Fûhn (The L. Square) (已結業)

銅鑼灣L. Place一樓嘅越式餐廳，佢地入面嘅裝修其實算ok，不過唔知點解張張櫈都有啲黑色一點點嘅色。其他衛生清況都算唔錯。6點半上到去完全唔使等，冇人。計埋我張枱得三枱人，所以落咗單唔使5分鐘就上菜。叫咗碟豬頸肉撈檬同埋香芽雞扒飯，雞扒飯肉唔算多，男仔食就算叫做飽嘅，而撈檬就比較失色，可能係因為啲唔夠香，帶唔出粉嘅味道。總括嚟講中中挺挺、不過不失。不過佢勝在服務態度算好，位置又方便，旺中帶靜，氣氛又唔錯，室內裝修有鏡增加空間感。

我去食越南菜，就一定會食PHO！呢間嘅特式牛湯粉SIZE可以揀大/加大，粉就可以揀金邊粉/河粉。我哋2個人就叫咗個大嘅SHARE，碗粉好大碗，而且好足料，配料有生熟牛肉、牛坑腩片、手打牛丸、牛筋片、牛腩邊同牛栢葉，每樣嘅份量都幾多。個湯底雖然唔算好濃味，但我反而覺得清清哋仲好，我最後飲晒都唔會好口渴。而啲牛嘅質素都唔錯，特別係牛栢葉，煮得剛好，有咬口得嚟又唔會韌。-另外，我哋仲叫咗個小食同一杯飲品～軟殼蟹米紙卷 - 個卷外軟內脆，幾有層次感，個醬亦幾惹味。牛油果奶昔 - 個奶昔好CREAMY，難得嘅係放耐咗都唔會變到水汪汪。

突然好想食越南野，上網搵呢間有極多好評，價錢又相宜，就決定呢間食dinner!叫左個特色拼盤（$168）六樣野食：越式炸雞翼、春卷、手打蝦餅、炸扎肉、扎肉串同椒鹽軟殼蟹。我覺得最好食係蝦餅，應該係我食過最好食既，d蝦肉勁足料勁彈牙；炸扎肉都好食，好少拼盤會有呢樣；仲有春卷，外皮炸到好脆，正！雞翼就略為普通，扎肉串太多肥肉；軟殼蟹好食，但有點多油～豪叫左個A4和牛越南金邊粉（$128），d牛肉好好食！但放落去越南粉好似晒左😛 anyway係正既！ 爆珠荔枝梳打（$30），入面有一粒粒透明既爆珠，好特別！荔枝味濃！白桃沙冰（$38）呢個好似幾人氣既！桃味好足，又多，慢慢飲都得！

晚餐時間係銅鑼灣食黎食去都好似係連鎖店或者係打邊爐想搵d經濟實惠d同埋人少少都可以多選擇的餐廳上網睇就發現到呢間餐廳係越南菜😍而且未食過 地點都方便一於去試試😉餐廳面積唔大一出𨋢已經係餐檯🤨星期六晚餐時間都有8成入座率我們2個人叫左4樣野特別牛湯粉L size $108🐮L size真係幾大碗 份量十足 而且湯味濃郁 除左牛肉仲有牛的肥膏所以特別香😋雞絲撈檬 $69🍜以為會好雞絲乾身可能加左少少蔥油 所以比較滑同埋份量都多二人小食拼盤 $98有蝦餅春卷雞翼🦐蝦餅同春卷都好食 香脆相比之下雞翼會較失色牛油果奶昔 $49🥑多數餐廳的牛油果味都好淡剩係會食到雲呢拿雪糕味但呢杯有驚喜的牛油果奶昔👍有牛油果味 奶昔又冇雪糕味而且唔會好甜好漏正🤤原來Fuhn仲有幾間分店下次去唔同區都可以食啦 😋

難得有朋友搵我食飯，忽發奇想去食越南野，於是就嚟到依間Fûhn食越南野。生熟牛肉牛坑腩片湯粉（$72）牛坑腩又淋又滑又有牛味，加上牛骨湯嘅味道，令牛肉味出晒黎，鍾意牛嘅就要試下啦~香茅雞扒撈檬（$69）越南野黎講嘅，我最鍾意就係食撈檬，特別夏天熱辣辣，撈檬涼浸浸，食完就爽YY~而且酸酸甜甜，好醒胃呢個香茅雞扒都好正，煎得啱啱好，有脆脆嘅外皮，又可以keep到裡面肉質鮮嫩，Yummy~特上小食拼盤（$168）對於有選擇困難症嘅我，叫呢個拼盤，就可以一次過滿足曬六個願望，裡面包含左炸雞翼、牛油雞翼、椒鹽軟殼蟹、炸蝦餅、炸扎肉、越式春卷，樣樣都好食！雞翼香嫩，軟殼蟹脆卜卜，蝦餅啖啖肉，春卷皮薄餡滿滿的手牛油果奶昔（$49）牛油果既味道加上奶昔，令到整個口感好豐厚。牛油果味道偏重，鍾意牛油果嘅人就要試吓啦！

