Give Me 5 (已結業)

餐廳位於觀塘鴻圖道街尾工廈內，位置比例僻靜，提供任飲任食燒海鮮餐及套餐半價優惠。平日夜晚餐廳full house，大部份客人惠顧任飲任食餐，看來好像也很抵食，下次可以一試。二人套餐有沙律、餐湯、餐包、主菜、意粉或飯、甜品及餐茶。此沙律的顏色很豐富，配料有車厘茄、青瓜、鮮蝦、紫洋蔥及沙律菜。鮮蝦味濃，肉質爽口彈牙。此沙律用上少量生紫洋蔥，生洋蔥入口較為辛辣，幸好加上沙律汁調味，辛辣味變得較為溫和，亦較易接受。主菜美國斧頭豬扒伴蘋果蓉，豬扒肉色粉嫩，入口味道濃郁爽口，配上蘋果蓉減輕肉類油膩感。帆立貝意大利飯加入芝士及忌廉，味道濃郁cream， 吃了可以很飽，所以少量就很足夠了。

座位好闊落好舒服，仲望到海，環境唔錯。有D人就食任食可以自助出去夾野食/叫師傅即燒海鮮。我地就食左個做緊半價２人SET DINNER煙三文魚沙律沙律用千島醬撈好好食，煙三文魚都好味但得兩舊。澳洲肉眼七成熟好淋好重肉味，底下有Ｄ烤到好淋又JUICY 既蔬菜幾正。牛扒跟個蘑菇汁就淡左Ｄ，所以我都係點個海鹽黎食。 軟殼蟹西西里蕃茄汁意粉食得出落左好多蕃茄去煮個汁，個蕃茄係偏酸，酸酸地都幾開胃。 最後仲有兩份甜品，有兩舊好好味既CAKE分別有CHEESE CAKE 同朱古力CAKE 兩款都好好味，但更鍾意朱古力個款，係好濃厚既味道。

朋友話有時放工都會去工廠區食野，於是我兩個就搵咗間食西餐嘅give me 5，諗住吹下水。好，坐低睇吓有咩好食先，睇睇下menu, 除咗揀二人西餐，原來可以另一個價錢，可以食主食加海鮮任食，嘩，好抵，梗係揀任食啦！澳洲肉眼扒，食落都軟身，有牛味，唔錯。美國斧頭豬扒配玉米糕，半肥瘦嘅豬扒，都幾厚切，玉米糕幾得意，外面煎香咗，裡面軟軟地，少少似蛋糕仔。岀去行一圈，有冷盤凍海鮮，汽水、雪糕任食。最吸引都係燒海鮮，燒得夠香，啱啱好，每款海鮮食落都爽口，仲有鮑魚食。另外仲有燒牛肉、豬肉串、燒賣、多春魚、魚蛋，負責燒烤個哥哥好識搞氣氛，又有禮貌，簡直係師奶、姐姐、妹妹殺手！

疫情之下， 所有事情都停擺咁，連出街食飯都變得罕有， 今日好想同朋友仔輕鬆一下，吹下水、打打氣， 觀塘附近就搜尋咗呢間give me 5， 令到整個晚餐變得好勵志。呢度嘅空間好大而且座位寬敞， 亦有桌球枱畀人玩， 感覺都好relax。入到去嘅時候店員已經好有系統咁招呼我哋，呢度有自助式任食同半價西餐， 我哋真係要爭取時間好好交談，所以揀咗西餐。頭盤好豐富有蝦沙律，啲蝦好爽， 配上大量沙律菜及洋葱， 食落去有少少微辣， 配上千島醬，十分醒胃。熱辣辣羅宋湯， 味道都好濃，但係又唔會好酸， 不落去都仲見到有好多蔬菜， 有咬口。 加上熱哄哄嘅蒜蓉包，加分。主菜嚟啦斧頭豬扒配玉米糕，超大塊， 斧頭扒出面賣都要三四百蚊一塊， 而且佢有番咁上下厚度，自己整又會怕入面唔熟， 而家半價就食到， 真心覺得好抵。 講返塊扒肉質好林，加上蘋果蓉黑醋醬減低油膩感，味道好夾。食咗塊扒已經好飽， 好在叫咗個茄汁底嘅炸軟殼蟹煙肉卡邦尼意粉， 每條意粉都沾上茄汁，食落去唔太膩。最後仲有朱古力慕絲及芝士蛋糕，加上我最愛嘅zero,大滿足。值得一捉呢度嘅服務生都好殷勤、有禮貌， 整晚嘅感覺非常良好。

