Flames (海濱匯)

營業中

休息中

觀塘有新既大型商廈落成,入面有大大少少出好名既餐廳,而Flames唔係連鎖式既餐廳!我就一於去試下~.1️⃣ Surf n truf $258當中包括10oz 肉眼扒🥩king prawns🍤同薯條🍟 份量都好大下,亦幾抵食.大蝦燒得好香而且蝦肉新鮮. 肉眼扒唔算好腍,不過肉質的確唔錯.而薯條係超多!重要厚厚一條,真係好滿足.2️⃣ Beef Ragu Linguine $138牛面肉意粉🍝一上台就好香!個蕃茄汁同牛面肉好match.至於個肉,份量都好足,$138既意粉來講好少會有咁多肉係上面. 牛面肉炆得好嫩好嫩,個肉真係做得好出色..呢到仲有好多款draft beer, 亦係觀塘區happy hour既好地方🍻.@fatpet_natalie

約左朋友行Mega Box跟住去左海旁果邊散步行到餓餓地開openrice搵野食見附近有間餐廳幾特別咁我地上來望下原來呢度有好多餐廳最後來左呢間環境感覺唔錯天氣好熱叫番d凍飲消下暑先Banana Hawaiian $78用左新鮮香蕉肉去整呢杯特飲好冰涼又唔太甜好啱我飲Pineapple Juice朋友叫咗菠蘿汁飲落酸算甜甜好開胃Foie gras Tarts $88見鵝肝蛋撻幾特別叫來試下整體感覺唔錯鵝肝醬好creamy好香唯一要挑剔係個醬多左少少因爲食食下就覺得有d漏如果伴碟加啲生果就更加好啦Crab Meat Pasta $158蟹肉意粉個汁好正口感又香又滑🤤蟹肉份量好多好足料啖啖蟹肉呢度環境好正穿過餐廳行出去有一片草地對住藍天白雲感覺好chill同relax約朋友來呢度食野傾下計食下野感覺真係一流

今日想同女友去下觀塘海濱個邊行下碼頭hea下，事前搵左呢間Flames食個tea。餐廳位於海濱匯一樓，係牛頭角站行過去都係6-8分鐘，都算方便！呢間餐廳防疫意識好好，會係門口set個細station放左酒精搓手液同體溫計！侍應安排我地坐近草地，當日天氣雖然有d熱，但餐廳冷氣好夠，一路望住靚景，背脊一路有冷氣吹送，好舒適！女友叫嘅凍Cappucino，飲左少少先記得影，奶泡打得好好，又香又甜，冷都好夠，唔會唔夠凍變左奶水！燒肉眼牛扒配大蝦薯條叫左5成熟，廚師都做到我要求。一上檯就聞到好勁嘅牛油味。肉味好重，多汁、嫩滑！大蝦都有兩隻，好細心，幫你開埋邊，只要用刀叉就食到唔洗用手，大蝦烤到好香口，外表睇落有少少乾，都算爽甜！薯條正常野，一定好食過麥記！香辣炸雞呢個炸雞有驚喜，佢上個層炸粉好薄，有d似台式鹽穌雞嘅感覺！入口好香脆，而入面嘅雞肉仲係嫩滑多汁！點埋個汁仲惹味，應該係士拉叉醬，辣度好微！整體呢餐幾滿意，價錢都唔貴，質素都好好，食完又可以去碼頭行下吹下風！好捨意！

話說我同女朋友因為疫情關係都好少出街食飯了。難得今天心血來潮, 突然想出街吃飯。於是我們便到了比較少踏足之地 - 牛頭角!周圍覓食的過程無意中發現了Flames!!我看見餐廳擠滿了人, 而且價錢合理, 環境優美, 於是我們不多考慮, 直接進入了餐廳!!果然, 餐廳沒有令我們失望!今次我們兩人點了下面的食物1.Nachos - $98 , 坦白而言, 沒有十分出色, 但勝在份量足夠2. Fish & Chips -$188 , 非常好味, 令我想起在英國的日子3. Crab meat pasta - $158, 意想不到地用的是新鮮蟹肉, 而且份量也很多, 味道也很好4. 兩杯cocktail, 分別是Lychee lover 和Mojito, 為這天劃上完美的句號整體而言, 這間餐廳很適合下班後去chill一下的朋友們 

