Give Me 5 (已結業)

今日約咗家姐慶祝生日，諗咗好耐，應該食自助餐定放題好， 自助餐太貴大，但放題又冇我哋鍾意食嘅海鮮類，搵左好耐先搵到呢個半自助西餐。位置有點避，但是日星期四都好滿座下，因為星期一至四係平d d. 其他人未咁快到，我同我老公先落order, 叫左個德國豬手，一個卡邦尼意粉。主菜未到我地已先去拎野飲，飲品櫃都幾多野拎，但我都係飲湯先，再加塊多士，呢度冇中式燉湯，但個南瓜忌廉湯味道都ok.沙律巴有6種菜再加幾種豆同磨菇，但愛海鮮的我冇食，focus on 排隊拎即開生蠔，不斷refill的蝦，蛤蜊。生蠔唔大隻，但即開夠鮮甜，唔重金屬味，排隊都係5至10分鐘，我拎左3,4轉。魚生有三樣，甜蝦好味,墨魚可是，三文魚我老公有食話ok.主菜的德國豬手, 我哋攤咗一陣之後再食都仲好脆， 如果可以幫我哋切埋就更加perfect。卡邦尼意粉的汁濃度啱啱好,而且煙肉唔會太硬，賣相精美。成晚專攻海鮮可回本

今次訂餐廳比較匆忙， 而訂這間餐廳，是看了食評才試一試，主菜有6還是7款不同選擇，份量不少（可能是自取的食物種類不多），主菜味道也不錯。驚喜位是即開生蠔，都夠新鮮。其他就沒有什麽特別，總括來說這餐廳環境，食物味道不錯，會介紹比朋友。

開係鴻圖道嘅呢一間餐廳，裏面有抵食自助餐可以選擇，見到佢自助餐都好多款選擇，有生蠔每次可以叫兩隻都幾抵食，或者揀主菜一碟碟咁叫都OK。同朋友叫咗幾個餐黎試，首先嚟咗個溫泉蛋意粉，佢用咗風乾牛肉同埋一隻溫泉蛋加上少許芝士口味有點濃，咸度十足。之後仲叫咗個波士頓龍蝦米占多，平時喺出邊都冇點食過，以為都係多士類，點知嚟到就係得半隻龍蝦開邊，再加少許焗溶咗嘅芝士。口感唔係話太好，得好少龍蝦肉，開咗個龍蝦鉗先見到有肉。芝士入邊都放咗唔少嘅餡，有d薯蓉質感，令到成件事都幾香，但我個人就反而唔係太好食龍蝦。每個餐仲會跟杯野飲，可以叫檸茶檸水添。

去到夜晚，觀塘平時都好似死城，今日比我發現到敬業街同鴻圖道之間交界有好嘢食。本來想去食自助餐，不過朋友太夜先到了，無法可以一起入座開始計，結果就開始跟餐牌散叫。我哋都比較鍾意食扒類，所以叫咗羊架同埋肉眼扒，呢度嘅肉眼扒有八安士，我哋叫咗兩份都係大概七成熟。我覺得塊牛扒幾好食，肉質好鮮嫩，半硬半軟嘅肉質，令到我好想大快朵頤吃一大塊。拌碟仲有少少薯仔蒜子同埋番茄，認真夠晒營養！另外個羊架上面放左啲炸蒜蓉，香但係唔熱氣，羊架唔會充滿騷味，半肥瘦是屬於品質好的羊肉，拌碟跟剛才差不多也有不同的蔬果，十分高的營養價值。吃不飽的話可以吃上碟上的薯蓉，有點快餐店的味道。

慶生之海鮮半自助晚餐Give Me 5 是我們第2次去了而且是老公的生日從網路上看到現在有一個海鮮半自助晚餐好吸引了那個是包含一份主菜然後其他都是任吃任喝的最吸引的就是有現場即開生蠔, 凍蟹, 凍海蝦, 然後還有刺身, 沙拉, 湯, 甜點, 飲料澳洲肉眼扒(8安士)配黑菌汁第2次來還是對這定的牛扒念念不忘我們點了7成熟真的剛剛好沒有煎太超過份量其實蠻大的, 肉質很軟跟那個黑菌汁很配我吃過2次這家的牛扒水準還是保持住, 而且呢個醬汁真的讓我們感覺非常驚喜波士頓龍蝦米占多聽到這個名字就覺得很厲害跟吸引到我了龍蝦只有半隻, 它的做法是龍蝦肉, 煙肉, 洋蔥, 芝士,把所有的材料炒過再拿去焗, 這個要趁熱吃那個芝士跟所有材料都很搭任吃生蠔看上去是比較小隻的,但蠻好吃的蠻鮮甜的,因為每次只能拿2隻, 但不用排太久的啦在$300多塊之下可以任吃即開生蠔我覺得已經好不錯啦其他海鮮凍蟹, 凍海蝦都很爽口鮮甜那個凍蟹必吃不要看它小小的半隻,它的肉是有很多很甜的這個環境很舒服吃太飽還可以去玩一下桌球跟飛標機店裡的服務員每個人都很好收拾盤子的都很快, 也會耐心解釋但刺生選揀有點比較少, 甜點都小小份好方便不