晚上約了朋友去看電影，但朋友臨時要加班，只有自己先去吃晚飯。因為太早的關係，才6點左右，所以只有我一個，好像包場一樣。點了特式雞絲金邊粉，裡面有手撕雞，鵪鶉蛋和手打雞肉丸。還點了飲料，冷檸檬水，少甜。雞湯底很香濃，手撕雞挺嫩滑，雞肉丸有咬口，鵪鶉蛋則一般。份量挺多，吃得很飽。

#cassiegocwb-大家最鐘意食咩國家嘅菜？小編唔會揀飲擇食嘅，但會比較偏愛東南亞國家嘅菜式。今次為大家介紹越南菜！🤣-依間Fuhn我之前食過一次，佢有全素湯粉，不過味道比較淡。我今次就揀左燒豬頸肉撈㩚，佢份量好足，有超過十條豬頸肉，用烤爐燒過，每條都係熱辣辣上菜同表面脆脆地。🐷-加左撈㩚汁食之後，發現佢同平時嘅撈㩚有啲唔同。佢除左酸甜之外，仲有啲咸味，唔知點解，不過都係好食嘅。👍🏿-味道評分▶️🌕🌕🌕🌗🌑 (3.5)抵食評分▶️️🌕🌕🌕🌕🌑 (4)回購評分▶️️🌕🌕🌕🌕🌑 (4)-➡️Fûhn (銅鑼灣)📍銅鑼灣駱克道459-461號The L. Square 1樓-

炎炎夏日想係銅鑼灣搵食，上openrice搵到依間食pho既，地點好便利，鋪頭又有wifi。我地一個叫左每日限量二十碗既bo hue(咩都有啲咁)，一個就叫左XL size既雞肉pho！加大碼既碗的確好觸目，而且唔只係碗大，啲料同粉都唔省本湯底好清，配料夠多好好食！佢既小食拼盤都好出色～春卷>蝦餅>雞翼不過最推薦既係牛油果奶昔！唔會好甜但好fresh同好有口感，解暑又健康！係一間可以echo既鋪頭～店員清一色男士 都好有禮貌

平時做野經過銅鑼灣 L Square 樓上食lunch，有時見到𨋢門係1樓打開，入面人頭湧湧，礙於食lunch要快，所以一直未有機會試。好喇，今晚收工終於有時間，一於去試下，間野就係Fûhn！平日黎講，都算多人，我地食到一半個場已經full左。佢地都好貼心，湯粉有分3個size：普通，大，加大。特式牛河粉 大(生熟牛肉，牛坑腩片，手打牛丸，牛筋片，牛腩邊，牛栢葉)由於特式牛係無普通size，我又好想咩都試，就叫左個大size。餸！真係堅多！食極都未食晒！好足料，樣樣都好食。湯唔肥，但好夠味！2個女仔叫個大size 黎share食都應該夠。生熟牛肉牛栢葉河粉 普通size普通就係正常size，佢個牛唔肥，我地好怕啲牛肉好肥！豬頸肉米紙卷個豬頸肉佢炸過，所以十分香口好食。二人份小食拼盤(越式炸雞翼，手打蝦餅，春卷)本身大人話想食炸雞翼，我話禁不如試佢個2今金食拼盤。個蝦餅堅彈牙，入面重有隻蝦！青檸梳打，白桃沙冰個白桃沙冰白桃味好重，幾好飲！又多一個食越南粉嘅好地方！

Fuhn主打北美式越南湯粉，款式同配料都幾多選擇，湯粉size有R,L和XL三種可以揀，價錢同份量都合理。Regular size　已經好大碗夠女仔食，食完成個人暖哂好滿足。#特色雞絲湯粉 配料有手撕雞 手打雞肉丸 同鵪鶉蛋湯底清清地唔會油 飲多兩啖都唔會覺得口渴加埋香草、青檸、辣椒 成碗粉嘅味道同層次即刻變得更加豐富辣辣地酸酸地好開胃#素菜米紙卷一碟4件 蔬菜酸酸地有醃過但米紙偏厚 所以食落味道偏淡 點一點汁會更加好食

之前已經食過一次，今次又食多次，今次比上次食無咁好食，但都ok 既，叫咗好幾樣嘢，都算係咁。特式牛湯粉，略嫌河粉有啲碎，啲牛有啲啲劣質，但湯底ok 既，唔口渴，又入味。牛油果奶昔，好飲！最鍾意咁blend 嘅牛油果奶昔，有啲人鍾意飲牛油果味重啲，又有啲人會鍾意飲奶味重啲嘅，我就屬於後者，所以我覺得牛油果嘅味道唔夠重都唔係一個問題，只要夠滑就得啦，呢杯正合我意。軟殼蟹米紙卷，略嫌軟殼蟹份量較少，但米紙卷好足料，入面啲菜都好新鮮。牛油雞翼，呢個麻麻地，夠牛油味但唔夠脆，又好似爭啲嘢咁，所以覺得普通。

