Give Me 5 (已結業)

趁住今日要去觀塘做野,午飯時間又去工廈食好野😋今次這間食店可以欣賞觀塘海景👍👍適逢今午陽光☀️普照。Hea住慢慢嘆午餐🍽店內樓底高地方寬躺，空間感非常足夠.還有娛樂設施,放工來同朋友來亦不錯這兒午餐是半自助餐😋先選主食,然後在長枱自助選湯,蒜蓉多士,沙律吧、食材新鮮而且醬汁選擇多可隨意搭配👍😊如果喜歡午餐歎下紅白餐洒這兒也有免費提供🥂🍷🍷🍷🍷澳洲肉眼扒配野菌汁🍴點了七乘熟,烤得外焦內嫩😋肉汁好香濃加上野菌汁更帶動肉香,配菜有軟綿綿的薯蓉和半個畧烤過蒜頭非常野味😋😋黑蒜帆立貝大蜆炒意大利粉🍝意粉炒得好乾身爽滑配上黑蒜甜甜地好好味😋黑蒜對身體很益處👍甜品選擇有迷你蛋糕,盒裝豆腐花,五顏六色啫喱杯😋還有水果和餐茶. 有海景有豐富好味午餐CP值非常高👍👍👍

今日又食有自助沙律吧既餐廳，今次呢間沙律吧好滿意，有多款沙律菜、有幾款撈好既沙律，又有新鮮生果（西瓜、哈密瓜、蘋果等），仲有啫喱同芝士蛋糕，雖然價錢係貴少少，但物有所值，除咗呢d，佢仲有餐酒任添，不過我唔好酒，所以無飲講返主菜，同事叫左牛扒7成熟，份量夠大同厚，可惜煎到差唔多全熟，有d韌，最終同事放棄左3份1塊扒，食甜品食飽我就叫左燒春雞，可能星期五關係，全場滿座，人多所以等左差唔多半個鐘先有得食，好彩味道唔錯，皮脆肉嫩，等咁耐都抵總括來講，一個滿意午餐，我會再幫襯，不過因為後面地盤攪到好嘈同幢樓都震，希望快d打完椿啦

今日去咗一間超抵食半放題！任食串燒加埋主菜都係$298。係觀塘工業區黎講都算性價比幾高，環境都幾大，仲有桌球等等既設施。首先整咗個沙律食下先，沙律款式都算幾多。同埋我最欣賞係佢既海鮮好新鮮，尤其係蟹，大大隻超級鮮甜！淨係食蟹已經值得再黎過。之後都食咗啲串燒，串燒款式好多，仲有燒海鮮，岀面食價錢都唔平！燒扇貝，大蜆，雞翼，菠蘿都好岀色。到主菜我地揀咗加勒比海辣煎鱸魚柳同美國斧頭豬扒。冇諗過主菜味道都唔錯！魚煎得好香又唔乾，而豬扒都燒得好靚，外面帶點微脆，但略略有啲過熟。都最後仲有蛋糕同任食movenpick，想唔飽到上心口都唔得😛

今晚去左觀塘食buffet，特意搵左一間工廈餐廳，環境好大座位夠哂寬敞。餐廳主打semi buffer，海鮮、燒烤熟食、雪糕等等都可以任食，另外包一個主菜。海鮮選擇都唔算少，鮮蝦好爽甜，好新鮮。青口好大隻鮮甜。熟食就有燒烤海鮮，帶子、蟶子、蠔、多春魚、蔬菜等等。我食海鮮和燒烤類都已經食飽左啦！主菜叫左美國烤豬鞍排，入口肥美油脂香濃，肉嫩夠多汁，完全超出我預期啊！雪糕是皇牌movenpick牌子，夠哂滿足。

星期五，holiday mood，同同事去食番個semi buffet放鬆吓先。我地4個人，都俾咗張6人卡位我地坐，仲要係窗口位，望到出面景觀，好開揚，坐得好舒服。呢度係食semi buffet的，即係沙律、湯、生果、甜品都可以自己喺出面任攞。值得推介嘅係呢度個中湯(好似係花生雞腳湯)，好足料，好濃，好好味，我個同事一共飲咗4碗！另外，我好鐘意食佢D迷你cake，一口一件，啱啱好。而朱古力蛋糕同藍莓芝士蛋糕亦係非常有水準。主菜:我地分别點咗 黑蒜帆立貝帶蜆炒意大利粉、 兩份美式燒排骨、 同埋香煎比目魚意大利粉，總括來說，主菜都好食，尤其是個煎比目魚，煎得外脆內嫩，好有水準。另外仲有紅、白餐酒任飲，抵呀！

