Fûhn (The L. Square) (已結業)

呢排返工比較多野要煩, 收工要食啲特色野慰勞吓自己, 所以黎到咗呢間食越南菜的餐廳，環境優美，裝修精緻，座位也比較寬敞。柚子鮮蝦沙律賣相精緻的柚子沙律不像泰式柚子沙律，沒有魚露，花生及泰式香料。我個人喜歡吃較完整的，口感更佳，鮮蝦味道可以，加了一些醃酸蘿蔔，為這沙律帶來味道。特式Fuhn飯+蛋足料大碗飯，有香茅雞扒，牛肉，燒豬頸肉，炸春卷，雞蛋及蔬菜。最鐘意食雞扒同春卷，同樣炸至外皮脆卜卜，唔算太油膩，味道岩岩好。椒鹽軟殼蟹本身好喜歡食軟殼蟹唔會炸到死油蟹本身都幾大隻咬落去啖啖肉連蟹膏加上味粉整體賣相和味道都是滿分！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

特式牛湯粉 (加大) $138個碗差唔多大過個籃球🤭 不過食落覺得佢唔係特別多粉 但餸就好多 兩個人share啱啱好麵底可以揀金邊粉或者河粉 今次就試左河粉 口感細滑 唔會好似出面一啲餐廳咁碌到好諗 湯底都算清 牛味就唔算好濃餸就有六款: 生牛肉 牛筋片 手打牛丸 牛腩邊 牛坑腩片 牛柏葉<生牛肉>: 上枱已經熟晒 但食落都好嫰滑<牛筋片>: 都炆得冧身 唔會好硬<手打牛丸>: 冇咩牛肉味 勝在夠彈牙<牛腩邊>: 呢個系切粒 食落有啲鞋<牛坑腩片>: 小弟最鍾意食呢個 好重牛味 又夠冧👍🏻<牛柏葉>: 夠爽口.二人小食拼盤 $98蝦餅幾好食 食到有粒粒蝦肉 厚身彈牙🤩春卷同雞翼就普通 雞翼覺得炸得太油膩 食嗰陣個皮已經硬左.青檸梳打 $28呢杯野認真麻麻 佢加咗好多冰搞到好淡 本身都冇咩青檸味 似齋飲梳打水咁👎🏻總結下午茶去都抵食 兩個share都夠😀😀

🔎銅鑼灣駱克道459-461號The L. Square 1樓「銅鑼灣樓上越南菜」- Fûhn (銅鑼灣)OMG真係不得不提，竟然喺呢間餐廳見到陳柏宇😍😍我真係好鍾意聽佢啲歌😂有冇人同我一樣🙋🏽‍♀呢間餐廳湯粉選擇好得意，佢有分正常，大，特大size。大家可以按照自己嘅食量落單，咁就唔怕做大晒鬼啦🤩A4和牛湯粉 另加手打牛丸 ($128 + $15)餐牌寫明由日本鹿兒島直送和牛，而我本身亦都去過鹿兒島兩次，咁就梗係要試一試佢。牛肉薄片油脂分布非常平均，唔會好似普通肥牛咁一大片肥膏。亦都因為佢油脂分布好靚，所以咬落好軟熟。只要喺普通生熟牛肉可加多$40就可以食到高質又靚嘅牛肉，完全超值。另外亦都試咗佢嘅手打牛丸，十分彈牙，食落會感覺到肉質分明，絕對唔係普通絞碎牛肉嘅口感，值得一試。燒豬頸肉撈檬 ($75)呢款只有一個size可以揀，但上檯發現原來係超級大碗。比普通出面街食嘅撈檬多一倍，但價錢又係差唔多，真係諗唔到原因點解唔試呢間餐廳。絕對適合好似我一樣胃口咁大嘅朋友。特上小食拼盤 ($168)拼盤包括越式炸雞翼，春卷，手打蝦餅，炸扎肉，扎肉串，椒鹽軟殼蟹各兩件。啱晒兩個人但有叫唔到咁多款

