Give Me 5 (已結業)

之前公司食飯黎過呢度，當時食左個溫泉蛋肉醬長通粉係幾ok幾正常的，餐廳環境坐得都幾舒服，於是同同事再黎過食，點知有伏...同事點左呢個黑蒜帆立貝意粉，佢話呢個味道稍淡，但都還可以接受既。而我點左呢一個黑松露野菌意大利飯，我一食就覺得超級咸呀！！係我人生中食過最咸既意飯，而我對咸既接受程度係好高，由細食媽咪麵公仔麵d勁咸味精都ok但一山還有一山高，呢個飯咸既程度太勁啦，我頂唔順基本上食完係飲野都係冇味的同事話上次聽過其他人點呢碟意飯又係勁咸，到底點先可以整到咁架😂希望餐廳會改善下，不過短期內應該唔會再去....

昨晚與朋友吃晚餐， 到觀塘Give Me 5， 餐廳環境舒適， 坐低不久，店員主動畀酒精搓手液我哋消毒雙手，抵讚！晚市套餐好超值喎， 半價後只需$314， 套餐有沙律、是日餐湯、 頭盤、意粉、甜品和飲品。😀支裝汽水就一定是我最愛的選擇。羅宋湯和蒜蓉包～ 蒜蓉包香脆，蒜蓉味濃郁， 羅宋湯有好多雜菜，足料。鮮蝦雜菜沙律～ 雜菜沙律新鮮， 蝦肉爽甜。美國斧頭豬扒配玉米糕伴蘋果蓉黑醋醬～ 厚切啖啖肉美國斧頭豬扒， 有豐富肉汁一d都唔乾身， 配清新的蘋果蓉黑醋醬， 推介必點。溫泉蛋卡邦尼意大利粉～ 流心溫泉蛋， 加上 香濃卡邦尼意粉， 好美味。藍莓芝士杯配慕絲蛋糕～ 最後還有美味的藍莓芝士杯和香濃朱古力味的慕絲蛋糕做甜品。平時食開午市， 估唔到晚餐質素都甘好，是 一間觀塘區有質素的西餐廳。👍🏻

放工同朋友食飯， 昨晚太累了就選擇在公司附近的餐廳用膳， 位於觀塘鴻圖道90號5樓的Give Me 5， 近排因疫情下做了大優惠， 晚市二人套餐原價$628， 現在特價只需$314✨， 套餐的沙律，主菜和飲品都有幾款 選擇， 我們就揀了鮮蝦雜菜沙律， 是日餐湯， 美國斧頭豬扒 配玉米糕伴蘋果蓉黑醋醬， 溫泉蛋卡邦尼意大利粉， 藍莓芝士杯配慕絲蛋糕和支裝飲品。✨鮮蝦雜菜沙律🥗～ 鮮蝦爽口🤤， 雜菜新鮮配上甜甜酸酸的沙律醬， 做頭盤很開胃又健康。✨是日餐湯🥣 ＆ 蒜蓉包🍞～ 羅宋湯和蒜蓉包簡直是絕配， 熱辣辣的羅宋湯味道鮮美，酸中帶甜🥰，顏色又漂亮，再配上酥脆美味的蒜蓉包， 簡直大開胃口。✨美國斧頭豬扒配玉米糕伴蘋果蓉黑醋醬🍗～豬扒質軟稔幼嫰，味道濃郁，口感十足， 再以薯仔、 茄子及蕃茄作配菜，加上甜甜酸酸的 蘋果蓉黑醋醬， 兩者味道互相配合，yummy ！😋✨溫泉蛋卡邦尼意大利粉🍝～濃濃的芝士味令人又愛又恨🤤，芝士忌廉煙肉，樣樣都好好味，再配上水汪汪蛋黃半熟的溫泉蛋，是我最愛的意粉之一。✨藍莓芝士杯配慕絲蛋糕🥧～ 藍莓芝士杯不僅美味而且顏值又高，配上細膩絲滑的慕絲蛋糕，簡直是味覺和視覺的