兩人在附近開完會，搵個地方醫下肚，呢度環境唔錯，內外都環境優雅，外望正對九龍灣Mega Box很開揚。 香草白酒煮青口 配黑松露薯條(HKD198) 青口大大隻。 配上白酒香草煮成汁。 味道調教得好適宜。 仲另配上黑松露薯條，薯條香脆熱辣辣，確是頂呱呱，必食之選。 燒大蝦配香草番茄汁扁意粉(HKD158) 開邊大蝦夠大隻又爽口，醬汁調教味道剛好酸甜適中，扁意粉跟大蝦一齊食，稱心滿意，Yummy Yummy! 順帶一提服務員服務態度很好，用餐前後頻頻加水換碟， 真要比個Like佢哋。

放工係觀塘工廈睇衫，最尾都係乜都冇睇中，失望而回，唯有食餐好既補償下自己，我打開OpenRice app，揾間近近地又評分唔錯既，最後揀左間叫Flame既西餐廳。我地大約8點去到，餐廳係棟商廈既一樓，算係開放式餐廳，座位唔多，但客人就好多，我地又冇訂枱，所以都等左一陣先有位入，好彩都唔太耐。我地叫左葡式燒雞漢堡配薯條、蟹肉香草忌廉蕃茄汁扁意粉、一杯港產手工啤Love Craft 、一杯cocktail Mojito 。因為人多食物都要等一陣先到，但一到枱就比個雞肉漢堡個份量驚嚇到😂 比想像中大，好彩冇叫小食，如果唔係一定食唔哂。雞肉漢堡有兩塊雞排，香味同雞味都十足，唯二美中不足係塊雞有啲乾，同埋啲醬汁唔夠多，薯條夠粗夠大條，唔錯。而相比起雞排漢堡，我更傾情於蟹肉香草忌廉蕃茄汁扁意粉，呢個就調返轉，份量唔大，但食物質素有驚喜，意粉唔會太軟太硬，每條意粉都沾有蟹肉，個汁又鮮甜，比想像中有驚喜，推介。最後港產手工啤Love Craft 同Mojito ，手工啤本身唔係我杯茶，呢杯雖然唔係例外，但還好，可一試，Mojito就中規中矩，酒既比例適中既，都唔錯。

原本係想食隔離個間,但係因為無下午茶,所以轉食左呢間,環境都唔錯.....上網睇呢間,最出名係燒雞,1/4 燒雞拼薯條 加埋野飲,連加一$77蚊首先個薯條真係唔錯的,好好食, 燒雞個皮都燒到脆卜卜的,但係點解D肉可以無味,鞋的!可能真係咁唔好彩都比我食到燒到干晒....,薯條補救

三個衰婆食大餐用eatigo搵觀塘餐廳，搵到間50% off的高質西餐，仲要勁近其中一個朋友公司，我們搵得岩！❤️環境好舒服，happy hour可以企起外面，係熱熱地，但可以抬頭望月亮，享受自然風是舒服的！.雞肉沙律 😋😋😋😋新鮮沙律菜，撥走啲芝士粉🤣，我就可以食。半隻香辣燒雞配黑松露薯條 😋😋薯條好食，加十幾蚊轉黑松露，但真心不值得，只係啲黑松露粉，無咩黑松露味，燒雞過老，本身雞不是辣，只是個醬帶出雞味，友人在鰂魚涌食是好食，今次觀塘就麻麻地啦！ 炸魚薯條 😋😋😋炸魚好大舊有成四件，份量驚喜，但魚質好鬆散，幸好味道還好，可試。大蝦扁意粉 😋😋😋😋好味！四樣食物中最喜歡這個！夠醬汁味道好。食最多是它！