入到呢間舖頭，一眼就望到一個種類超豐富嘅沙律bar。更加驚喜嘅係，沙律bar隔離竟然有紅酒白酒俾我地斟😍 坐低之後發現原來呢啲係可以任飲任食！淨係呢樣都覺得值回票價啦。坐低左落個梳化之後，望住個觀塘海景，我地就嗌左兩個lunch set. (澳洲肉眼扒 （8oz) 配燒蒜汁（$138）同埋 原隻龍蝦香草包配千島汁及薯條（$168））首先到左杯凍朱古力，味道香濃，質感幼滑。 再黎多杯蘋果汁，冰爽清甜。上菜速度都好快， 一份份量十足嘅牛扒好快就黎到。一切開就發現佢5成熟嘅熟度都準確，咬落去肉汁香氣四溢，同燒蒜汁簡直係絕配！最後就上左個龍蝦包。見到佢擺碟好有心思，有原隻龍蝦，包埋蝦頭蝦尾係到。側邊有兩塊蒜蓉包夾住，仲有勁多薯條係到！ 見到都好開胃！ 食落去，龍蝦配千島汁竟然冇蓋過龍蝦嘅鮮味，真係好驚喜！下次如果行行下觀塘諗唔到有咩食，呢間都係一個唔錯嘅選擇！

觀塘午餐好去處，雖然近排唔多出街食，今日約了朋友嚟到呢度， 鴻圖道行到尾近大坑渠， 上嚟坐祗，食下啲法國餐，兩個坐低一個叫法式香草羊架，路絲瑪莉汁，一個要澳洲肉眼扒配野菌針，稍後朋友到咗就叫咗個德國豬手配黑椒汁，三個人食得非常開心，原因係德法澳三國美食在眼前，朋友分享你一件我一件，食晒三國美食。除咗呢個主菜之外檯面所有嘅沙律吧，紅白酒重可以任飲，呢個淨係飲酒，都已經喺夠皮，唔好醉咗唔識開工就好嘞。值得介紹，值去試佢一試 。枱面美食多，介紹下主菜先。法式香草羊架，路絲瑪莉汁羊架擺喺度影相都要搵個靚角度，入口口感非常夠呀!剛剛好熟再加埋啲汁醬，將啲羊嘅鮮味帶埋出嚟，呢件製作精美出得大堂，咬口白咪，啱啱好!澳洲肉眼扒配野菌針呢個肉眼扒，我就叫咗個五成熟，因為計埋慢慢食，慢慢歎嘅時候，去食到尾段唔會太乾，口感就大減了，因為韌得滯對個口感係影響非常非常之大嘅!咁佢嘅野菌汁對我嘅味蕾都一個新嘅挑戰，平常多數都係黑椒汁，辣味係咁蓋過曬所有牛味，但係呢個啱啱好嘅，牛肉味就一層一層咁食得到。德國豬手配黑椒汁先慢熟，後起脆皮，都係餐枱上見到，加上黑椒汁補番啲辣味，脆軟辣真係一絕，上到嚟值得一試嘅菜式。

想係觀塘揾 chill d既午餐選擇食下，見到呢間Give me 5環境好似幾舒適咁，就去試下12點黎個陣未多人，但過多陣就好多班人黎，都幾多男人，可能因為有得任飲紅白酒Lunch set有幾多款揀，我就揀左個澳洲肉眼扒，好大塊，而且個配菜有驚喜，好少見有成舊蒜頭比你配，呢個應該係西方人既食法，仲有插左係薯蓉上面紫薯薯片都係比較少有既配菜塊扒落左好多調味，仲配左個野菌汁，味道濃郁😍朋友叫左個温泉蛋肉醬意粉，個蛋流左出黎撈勻黎食，將個意粉昇華左😍同時都令到個意粉唔會乾🙈套餐除左主菜仲有包餐飲同時都有沙律吧，餐湯，水果同甜品任食😍水果好甜，甜品仲要有好多款式揀，沙律有個水果沙律好好食，入面仲有我好中意食既桃🙈食到好飽好滿足，埋單249兩個人，呢個價錢咁優越既質素完全係勁高cp值😊

今日同事介紹，去左試give me 5既lunch，沙律甜品任食+set lunch...仲有紅白酒任飲一入到去見到d 甜品好開心，蛋糕有4款選擇，又有各種顏色既啫喱，仲有豆腐花添呀...我揀左德國豬手，豬手皮好脆好香，又夠乾身，味道適中...同事就揀左黑蒜牛柳粒意粉，但比較多油，感覺不太好，下次可以試其他！我地坐既卡位仲可以望到海，個view 可加分...