係openrice search 左呢間餐廳，覺得價錢合理，食左半自助午餐，主菜自己揀，食左日式照燒牛肉漢堡配薯條，我個 friend 食左俄羅斯牛肉配白飯，個份量，味道同價錢都合比例，性價比高，覺得都唔錯，但當我去飲果個半自助餐的餐湯，當日是南瓜湯，竟然有燶味，其實是睇唔出，係飲落果下真係有燶味，我 friend 都覺得係。後來我同侍應講返呢件事，佢知道左但無處理。我諗最少起碼換返碗湯俾返我地，同時搵返個廚師試下煲湯，係咪真係煲燶左。如果係，就應該隨即換左佢。如果唔係，就應該同我地解釋返，係咩材料令到煲啺有呢種燶味，唔好當D客係傻仔。係今時今日經營環境困難下，都唔好得過且過。本來成個用餐都幾好，就係呢個煲燶左的南瓜湯成為整個半自助午餐的敗筆，真係俾錢都俾得唔暢快。

上年家姐生日嘅時候，我帶咗佢黎觀塘呢間Give Me 5食西餐做佢嘅生日飯。呢間樓上餐廳十分寛廠，餐廳入面仲有飛標玩添！環境衞生空間又好大～雖然已經係上年食，但一睇返啲相，即刻記得呢間好食又充滿驚喜嘅餐廳！我哋叫咗一個豬肋骨一個甜品，轉做晚餐仲加沙律、餐包同忌廉湯。蒜蓉包、周打魚忌廉湯、沙律都十分精緻。我哋特別鍾意個湯，濃度啱啱好，而且仲有啲脆嘅餅係面，口感豐富。美式碳烤豬肋骨配燒烤汁（$168）豬肋骨上枱嘅時候我同家姐都嚇咗一嚇！哇！竟然咁大份！仲以為會同大部分樓上餐廳一樣，食物吸睛但份量好少，估唔到呢度係兩者兼備！而今味道十分之好，BBQ醬好濃厚，重口味嘅我比滿分！不過冇咁重口味嘅人都可以自己落少啲醬咖ＸＤ呢個餸仲有薯角同伴菜一齊上，兩者份量都大到十分驚人！鮮果窩夫配雪糕球（$68）完全估唔到連個甜品都咁大份…今次真係嗌得太多嘢…我同家姐食完蒜蓉包、周打魚忌廉湯、沙律同豬肋骨其實已經八成飽，呢個咁平嘅窩夫竟然有八塊！我塊圓形嘅窩夫圍住一個雪球同一啲生果，擺放得超靚。窩夫又熱又脆，加上凍同甜嘅雪糕簡直一流！呢個絕對要encore，好好食呀！

某個星期六下午，約定了好友吃午餐。好友得知在觀塘工廈有半自助午餐，是因為他在此工廈中附近工作，由於週末他不用上班，於是悠閒地，約同我去品嚐這間餐廳的半自助午餐。到達工廈，乘電梯到五樓，走進入內看到，左邊是收銀台，右邊放著放沙律等，我們果然沒來錯，那是半自助餐的形式，遠處還看到景觀開揚，那是麗港城。我們二人被安排到靠窗邊的位置，那原是六人枱，因為是週末，而且過了午餐的繁忙時間，可以坐得很鬆動和很舒服。坐下後，職員立時送上餐具及菜單。午餐有很多種選擇，我們選擇了，E.沙律吧+德國豬手配黑椒汁($108)和J.沙律吧+澳洲肉眼扒(八安士)配燒蒜汁($138)，餐飲要兩杯凍檸檬茶。隨即我們到沙律吧去食物，除了沙律之外還有甜品櫃及白酒，可謂應有盡有。當我們從沙律吧，捧著各式各樣沙律及前菜回來，餐飲凍檸檬茶已經送上。看似是普通的檸檬茶，置於陽光下看來晶瑩剔透，茶味香濃，我和好友都喜愛。這時主菜送上，德國豬手和澳洲肉眼扒。豬手，燒得外皮看似很脆，很容易切開，外皮口感脆而不乾，肉質不乾，有味而不鹹，配上醬汁斷食，感覺很特別，整體上感覺不錯。肉眼扒，朋友要六成熟，切開後還有血水滲出，從切開的感覺，的確是

