Flames (海濱匯)

營業中

休息中

今晚黎觀塘食晚飯係朋友公司附近有間唔錯既西餐叫Flames我幾鐘意佢既環境雖然唔算好大 但感覺舒服佢有個戶外區域放左幾張會發光既企檯岩哂鐘意飲野既朋友企出去吹下風傾下計 幾chill我地兩個人叫左葡式香辣燒雞 配薯條蟹肉香草忌廉蕃茄汁扁意粉上菜非常快燒雞既份量好足 好大件有兩件 肉質好嫩 亦好入味外皮好香脆薯條粗度適中 新鮮炸出黎熱辣辣 蟹肉香草忌廉蕃茄汁扁意粉蟹肉算多 同忌廉汁好夾意粉彈牙 好creamy 味道唔太濃我叫左杯Lychee Lover Cocktail十分好飲 清甜 酒味唔太重岩女仔飲 易入口

今日早左d放工就去左觀塘呢間西餐廳係算新起既海濱匯1樓餐廳全白色 細細地 窗邊位可以對住出面出面仲有塊小草地 去既時候見倒d人企係度happy hour 都幾chill幾舒服☺️Surf & Turf燒肉眼牛扒 medium rare 都幾大塊 肉味都幾重😋king prawn *2隻 燒得好香好好味薯條都好多😛Crab meat linguine好香蒜味 蟹肉都好足料 超好味份量真係好足 食曬都真係捧住個肚番屋企😋Banana Hawaii香蕉 coconut milk同菠蘿既smoothie好夾好好味😋😋😋

星期六，選了下午5:30時段來這間位於觀塘海濱旁的餐廳，由於距離晚餐時間尚早，是餐廳唯一客人。餐廳外有片大草地，景觀面向觀塘繞道，交通川流不息，旭日在天空徐徐落下，感受到鬧市裡的寧靜，是假日休息慢活的好地方🌱💆🏻‍♀️💆🏻點了蟹肉香草忌廉蕃茄汁扁意粉，汁非常香，調味恰到好處，不會太膩，有驚喜😋另外叫了1kg 香草白酒煮青口配黑松露薯條，青口很新鮮、肥美，超好吃！飲品方面，我們分別點了long island iced tea 🍹和cosmopolitan🍸，前者味道較濃，個人認為比較好喝。二人吃這個份量已非常足夠，如果食量較小，建議青口可點半kg。這間餐廳位處商業中心，但食物水準一流，推介情侶、朋友來暢飲一杯，聊聊天～

行完觀塘海濱公園， 身心特別舒暢～ 走到附近嘅商廈《海濱匯》有不少食肆，平日比較寧靜， 人唔多， 休閒放鬆嘅好機會。揀了 1/F 《Flames 》 以西餐為主，沙律，意粉，扒類及各款小食。 戶外氣氛較炎熱 而且剛下了一場驟雨， 所以也不會半開放～ 嘆住冷氣休息一吓望住遠處嘅MegaBox 和外面綠油油的草地～差點點就來一個午睡餐廳裝修優雅，自然， 配合白色嘅枱，椅。 一邊是圓型吧檯， 上面嘅裝修好有cyber feel。來杯Mocka 醒醒神，雖沒有做奶沫層， 但味道也很濃郁。蟹肉香草忌廉蕃茄扁意粉賣相吸引， 落足料鋪滿蟹肉， 醬汁充滿香濃嘅蕃茄， 加入忌廉又特別滑身， 惹味非常！ 扁身意粉 軟硬適中。Crab meat nachos $128一開始就睇中佢嘅 nachos ，墨西哥粟米片， 脆口之餘又可享受唔同嘅配料或醬汁～ 又揀咗蟹肉囗味～ 😋白色特製醬汁酸酸地有啲似乳酪， 配合蟹肉相當美味， 還添上甜椒，青瓜碎～ 清新健康！ 還灑上碎芝士， 絕對要趁熱食， 凍咗比較硬凝結著。份量又真太大, 兩，三人share 也絕冇問題。是日沒有berry juice, 唯有選 Pineapp

係觀塘海濱塭野食塭下塭下就塭到呢度⋯因為個頭星期日無咩餐廳有開⋯係呢個地點黎講再加星期日⋯呢間餐廳其實都算生意唔錯👍🏼👍🏼初初以為佢係普通西餐廳⋯點知又幾好食喎估唔到⋯佢個nachos 真係一啲都唔姑寒⋯勁多醬同芝士⋯炸雞都ok..可以再juice d..不過都好唔錯😋另外個蟹肉意粉都非常驚喜好食⋯都係好重料⋯最鍾意餐廳唔姑寒⋯講真落左少少料其實就會高分好多⋯環境其實都唔錯⋯好光猛⋯有幾張枱係半露天⋯感覺都幾chill 🌞 會再encore!!!

