Fûhn (The L. Square) (已結業)

天氣漸熱 有時都想食粉麵及酸酸地既開胃菜曾經聽朋友提及 銅鑼灣有間越南餐廳越式粉麵出色 小食炸物亦出眾事不宜遲今日試左幾樣野 越式牛肉湯粉 有size可選 今日叫左L size 2人share亦可 大胃王一人進食亦會大飽足 裡面有牛丸 牛腩邊 生牛肉牛柏葉 牛筋片 牛坑腩片生牛肉 牛味濃 薄薄的一片 肉質滑嫰牛腩邊 厚厚牛肉 帶著薄薄肥美 吾會膩 亦吾會太硬手帶牛丸 彈牙爽口 與平日凍肉店有明題分別 正因為牛既份量十分多 湯亦帶有濃濃牛味湯本身清而冇油 沒有過多既油份加入蔥花 少量辣椒 再把牛肉粉提一提味湯粉吸收左牛味 麵比較幼身 與湯一口放入口咪道上佳小食拉盤 有蝦餅 春卷 雞翼先講春卷 炸物十分新鮮 相信10分鐘內炸起裡面夾有蘿蔔絲 肉等第一層係炸皮既脆 裡面係蘿蔔既爽脆 而調味亦剛好不會太咸太淡第2樣想講既係蝦餅與泰式蝦餅吾一樣 佢比泰式更爽更彈牙裡面內藏蝦肉粒十分陣牙 充滿蝦味豬頸肉撈檬份量亦吾少除蔥花同豬頸肉 有少量蘿蔔絲同青瓜絲酸酸地更開胃加入酸汁 準備撈埋啦佢既豬頸肉 有d特別吾係燒汁豬頸肉 豬頸肉脆仆仆帶有d燶邊 但吾係燒到乾 裡面仍保持軟身最後配上牛油果奶昔及波蘿

今次去嘅餐廳位於銅鑼灣鬧市，坐得非常舒服。小店氣氛清靜，提議可播住越南民歌。佢嘅時間冇人、因為我五點幾先去食。下午茶生牛肉湯粉:唔錯，牛肉的確剛剛好，不會過熟，幸湯夠熱，可以灼熟。不過湯底可以再有層次啲、味道略淡，如再濃 點就好。香葉份量適中，配料充足，有set ,可以配小食，叫左個牛油雞翼，非常之香脆！熱辣辣上枱，牛油撲鼻而來，雞翼大隻肥美，正﹗可惜得兩隻。不過真心好味。招牌雞絲檬粉：無乜味，湯底味道太淡，不算出色。粉量都比較多、可能因為呢個唔係餐嘅關係。#銅鑼灣駱克道459至461號The L.Square 1樓#fuhn

今日黎左間係銅鑼灣越南餐廳，不過就一般般啦，價錢亦不太便宜。————————————————————————🧡牛油雞翼$58呢碟有驚喜，因為對比起無味牛河，好味太多😂😂外皮炸得十分香脆，有炸蒜粒和咸蛋黃粒作調味，味道濃郁😋😋😋————————————————————————🧡特色牛肉湯河 L Size $108呢款牛肉河有2個size，分別係L and XL，細食的朋友叫L Size share食，已經好夠飽😌😌😌牛河裏面有牛丸、牛柏葉、牛腩等，但味道很淡，湯底不夠濃。我覺得牛腩煮得不夠入味，沒有想像中好食，整體黎講有點失望😔😔

呢間越菜餐廳真係抵食夾大件，而且仲照顧到素食朋友嘅需要。有不同嘅素食選擇，讚呀！牛油雞翼新鮮香脆，入口非常香牛油味，牛油味道濃郁豐富。雞肉肉質滑嫩，而雞皮又香脆，真係忍不住連皮食哂呀！軟殼蟹米紙卷賣相吸引，味道又一流！最特別加咗少少嘅係面頭加有辣粉，多左職辣味，口感同味道都很豐富呢！米紙卷薄得晶瑩剔透，但薄得黎又能夠包實入面嘅餡料，咬了一啖都唔會跌哂入面餡料。呢個香茅豬扒金邊粉係regular size, 但份量都算好多喔！如果2個黎女生食嘅話，可以一齊share再叫多一兩碟小食也ok呀！越式三式飯材料非常豐富，有札肉、牛油雞翼、香茅豬扒、太陽蛋...可以一次過品嚐幾款越食，岩哂心多既朋友呀越菜最佳飲品配搭當然係鹹檸七及青檸梳打喇，夠哂清新解膩呀！