去觀塘但唔知食d咩，上openrice見到依間半自助式的餐廳，見到有好多人都話好食，就試下入到去餐廳，環境都算大，個陣過左食飯時間，冇乜人等位，連任食沙律吧都唔洗排，正！我叫左個最貴既餐，係食澳洲肉眼扒，五成熟。行去睇下沙律吧有咩食，都有幾多選擇，仲有蒜蓉包同生果，隔離仲有甜品區，一陣食完可以食cake! 蒜蓉包不過不失，同出面質素差不多。上碟第一樣吸引到我係個兩塊紫薯脆片。哈哈，咬落去好似食緊薯片咁，好食！之後切開塊牛，果然做到五成熟！好有牛味，好juicy, 仲配埋蒜蓉汁，好香。食哂塊扒都有d飽，食埋佢d番茄refresh下自己！之後就係我最期待的甜品環節！款式應有盡有，我最中意食佢的lemon cheesecake and chocolate mousse cake,仲有豆腐花食，我食左幾round, 真係抵反哂!! 一個set $138 我仲可以食咁多甜品，都幾抵！

臨近新年係時候要約下朋友仔食個團年大餐，經網絡得知觀塘呢間Give Me 5除有主食外仲有任食海鮮同串燒，價錢唔貴一於去嘗試一下。小妹平日放工時間到，幸好有預留枱，因為一到7點就全院滿座，非常受歡迎。一入到餐廳先見到有凍盤有蟹,螺,青口,蝦。旁邊有沙律吧，沙律菜款式都算多，一般醬料都齊，加上有冷麵，蛋沙律，薯仔沙律，作為頭盤已很滿足。另外還有餐湯羅宋湯，可惜只得一款。可配上法包。不得不提的就是任movenpick i雪糕，食多幾杯值回票價！任飲方面，與一般餐廳不同，有一般茶類飲品外還有多款支裝汽水。甜品方面選擇一般，有豆腐花，啫喱，芝士蛋糕等。除之外，仲有任食燒物及多款串燒，有燒蠔,蝦,鮑魚，聖子，蚌，扇貝,大蜆，多春魚,菠蘿，雞軟骨。。。。每一次都有唔同既款式，要不時去看看！但燒海鮮方面比較細隻，但任食食多幾隻都無問題！自選主菜可選一款，鐘意食肉既小妹當然必選牛同豬啦！(D) 美國斧頭豬扒配玉米糕伴蘋果蓉黑醋醬厚厚既斧頭扒，肉質嫩滑，有少許脂肪味道更香，不會太油膩！最驚喜的是蘋果蓉，酸甜的味道再襯上黑醋，味道配搭一流！還有配上玉米糕，味道像日本米糕可去除油膩。讚(F) 澳洲肉眼扒(8