Flames在海濱滙,Flames由牛頭角地鐵站行過去約10分鐘。今日和友人來這邊輕鬆一下。因疫情關係, 餐廳防疫措施做到足, 餐廳門口放了搓手液供客人使用。店員又為客人量度體溫。Menu 香草白酒煮青口配黑松露薯條香草白酒煮青口配黑松露薯條端上枱時, 十分吸引。雖然只叫了半KG, 但份量一點也不少。青口肉質豐滿。淡淡的香草和白酒味,令青口更鮮甜。不得不提旁邊的黑松露薯條, 薯條的黑松露香, 令我這個黑松露FANS最愛。薯條炸得恰到好處。香煎魚柳配燒蔬菜。魚柳份量十足。煎得剛剛好, 不油膩。魚柳上面配上黑松露蘑菇忌廉汁,尤其美味。

已經唔係第一次嚟呢間餐廳，呢間餐廳交通唔算方便，即使係牛頭角地鐵站行去都要15至20分鐘，但冇咗我去呢間餐廳嘅決心，因為啲食物真係特別得來又好食兩杯好靚嘅菠蘿汁，味道正常，唔會太甜，解渴又開胃蘑菇湯有一粒粒蘑菇口感，好creamy,不過修量如果再多啲會更好，隻碟比較淺蕃茄蟹肉意粉係翻兜之選，出邊嘅蟹肉通常配白汁意粉，呢度滿滿蟹肉，加埋酸甜番茄，係好夾味架，而且唔會漏，份量好大份，兩個人share岩岩好上次叫咗蟹肉墨西哥片，今次試吓肉醬墨西哥片，滿滿嘅墨西哥風味，有少少孜然味，又有少少酸瓜味，加埋辣椒仔嘅味道，熱辣辣脆卜卜好正，份量好大，我地兩個盡哂力都食唔哂忌廉薯仔雞肉批絕對係我嚟呢間餐廳嘅最大動力，因為好少地方有得食，超滿足，忌廉煙肉蘑菇洋蔥蘆筍加埋真係香到不得了，薯仔同忌廉非常夾，蘆筍令到成個菜式冇咁漏，美中不足係略嫌鹹咗少少，應該係落鹽重手左啲黎個大合照，睇番都想食番。賣單548蚊，絕對係三人份量，不過貪心樣樣都想試就叫多咗，絕對會再嚟

今日出觀塘牛頭角工廠區網購店取貨，再次到訪海濱匯，這商業大廈內這幾層設有不同類型的餐廳。逛逛看看，發現《Flame》這半户外開放式餐廳，出面是一片綠油油的草地，十分吸引，二話不說就這店吧。店內大部分座位景觀可以遠眺Megabox， 感覺非常舒適，可以悠閒地嘆個下午茶。店員友善招待，食物種類選擇都算多，炸雞、炸魚、薯條、沙律、湯、漢堡包、薄餅、意粉、甜品等等。香辣炸雞FFC~基本上不算辣，香脆外皮，熱辣辣炸起，勁邪惡勁惹味。黑松露薯條 Truffle Fries~黑松露碎灑上又粗又大薯條上，喜歡的話可以沾茄汁。有別於其他餐廳食到嘅黑松露醬薯條。蟹肉香草忌廉蕃茄汁扁意粉Crab meat linguine~這個蕃茄忌廉汁加入洋蔥、蒜蓉......配合蟹肉，味道新鮮，越食越開胃。紅莓汁Cranberry juice~意大利泡沫咖啡 Cappuccino~店內環境確實好舒適，坐多陣感受下寧靜的生活節奏。