難得在閒日下午落得清閒，幾個星期也沒有好好享受一下堂食的感覺，今日是時候了。來到觀塘剛開幕不久的海濱匯，都有不少餐廳進駐，其中一家是Flames。閒日下午加上疫情，客人不多，環境更顯得舒服。午市餐牌上選擇也豐富。蟹肉香草忌廉蕃茄汁扁意粉 $158蟹肉香草忌廉蕃茄汁十分出色，夠晒creamy，酸酸甜甜，扁意粉彈牙香滑，配搭開胃又飽肚。葡式香辣燒雞漢堡配薯條 $168燒雞即叫即燒，而且擺脫燒雞一向乾身的問題，肉質香嫩，又幾大隻。雞皮香口，雞肉juicy，配埋醬汁，香辣又惹味。薯條同樣熱辣辣，同燒雞一樣討好。香草蒜蓉包 $38金黃色又香蒜蓉味，熱辣辣，入口香脆無比。不錯的食物和環境，相信疫情過後會變番人山人海。

今日喺觀塘牛頭角附近嗰邊做嘢就咁啱見到呢一個叫做海濱匯嘅大廈好似有唔同類型嘅特色餐廳行過嘅時候見到呢一間餐廳好似己有格調咁樣而且仲可以望到出邊綠油油嘅草地非常之吸引所以我就選擇左呢一間餐廳餐廳嘅防疫措施都做得相當之好，而且仲會提供酒精搓手液同埋會幫客人量體溫先以確保安全餐牌非常之清晰簡單易明，食物選擇都幾多但係呢一度似乎真係俾人哋去飲吓嘢傾吓計所以飲品嘅選擇會比食物嘅多好多🤣下次如果同朋友嚟傾偈都可以揀下呢一度坐住係一個綠油油嘅草地下嘆住一杯茶去傾吓心事都好正咁今日我哋就選擇係認認真真食一頓午餐首先我哋叫咗呢一份係香草蕃茄汁大蝦意粉蕃茄汁非常之香濃，配上大大粒又爽口彈牙嘅鮮蝦，真係越食越開胃！而扁意粉亦都煮得好好好友彈力唔會過森，整體味道唔錯另外仲叫咗半份葡辣香雞配香烤雜菜，半隻腳瞓啦其實都好多，外表黑得好香脆入面啖啖肉完全唔鞋，好Juicy!!另外個配菜亦都做得相當唔錯另外我哋仲叫咗一份沙律菜非常之新鮮配上沙律醋好開胃！不得不讚呢度店員嘅服務態度非常之好而且好主動整體呢間性價比都非常高

宜家日日煮飯，再唔係就屋企樓下買外賣，開始食到厭哂😅今次我地就Oreder左觀塘海濱道嘅 @Flames Grilled Chicken 燒雞抗疫大餐成枱野都只係$150，超級抵食😋主打 #PeriPeri燒雞 外皮烤得好香脆配上燒烤醬，勁惹味呀，配埋 #澳式雞鹽薯條🍟阿桃🍑就最開心喇！驚唔夠飽唔緊要，套餐仲有 #香草黃姜蕃茄飯，黃姜可以抗氧化仲可以抗抑鬱😂真係岩哂做抗疫餐再加埋 #凱撒沙律 有豐富蔬菜，咁就夠哂營養均衡喇🙆‍♀除左可以外賣自取，亦可以經某外賣APP購買（價錢會稍作調整）Flames 📍觀塘海濱道77號海濱匯1樓2號舖☎28976638📍鰂魚涌海灣街25號海灣大廈地下A2號舖☎25639928

依家佢哋做緊外賣推廣一大隻燒雞再配上蕃茄飯沙律同埋薯條係$150份量好足了 亦都好抵食其實分開兩個人一齊食都已經好足夠間餐廳真係好靚㗎如果大家午餐唔知想食咩可以去入去食

//公司附近有間澳洲菜餐廳咁岩見到✨抗疫外賣優惠 $150 Peri Peri全雞套餐✨份量好足夠 二至三人都無問題#PeriPeri燒雞 全隻份量好多 外皮烤得好香 入面啖啖肉 就算外賣都無走樣 係屋企食可以豪邁成隻脾食 YAY#香草黃姜蕃茄飯 味道好香微辣蕃茄味由米飯中滲出層次豐富仲有 #凱撒沙律 同 #雞鹽薯條 好味道 太豐富～其實堂食環境都好好 落地大玻璃加上外面草地 望住郵輪碼頭方向 夜景唔錯 食飽仲可以出去海濱散散步 有機會要再嚟堂食呢～.📍 Flames觀塘海濱道77號海濱匯1樓2號舖鰂魚涌海灣街25號海灣大廈地下A2號舖.