去咗觀塘搵朋友，朋友話帶我食一間半自助餐，佢話餐湯，沙律吧，甜品同紅酒白酒都係任飲任食，價錢仲同附近嘅餐廳差唔多，咁經濟實惠，梗係要去試吓沙律吧都有唔同嘅款式，做得好精緻拎咗蕃茄牛腩湯，濃郁嘅牛腩香味，配上番茄味更覺醒胃，蒜蓉包夠香脆，蒜蓉味香濃食完呢盆沙律，都已經半飽，有唔同嘅沙律菜，醬汁都有千島汁，凱撒沙律汁等等嘅選擇。食咗一個做好嘅薯仔沙律，薯仔夠晒軟綿綿，配上蛋黃醬，食不停口係半飽之際，早前叫嘅主菜才正式上枱，羊架共有三件，兩邊燒用香草燒香，突顯羊獨有嘅香酥味另一個主菜，點了有機帶骨豬扒，豬扒厚切，火候恰到好處，切開嘅時候仍然帶有肉汁，入口肉嫩食完主菜梗係食甜品同埋生果，兩樣都係可以繼續任拎，甜品嘅款式唔少，有各式各樣嘅啫喱，豆腐大菜糕，芝士蛋糕同唔同款嘅朱古力蛋糕，仲有豆腐花，淨係食甜品，又飽埋另一半親個肚仲有僅存嘅空間，食埋生果先，生果都有西瓜蜜瓜蘋果，下午來講真係好滿足食得半自助餐，梗係希望坐得舒舒服服，呢間餐廳空間感十足，座位寬敞，食得舒服，部份位置更加望住海景，適合慢活地食自助餐時間多嘅，仲有飛鏢同桌球食完生果之後，原來仲有杯餐飲，真係百分百滿足啦食咗咁鬼多野，價錢其

有一間餐廳海鮮自助餐有好多媒體報導過，就是位於觀塘Give Me 5，一直都好想試，今日終於有機會！去到樓下大大隻字寫住餐廳名，唔怕搵唔到👍今日係平日，所以都坐唔滿人，環境好大好舒服， 仲有飛鏢桌球玩。一入到去就已經聞到好香嘅燒海鮮味。推介燒蟶子，雖然細細隻，但係好爽脆。貴妃蚌就好大隻，都有一隻手指公咁長，十分鮮甜 加埋啲汁冇得頂！啲燒海鮮好搶手，次次見到師傅一燒完 啲人就埋去拎，好快冇曬！凍海鮮方面有蟹、青口、蝦同埋翡翠螺。隻蟹啖啖,仲有爆多蟹膏,十分能夠滿足鍾意食蟹既我。翡翠螺都係十分推介， 鮮甜厚肉呢個價錢每人仲包一款主菜澳洲肉眼扒8安士配野菌汁，因為唔想食太生所以叫咗8成熟，但一啲都唔難咬，好淋。加勒比海辣煎鱸魚柳配古斯米，唔食辣可以走辣。 魚肉好嫩滑，古斯米嘅質感好有趣。仲有好多甜品雪糕任食。順帶一提，呢度員工嘅服務態度好好。

今次揀左一間觀塘區既西餐餐廳同同事食晏，平日午餐時間人流唔多同埋餐廳都幾寬敞。午餐設有沙津吧有餐湯、蒜蓉包、沙津、水果、甜品任食。今日既餐湯係南瓜湯，濃郁香甜有南瓜蓉，配埋香脆既蒜蓉包感覺都幾飽肚。沙津菜新鮮有幾種可供選擇，亦有栗米、青瓜、通粉、冷面、薯仔沙津及醋酸雲耳等等。我點左一個西班牙黑毛豬鞍配香蒜汁，配料有薯蓉、車厘茄、紫薯片同秋葵，主角黑毛豬非常驚喜，嫩滑而不鞋口不會過熟配住蒜汁好夾，不過紫薯片不太脆。甜品有啫哩，豆腐花，亦可以加錢配ＭＯＶＥＮＰＩＣＫ雪糕。總括食物質素唔錯，值得推介！