今天提早收工，跟同事happy hour一下，順便食過early dinner 🥘 來到官塘海濱公園對面的海濱匯，上一層電梯就到達純白色裝修的 Flame 🔥。餐廳是半open設計，食飽飲醉可到草地吹吹風，景色優美。主打西式fusion菜式，wine list選擇亦不少，收工同朋友chill一chill啱晒而食物嘅質素亦相當有水準，大蝦安格斯肉眼扒非常出色，牛扒按足要求煎到剛好medium well，薯條是原個切成去炸，製作用心手調飲品賣相吸精👀味道亦不錯美食、怡人景色、良好服務態度，下次一定要再嚟！

趁颱風走左, 星期日下午帶左BB去觀塘海濱長廊走走, 玩左一陣要搵地方食野休息下。好彩早有準備, 一早已經上Openrice搵左Flames, 最好係星期日都有開, 而且地方好易搵。Flames係海濱匯一樓, 一上電梯直行就到。餐廳以開放形式, 仲有一片草地可以比小朋友玩,甚至影相打咭都係一流。之前打電話去問餐廳有無BB椅, 有驚喜係BB椅好靚。而且更有提供兒童餐具。真係適合一家大細黎食野。入餐廳前要量一量體溫, 及使用搓手液。坐位亦有隔開。職員好NICE, 仲不停撩BB玩, 氹到BB不停笑。我地坐位近室外, 有段時間太陽好曬, 職員也提議我搬去室內坐, 好貼心。餐牌主打西式, 除左主菜, 小食外, 連飲品選擇都好多。加上位於商業大廈內, 方便放工去食飯飲野。我地最後ORDER左 :-        是日餐湯 : 蘑菇湯 $38-         沙律菜 $38-         燒肉眼牛扒配大蝦薯條 $258-         飲品 : Berry Licious  $78蘑菇湯咬到一粒粒的蘑菇粒, 湯好CREAMY, 易入口沙律菜十分開胃清新, 仲有我中意的火箭菜, 帶有醋味的沙律

本來今天應該在外地旅行，可惜因為疫情無奈取消，所以我和男朋友決定今晚外出好好享受一頓晚餐。進入商廈前已有體溫探測機，而入餐廳前職員亦有幫顧客量體溫，門口亦有提供搓手液消毒。餐廳空間不算很大，但每張餐枱之間也有高於成人的易拉架相隔，令我食得更放心！雖然疫情穩定了一點，但始終用餐時大家都脫下口罩，餐廳有這樣的安排令人吃得安心。我們點了燒肉眼牛扒配大蝦薯條，點餐時職員有問想要配薯條還是烤雜菜，男友這隻魔鬼點了薯條，果然不負眾望，除了份量多，還要是熱辣辣的粗薯條！牛扒份量亦不輸蝕，切開仍呈嫩紅色，但不會血淋淋，吃下去牛味重，正！大蝦有兩隻，燒起外皮略脆，啖啖蝦肉吃下很滿足！另外點了燒大蝦配香草蕃茄汁扁意粉，職員非常細心，點餐時提醒兩款菜式都有大蝦，可嘗試其他，但由於我們都想試試不同口味，所以最後都選了這個扁意粉。不論意粉還是大蝦都充滿蕃茄醬汁味道，而且扁意粉夠彈牙，配上蕃茄汁的大蝦更見滋味！餐廳門外有個草地花園，希望疫情過後能夠跟朋友再來聚餐。

預先booking有折(open rice有 6 折+asia mile; 另一app有5 折)依排無機票換，唔需要asia mile, 所以用左另一個app book4 個人，食左6樣野，共$489環境好chill, 不過唔近MTR,牛頭角站行去要15min服務好好，會留意你幾時要加水，會換碟1) chicken caesar salad $59(5折後)2) crab meat pasta $79(5折後), 好食好好味3) pan fried fish fillet $94(5折後)4) chicken margherita pizza $78(小食無折), 好脆，好吃，不過份量少，只有4 小件5) chicken salt fries $38 (小食無折), 夠脆，但只系普通薯條，無食評講的咁好食。 下次試黑松露好過6) Beef Ragu pasta $69 (5折後), 同crab pasta一樣系番茄味，不過都好食，牛面好稔