同兩位朋友第一次去呢間試下，當日都無食其他特別野，我地一行三人！三文魚同生蠔任食，其他野食ok味道幾好！價錢都勉強可以接受！唯獨生蠔唔算好新鮮，雪得可能唔夠凍，而且沖極都係同一盤污水，結果就奶野！我想講食物唔衛生係會死人！腸胃炎、食肉菌都可以好嚴重！希望餐廳改善一下！三個人都肚痾，又嘔完又嘔，已經睇左醫生🤒PS: 每次開完蠔要抹刀，盡量唔好開到入蠔殼唔該🙏🏼🙏🏼🙏🏼 可以開得好少少同洗得乾淨d

為了作富士山之旅的最後準備小妹特意到這小店用餐餐廳環境寬敞而且舒適Lunch set係semi-buffet的形式有自助沙律吧，餐湯，水果，甜品選擇雖然不多但質量有保證 特別是羅馬生菜非常新鮮小妹與友人各選了一款分着吃1/紐西蘭肉眼扒$133友人點了8成熟 肉眼扒肉質不錯肉味濃郁配上醬汁 份外美味配菜的薯泥非常幼滑 牛奶味濃2/法式香草羊架$133小妹點了5成熟羊架份量頗多 有3塊味道香濃 沒有羶味肉質不錯 略嫌肥肉有點多但整體不錯配上餐茶一杯 熱咖啡作為一個完美的句點週末來這裡感到忙裡偷閒的舒服坐在卡位 邊吃邊聊特別寫意 不錯

今次呢到觀塘食半自助餐😆只要嗌一款主食，就可以任食凍海鮮、刺身沙律、餐湯甜品同飲品😎除咗食野之外，仲有得掟鏢同篤波🎱🎯對男小編嚟講最正嘅梗係可以任食生蠔啦😗不過每次只可以拎兩隻😆生蠔食落都算鮮甜，不過就唔重海水味🤔而女小編最滿足就係蒜蓉包加南瓜湯😂#波士頓龍蝦米占多😋好味指數：(7.5/10)到底咪係米占多🧐？原來係將龍蝦肉起出嚟，加埋洋蔥、忌廉、煙肉同白蘭地炒一炒，再將肉同醬汁放返落去龍蝦殼加芝士一齊焗😝(冇錯我係上網揾嘅😎)食落去啖啖肉，肉質彈牙😚上面鋪滿咗芝士正正🤤不過得半隻就有小小唔夠喉😢#澳洲肉眼扒配黑椒汁😋好味指數：(7/10)肉眼扒都幾大塊，食落都幾淋😆只係零零舍舍有少少筋嘅部份🤔而且黑椒汁裡面加咗啲黑松露，所以食落特別惹味😋💰收費 要加一啊😎星期日至四 六人同行一人免費成人 $298小童 (4至10歲) $178星期五至六及公眾假期六人同行免費贈送1664啤酒原隻燒雞成人 $328小童 (4至10歲) $198

又黎觀塘工廈搵野食，餐廳環境相當舒服，特別係張特大既沙發，座位好闊落，都幾好坐。德國有骨豬手(218)既size不會太大，所以一個人食亦都唔驚食唔曬，豬手似相當嫩滑，豬手皮更加係非常之正，好香脆！ 另外，仲有少少薯仔, 薯蓉, 車厘茄同秋葵作伴碟。澳洲安格斯牛扒(238)，牛扒重8安士，肉味甚濃，肉質都幾嫩，仲有配黑松露薯蓉同小量配菜。另有加一服務費，食物選擇唔多，得幾款main，餐廳主要做半自助set

觀塘工業區出名多隱世餐廳，昨日同友人就去左Give me 5到食個高級晚餐。餐廳位置唔算難搵，地鐵站行去大約10分鐘。一出電梯就會見到！同朋友一人叫左一個main course ，我叫左波士頓龍蝦米沾多。半隻龍蝦包含滿滿既龍蝦膏，廚師將龍蝦起左肉之後加入左三色椒碎再鋪上芝士焗，香氣撲鼻之餘，食落好有口感，龍蝦肉好爽口！！朋友叫左個澳洲肉眼扒配黑菌汁，足足有成8安士重架！5成熟啱啱好，一啲都唔鞋，好冧好有牛肉味。兩碟既配菜都有烤薯、蕃茄仔、秋葵、紫薯片配上紫薯泥。都算有唔少蔬菜，幾健康！雖然價錢唔算平，不過係好味既！而且呢到環境好舒服，寬落得黎坐卡位仲可以對住觀塘既夜景！值得一讚！

