 1 well done and 1 medium. They were just like chewing gum. Soup was salty also. 繼續閱讀
(以上食評乃用戶個人意見 , 並不代表OpenRice之觀點。)
等級1 2020-01-16
439 瀏覽
當日係朋友生日,餐廳本身住處於工廈上面,所以本身都沒有太大期望係環境到,不過因為見到間餐廳係社企所以幫襯下。咁環境係正正常常,乾淨企理,空間感都幾大,因為餐廳入面無放到好多嘅枱同櫈,枱與枱之間都有好大嘅空間可以自由出入。咁我地當日四個人叫咗四樣嘢食,分別係: 1. 黑松露蜜糖雞翼; 2. 空運澳洲肉眼; 3. 德國黑椒豬手; 以及4. 柏施圖汁荷蘭大啡茹寛條麵。佢地有夜晚嘅Set,我過我地無叫到因為想下場去飲下酒咁。前面三樣嘢食都好好食,係超過咗我嘅期望。豬手皮脆而肉入味,雞翼多汁,肉眼都唔錯。不過第四樣就百貨應百客,係有種比你覺得草味嘅感覺,我同另外兩個都唔太鐘意,不過生日果個就覺得唔鐘。就係咁! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-18
545 瀏覽
今日同事帶我去公司附近一間社企餐廳食飯,餐廳裝修簡簡單單,地方濶落乾淨。是日餐牌有9款set lunch,餐湯+主菜+餐飲 ($88 - $288)今日仲做緊8折,好抵食😋餐湯🥣磨菇湯 ~ 餐湯唔夠熱,暖暖地,但磨菇味道濃郁,反而蒜蓉包又脆又好味😋美國自然豬肉眼扒 🍴切開中間小小粉紅色,侍應解釋話呢款係榖飼豬,所以生生地都ok嘅,不過肉質就真係有d鞋。同事果份香煎龍利柳,有些少雪味啦。其實整齊黎講,食物質數一般啦,但因為係社企,當然要支持下啦,下次應該都會再黎嘅😃 繼續閱讀
(以上食評乃用戶個人意見 , 並不代表OpenRice之觀點。)
等級3 2019-10-21
581 瀏覽
銷售員A和同事每月一次又來Go Inside,可以了解到餐廳水準真的不錯,值得推介。其實最近三次來到,銷售員A都點同一個午餐,厚切豬扒配薯菜,再配合餐廳的芥末醬,完美配搭。每次來到的餐湯都有特色,這一次嘗到的是西洋菜忌簾湯,中西合壁,西湯口感中湯味道。銷售員回頭指數: 4分 繼續閱讀
(以上食評乃用戶個人意見 , 並不代表OpenRice之觀點。)
等級2 2019-10-05
282 瀏覽
平時喺觀塘放工,經過一棟工業大廈門口,成日都會聽到啲路人講,大廈上面有間社企餐廳好好食,於是上網search到。星期六放假又咁岩約咗朋友喺觀塘見面,見面前就同男朋友上去食個Set lunch😃。雖然餐廳喺工廠大廈入面,但係入到餐廳環境都好舒服,得到餐廳店員熱情款待,店員都好盡力及好有耐性介紹食物。而我哋兩個都鍾意食扒,所以就分別揀咗,🥩澳洲肉眼扒(8 oz) 伴紅酒汁<5成熟>同埋美國安格斯肉眼(12oz)伴紅酒汁<7成熟>。Set Lunch 有我哋兩個最鍾意嘅蒜蓉包及雜菜湯,另外我哋比餐牌上邊嘅黑松露蜜糖雞翼吸引住 (+$15有兩隻啦😁),又真係整得好好食喎,雞肉嫩嫩的🤤。話咁快我哋嘅扒就送到啦,仲有薯條同蔬菜伴碟,其實我想話我哋兩個嘅澳洲肉眼扒及美國安格斯肉眼都好有肉味同好juicy,雖然好大塊但係太好味,我哋兩個清晒😂。最後我哋仲叫咗甜品 (+$12) ,分別係朱古力brownie同士多啤梨泡芙😋。朱古力brownie食落去濃濃嘅朱古力味,而士多啤梨泡芙就夠清香。食完咁好食咁豐富嘅午餐,成個醒神晒💪🏼😁。特別係要稱讚店員,每一樣都好盡力好用心去介紹同招呼我哋,而且好有禮貌。請大家可以多多支持社企餐廳。 繼續閱讀
(以上食評乃用戶個人意見 , 並不代表OpenRice之觀點。)