今天來到牛頭角等待男姓朋友放工，等了又等，等了又等後，還是在他公司樓下找個地方，先吃過晚飯，所以來到這間餐廳酒吧。這間餐廳裝潢以白色為主，並配上色彩斑斕的燈飾，蠻富時代感。餐廳是半開放形式的，設有室外露天的草地，可讓客人在室外談談天，喝喝酒。香辣炸雞炸雞金黃乾身，香脆可口，感覺有點類似日式的唐揚炸雞。雞肉肉質結實，雞味濃郁。隨碟附送檸檬，可按個人口感，撒上檸檬汁，以緩和油膩感 。青檸鮮蝦墨魚汁芝士片意粉烏黑的墨汁意粉放置了四隻中蝦，配上粉塵狀的芝士粉及香草作點綴調味，令人垂涎欲滴。中蝦色澤亮麗，爽口彈牙鮮味，蝦味豐盛。意粉正宗結實硬身，煙靭嚼勁，醬汁黏度恰到好處，充分掛到每條意粉上，實在令人一試難忘。Cereusly, Heroes HK - American IPA這款美式 IPA 手工啤酒色澤金黃豐富，味道乾身豐富。經店員介紹下，原有西柚、芒果、熱帶果香外，釀酒時更加入了 2016 年新品種啤酒花 Loral 及 Ekuanot，令草香與花香混合交溶，鮮甜幽香。酒精濃度更高達6.2% ，整體而言，環境寬敞舒適開揚，食物味道出眾。下次定約好姊妹下午時份 Happy Hour，聊聊天喝

Flames坐落於觀塘海濱匯，呢到既環境有點讓人處身於歐美的感覺，開揚市景再配搭大草坪，景色宜人，幾適合上班族放工後過黎飲下野chill下🤣依家午餐外賣有9折，有獨特、美味多汁既招牌葡式香辣雞、葡式香辣雞漢堡包、炸魚薯條、雞肉煙肉芝士薯批等，都幾抵食👍🏻.香草蕃茄汁燴牛面肉扁意粉 $75番茄醬濃郁，非常掛汁，味道酸酸甜甜😋十分開胃，牛面肉肉質滑嫩細緻，沒有粗硬的纖維，唔會覺得好肥膩，食落好軟腍入味，扁意粉煮得幾好，有彈力唔會過腍，整體味道唔錯

Flames主打比較少見既澳洲菜，招牌菜就係葡式香辣燒雞，燒雞可以原隻、半隻和1/4隻賣，用香料醃足24小時，非常入味🤤餐廳裝修同環境都幾靚，以白色為主調，設有半開放式廚房，露天座位對出就係草地平台，而景觀就對住海濱長廊，相當開揚👍🏻－－－－－－1. 青檸鮮蝦墨魚汁芝士扁意粉 $80 6.5/10扁意粉炒得幾香，每條都掛滿濃濃既墨魚汁，加左少少青檸可以帶來清新感😋不過芝士味唔突出，同埋欖欖油落得有點多，碟底可以見到好多油份，蝦仁大大隻，炒後仍然爽脆

呢間喺觀塘牛頭角中間既西餐🤤 交通唔算方便但環境唔錯(๑˃̵ᴗ˂̵)و 餐廳半戶外開放式出面係一片草地仲可以望到MegaBox😆💕Eatigo都可以 book到架🤫Set lunch with drink————————————————🥩10oz rib eye steak & fries $158🍟牛扒大大份 medium rare生熟控制得唔錯👍🏻 幾有牛味唔會好韌(⁎⁍̴̛ᴗ⁍̴̛⁎) 最正係個薯條！係粗薯條仲要連薯皮🤤 唔使錢咁俾咁多 又有紅椒粉同雞味鹽調味😘 下次可以試吓佢哋嘅燒雞🐓😛

觀塘有新既大型商廈落成,入面有大大少少出好名既餐廳,而Flames唔係連鎖式既餐廳!我就一於去試下~.1️⃣ Surf n truf $258當中包括10oz 肉眼扒🥩king prawns🍤同薯條🍟 份量都好大下,亦幾抵食.大蝦燒得好香而且蝦肉新鮮. 肉眼扒唔算好腍,不過肉質的確唔錯.而薯條係超多!重要厚厚一條,真係好滿足.2️⃣ Beef Ragu Linguine $138牛面肉意粉🍝一上台就好香!個蕃茄汁同牛面肉好match.至於個肉,份量都好足,$138既意粉來講好少會有咁多肉係上面. 牛面肉炆得好嫩好嫩,個肉真係做得好出色..呢到仲有好多款draft beer, 亦係觀塘區happy hour既好地方🍻.@fatpet_natalie