好耐都冇食過越南野喇，今日行過見倒L square 樓上有得食，所以就去左試下喇午市有套餐，52蚊就有個粉喇生牛肉湯河，入面嘅牛肉片都幾多，不過我自己就浸耐左，牛肉浸到熟左嚕套餐仲可以加多25蚊要蝦餅，蝦餅打到好爽，入口彈牙，加埋嗰醬簡直就係一流呀呢碗係超大碗嘅特式牛肉河，足足大過午市套餐果碗成倍阿，入面有牛丸 牛柏葉 牛坑腩片 牛腩邊同埋生牛肉，鐘意食牛一定要叫呢個豬頸肉米紙卷，米紙同菜包住大大條嘅豬頸肉響中間，有菜又有肉，而且米紙仲好煙銀有好多重嘅口感。小食拼盤有齊哂我最鐘意食嘅野，蒜蓉牛油雞翼真係冇得彈阿，超濃嘅蒜香，雞翼個皮好脆入面好熱，咬落仲有雞油總括黎講，fûhn嘅食物都好正而且環境都好舒服，尤其是炸野最出色！

自從去過越南，對越南嘢食都幾失望下，所以返嚟香港如非必要都唔會揀越南嘢食。今次就因為朋友推介，所以試吓睇下會唔會對佢改觀。位處一樓，環境幾明亮，靠窗嘅卡位仲有少少燈光佈置。叫咗最出名嘅越南牛河，啲牛都幾大片，個湯比喺越南食嘅好飲好多倍😂👍👍而且份量都幾大。優質。另外叫咗個豬頸肉撈檬，超級多豬頸肉，食到最尾都食唔晒，同時間又係好大份。嗌咗小食拼盤。扎肉，肉串嗰啲都幾好食，不過奈何佢出油嘅速度都幾快，會覺得食到滿口油。牛油果奶昔好足料好creamy👍🥰

係銅記行街行到好肚餓，朋友介紹下試左呢間越南野，叫左兩個粉同一個特上小食拼盤😍叫左碗L size 牛坑腩片湯粉，拒幾好，有唔同size可以揀，岩曬大食ga我😂，個牛坑腩係屬於薄片，一d都唔肥，有香香ga牛腩味，再加上個牛味好重ga湯，一啖牛腩，一啖湯，岩岩好，重試左個炭燒豬頸肉撈檬，個炭燒好出色，有淡淡炭燒味，個豬頸肉又脆，d味道岩岩好，good，同埋勁大兜檬粉同有好多新鮮菜做底，最後個小食拼盤係勁多野食囉，有香腸，有好爽口同蝦粒ga蝦餅，有好香口同好脆ga牛油雞翼，有我最中意ga扎肉，同令我好出奇竟然有軟殼蟹，重有個網文芋頭卷，好香咸咸芋頭味，真係抵食，果然無介紹錯丫👍🏻

生牛肉湯粉 XL $108有金邊粉或者河粉揀 今次就揀咗金邊粉🍜煮得啱啱好 唔會太軟太硬😍牛肉採用咗美國安格斯牛🐮肉質嫩滑又新鮮 湯底充滿著牛肉味🤤仲有M同L嘅份量揀 XL可以兩個人share越式手打炸蝦餅 $88炸粉唔會太多 薄得黎又有少少脆🤩非常足料 幾乎成塊都係蝦肉 好有咬口🍤加埋甜酸醬中和唔會太濟 食多幾件都冇問題白桃沙冰 $38份量較多 但沙冰唔會融太快 每啖都充滿白桃味😋😋😋🍑 

銅鑼灣嘢食話多唔多，但真係要揀來來去去都係嗰幾味🤔🤔唔係Cafe就係bar🤦🏻‍♀️🤦🏻‍♀️🤦🏻‍♀️望到附近有間越南野，抱住一個求其食嘅心態入咗去😂😂但結果出乎意料😬😬😬鋪頭細細間，佔L ²嘅其中一層！Menu選擇唔多 但勝在夠精！😋😋試咗越南野最基本嘅牛湯粉同雞絲湯粉 😋😋見到有Regular .L.XL揀貪心嘅我大想頭啲揀咗L😂😂😂再加多個特上小食拼盤😂😂一上枱😎分量嚇親我😂😂碗野相等於譚x過橋套餐碗仲要唔係得個碗大👍🏻👍🏻👍🏻食完飽到叫救命😖😖😖之後小拼盤上台，2人啱啱好 😋😋特別係當中軟殼蟹同牛油雞翼，呢個價錢真係已經夠回本😍😍😍牛油雞翼好入味 😋😋唔係食到牛油同雞翼分開既味👍🏻👍🏻軟殼蟹更加不在話下😎😎最後叫咗個牛油果奶昔，見幾特別😋😋飲落幾開胃😬入口完全唔似包裝飲品倒落去😂或者加牛油果添加劑😂😂一杯兩個人飲完全夠👍🏻👍🏻埋單食咗 $442，呢個價錢係銅鑼灣要食到飽到想嘔，真係唔貴，重點係係香港好難食到算係正宗嘅越南野🤤🤤🤤🤤