有lunch、有任食沙律吧、仲有任飲紅白酒，能夠有咁多選擇，肯定可以填滿個肚皮😀自助沙律吧種類繁多，材料新鮮，而且會不斷refill!蒜蓉包好脆，內里軟熟。餐廳好大，坐位非常寬闊。法式香草羊架配露絲瑪莉汁（$138）- 羊架有三件，比想像中要多，無羊羶味好淋身，醬汁好rich，同羊架好夾！澳洲肉眼扒（8安士）配野菌汁（$138）- 我們點了medium，肉眼扒好厚身，份量亦好足夠，面頭帶點炭燒味餐廳有好多娛樂設施！

朋友一直都有留意我平時四圍食咩好野，遇啱佢生日就佢就佢話事，於是佢就選擇咗Give me 5呢間餐廳，佢話睇過我之前Post喺某社交平台後，佢就好想試吓，咁生日話事嘅佢，咁就帶咗佢嚟Give me 5喇。由於有訂枱，所以一到就即刻有位座。呢到而家係半自助餐形式，先點咗一個主菜，然後冷盤、餐湯、串燒、野飲及甜品就自助形式。主菜我就點咗美國斧頭豬扒配耐米糕伴蘋果蓉黑醋醬；朋友就點咗澳洲肉眼扒配野菌汁。先嚟咗朋友嘅肉眼扒，朋友點咗7成熟，估唔到肉汁都好豐富，而且唔點個汁都好夠味；而我個斧頭豬扒就比想像中大件，肉質鬆軟得嚟感覺幾嫩滑，喜歡食豬嘅朋友都值得一試！另外即煮嘅海鮮我地試咗鮑魚、聖子、蝦、大蜆、蠔，每款都好新鮮！埋單$656@2

小弟嚮睇完各大媒體後，俾燒烤及凍海鮮吸引而來。可惜嚟到係有失望嘅。七點到，眼海鮮有螺，蝦，青口同蟹。蟹岀現左一次之後就再冇出現過，其他海鮮質素普通。沙律吧就正正常常，我冇食過。燒烤海鮮方面，每次出爐均要大排長龍，小弟見有蝦，蜆，蠔，蚌，蟶子等。蝦是冰鮮貨，蠔和蟎子也是國內吃那種，體積很小的，其他串燒出爐的數量很少，例如牛脷，牛肉雞肉串等。每次只有不多於10串，不用半分鐘就給取走。見得最多的是燒腸仔和菠蘿。好心就一次過出多點。燒烤海鮮每次只能取兩至三件，讓我們要來回多次。主菜我選了羊髀，還可以，價錢+1後是$330 ，除了有燒烤的海鮮外，整體燒烤質素不如放題的，這個價錢還是去放題吃得盡興點。

今晚嚟到觀塘嘅Give Me 5，上到去環境好大呀，入到左邊窗邊有位置喺卡位，中間就喺長枱，成班朋友上嚟都夠位gathering~我哋主菜叫咗美國斧頭豬排配玉米糕伴蘋果蓉黑醋醬同埋澳洲肉眼扒配野菌汁。豬排因為厚身d，所以店員落單個陣都話要等一陣，食嗰陣仲有肉汁呀yumyum。牛扒嘅肉味比較濃，肉質嫩滑呀。等個陣緊喺飲住湯食住前菜等啦~有蒜茸法包同沙律吧。隔離仲有海鮮呀~有凍蟹、皇冠螺、青口同埋凍海蝦。講明喺串串燒，點可以唔食呀~有燒蠔、蟶子、帶子、雞肉串、豬肉串。而甜品同嘢飲都有好多選擇，有平時少見嘅豆腐花添呀~餐廳入面仲有飛標機同桌球，下次可以幾個人嚟，食一陣再玩下！

晚餐燒魚蛋香腸就ok，但排極燒海鮮都排唔到一人一隻，職員話老闆改了用細爐，排隊時間多過食，被朋友話我老點，真係奸商，冷盤海鮮一般。無下次。主標燒海鮮作賣點是極失敗。中午午餐就ok既。

呢間野整體環境同野食都唔差不過燒烤師傅黑口黑面好似爭佢錢咁攞住隻碟等佢都扮睇唔到人勁無禮貌如果只係計野食既話 其實又值得試試既咁當然如果師傅態度可以好啲就再加分啦