1️⃣特色牛肉湯粉$108有生熟牛肉、牛坑腩片、手打牛丸、牛筋片、牛腩邊、牛柏葉，食完變牛魔王😝煮得夠腍，牛丸、牛柏葉美味😋生熟牛肉浸一浸就食，夠嫩滑❤️湯底都不會太濃太淡，食落都唔錯😊2️⃣香茅雞扒撈檬$69 抵食之選😍金黃雞扒醃得好入味，香茅味出，加汁落去撈匀食，好味又開胃！份量好多，食到飽飽😝3️⃣鮮蝦🦐米紙卷$75清新嘅感覺，加醬食又係另一種滋味☺️4️⃣二人份量小食拼盤$98 值得推薦！咩都可以食匀😋而且高水準有香脆蒜味牛油炸雞翼，好juicy！手打蝦餅炸得啱啱好，裏面啖啖鮮甜蝦肉，春卷脆卜卜，餡料足！❤️點埋泰式酸辣醬食幾好☺️😍5️⃣新鮮椰青$49好鮮甜，透心涼！

今日朋友話想食東南亞既野食,就黎左呢間食下午茶啦!因佢4點幾仲有TEA SET,好抵食咁。我加30蚊跟左個椰青。我叫左生牛肉河粉,朋友就叫左個手撕雞檬粉。生牛肉河粉個湯好濃,生牛肉份量多。我地跟餐叫左個雞翼、炸蝦餅。蝦餅真係好多蝦粒。牛油雞翼好有新鮮感。另外我個大食朋友叫左個柚子蝦沙律同埋豬頸肉。柚子蝦沙律D蝦一片,MIX埋沙律,柚子食,真係好清新,完全解膩,呢餐明明好多肉,因為個沙律既出現即時變得輕盈左。我食左少少,佢食曬呢兩碟野。本身我地唔知豬頸肉係炸,佢呢個煮法幾新奇,所以我朋友好中意。由於跟餐加椰青幾抵既關係,我地前係叫左3個椰青,好似好誇張咁。佢D椰青多汁得黎又好清,好好飲呀!估唔到呢區都有咁抵既下午茶。

分店愈開愈多嘅Fûhn，但質素竟然大不如前😓上一次嚟食係新開張無幾耐，當時經朋友介紹，貪佢有得揀啱自己份量嘅粉，仲可以不停refill個人最愛嘅紫蘇葉😍估唔到隔咗一排無嚟，無限refill嘅香草杯變成一兜生芽菜+九層塔...失望🙈我哋叫咗一碗生熟牛肉金邊粉，一碗所謂「每日限定」嘅順化湯粉。【生熟牛肉金邊粉】湯底嘅清甜味道大不如前，$85一碗普普通通嘅牛肉粉，如果只為醫肚都算係勉強合格嘅。【順化湯粉】落單時有問過侍應可唔可以轉金邊粉，侍應話可以，到上枱時變成米線，再問另一個侍應，得到答覆係:「順化湯粉一定要配米線先夾，唔可以轉」😐轉唔到唔緊要，賣相點解同poster爭咁遠? 爭D以為自己叫錯嘢...果然圖片只供參考😏味道就...純粹靠嗰一碟醬，否則碗粉無乜味。由我哋坐低到埋單，舖入面愈嚟愈少人...印象中呢間都係曾經嘅人龍店，出咗名 = 退步係唔係定律😔

今日放工經過銅鑼灣廣場附近，見到有間越南餐廳，見好耐都冇食越南野就上左去試下。餐廳位處2樓，一上到去，餐廳一眼望哂，見到有約張空台唸住行入去，但店員阻止要求等等。但等左兩分鐘明明冇其他人等緊引有位可以入都仲係冇店員理我地，真係扣哂分🙄過左三四分鐘終於坐得低，睇左陣餐牌見到有特大越南河，就即管試下有幾大啦😂個越南河黎到果陣，真係嚇一嚇，冇誇張，簡直係兩個男人食既份量，霸左半張台，但味道就....far far away from what I have tried in Vietnam啦☹️

與友人想食越南粉，去銅鑼灣揀左呢間試下。先揀左個二人小食拼盤$98，有四條越南春卷，兩隻牛油雞翼，兩件炸蝦餅。雞翼好香牛油味，好好食！春卷同蝦餅都唔錯。再叫左個札肉米紙卷$58, 正常味道，可以多少少札肉。或者建議幾扎肉炸一炸，層次會更好。因為唔太餓，兩人分享一碗順化湯粉$98，一碗有齊牛肉牛丸牛𦟌札肉，分量啱啱好。呢度既pho有分regular, large and extra large，可根據胃口揀。飲品叫左菠蘿沙冰$38同咸檸梳打$30, 藜蘿味幾清新，咸檸梳打keep fit人士之選。推薦牛油雞翼同下次想試特別牛河。