來到銅鑼灣一間樓上越南餐廳吃越南菜，以往好像沒有看到這間餐廳，應該是比較新的。他的粉麵分開幾個size有regular large and extra large， 貪心的我們選擇了一個large想二人分享， 來到時玩的碗很大，心想這次沒有叫錯，但是再細看才見生牛肉的分量不多，可能regular size跟laege size的餸的分量不會增加，只有，粉麵的分量增加，下次還是乖乖的叫regular size好了。 其實他的湯底也挺清香，雖然牛肉味不算極濃郁，但是有清新的香味，而且感覺沒有味精，挺好。生牛肉的牛肉亦有牛味，而且不會太老，欣賞。另外我們叫了一個正常的小食拼盤，小食拼盤包油蝦餅，越式春捲及牛油雞翼。牛油雞翼的牛油味非常濃郁，但是略嫌他的皮比較硬身，總括來說也算不錯。越式春捲，內裏夾有素菜及一些其他東西，外表鬆脆，算是不錯。最值得欣賞是的他的蝦餅，蝦餅內裏有大量的小蝦，而且蝦味濃郁，是整個拼盤拼盤最出色的一個小食。想嘗試更多的東西的話看到他有一個精選特色拼盤，最主要包有軟殼蟹，但是價錢會比較貴一點。另外我們見了了一個軟殼蟹米紙，卷米紙卷的外皮不太像米紙卷，軟殼蟹的份量可以，而且

生牛河fans🙌🏻去食越南野必叫生牛河🐮以前食親都係老趙😍今次試下新野😗..生牛肉湯粉(R) $68 如果一個女仔regular size 就夠，因爲食嘅時候會飲湯😂搞到個肚好脹🤰🏻個湯底好正😋唔會得個咸字，有啲牛味!牛肉量適中亦唔會太肥😛..扎肉湯粉 $58 佢嘅扎肉超彈牙😆叫左牛肉湯底，同上一樣正👍🏻扎肉真係好有驚喜😯好少咁彈牙😆

作為一個牛魔王黎到打開餐牌 第一個就見到特式牛湯粉已經唔洗再考慮其他呢個得L size 同XL size 揀 係個麵底加唔加底咁既意思我減緊肥 唔食咁多喇所以揀左L上到菜發現L size已經好大碗有牛百葉 牛筋 牛腩 肥牛 牛丸好滿足啊 芽菜 薄荷葉 花椒 另一隻碗上食得到既先加落去 好貼心啊但係唯一不足 係啲芽菜唔夠熟如果係熱辣辣就會好啲啦 因為凍冰冰加落熱既麵度好怪呢碗野 如果係細食既女仔 可能食啲料已經飽但係大食既我 當然可以連個麵加幾淡湯都可以消滅得到啦 真係幾好味架

-燒豬頸肉撈檬👍🏻（$72）依碗燒豬頸肉撈檬都幾大碗，而且好多豬頸肉，超正！豬頸肉賣相好吸引😚，卜卜脆又香口😆，十分有口感，真係好好味❤️-特式牛湯粉😎（L）（$108）材料十分豐富，有生牛肉，牛坑腩片，手打牛丸，牛筋片，牛腩邊，牛柏葉，Large Size 都已經好大碗！2個人Share都已經好足夠👍🏻湯底味道都不錯，而檬粉好有口感，生牛肉幾嫰滑😘，牛坑腩片，手打牛丸，牛筋片，牛腩邊，牛柏葉都幾好食！份量十足！仲可以加一些香草🌱，芽菜，辣椒和青檸，味道更清新，突出😍-越式手打炸蝦餅😋 （$88)依個炸蝦餅真係好正，外皮炸到好鬆脆😆，而且蝦肉好彈牙，真材實料☺️，真係食落蝦肉，食落又唔會好油，點埋個甜辣醬係絕配👍🏻-軟殻蟹米紙卷☺️（$78）米紙卷都幾足料，不過軟殼蟹食落偏粉😅，不過口感都好爽脆😊-

今次係第二次黎食，因為鍾意個湯，所以再黎。平日嘅夜晚，一半滿。兩個人點左兩碗粉一碗湯粉，一碗撈檬。生牛肉牛筋片湯金邊粉 牛肉上枱時仲係血紅色，牛肉有大概6片，兩個人share，每人都食到啲。湯底有香濃嘅肉味，唔算喊，覺得啱啱好！建議大食朋友至少食L size。（唔知點解揾唔返張相）香茅豬扒撈檬 擺得幾好睇，生菜絲放側邊，大量豬扒放中間。豬扒有分明嘅香茅味，扒係偏薄，但哩個價錢，哩個份量嘅豬扒，算係唔錯！總結，熱食同凍食比，我哋會揀「熱食」，因為牛肉湯同酸辣汁比，我哋鍾意牛肉湯多啲，香濃而不肥膩。

lay 間野我黎左幾次，第一次去叫大碗生牛肉河粉，份量多味道正常，第二次去味道一樣但份量少左，今次去同樣叫左碗大碗既生牛肉河粉食，份量值頭少到d 生牛肉俾湯浸熟哂！！得d  湯，河粉得幾柱，份量似大家樂食荼餐d 瀨粉，食完等於冇食，係連我女朋友都話唔夠食，搞到我地食完要再去吉野家叫個飯食，$80  完全唔值，問佢大既係咪得咁少份量，佢話係，雖然味道ok, 但我都唔會再黎，already black list