銅鑼灣美食選擇非常多，依間越南菜budget可以唔太高又食到好好質素既食物，會回頭今次同朋友兩個人食，見到餐牌都忍唔住叫左好多 哈哈！！好多小食選擇～1. 牛丸生牛肉片金邊粉依到既麵有河粉同金邊粉選擇，仲有普通、大、加大既Size選擇，如果想Share，不妨嗌碗大/加大Size，之後再點小食都一定夠飽！講返碗金邊粉，牛湯味濃而又唔會太咸生牛熟片浸一浸食得，切得好薄，唔會多筋位，食落口好淋又有牛味！而牛丸就不過不失啦！2.炸豬扒雞湯河雞湯係清淡之選，食落好明顯同牛湯好大分別🤣🤣不過各有風味～因爲依個配炸豬扒（比較濃味既野）所以雞湯係中和返🙊個炸豬扒好好食！豬扒上面係有最正既蔥油呀，簡直係精箤🤤豬扒餣得入味，炸得岩岩好，入口香酥，無炸粉咁制，入口啖啖肉！3. 炸扎肉粒(半份)滋味之選🤣唔係到到有得食，扎肉炸過又係另一個風味👍🏻4. 豬頸肉小食依到既豬頸肉唔係燒既，又係炸同埋上面都係鋪蔥油，食落（反而炸既豬頸肉口感無咁煙韌)味道係其實有啲似炸豬扒，不過都係惹味好食既！5. 軟殻蟹米紙卷依到米紙卷係配千島沙律醬，不過自己都係鐘意配返魚露甜酸汁多啲，但千島醬都係一個good try! 不過就膩啲

平時一向都好鍾意食越南野，貪佢清新得來又開胃，夏天食真係一流。有次喺銅鑼灣行完街，就係OpenRice發現呢間越南餐廳，見佢嘅評價好似都唔錯，就嚟咗試吓。柚子大蝦沙律柚子再加上大蝦配上沙律，成個配搭聽落已經覺得好新鮮好清新，份量好多好足，有之甜得黎唔會覺得苦，哈哈都尚算新鮮而且數量幾多。沙律菜會夾雜着醃青瓜同紅蘿蔔，所以成個感覺都好清新，食完好開胃。香茅豬扒飯見到午市餐牌都有唔少飯類嘅選擇，為咗飽肚啲，所以都帶咗一款飯。香茅豬扒啱啱炸起新鮮熱辣，外皮炸到好鬆脆，入邊嘅肉質仲好嫩，調味都好濃郁，唔會覺得淡茂茂，加埋蔥油同鼓油撈飯，呢個幾出色。鮮蝦米紙卷最後仲叫咗一個米紙卷做小食，不過可惜呢個就有啲失望，用上兩層米紙包上粉絲生菜等等，可惜米紙太硬身，但配上嘅醬汁都好惹味，如果米紙可以改善下應該幾出色的。滴漏咖啡咖啡味好濃郁，濃到底下嘅煉奶味都完全被覆蓋，飲完一定好提神！呢間餐廳嘅午市套餐，喺銅鑼灣區來講，真係性價比幾高，而且質素都唔錯，下次黎開呢一區，會有下次。

一間又可以食素食又可以食肉食嘅越南餐廳🍴以晚市嘅價錢來講都好大碗好抵食😋而且呢度嘅職員超級有禮貌，我覺得服務態度真係五星嘅水準⭐️·今次晚餐叫咗香茅雞扒撈檬，對女仔來講真係好大碗，叫埋男朋友陪你食就最啱😎雞扒份量都幾多，但係味道就比較偏淡少少。·越式炸春卷同素咖哩角我覺得好值得一試，特別係春卷嘅皮非常鬆脆，同一般出邊食到嘅有啲唔同。·爆珠荔枝梳打最啱我呢啲大細路一路飲一路咬一路玩😂😂😂

今日同男朋友嚟咗銅鑼灣嘅越南餐廳食晚飯，呢間fuhn越開越多，之前都試過，所以而家去食越南野都會諗起佢。 叫咗《特色雞絲湯粉》會跟一份芽菜，大大碗嘅湯粉，除咗有雞絲，手打雞肉丸，仲有鵪鶉蛋。清清地之餘好豐富又開胃，好令人懷念嘅越南味道。 男朋友叫左<<扎肉撈檬>>，札肉入口夠彈牙，簡簡單單的一道撈檸，食得佢好滿足， 《軟殼蟹紫菜卷》，入口清新,富有層次感,軟殼蟹嘅味道突出，做小食一流。 飲品叫左個《椰青》及《芒果沙冰》椰青新鮮又甜，菠蘿沙冰就更加正，可以舒緩口腔嘅油膩感之餘，又好香菠蘿味，好有夏日嘅味道。