難得早放學，同同學一齊食個晚飯，輕鬆下先。我地冇咩目標話食咩，咁啱經過The L. Square，都幾夠多選擇，由於好多人等lift，我地決定行上一樓試下食越南粉嘅Fuhn🇻🇳⭐️順化湯粉 ($98)每日限定二十碗！順化湯粉顧名思義係嚟自越南中部嘅順化古城，湯底鮮味清甜，辣油分開上，分便自行調節辣度。辣油香滑，重牛油味，香辣惹味；配料有豬手，牛肉，扎肉，牛丸。⭐️特式Fuhn飯+蛋 ($128)足料大碗飯，有香茅雞扒，牛肉，燒豬頸肉，炸春卷，雞蛋及蔬菜。最鐘意食雞扒同春卷，同樣炸至外皮脆卜卜，但唔覺油膩。⭐️軟殼蟹米紙卷 ($78)呢到嘅米紙卷好食，米紙爽脆唔痴嘴，軟殼蟹脆卜卜，蔬菜新鮮爽甜，仲有惹味炸蒜喺面😋⭐️新鮮椰青 ($49)大大個椰青，清甜好味。

總體感覺一般，食物味道不特別好味，侍應幾次漏單兼埋單唔啱數，全部味道對我來說好淡口下，每碗粉都好大碗，粉量多，但好像不太有吸引力反正銅鑼灣好多選擇，令我短期內不會有興趣再來。欣賞有素食選擇，我一定支持，素菜湯河同其他的河粉一樣都是較淡口，餸不算多。其實素食可以好美味，呢碗就有提升空間，可能是廚師比較淡口而我喜愛濃味，所以碗碗都不太夠味，只係好大碗粉。侍應一而再錯，初時覺得有總有錯，又不趕時間，無所謂，跟番單就算，點知先漏單，所有人食完漏了一碗，催好多次都未得，催時再對其他飲品及小食，講好晒，點知其他都係錯完又錯，到埋單都仲係錯，真係想試探我耐性。基於以上各個原因，加埋好多更好的選擇，我相信我都不會再來幫襯。

呢間可以話係我食過最好食既fuhn。上年去完越南之後，一直對越南既牛肉河念念不忘，成日想食翻個種味不過係香港試咗好多間越南河粉都無個種味道，d湯唔夠鮮甜，或者得死咸，甚至連塊牛肉都切得好厚撞彩遇到呢間，分量好夠（平時去其他鋪頭食牛肉河成日都唔飽），呢間食個regular size都已經飽到上心口，而且牛肉好薄切，係越南既感覺。湯底好正，飲得出同坊間個種唔一樣，真係抵你一碗賣差五多$70蚊。不過想提一樣野係呢間鋪頭d人手真係唔多夠，見到d waiters已經跑黎跑去執臺出餐同落單都應付唔黎咁多客人，老細可能要請多d人啦

為甚麼標題是這樣？因為今晚跟友人只叫了一碗粉和兩份小食就飽翻了，還不是豐盛麼~~餐廳佔地一整層，一開電梯門就到了。餐牌上最搶目光的必定是這個順化米粉，每日限定的呢！我們有順利點到。那麼大碗，加多兩款小食和飲品就夠兩名女生了啦~有點選擇困難，就直接點個二人份小食拼盤，有越式炸雞翼，春卷和手打蝦餅，一次過滿足三個願望。香脆的雞翼外脆內嫩，點醬汁吃夠惹味。蝦餅厚厚的，帶甜味之餘最重要是爽口彈牙。春卷炸的相當酥脆卻不會很油膩，餡料清爽，口感很好。吃越南菜怎少得米紙卷呢！米皮薄又煙靭，塞了滿滿的清新蔬菜和米粉，到中心就是香口脆身的軟殼蟹，口感味道都豐富。每日限定20碗的順化米粉讓我們吃到了！它比其他粉類更大碗，兩個女生分著吃就最適合。吃之前先加配菜和秘製醬汁，湯的味道會更濃郁，有牛油看也有齊有齊鹹、辣和甜的多重味道，相當刺激。順化米粉的質感就如米線，很滑溜。配菜有腱、豬手和扎肉等，都煮很很軟又入味，就是這些肉類讓湯有甜味。飲品方面，我在好奇下試了牛油果奶昔，沒想像中的豐厚，不過這樣還好，無論味道和質感都適中，不會過濃厚過膩呢。友人點的白桃梳打應是女生最愛，甜甜蜜蜜的味道最適合女生的了！這樣吃，能