🥗沙律正常都好食，個湯夠熱好雪糕🍦飲品🧃得冷盤螺唔太新鮮，串燒冇味唔好食，全場又好大煙，主菜得個樣其實唔好食冇鮮味，服務員態度非常好，浪費金錢不會再有下一次。

最近經常鬱在家中，上星期終於按奈不住找了一天到公司附近吃個晚餐再回家。原本打算吃他們的放題任食，但肚子又不算太餓而且晚餐有半價，所以點了一個價值314的二人套餐。今晚餐湯是南瓜湯，配上我的最愛香脆蒜蓉包，香口美味。再來鮮蝦沙律蝦夠新鮮，份量滿多，感覺味道帶一點辣，夾著紫洋蔥一起吃，口感更爽甜。澳洲肉眼扒(8安士)配野菌汁點了五成熟，牛肉味夠濃且肉嫰多汁，個人覺得不用加野菌汁也夠美味。意大利西西里茄醬意大利粉伴脆炸軟殼蟹每次餐廳有軟殼蟹都必點，因為在家一定不會吃到，入口相當酥脆，意粉軟硬適中，加上濃味的茄醬，已是絕配。最後來一個藍莓芝士杯配慕絲蛋糕，為晚餐劃上完美的句號，回家去。

經過四月後，多日沒有本地確診個案，不少食店重新開業，觀塘Give Me 5是其中之一。餐廳之前已經有做二人套餐半價，重新開業後繼續優惠。鮮蝦雜菜沙律鮮蝦與雜菜均爽脆鮮甜，經千島醬汁調味，甜甜酸酸的更加可口。是日餐湯 蒜蓉法包忌廉湯濃杰適中，配上鬆脆蒜香法包，十分滋味。美國斧頭豬扒配玉米糕伴蘋果蓉黑醋醬斧頭豬扒乃帶骨豬鞍，切開內裡肉質依然粉嫩，入口味道濃郁爽口。斧頭豬扒份量頗大，兩人分享食用剛好。蘋果蓉帶甜而黑醋醬酸香，與斧頭豬扒配搭很匹配。帆立貝黑松露野菌意大利飯黑松露與野菌各具不同幽香，襯上忌廉汁感覺不會太飽滯，入口香濃軟滑。芝士蛋糕配朱古力慕絲蛋糕芝士蛋糕質感結實，芝味十足，入口軟滑。朱古力慕絲蛋糕口感幼滑，味道香濃。

抗疫期少咗出去食飯，好掛住西餐同牛扒，今次嚟到一向評分高嘅「Give me five」，都聽唔少朋友介紹過。餐牌有二人set同自助餐兩款，我哋唔算好肚餓，加上二人set做緊半價，每人只係百幾蚊，就揀食二人set。環境十分寬敞，一入去就見到自助Bar，落地玻璃對住街景好開揚，仲有鏢機同桌球，見到環境即刻加分。Special Set Dinner for Two $628(原價) 現半價$314包括沙律、餐湯、主菜、意粉/意大利飯、甜品及餐飲。鮮蝦雜菜沙律、餐湯沙律都好大份，鮮蝦有五隻左右，沙律以千島醬調味，我個人不嬲比較鍾意千島醬多過沙律醬，所以對我來講零舍開胃。澳洲肉眼扒(8安士)配野菌汁主菜四選一，揀咗食牛扒，叫咗五成熟，但控制熟成度都可以更好，上枱牛扒偏熟，幸好牛肉不韌，亦冇太多渣。帆立貝黑松露野菌意大利飯意粉或意大利飯就三選一，想食意大利飯。份量二人剛好，帆立貝採用較細粒，份量都多，意大利飯唔算好濕身，煙韌度可提高，整體味道唔算濃郁。藍莓芝士蛋糕併朱古力慕絲蛋糕芝士蛋糕正常，但朱古力慕絲蛋糕就略甜咗啲，不過仲包甜品真係好抵食！總括然而，半價$314食齊由前菜、主菜、意粉及甜品真係

疫情慚慚緩和，為左舒緩過往嘅緊張情緒 ，係時候外出食飯紓解抑悶喇上網見到呢間位於觀塘既西餐廳做緊半價，好似好抵食咁，一於出動啦西餐廳有好多娛樂活動~可以同朋友一齊篤波, 玩下標槍!!飲下酒食下飯之餘仲有得玩, 節目豐富!!Set dinner 2人餐半價優惠，而家只須$314，好多野食，性價比超高鮮蝦雜菜沙律超大碟既沙律！！！ 成個大碟裝滿晒鮮蝦大大隻，有4隻呢，肉質爽口彈牙雜菜亦非常新鮮，青脆多汁美國斧頭豬扒配玉米糕伴蘋果蓉黑醋醬見到碟菜式時不禁哇左聲，好好好大件既斧頭豬扒呀！！伴碟又靚，好吸睛丫斧頭豬扒好大件，而且非常厚！！師傅燒得好香，肉汁滿滿豬扒肉質幼嫩，軟硬度剛好，濃郁既豬肉香味每每咀嚼都令人回味配埋蘋果蓉黑醋醬味道超夾~~藍莓芝士杯配慕絲蛋糕估唔到跟餐既甜品都咁靚而且份量咁多!!!藍莓芝士杯好好味丫, 有一層餅碎, 一層芝士, 一層藍莓醬, 口感十分豐富~另外亦有我好鍾意既慕絲蛋糕~ 慕絲滑溜, 入口即溶

