Give Me 5 (已結業)

開係鴻圖道嘅呢一間餐廳，裏面有抵食自助餐可以選擇，見到佢自助餐都好多款選擇，有生蠔每次可以叫兩隻都幾抵食，或者揀主菜一碟碟咁叫都OK。同朋友叫咗幾個餐黎試，首先嚟咗個溫泉蛋意粉，佢用咗風乾牛肉同埋一隻溫泉蛋加上少許芝士口味有點濃，咸度十足。之後仲叫咗個波士頓龍蝦米占多，平時喺出邊都冇點食過，以為都係多士類，點知嚟到就係得半隻龍蝦開邊，再加少許焗溶咗嘅芝士。口感唔係話太好，得好少龍蝦肉，開咗個龍蝦鉗先見到有肉。芝士入邊都放咗唔少嘅餡，有d薯蓉質感，令到成件事都幾香，但我個人就反而唔係太好食龍蝦。每個餐仲會跟杯野飲，可以叫檸茶檸水添。