一出𨋢就係餐廳，佢既面有分三個size 女士建議你食個普通既 但如果你地想試多d小食 可以叫個大既share 再叫下小食～生牛肉牛丸河粉 個人覺得牛丸如果係成粒上咬落去個口感會更好 但個牛丸都係彈牙既～ 牛湯湯底濃而滑 唔好睇個雞湯好清一定好淡 事實岩岩相反好欣賞佢有好多蔥係個粉到 咁飲湯就可以食埋d蔥 順便飲多幾啖喇😂香茅雞扒 雖然香茅味唔出 但勝在外脆內軟 d肉仲係粉紅色架 好嫩好juicy 蝦餅咬落彈牙先唔再講 入面真係有蝦架！

/Fûhn 人均 💰100‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧生牛肉牛坑腩肉湯粉 💰84 6⃣️分牛魔王必吃的菜式，岩曬仲意食牛既朋友仔。我覺得越南牛河除左麵要好食，湯底同樣十分地重要，他們缺一不可。fûhn用本地牛筒骨,同埋不同越南香料熬製她們的湯底， 所以飲落都幾入味。同埋個湯仲可以調味，畀你自己加芽菜、辣椒、青檸汁等去調配屬於自己既心水湯底。但d牛肉就有d普通啦，因為有dd韌，好似有d老。 /和牛湯粉 💰128 7⃣️點5⃣️分同小編之前介紹過”錦麗”其實係完全唔同既路線，因為佢地個湯底較清，用既水係經特別淨化既活水，所以食落去個口感會較細滑，要濃味d就需要自己再配搭其他醬料。但依款湯底味道同上面食果個唔一樣，依款味道唔洗再調配已經係小編心水。同埋值得一讚既係佢依款既牛肉，佢地寫明話係日本直送既牛肉，食落真係有唔同，軟滑而且多汁，好入味，正！/軟殼蟹米紙卷 💰78 7⃣️分米紙卷既皮十分薄同埋嫩滑，然後裡面d餡料塞滿曬成個卷入面，所以食落去會覺得好有層次感同埋好飽滿。軟殼蟹亦都十分出色，香脆可口，然後加埋入面其他配菜，唔會覺得好似好熱氣，反而好清新。美中不足就係醬料，有

東南亞菜式一直都深入民心 尤其是泰國同越南菜以前食因為抵食又好味但依家興fusion . sell unique抵食 呢樣野係香港 已經無左呢支歌仔唱啦.OK ! 拉遠左 講返揀餐廳先之前睇報導話呢到係北美風格既越南菜 就已經想試下係咩東東約左FD去CWB 就直接黎食下啦我地一行4人每人叫左個粉麵 再叫小食 4人小食拼盤（越式炸雞翼，手打蝦餅，春卷）& 軟殼蟹米紙卷想一次過食唔同小食 梗係叫拼盤啦雞翼炸得好靚 個脆皮做得唔錯 但雞肉就‘鞋鞋’地🦐蝦餅又做得唔錯 彈牙爽口 春卷就ok la .出面有d米紙卷點下汁同醬先有味但呢到既米紙卷唔使點野都夠雖然有d辣辣地 不過真係唔錯🤘🏻入面除左有軟殼蟹 仲有粉絲 🥕🥬好味👍🏼生熟牛肉金邊粉 好想食檬粉 不過湯粉無得揀檬🙁報導說: 北美風味的湯底用20磅牛筒骨熬製，牛味較濃，香料味也較重，所以他們將煲牛骨湯底的牛油，秘製成自家的「牛湯油」但我就覺得湯底唔夠濃 上菜時應有時濃湯味欠奉需知道湯麵 最重要係湯 牛肉肉質雖然幼嫩可惜個粉就麻麻地喇整體 So far so good la