呢間餐廳Lunch做semi-buffet，成日都想試，不過都無機會，你知啦，無理由自己一個去食，梗係要約埋一班人啦，今次終於有機會了。Semi-buffet包餐湯、沙律吧、紅白酒任飲任食，食Lunch就唔方便飲酒，始終下午仲要返工，不過淨係個Salad Bar都值回票價，蔬菜的選擇亦比想像中的多。老實說，食完個沙律飲碗湯食件包，已經飽了一半。主菜叫了有骨豬扒，味道都唔錯，不過真係飽到上心口。

觀塘工業區入面真係隱藏住好多好食又抵食既餐廳🏭今次MomoBoo就去左試Give me five🤚🏻餐廳原本係出名做抵食既semi-buffet, 但疫情既影響下已經停左lu🥺改為Menu上既set減左價只包main course,餐湯🥣,蒜蓉包🍞同餐飲🥤，但可以加錢要沙律🥗同甜品或餐酒，各$10😛餐湯係紫薯湯，Momo覺得如果再咸少少就好喇🧐沙律🥗(+$10)係大蝦沙律🍤都幾新鮮同份量幾多😆主菜我地叫左一個Rib eye🥩 ($108)同埋一個黑椒帆立貝干炒意粉🍝($68)，Rib eye叫左medium但上到枱有啲過左medium🙈但肉質係唔錯既👍🏻 個意粉上到枱先知原來佢係帆立貝乾🤣細粒嗰隻而唔係帆立貝+乾炒意粉🤣🤣 意粉既硬度幾好☺️食完主菜，Momo都係想試下個甜品，加$10有cake同豆腐花🤣 但店員話餐廳4月就會停業一排，為左唔好浪費，足足俾左5款cake仔😨😂俾我地同埋一人一個豆腐花😍 有blueberry同New York cheesecake🧀 Tiramisu, opera 同埋朱古力mousse 🍫🍰 全部都唔錯，但MomoBoo一至覺得choco mousse最

入到餐廳首先就見到有卓球枱同扔標機，如果食完飯冇野做仲可以去同朋友篤波chill下，都真係幾正🤩首先叫左份蒜蓉包同煙三文魚沙律，烘過既蒜蓉包食落夠哂脆，蒜味亦都吾會過濃，做法十分標準👍而沙律既煙三文魚食落吾淋，配上沙律菜同特製沙律汁都幾夾。之後就叫左份黑松露帆立貝意大利飯，意大利飯一放上枱面已經聞到陣陣黑松露味，果然食落係非常之夠味🤤煎過既帆立貝夾埋煙韌既意大利飯，啖啖都係大滿足！另外仲叫左個甜品盤，值得推介既係藍苺乳酪杯，食落同時可以享受到藍苺醬同乳酪既酸味，特別鐘意酸既朋友去到一定要試吓😆

今日去呢間餐廳食既係西式料理，入到去店員就好熱情咁照待，除左量體温保障食客安全之外，仲好細心咁提供酒精消毒液👍首先前菜就有南瓜湯，湯既味度十分濃郁而且仲幾滑，鐘意南瓜既朋友一定要叫😍另外仲叫左煙三文魚沙律，沙律菜食落都幾新鮮，三文魚亦冇腥味，可以話係十分合格😌而主菜就係法式燒春雞，燒春雞食落肉質吾乾，用刀就可以輕鬆切開，醬汁既青檸味亦都吾會遮蓋燒春雞既香味，加埋都算幾夾🤤最後就有份甜品set，當中既朱古力蛋糕表現出色，朱古力味十分濃又吾會散開，值得推薦。

感恩🙏🏻💕大頭蝦，遺留散紙包在餐廳，內有八達通，餐廳的老闆竟然追到樓下，為了交到我手上。而且好幽默，話帶住口罩都可以跑得好快，哈哈^-^ 謝謝🙏🏻支持香港消費💕

地點唔係話好方便 但餐廳食物質素同埋店員既服務態度都非常好👍🏻餐廳主打 一個主食加燒海鮮同movenpick雪糕任食 298/1位再加1我叫左一個紅酒燴羊膝 羊膝好肣好香 墊下面的薯蓉吸哂羊膝既汁 好好食 主食食完店員會燒住d common既野比你食住先 會有鮑魚 貴妃蚌 菠蘿同蟶子 呢d平時去食串燒都唔平既野 呢到可以任食 正👍🏻食到咁上下 又有d飽飽地 可以去掟下飛鏢或者篤下波 消遣一下再食過到最後你就可以食佢既movenpick雪糕 呢個價錢 真係算唔錯 雖則要行一陣路 但都抵