朋友推介說不錯的半自助晚餐，成人每位$298，主菜造得好味，有冷盤海鮮，也有燒聖子，扇貝，鮑魚，大蝦，螺，大蜆……等等。供應充足！好吸引，好想去試！今晚約了好友一起去，預早訂了位。原來很人氣的，聖誕還末到已經很熱鬧非常有氣氛。 餐廳闊落，窗旁設有一排舒適淺籃色皮卡位，中央兩排木製長餐枱適合大班朋友暢聚，更有桌球，飛標等供食客娛樂，有得吃有得玩！ 非常愉悅！真是一個理想的聚會場地！即聯想到囝囝生日會再來！冷盤海鮮，螺，蝦，青口，蟹很新鮮！花蟹很多糕，肥美！鮮味！主菜……波爾多紅酒燴洋膝配傳統薯菜洋膝份量勁大，啖啖肉，好淋好滑沒有羊騷味，配合下面幼滑的薯蓉一起吃超滋味！意大利西西里茄醬扁意伴脆炸嗀蟹賣相很美！意粉煙韌醬汁香濃軟穀蟹香脆肥美！款款海鮮，肉類，不停的供應，吃得暢快滿足！吃得差不多也可停一停， 切磋一下球技再吃過也可！甜品，飲品任飲任食！很有暢快感！

呢日同事生日，係公司附近搵左間餐廳同佢食個lunch慶祝生日🙂見到呢間餐廳係半自助式lunch，又唔貴，所以黎試下。呢到地方好寬敞，坐得好舒服。沙律吧、湯、甜品、甚至紅白酒都可以任飲任食👍🏻雖然係lunch time，小杯飲下都要既🤣羊扒一d都唔羶，而且份量都好大碟，好抵食🤤叫左呢個軟殼蟹黑松露雜菌意大利粉，軟殼蟹成隻上影相好靚🤣意粉同磨菇份量都好多，兩個人share食好足夠。餐廳一d都唔孤寒，啖啖意粉都食到黑松露🤤最後當然要食埋甜品啦，成個lunch好滿足。仲要一提既係呢到個牛尾湯好好飲，好足料好濃味，我都添左兩碗飲🤣呢到既份量都好大碟，而且沙律嗰d又任食，一個set百令蚊，性價比高認真抵食👍🏻

啱啱個星期五公司聖誕飯，安排咗去呢度食，之前聽同事講嚟食過 d嘢都幾好嘅，咁就選咗其中一個豬手餐....唉，可能係我選得差...去到環境望落唔錯，主菜未嚟之前，去夾個沙律吧，都正正常常嘅，味道好正常，有任飲紅白酒添，不過一陣要返工就唔飲喇。然後個主菜嚟喇....咦？我未見過豬手係炸到乾曬出嘅...入面亦都乾蒸蒸，有d位硬嘅程度我諗起電視對白“硬過你條命呀”, 旁邊同事話佢個意大利粉正常，係咸咗少少者...但我嗰果唔係話好難食，但呢個乾同硬嘅程度我食唔過三成就無食了

姪女學校假期由加拿大回港,  我們要和她擊掌，祝讀書成功又好運, 特別選了觀塘西式餐廳  GIVE  ME  5.  GIVE  ME  5 , 餐廳地方寬敞,  佈置合潮流. 座位多,  氣氛好 !有桌球，飛鏢機.  適合聚餐 + 康樂 !!  齊齊玩  !!而窗邊卡座自成一角,  吾會嘈.  侍應送來彩色餐牌.  看看無限串串燒, 加上各人一款主菜，任飲任食兩小時......價錢 $298. 半自助式放題.  .先逛逛自助區，有冷盤海產:  凍蟹, 青口, 凍蝦, 和 螺.   夠陣容沙律吧:   蔬菜, 蕃茄, 青瓜, 勁新鮮. 自選醬汁也有 4 款.大家各取喜好.   凍蟹好肉,  沙律菜加蓮藕片好爽口.  先開開胃 !!大型雪櫃,  飲品任飲,  有汽水, 菊花茶, 紙包及樽裝, 好多款. 無限 任食串串燒,  食材種類非常多，真的吾簡單........海產有蝦, 鮑魚, 蠔,  扇貝,  蟶子, 蚌, 蜆.肉類有 雞冀, 雞軟骨, 燒賣, 冬菇, 丸子, 腸仔.  重有 粟米, 茄子, 翠肉瓜等.   餐廳有專人負責燒烤, 好專業. 串燒火候控制得非常好, 食物調味十分美味