前陣子去了觀塘和幾位朋友吃飯，其中一位在觀塘工作的朋友帶了我們去一家半自助餐餐廳。裏面的空間很足夠，有很多座位，裝潢以藍色海洋為主題。前菜沙律和餐湯，以及新鮮海鮮，包括鮮海蝦、蟹、 螺、青口、生蠔、魚生，還有餐飲和甜品，都是以自助形式提供的，可以任食。主菜則是另點的。海鮮吧和魚生吧算乾淨，可以放心大吃大喝。主菜方面，其中一位朋友叫了香燒挪威三文魚配香檳忌廉汁， 三文魚扒肥美多汁可口，十分惹味，忌廉汁的口味也很獨特。我則叫了法式寶雲酥羊架，口感十分香脆，肉質嫩滑，也是十分美味，不過味道稍微有一點腥羶，雖然個人覺得可以接受，但身邊友人不太喜歡，如是讓我獨享佳餚了。甜品有四款蛋糕和三款啫喱，味道都挺不錯。價格方面，我們去的時候是星期五，所以每位成人 的價錢是$328，另收加一服務費。 雖然價格跟一般酒店的自助餐差不多，但因為食物質素也挺高價格合理， 所以價錢也算合理，可以接受。另外，因為環境很闊落，所以很適合朋友聚餐。

Happy Friday 放工約左朋友黎呢間餐廳食Semi Buffet..幾款海鮮任食..絕對滿足到海鮮控既我..有蝦有蟹又有蜆..仲要有即開生蠔..包新鮮..又肥美..可惜唔係我既至愛..但我朋友食左十隻..最吸引我既都係凍蟹..超大隻..啖啖肉..好鮮甜..我食左足足兩隻...超級誇張..刺身都係大大片..包新鮮..餐湯係南瓜湯..熱辣辣..配埋蒜蓉包岩晒..沙律自己配搭..仲有唔同醬料..然後就一人揀一個主菜..我地揀左溫泉蛋卡邦尼扁意粉..食左半個自助餐..呢個份量岩岩好..唔會太多..但好有質素..意粉唔會太淋..配埋個卡邦尼汁無得輸..另外仲有肉眼扒...好大塊但又夠juicy..仲有個黑椒汁..直情可以encore..最後點少得甜品..每樣一小口..試晒唔同既味..又唔會食唔晒..仲有啫喱汽水任飲任食...2個鐘食到飽到捧住個肚走..

Give Me 5開設在觀塘近海濱的一幢工廈，近來轉了餐牌，主打$360(連加一)的半自助餐，而其他選項只有下列的單點食物，除了Tap Water，不連任何飲品/湯/沙律。溫泉蛋卡邦尼意粉 ($198+10%/單點): Portion不大，忌廉和煙肉條的份量充足，吃起來蠻有肉感，也蠻cheesy和creamy，另刺破溫泉蛋使味道更rich，但四人分享每人只獲約一口意粉，二人share還好。澳洲8安士肉眼扒 ($238+10%/單點): 除了肉眼扒，還有一根秋葵、兩件燒薯及少許薯蓉，肉眼扒肉味適中，肉質軟腍，脂肪含量亦不會過多。

聽聞呢間既semi buffet有即開生蠔食..對於生蠔熱粉黎講..當然要黎一探究竟..一入門口已經見到好多生蠔..仲有專人幫你即開..保證新鮮..雖然每次限拎兩隻..但我一個人都食左10隻..有點誇張..但已經值回票價..除左生蠔仲有蝦蟹同蜆..全部都好新鮮..餐前沙律餐湯蒜蓉包應有盡有..仲有刺身部有新鮮即切三文魚..好厚身..主菜叫左肉眼扒配黑椒汁..好大件...配埋薯仔..份量好多..食埋啫喱蛋糕..超滿足..

觀塘工商大廈林立，食店亦愈開愈多，呢間樓上café地方大，環境寬敞,而且café 內有桌球和飛鏢玩，好適合和朋友一起聚餐.所以食媽我就上網睇完揀咗呢間『俾個5我』嘅工廈西餐同食爸撐下枱腳順便同佢慶祝生日食半自助餐！上到去見到餐廳面積好大，有長枱，又有望到海景嘅sofa卡位，而枱與枱唔會太貼，唔會坐得好逼。同食爸去食半自助餐 - 平日就要$298+10%一位, 而到假日(5,6日)就要$328+10%, 主菜一款，其他都係自助任食2小時 !一入門口左手邊就係蠔吧⋯⋯『即叫即開』保證新鮮！有海水味但唔太咸，半自助餐來說，可以任吃即開生蠔，絕對性價比高!!唔錯！!仲有大愛嘅刺身吧，有三文魚，鱲魚 同埋八爪魚。。。正！仲有個海鮮吧（有蜆，蝦同蟹）都係任食架！材料都幾新鮮,雖然種類不多，但refill得快！每天提供不同的餐湯同蒜蓉包都可以任食，配埋一起有加分！『今晚係～紫薯湯～幾清甜！』主菜揀咗 1.澳洲肉眼扒（8安士）配黑菌汁(3成熟)  //  2.法式寶雲酥羊架(5成熟) 廚師手勢唔錯，熟度剛好唔會過火而太熟！沙律吧雖然選擇不算多，但基本款都齊全，番茄、青瓜、沙律菜等⋯⋯質素不錯👍🏻仲有多